Marrying My Professor

•MMP 11•

Dumaan ang linggo at araw ay naging maayos na ang kalagayan ni Nanay. Pinayagan na din sya ng doktor na makalabas. Wala kaming binayaran ni isang kusing dahil si Apollo ang nagbayad ng lahat ng gastusin. Ang alam ni nanay ay ginamit ko ang kaunting naipon namin at humingi ako ng tulong mula sa PCSO. Wala syang alam tungkol sa ginawang pagbayad ni Apollo sa operasyon nya. Ang tanging alam nya lang ay ang paghire ni Apollo ng nurse na magbabantay sa kanya.

Tinago ko naman mabuti ang kontratang binigay sa akin ni Apollo. Mahirap na at baka makita iyon ni Nanay. Baka tuluyan syang atakhin kapag nalaman nya ang totoong relasyon namin ni Apollo sa isa't isa. Ang alam nya lang ay magnobyo kami. Pinanindigan na namin ni Apollo ang ganoong relasyon sa harap ni Nanay.

Naging abala naman ako sa pag-aaral ko. I quit my part time jobs para matutukan ang pag-aaral ko at pag-aalaga kay Nanay. Kapag walang pasok ay paminsan-minsan ay pumupunta ako sa bahay nila Sir Apollo upang dalawin si Red. Hindi man ako professional therapist, at least matulungan ko man lang ito. Parang may kung anong bumubulong sa akin na tulungan ito. Hindi dahil naaawa ako kay Sir Apollo, kundi nakikita ko ang sarili ko kay Red.

Patuloy pa din ang pagpuna sa akin ni Majho kung bakit daw parang bumait na sa akin si Sir Apollo. Hindi na kasi ako nito sinisigawan kapag nagkakamali ako o di kaya hindi nakakasagot. Sa halip ay tinuturuan pa ako nito. Sinasabi ko na lang na baka nagbago ang ihip ng hangin. Kinakain tuloy ako ng konsensya ko dahil dalawang tao na ang pinagsisinungalingan ko. Ang Nanay at bestfriend ko.

"Alam mo Nazli, hanggang ngayon hindi ako makapaniwala na hindi ka na binubulyawan ni Sir Apollo. Ang weird."
Wika ni Majho sa akin habang kumakain kami ng kwek kwek sa cafeteria. Breaktime kasi noon at nakaugalian na naming kumain ng kwek kwek kapag walang klase o di kaya kapag tumatakas kami. Matagal na din naming hindi iyon nagagawa dahil nga busy na kami. Sa susunod na buwan ay magmamartsa na kami.

"Baka nahipan ng mabuting hangin?"
Pagsasakay ko sa kanya. Habang kumakain kami ay biglang tumunog ang cellphone ko. Tiningan ko iyon. Apollo texted me.

"Sino yan?"
Bago pa makita ni Majho ang screen ng cellphone ko ay nailayo ko na iyon.

"Aba aba. Nagtatago ka na Nazli ah. Sino yan?"
Pag-uusisa ni Majho.

"Wala."

"Anong wala. Patingin ako."
Tumayo si Majho upang kunin ang cellphone ko. Naalarma naman ako. Kinuha ko ang gamit ko at tumakbo palayo kay Majho.

"Mamaya na lang Majho! Tatawagan kita!"

"Hoy Nazli! Saan ka pupunta?!"

"Basta! See yah!"

Tuluyan na ako nakalayo kay Majho. Tumigil ako sa pagtakbo. Hinihingal akong napaupo. Feeling ko sasabog ang puso ko sa sobrang kaba. Buti na lang hindi nakuha ni Majho ang cellphone ko. Kinuha ko iyon at binuksan ang text ni Sir Apollo.

*Come to my office now. I have something important to talk to you.*

"Ano naman kaya iyon?"
Tanong ko sa sarili ko. Pinasok ko ang cellphone ko sa bulsa ng bag ko at pumunta sa opisina ni Sir Apollo.

Katulad ng nakasanayan ay kumatok muna ako bago ako pumasok. I heard him saying 'come in'. Pinihit ko ang doorknob at pumasok. He was standing against the table.

"Lock the door."
Utos nya, sinunod ko naman iyon. Lumapit ako sa kanya.

"Anong problema?"

"Do you have passport?"
Tanong ni Sir Apollo sa akin.

"Ha? Bakit mo tinatanong?"

"We need to fly to Vegas next week."

"Eh? Bakit? Para saan?"