الفصل السادس
الفصل السادس
وفيه: اصباح الخير ي بنته تعالو جهزو الفطور وانى عشج على الطير
شهد: حاضر بس بوي وينه راح الغيط إياك
وفيه: عاود وهو فى المندرة جاعد لحاله
شهد: واااا خير أنى عروح حداه ونظرت لأختها جهزى الفطور وأنى جايا طوالي
ياسمين: عتروحي لابوي ولا عتهربي من تجهيز الفطور
شهد: وااااا انتى عتملي إيه غير صحن فول وتجلي طعميه إياك عتطبخي هملينى اروح لبوي اوعاكى تعوجي الفطور وهمى
شهد: خرجت وذهبت لأبيها وخبطت على الباب فأذن لها بالدخول
عيد الزياد: تعالى ي بتى اصباح الخير ...
شهد: اصباح الخير والهنا ونظرت لأبيها مالك ي بوي حزنان أكده فى أيتها حاجه فى الغيط مكدراك
عيدالزياد: نظر لابنته تعالى اهنه جاري وجوليلي الحجيجه أنى طليت على الزرعه وحسيتها احسن من الأول ودخلت ومسكت الدوا إلي رشينا مش ده الي شيعهولي الدكتور خبرينى ي بتى
شهد: أنى خفت اجولك إن الدوا الي شيعوة الدكتور كان بيمرض الزرعه ويضعفها شكل الدكتور معندوشي ضمير وبينه أكده متفج مع إبن الشهاوى عشانو يجدرو ياخدو الأرض منيك
عيد الزياد: وأنى معسكتشي واصل كيف دكتور ومعندوش ضمير كيف ده معيخافش من ربنا لا اله إلا الله الدنيا معدتشي بخير واصل
شهد: بوي عاوزه اتحدتو معاك واوعى لحديتى زين أنى مش رايداك تروح للدكتور وتتحدتو معاه بكده إبن الشهاوى عيعرف إن الزرعه بجت عفيه وممكن يعمل أيتها حاجه تانى عشان يعجزك ومتجدرشي تسد دينك
عيد الزياد: عوزانى اسكت عن الحج أنى معخفشي واصل وإلي ربنا عاوزة يكون
شهد: بالله عليك ي بوي متخرب. الي عملته ويا يس استنى هبابا لما تسد ما عليك ابجى هات حجك كلياته بس دلجيت لع همل إبن الشهاوى يفكرو إن تفكيرة وتخطيطه نجحو همله ومعتحطوشي جبالك
عيد الزياد: والله وكبرتى ي بتى العلام بينور كتير ربنا يحميكى ي بتى أنى رافع راسي بيكى وبخواتك اوعاكى فى يوم تحنى راسك لايتها حدا ولا أنتى تحنى راسك لحدا واصل
شهد: أنى شهد عيد الزياد كيف احنى راسي لغير ربنا أني عمري ما احنى راسي لمخلوج واصل ربنا يخليك ي بوي وهم بينا أنى جعت وزمنات ياسمين ولعت فى الوكل
عيدالزياد: ههههههههههههه واااااا هملتيها لحالها جومى طولي عليها ونادو عليا لما تجهزو الفطور
شهد: ربنا يستر ي بوي عروح الحجها وكمانى امى عند الفروج وأنى الحج ياسمين جبل امى ما ترجع من عند الطير وتغفلجها علينا
عيد الزياد،: همى ي بتى وأنى جاعد برة البيت شيعولي لما تخلصو الفطور
شهد: واسرعت لأختها واااا خلصتى الفطور والله براوة عليكى
ياسمين: ومالك عتتحدتى وكان كلب بيجرى وراكي خدى نفسك
شهد: جيت جري اصلي اتوحشتك جوى
ياسمين: مالك انتى عيانه إياك اجبلك تشربي ولا تاكلي الأول
شهد: لع أنى جعانه نادي على ابوكى برة الدوار وأنا عنادى على امى همي
الأم وفيه: لياسمين رايحه فين ي بتى
ياسمين: عجيب ابويا أنى جهزت الفطور هو جاعد برات البيت
وفيه: طيب همي ونظرت لشهد مالك ي بتى عتلفي طرحتك رايحه وين
شهد: عروح ويا بوي للغيط عطول على الزرعه وكمانى عاوزة اعرفو الزرعه كلياتها بجت عفيه ولا في منها مرضان
وفيه: همي نفطرو وعنروح كلياتنا امالي هنيه فينها ...
شهد: بتصلي وعتاجى طوالى بس عنهملوها لحالها فى الدوار
وفيه: ياسمين وياها يجعدو ويا بعض
شهد: ياسمين عتروح ويانا أنى عتصل بحسان واخد منيه الإذن يهملها تروح ويانا وامسكت بهاتفها وتحدثت ويا ابن عمها واستاذنت منه
حسان: وماله خليها تفك رجلها وأنى عاجى اجعد وياكم كمانى ساعه
شهد: وماله مع السلامه وأغلقت الهاتف
عيدالزياد: يلا اجعدو عوجت عاوز اروح الغيط وفينها بت عمكم
هنيه: أنى جيت اها وجلسو جميعهم وبدأوا ياكلون الفطار
**************
فاطمه: اصباح الخير عليكم ....
سامر وايناس: اصباح الخير ي امي ....
عاصم: اصباح الخير عامله إيه دلجيت إذا لساتك تعبانه نروحو لدكتور المركز
فاطمه: لع أنى مليحه جوي وسألت سامر خوك وينه ي ولدي
سامر: بينه نعسان مخبرش أنى عطلع اشج عليه وانزل وياه صعد سامر لأخيه وطرق على الباب ولم يأتيه أى أجابه فدخل ونظر من حوله فالغرفه كما هي .......
فاطمه: للخدم همو بالفطور عوجتم أكده ليه
الخدم: كل حاجه جاهزة عنحطوها طوالي ي ست هانم
فاطمه: همو ورايا البيه الكبير اهنه ......
سامر: وااااا راح وين ده معجول معاودتشي من عشيا وخرج من غرفه متجه للخارج ونادي على الغفير وسأله جاسر بيه عاود من عشيا
الغفير: لع جنابك لساته برة
سامر: كيف ده ونام فين ده .....؟ بجولك ايه اوعاك امى ولا بوي يعرفو حاجه أيتها حدا يسألك تجولهم طلع وش الصبح وجهزلى الحصان أنى جاي طوالي
إيناس: امى هى مراه عمى عتاجى ميتا هى والبنات
فاطمه: زمناتهم جايين ي بتي ونظرت وينهم خواتك
عاصم: سامر انتى شيعتيه لأخوة ولساته مجاشي
سامر: أنى جيت اها .....
عاصم: خوك فينه منزلش وياك
سامر: لع جاسر شيعوله بكير للغيط وأنى عحصله عفطر وعحصله طوالي
عاصم: أنى كمانى شوي عحصلك اشج على الأرض وأشوف الفلاحين
سامر: بقلق ظاهر واستشعره أبيه وماله عستناك ويا جاسر عن اذنكم
فاطمه: وااااا افطور يا ولدى
سامر: لع عفطر ويا خوي فى الغيط شيعيلنا الفطور مع أيتها غفير وهما واقفا للخروج مع السلامه
عاصم: مع السلامه ..ولنفسه خير ي رب ربنا يجيب العواجب سليمه
إيناس: أنى طالعه فى الجنينه اجعد
فاطمه: افطري ي بتى مال وكلتك ضعيفه أكده
إيناس: لع أنى شبعت جوي بجولكم أخد الشاي ونشربه فى الجنينه
عاصم: وماله ي بتي خديه وأنى وأمك عنحصلك
**************
شهد: لأبيها إحنا خلصنا ي بوى هم بينا على الغيط
عيد الزياد: همو بينا وخرجو جميعهم للأرض
سامر: وصل إلى الأرض ونظر حوله ونادي على الغفير وسأله جاسر وينه .....
الغفير: مخبرشي جه عشيا وجعد هبابا وربط الفرسه اهنه واتمشي ومعاودتشي لدلجيت
سامر: واااا كيف ده وأنت ي غفير الغبرا مهملتش الجعده اهنه ورحت شجيت عليه وشفته وينه
الغفير: مجدرش ي بيه أهمل مكانى والله يغفلجها عليا
سامر: أربط الفرسه اهنه وأنى عطول عليه ربنا يستر بينى طينتها وياه وفتحت عليه جروح كتير جوى وينك ي خوي وبدأ يتمشي يبحث عن أخيه .....
عيد الزياد: تحدث الي زوجته بجولك ي أم أحمد خدى البنته واجعدى اهنه تحت السجرة دى وأنى عشج على الغيط ويا شهد
أم أحمد: عتعوجو اجى وياكم
عيد الزياد: لع إن شاء الله هنعاودو طوالى وذهب مع ابنته للغيط وبدأت شهد تنظر للزرع وللتربه وكانت فى منتهى السعاده ونظرت لأبيها أنى عرش الجهه دى بس عظبط المعيار والجرعه عتبجى جليله عروح المخزن واجى طوالي
عيد الزياد: اجى وياكى
شهد: وااااا ليه المخزن جار الغيط عجيب الرش وأجي طوالي روح حدا امى وأنى عخلص واجى وراك
عيد الزياد: ماشي ي بتى متعوجيش وذهب عيد لزوجته للجلوس معها
شهد: دخلت المخزن واستعجبت لأن قفل الباب كان مفتوح وسألت نفسها هو يس نسي يجفل الباب ولا إيه ونظرت حولها واخذت الدواء وبدأت فى تحضيرة وبعد أن انتهت بدأت تحمل الأنبوب على ضهرها فسمعت صوت غريب وكان حدا يتحدث فوضعت الأنبوب جانبا وامسكت عصا بيدها وبدأت تبحث عن مكان الصوت وما هى إلا ثواني وكادت أن تضرب صاحب الصوت فإذا بيد ممسكه بيدها وكان قبضه حديديه أمسكت بها
جاسر: عتضربينى ي مخبله جنيتى إياك
شهد: جن لما يخربط نفوخك همل يدى
جاسر: وهو ينظر إليها فاقترب منها وتحدث وان مهملتش يدي عتعملي إيه
شهد: وبنظرات كلها تحدي هنعملو أكده وامسكت عصا بالأيدي الاخري وضربته على رأسه فابتعدا بضع خطوات للخلف وتحدثت له اوعاك تلمسنى تانى ي إبن الشهاوى واطلع من اهنه
جاسر: بصوت عالي اااه ي بت ...... ونظر لها بعيون قالصقر أنتى بترفعى عليا العصي جنيتى إياك
شهد: أنت جاي مكانى اهنه وليك عين تتحدت اطلع برة واوعاك تاجى موطرح يخص عيد الزياد عشانى عيحصلك كيف ما حصل دلجيت
جاسر: اقترب منها اكثر وأمسك رقبتها وكادا أن يخنقها بيده. فحاولت شهد أن تبعد يده عنها
جاسر: كيفك دلجيت.... أنى أجدر اطلع بروحك بس عديكى فرصه ....ونظر بعيون كلها تحدي وتحدث يلا اترجينى عشاني اهملك أو عتموتي في يدي
شهد: وهى تحاول أن تبعد يده عنها أنى اترجاك جنيت إياك فتذكرت شئ قد تعلمته فى الجامعه عن كيفيه الدفاع عن نفسها فرفعت رجلها وركلت جاسر بقوة
فصرخ بصوت جهوري وتركها وانحنى فى الأرض من شده الألم
شهد: وهي ممسكه برقبتها والله وجيت تحت رجلي ي إبن الشهاوى ركعت من غير ما اطلب منيك وابتعدت عنه وامسكت الأنبوب وحملته على ظهرها وتحدثت لجاسر اوعاك تدخل مكان معيخصكش واى موطرح أنى فيه اوعاك تاجى يمتى وابجى اجفل الباب وراك وتركته وخرجت لرش الارض ولم تلاحظ من كان يراقب كل شئ وهو سامر أخيه
سامر: مين دي المراءه الحديديه لع دى مش واجفه لجاسر وبس لع دى عتضربه كمانى والله وجت إلي عتردك لعجلك ي جاسر بس أنى لو دخلت عيعرف أنى شفته وعيغفلجها على رأسي وراسها أنى ارجع كيف ما كنت وهو عياجى ورايا ونظر لاخيه ههههههههههههه ضربه فى مجتل يحظك ي بت عيد وذهب لارضهم لينتظر اخيه ...فمشي ووقف أمام حوض المياه ووضع رأسه أسفلها كى يستوعب ما حدث ...
جاسر: والله ي بت عيد لأعلمك الادب أنى حرمه زى دى تعمل ويايا أكده صنعتها إيه البت دى واجفه كيف الرجال وسرح لثانيه وافتكر عينيها وابتسم ....
وفيه: لزوجها هملت البت. لحالها ي أبو أحمد
عيد الزياد: هى مش عتعوج عترجع طوالي بس اعملو شاي.
وفيه: لابنتها ياسمين خدى ي بتى عبي البراد مايا من الحنفيه دي
ياسمين: هاتى وكمانى أنى عطشانه جوي وذهبت إلي الحنفيه ووقفت للحظه وكان سامر واضع رأسه تحت الحنفيه ... فظلت واقفه تنظر إليه وهو على وضعه لايتحرك
ياسمين: أنت ي جدع أنت... أنت جاي تتسبح اهنه بعد هبابه عاوزة املي. البراد وبعديها كمل حميتك
سامر: والتفت للصوت واااااا مالك يا بت انتي حمجانه أكده اهدي ليطوجلك عرج وبعدين اني جاي جبلك يبجي تستنى لما اخلصوو ولا اجولك همي من اهنه دوري على مكان غير ده
ياسمين: أنت مخبول ي جدع أنت بعد عني ادينى سكه ولا تكونشي الحنفيه باسمك وسع
سامر: والله إنك مخبوله عاااد بس جوليلي أنتي من وين ي بت انتي
ياسمين: وأنت مالك اوعاك أكده وزاحت سامر من أمام الحنفيه وملت البراد
سامر: وهى تملئ البراد هههههههههه الله يحظك ي مخبله كنتى عتوجعينى ي مجنونه
ياسمين: جن لما يجنك ي جدع أنت فينهم اهلك طلجينك (سيبينك) علينا أكده لع وكمانى عتتسبح فى الطل ( الشارع) جدام الخلج
سامر: أنى بغسل راسي ي عاميا ....أنتى عتشوفي ولا جايا تطلعي جنانك علي الخلج جاتك الهم
ياسمين: هم لما يغفلجها علي راسك ده بينه نهار معيعديش واصل وابتعدت وذهبت لأمها
سامر: بابتسامه. هو فى جمال أكده لع وعليها لسان كيف السكين الحاميه وذهب إلي أرضه لانتظار أخيه
وفيه: عوجتى ليه ي بتي هاتى البراد
هنيه: خليكى ي مراه عمي اني هعملو الشاي زمنات شهد معاوده
جاسر: بعد أن خف منه الألم خرج من مكانه ونظر من حوله فرأي شهد حامله الأنبوب علي ظهرها كيف الرجال وهى تداوي الأرض
فذهب إلي أرضه فرأي أخيه سامر جالس مع الغفير
سامر: فينك ي خوي أنى دورت عليك كتير فينك أنت جاي من وين ....
جاسر: كنت عتمشي ولساتنى معاود وأنت جاي لاهنه من وش الصبح خير عندك حديت تانى لسه عاوز تجوله
سامر: أنى آسف أنى مش هعاود حدييتى وياك تانى وحجك على راسي امى شيعت الفطور تعالي نفطرو وياك
جاسر: معوزشي اكل افطور أنت ونادي على الغفير اعملي شاي
سامر: واااا عتشرب شاي من غير وكل تعالي افطور الأول أنى جعان ي خوي
جاسر : أنى معوزشي اكل افطور أنت وأنى هبابه وافطور
سامر: أنى عستناك لما تاكل
جاسر: علي كيفك ونظر باتجاه شهد وهى حامله للانبوب على ظهرها وتعمل بكل همه وكأنها كتله من النشاط
جاسر: لنفسه بجي دي بت كيف البنته لع دى بت غير أيتها بت
سامر: نظر لأخيه ودعي لربه بأن يحنن جلبه علي شهد وإلا غضب جاسر زي الطوفان وجادر يمحي شهد من سكته ونادي على أخيه فلم يجيبه جاسر
سامر: واااا هو سرحان وناوي هو وشمهورش يعملو إيه ي ويلك ي شهد .. وبدأ سامر يتحدث مع أخيه مرة أخرى ونادى عليه جااااااسر
جاسر: وااااااا مال حسك عالي أكده أنى جارك اها ولا عتجرب تغنى ...
سامر: لع بس عنادى عليك وأنت سرحان مالك عتطول على إيه ...
جاسر: عطول على بت الزياد البت دى لازم اجيبها واكسرلها خاشمها وراسها إن مخليتها تتلفت كيف المجانين من خوفها مني مبجاشي أنى جاسر
سامر: لنفسه وي وي .....ي ويلك ي شهد أنى خابرة زين معيعديش إلي حوصل ده واصل ..بس أنى مش ههملها لجاسر خوي لانه واعر جوي وهى مش واعيه لاكده
جاسر: ونادي على الغفير أنت ي غفير فينه ده.. ؟
سامر: أنى شيعته يجيب حاجه وجاي طوالي
جاسر: وأنى عتمشي اهناك مش عتاخر
سامر: وااااا عتهملنى لحالي إياك..... والله لامشي وراك بينه يوم مش عيعدى وذهب جاسر باتجاه عيله شهد واقترب منهم اصباح الخير عليكم جميعا
عيد الزياد:بتعجب اصباح الخير ي ولدى خير عاوز حاجه
جاسر: وااااا أنى فى أرضك مش عتجولي اتفضل اشربو شاي ...؟
عيد الزياد: نظر لزوجته وبحركه من رأسه بأن تجلس للوراء فابتعدت للخلف واعاد النظر إلى جاسر اتفضل يا ولدي
جاسر: أنى مشربتش شاي ولا فطرت ممكن اشرب وياكم
وفيه: اتفضل ي ولدي وكمانى دي جراجيش بألف هنا علي جلبك
سامر: السلام عليكم ورحمه الله وبركاته وأنى كمانى رايد شاي
عيد الزياد: بتعجب أكثر اتفضل يا ولدي اجعد لما خالتك أم أحمد تعملو دور تانى للشاي
سامر: شكرا ي عمي الحاج وسأله سامر كيف أرضك اتعافت .....؟
عيد الزياد: ربنا كبير ي ولدى بتي بتعملو إلي عليها وربك كريم
جاسر: هى بتك مش عتشج علي الأرض وترعاها يبجى عتصح أصل العلام مليح
عيد الزياد: وقد استشعر استهزاء جاسر لابنته امعاك حج العلام زين جوي بينور العجل للي رايده واوجات يغفلجها مع ناس تاني اتغرت فى حالها ومش واعيا إن ربنا موجود
سامر: فأحس بأن الجو مشحون بين أخيه وعيد الزياد فتحدث له إلا جولي ي عمي هى ارضك دي عترعاها لحالك ولا إبنك وياك
عيد الزياد: لع لحالي ي ولدي وربنا يخلي بتى لما بتاجى من الجامعه مش بتهملنى لحالي أنى ربيتها كيف الرجال وأنى بعتمد عليها
سامر: ربنا يخليهالك وتفرحو بيها ي عم الحج ووجه كلامه للأم وفيه تسلم يدك ي خالتى الجراجيش طعماتها حلوة جوى
وفيه: بألف هنا على جلبك ي ولدي ونظرت لزوجها البنته عوجو ي أبو أحمد أنت شيعتهم لوين
عيد الزياد: زمناتهم معاودين انى حدت يس يروح يجيبهم لاهنه عشانى ميعودوشي لحالهم ....اها جم اهناك
يس: السلام عليكم ورحمه الله وبركاته عليكم جميعاً
فرد عليه الجميع وعليكم السلام ورحمه الله وبركاته
يس: امالي شهد فينها مجاتشي لدلجيت إياك
وكمانى حسان وينه جالي أنه اهنه حداكم جاسر: بتعجب لسؤاله علي شهد ..
عيد: لع شهد لساتها فى الغيط وحسان مجاشي زمناته جاي...
سامر: نظر ولنفسه واااااا مين ...؟ المخبله ودى كمانى بت الزياد ولا ايه هو عيربيهم كيف دولي واحده كيف المرءه الحديديه والتانيه لسانها كيف المبرد...! ي ويلنا منيكم .....
ياسمين: نظرت فرات سامر جالس مع أبيها فمدت يدها لأبيها اتفضل ي بوي الطلبه أهي وجلست بجوار أمها وهى تنظر لسامر ومتعجبه لوجوده
هنيه: هى شهد مجاتشي لسه بينها عوجت ..
عيد : لع زمناتها جايا روحو حداها وادوها الطلبه دي وعاودو وياها ...فذهبت الفتاتان لشهد
جاسر: أنى جاي ادعيك على فرح بت عمي الحنه بكرة والفرح اليوم إلي بعديه أتمنى تاجي وتشرفنا
سامر: وكاد أن يختنق وهو يشرب الشاي كح كح كح
عيد الزياد: وخبط على ظهره خد نفسك ي ولدي
وفيه: علي مهلك ي ضنايا خد نفسك ي ولدي
جاسر: وهو ثابت علي حاله بينه عياكل فى آخر زاده علي مهلك عاد
سامر: لنفسه بينها ليله غابرة عليكى ي شهد .....؟؟؟
أنت تقرأ
شهد الصعيد
Mystery / Thrillerهل للفتاه الصعيديه أن تواجه الصعاب وهل تقدر علي المواجهة والتحدي لإنسان لا يعرف قلبه إلا الامتلاك
