شهد الصعيد

الفصل العاشر

الفصل العاشر

الفصل العاشر
عاصم: بيكفي حديد لاهنه عااااد واطلع ي سامر  فوج لاوضتك  ونظر لجاسر وأنت تعالي ويايا على المكتب رايد اتحدت وياك ...
سامر: حاضر أنى عطلع اوضتي عن اذنكم وصعد إلي غرفته تحت أنظار أمه 
عاصم: وأنت ي جاسر تعالي وراي على المكتب رايد اتحدت وياك
فاطمه: لزوجها  أنى عطلع اوضتي معوزشي مني أيتها حاجه عغير
عاصم: لع بس اوعاكي تهملي علاجك
فاطمه: عاخده اول م أطلع عن اذنكم وصعدت الي غرفه ابنتها إيناس وفتحت عليها الباب فراتها نائمه فاقتربت منها وجلست بجوارها على سريرها وبدأت تداعب خصلات شعرها
إيناس: وبدأت تفيق من نومها  أمي مالك عتاجي تنامي جاري إياك وعتهملي بوي لوحده
فاطمه: لع بوكي ويا خوكي جاسر وأنى رايده منيكى حاجه بس اوعاكي تجولي أمي حكيت ليا أيتها حاجه
إيناس: فاعتدلت من نومها وجلست بجوار أمها خير ي أمي في إيه
فاطمه: خوكي سامر متكدر وحزنان وأنتى جريبه منيه خشي واتحدتي وياه عاوزة اسمع ضحكته ي بتي
إيناس: وااااا هو مين كدرة عشان أعرف اتضحك معاه كيف ولا ادخله من اهنه يغفلجها علي راسي
فاطمه: متكدر من خوة جاسر همي بجي وبطلي حديد مالوش عازا واصل
إيناس: ي ويلي جاسر إلي مكدرة والله ما حدا يجدر يضحك خوي غيرك هو معيستحملش زعلك واصل ادخلي حداه وأنا اغسل وشي وعحصلك
فاطمه : أنتي شايفه أكده يعنى احدته أني
إيناس: أيوة أدخلي واتحدتى وياه وأني عاجي بعديكى فهمت الام فاطمه للدخول لغرفه أبنها سامر
عاصم: جلس على كرسي مكتبه ونظر لابنه جولي كيف عتضرب خيك الي بجي طولك ومن ميتا وانت عتمد يدك على خوك أني فوتلك السرايا والأرض تباشرها وترعاها وأنت بخاشمك جولت هملني لحالى عكبر الأرض وازود محصولها وسيبتلك مكانتى وسط الخلج وسافرت أشوف الشركه وعمري ما مديت يدي عليك ولا علي خوك جوم تاجي وعتضربه وعشاني إيه فهمني عشانى بيساعد الناس ولا  في أيتها سبب تاني أنى مش خابرة انطج وحدتتني
جاسر: ولدك عيجف مع الخلج ويساعد الناس دي أنى رايد أرضهم لأنها وسط أرضنا كيف يهمل ارضنا وعيشتغل حداهم وكمانى داير ورا بت عيد الزياد وهي عتناطح فيا وعتتحداني
عاصم: وعتناطح اجبالك( قدامك)  ليه ولا عشانى عتراعي غيط بوها يبجي عتناطح اجبالك ولا عاوز الخلج يهابوك ويعملو كيف ما أنت رايد من غير حج كل واحد من الفلاحين اهنه عنده أرضه كيف عرضه يخاف عليها كيف بته وممكن يعمل أيتها حاجه عشاني يحافظ عليها مين أنت عشاني تكسر رجاله وتاخد أرضهم وعتظلم الخلج وعتربي عداوه وياهم ليه ....ليه متكونش جاسر إلي خابرة زين الي جلبه كيف الماس ويحب الخير للكل
جاسر: أنى معتغيرش واصل ليه عتتحدتو كلياتكم وعتجولو أنى اتغيرت ....؟
عاصم: عشاني أنى ربيتك وربيت خواتك على جول الحج ربيتكم أنكم معتمشوش فى طريج الظلم وحذرتكم اوعاكم والظلم ي ولدى لا تظلم ولا تتظلم لكن إلي واعيله إنك طريجك الي بديته اهنه بديته بظلمك لحالك جبل ظلمك للناس أني معوزشي حج مش ليا ولارايده إحنا ولله الحمد امورنا زينه جوي أني عاوزك تهمل جاسر ده وترجعلي جاسر ولدي الي عيحب الخلج ويهم ويساعدهم من كبر ولا تعالي
جاسر: حضرتك شايف ولدك ظالم ي بوي أنى ظلمت مين عاد الحج متولي وكان مديون وأنى سديت دينه وكتبته مكتوب برهن الأرض واديته مهله وهو مسدش إلي عليه وأنى بكده الأرض بجت ليا وكمانى أبو رجب سديت دينه ولو الزرعه دى معيسدش بيها دينه أني عسحب الأرض فين بجي الظلم ده
عاصم: وعيد الزياد كمانى كتبته مكتوب ولا أنت عتكتب كل الي أرضهم يمتنا
جاسر: عيد الزياد ده أنى مجيتش حداه هو إلي راح اتحمل دين أبو رجب عشاني ميطلعوشي من دوارهم أنى بجي ذنبي إيه ي بوي
عاصم: ذنبك كبير ي ولدي كنت عتطلع الخلج من دوارهم  عشان إيه أنت بكده عتصغر حالك الناس اهنه عتحب بعضها وعيجفو ويا بعض. وميهملوش حدا محتاج واصل كيف ما عمل عيد الزياد أتصرف كيف الرجال الي عنديه نخوه واتحمل دين عشاني جارة ميترميش فى الشارع لع ومين السبب ولدي كبير البلد الي المفروض يكون هو مكان عيد الزياد ويحل أمور الخلج
جاسر: أني سديت دينه وهو معيسدش أنى كنت هعملو إيه وياهم ي بوي
عاصم: نظر له وامعن النظر إلا جولي مين بت عيد دى الي خوك كان وياها
جاسر: دي بت فى الجامعه مع بتك إيناس وشايفه حالها وعتجف ترش أرض بوها وجال إيه عتعالجها وهى عتخفلجها عليهم بالدوا إلي عترشه ده
عاصم: تجصد الدوا الي أنت والدكتور اتفجتو انكم تمرضو بيه الزرعه حدا أبو رجب وعيد الزياد
جاسر: وقد نظر أرضا ولم يقدر أن يرد على أبيه
عاصم: ليه ي ولدي الزرعه دى ذنبها فى رجبتك لما يكون ليك حج روح وخده بي اوعاك تاخد أيتها حاجه بالحيله والخداع ده حرام وارض الحج متولي عيد النظر فيها ي ولدي كله إلا دعوة المظلوم رجع الحج لأصحابه ورجعلي جاسر ولدي
جاسر: الأرض دى بجت من حجي كيف اعاودها أنى صوح ي بوي والناس اهنه عيتضحكو علي بعضيهم ومحدش منيهم عيحب للتاني الخير واصل أني خابرهم كلياتهم
عاصم: وبدأ يحرك رأسه يمينا ويسارا بينه الحديت امعاك ممنوش أيتها عاذا بس ي ولدى اوعاك تهمل خوك حزين منيك وأني خارج عندى مشوار وراجع تكون رضيت خوك يلا مع السلامه
جاسر: الله يسلمك ونادى علي أحد الخدم حدا يعملي جهوة ساده وتجيبوهالي برة في الجنينه
عاصم : وصعد سيارته وفكر لبرهه من الوقت بينه أكده أني لازمن اعملو المشوار ده أنت ي جاسر ي ولدي إلي جبرتنى علي أكده .....؟
فاطمه: وطرقت على الباب فأذن لها سامر بالدخول
سامر: أمي تعالي اتفضلي اوضتي عتنور بدخلتك ي حببيبتي
فاطمه: وجلست بجوار أبنها ونظرت له أنى مش رايداك تزعل من خوك واصل خوك عيحبك جوي بس شيطانه غالبه جوي وأنت خابر زين أنه مكانشي أكده جبل ما يحصل إلي حوصل وهو عيطلعه على الخلج اهنه ويريته حاسس أنه بيظلم هو شايف أنه علي حج
سامر: لع ي أمي مش كل واحد اتظلم ولا اتطعن من أجرب الناس ليه عيخلي الشيطان يتملكه ويظلم غيرة هو خوي نسي إن ربنا يمهل ولا يهمل يرمي حموله على ربنا واجلا أو عاجلا ربنا عيرد لكل مظلوم مظلمته وإلا الدنيا دي عتبجي غاابه والخلج عتاكل فى بعضها خوي غلطان وعيظلم ناس بريئه أنى خايف عليه من دعوة مظلوم
فاطمه: وقد رجف قلبها من الخوف علي ولدها بعيد الشر عنيه إن شاء الله عيرجع وربنا عيرضه ليا ولدي جاسر
سامر : يريت ي أمي يريت
إيناس: ادخلو ولا عكون عزول بيناتكم
سامر: همي ي أم لسان طويل  فينك مكنتيش فى الحفله إياك
إيناس: اباااي حفله فينها دي رايده اتفرج
سامر: ووضع يده على خده لع معوذشي حفله تاني بكفايه عاد خد ورم والتاني عيتفرج عليه
فاطمه: ههههههههههههه الله يحظك ي ولدي أنى جايا اضحك تاجى أنت وعتضحكني أني
سامر: أنتى غاليه جوي وضحتك دي عتنور طريجي وحياتى واوعاكي تتكدري من أيتها حاجه جاسر خوي الكبير وأنى معزعلش منيه واصل
إيناس: اباي يعني أنى اجي طوالي اضربك علي الناحيه التانيه ومش عتزعل مني والله بينها تسلايه حلوة جوي
سامر: عتضربينى أني ي بت انتي عشاني اكسرلك يدك دي
إيناس: أصل خوك جاسر عنديه ضمير كفه معلم على وشك أنى بجي هعلم علي الخد التاني عشان ما حدا يسألك ونجول نيو لوك جديد ههههههههههههه
سامر: انتى ريداها ي أمي أني معوذشي البت دي فى اوضتي
فاطمه: ربنا يسعدكم يارب أنى عروح اوضتي اخد علاجي واريحو جبل ما تاجي مراه عمك وبناتها
سامر: ي ويلنا من مراه عميخ وعمي ولا بتها ي بااااي لع وعترسم عشاني تتجوز جاسر
فاطمه: وااااا ممنوش عاذا الحديد ده عيب ي ولدي ويلا يريح هبابا عشان لما ياجو عنستجبلهم كلياتنا
سامر وايناس: حاضر روحي خدي العلاج وريحي ولما ياجو عنصحوكي فخرجت فاطمه لغرفتها
جاسر: وهو جالس لحاله كيف بوي شايفنى ظالم وكيف رايد يرد الأرض كماني وااااا بكده عيصغرني ....بس لع بوي لا يمكن يصغرني جدام الخلج ...بس أني كيف يدي طاوعتنى ومديت يدي على خوي لع وكمانى محاولش يبعد يدي عنيه وكان جادر يمسكها اباااااااي ي جاسر عليك كله إلا خوك كله إلا سامر أني خابر الي خربطله راسه أكده بت عيد الزياد والله لازلك ي بت عيد وعجيبك حدايا اهنه تحبي على يدي ومداسي انتي السبب فى إلي بيحوصل اهنه بينى وبين خوي