شهد الصعيد

الثاني عشر

الفصل ١٢

الفصل ١٢
جاسر: هى البت دي عتجنني عااااد ولا ايه كيف عتاجي اهنه وكمانى خايفه على الزرعه والله بينها مجنونه وابتسم ونظر لها وهى تغادر المكان
ناهد: أنى فطرت وكمانى لازم افكر بحاجه عشان اطللعو بت عيد من اهنه بفضيحه كبيرة جوي وبعدها عن جاسر ......؟؟؟؟
فاطمه: همي ي ناهد تعالي اهنه عوزاكى تطولي على الوكل وتشوفي ناجص أيتها حاجه ولا أكده عيكفي
ناهد: حاضر ي مراه عمي عشج علي الطباخين وبعد أكده عطلع عشانى اجهز خلجاتي الي علبسهم
أفكار: ماشي ي بتي خلصي الي وراكي وبعديها اطلعي غيري خلجاتك عشانى أنى ومراه عمك عنروح دوار خيتك عنظبطو فيها حجات ونعاودو طوالي
ناهد: وماله ي ماااي روحو وأنى عشج اهنه علي الطباخين .....
فاطمه: يلا همي وأنتى ي أم مني تعالي امعايا فوج هبابا جبل ما نطلعو علي بيت مني  وصعدو للاعلي ودخلت فاطمه الي غرفتها وفتحت الدولاب واخرجت منه صندوق خشبي كبير وفتحته واخرجت منه عقد جميل واعطته لأفكار .....؟
أفكار: اباااااي ده جميل جوي ربنا يذيدك من نعيمه ي رب
فاطمه: ده هديه  عاصم  لبتك مني عجبال ما يهادي ناهد كماني
أفكار: ده كتير جوي ي سلفتي وأنى مخبراش عرده كيف أنتي خابرة زين أبو مني ماسك جوي علينا  
فاطمه: عيب أكده إحنا خوات ومفيش بيناتنا كلام من ده واصل ويلا خدي العجد ده ودسيه عنديكي فى مجعدك عشانى تلبسه بالليل فى حنتها
أفكار: لع خليه وياكى اهنه أنى عنسي كتير الأيام دي خليه  اهنه أحسن وابجي لبسيه لمني بالليل
فاطمه :  ماشي وهمي بينا خلينا نخلصو مشوارنا لحسن العالم تهل وانى وياكى لساتنا اهنه
أفكار : همي بينا ونزلو مرة أخرى للأسفل فراو إيناس جالسه
فاطمه: وااااا أنتى اهنه وهملتي بت عمك لحالها
إيناس: لع أنى كنت وياها بس خليتها تنعس هبابا لجيتها عتنعس على حالها
فاطمه: زين ما عملتي ي بتي وبلاها جعدتك دي وشوفي الدوار يلزمه إيه ورصي الكراسي اهنه وظبطي المكان وناهد ويا الطباخين جوة
إيناس: لع هى مش جوه أنى لساتني معاوده من المطبخ بينها طلعت فوج تريحو
فاطمه: بتعجب وماله  وانتي شجي على الطباخين ي بتي على ما نعاودو اوعاكي تهملي البيت لحاله اكده فهمانا
إيناس: فهمانا ي أمي حاضر ودخلت إلي المطبخ كي تري الطباخين وتشرف عليهم
ناهد: لايناس واااا وانتى عتعملي إيه اهنه انى عكفي حالي معاهم
إيناس: كنتي فين أنى موعتلكيش عاد اهنه
ناهد: دخلت بيت الراحه ( الحمام )  ولا ميصوحش
إيناس: نظرت لها نفسي اعرفو مالك عتعمليني اكده ليه أنى عملتك حاجه
ناهد: وااااا أنتى عاوزة تعملي مشكله بيناتنا ولا ايه
إيناس: أنى معوذاشي مشاكل بس بلاش تتعاملي ويايا أكده وكانى هعاملك عفش
ناهد : لع ي بت عمي أنى عحبك كيف خيتى يبجي كيف بجي هعاملك عفش
إيناس: عتمني وعموما أنى طالعه اوضب البيت وعظبط الكراسي عن أذنك
ناهد: بحقد وغل..... بكرة عكون صاحبه السرايا دي وكلمتي أنى عتمشي على الكل وأنتى وأمك أولهم وبكره عتشوفي ي بت عمي....
شهد: وبعد أن ابتعدت عن أرض جاسر فقابلتها أم رجب :  مالك ي بتي شكلك عتطجي من جنابك خير فى حدا زعلك ....
شهد: الجدع ده الي اسمه جاسر عيروي الأرض الي عتترش وأنى جولتله أنه خطر علي الزرعه وهو عيعاند جبالي هو كيف تفكيرة ده هو عيعاند على حساب الزرع والله بينه مخبل
أم رجب: وطى حسك ي بتي ليسمعك والله يغفلجها عليكى وعليا ده واعر جوي
شهد: اباااي هو أنى جولت إيه عاااد أنى خايفه على الزرعه وهو معيسمعش الحديت واصل
أم رجب: أنتي عملتي بضميرك ي بتي فوتك منيه وتعالي أنى عملتلك شاي بس كلي امعاها ايتها لجمه
شهد: لع معوذاشي أيتها حاجه أنى عخلص رش ارضك وعكمل ري باجي الارض احدانا ولما اعاود ابجي أكل وياهم في البيت عن أذنك
ام رجب: طيب أنى عريح رجلي وعحصلك
شهد: خليكى ي خالتي أنى عخلصو رش لحالي وأنتى ريحي رجليكى عن أذنك
أم رجب: روحي ي شهد ي بت وفيه ربنا يسعدك ويجعل طريجك كله فرح ويبعد عنيكي ولااد الحرام ويسترها امعاكي دنيا واخره اللهم امين ......
شهد: وحملت الأنبوب علي ظهرها وبدأت ترش أرض أبو رجب
جاسر: هى عتشتغل حدا ابو رجب بفلوس إياك المرا هملتها وجاعده وهى عتشتغل معجول .... وليه لع هما حالهم على جدهم بس برديكي حال ابو رجب عفش جوى والله متحير منيها ومن فعلها البت دي
وفيه: ياسمين همي افتحي الباب عيخبط ي بتي
هنيه: أنى عفتح اصل ياسمين عتذاكر حدا الفروج وذهبت هنيه وفتحت الباب وااااااا أحمد حمدالله على السلامة الدوار نور
أحمد: واااا هنيه كيفك ي بت عمي عامله ايه
هنيه: الحمد لله مليحه جوى  وأنت كيفك
أحمد: أنى الحمدلله مليح إلا جوليلي  جبل ما ادخلو امى اهنه وبوي
هنيه: ايوة عمي ومراه عمي جوة  وبعدين ده دوراك عتستاذن جبل ما تدخل إياك
أحمد: معلش يا بت عمي الأصول بتجول أكده وميصحش ادخل الدوار وانتى فيه لحالك
هنيه: ربنا يكرمك ي ولد عمي
أحمد:  فدخل لامه وقبل  يدها ورأسها واحتضنها اتوحشتك جوى جوي ي أمي
وفيه: نورت دارك ي ولدي ربنا يسعدك وينولك مرادك ي رب
أحمد: بيكفينى الدعوتين دولي ونظر حوله بوي وينه فى الغيط صوح
وفيه:  لع هو جوه فى مجعده .....
أحمد: وااااااا خير بوى ضعفان اياااك  مرحشي الغيط لدلجيت
وفيه: رجله ي ولدي حصلها نفس الالتهاب ووجعاه جوي
احمد: يبجي نزلها فى المايا فترة كبيرة جوى وعشان أكده التهبت مجولتلكم بلاشي بوي وجت الري تهملوة لحاله
وفيه: والله ي ولدي خيتك من وجت ما اجت من مصر وهي واجفه ويا بوك ومعترتحشي واصل بس هو غفي عنينا وراح يروي الزرع لحاله ما أنت خابر بوك عاااد
أحمد: خابرة ربنا يستر ويديله صحته امالي شهد وياسمين وينهم
وفيه: ياسمين عتذاكر وشهد فى الغيط من بكير
أحمد: ماشي عسلم علي بوي وادلي حدا شهد وعنرجعو ويا بعض
وفيه وماله ي ولدي روح سلم على بوك الأول فطرت ولا لسه
أحمد: أنى الحمد لله فطرت من بكير عن أذنك ي امي عطول على بوي
عيد: بوك اجي لما سمع حسك ي ولدي .....
أحمد: نظر خلفه فرأي ابيه فقبل يده واحتضنه حبيبي ي بوي اتوحشتك جوى وألف سلامه عليك كيفك دلجيت.....
عيد: أنى مليح جوي واها واجف عليها بس أنت خابر خيتك زين اتحكمت ومخلتنيش اروح وياها الغيط. عشان ارتاح
أحمد: خير ماعملت أكده صوح ويلا ي بوي ريحو رجليك وعاوز اطول علي العلاج احداك
عيد: أنى خفيت وبجيت أحسن واها واجف وياك
أحمد: ابااااي عليك بلاها عناد واصل ويلا خلينى اطول علي علاجك عشاني يمكن نغيرو فيه حجات
عيد: تعالي ي ولدى واستند على كتف إبنه ودخلو إلي الغرفه فأمسك أحمد بالعلاج وأخذ منه نوعين  ونظر إلى رجل ابيه وتحدث  أنى عجيب. غير دولي لأنهم مفعولهم بطيئ جوي أنى عروح حدا شهد وأنى معاود عجيب العلاج بس دلجيت علبسك شراب تجيل عشان يدفي رجليك فأسرع وفتح حقيبته وأخذ منها شراب له تقيل والبسه لأبيه  أنى عروح حدا شهد فى الغيط ومش هنعوج إن شاء الله  عن أذنك ي بوي......
عيد: خليك ي ولدى زمنات خيتك عتاجي دلجيت وأنت ريحو من المشوار
أحمد: وااااا خيتى عتشتغل فى الغيط وأنى عهملها واجعدو اهنه كيف ده أنى هغير خلجاتي وادلي حداها عن أذنك ي بوي
عيد: ربنا يسعدك ي ولدي ويكفيك شر الطريج وافرحو بيك أنت وخيتك ي رب
شهد: وبدأت تشعر بالتعب والإرهاق فوقفت لبرهه من الوقت تستريح حتى تكمل ما بدأته
جاسر: خير ي بشمهندس الزرعه عترشها ولا عتسوي إيه
المهندس: ايوة عنرشها بس أنى وجفت الري اهنااك عشاني لو اتروت الزرعه عتجع ومش عتصح واصل ويريت حد يتدلي ( ينزل) للمركز ويجيب العلاج ده لأنه مش موجود اهنه
جاسر: فينه العلاج ده ورينى أكده
المهندس: اتفضل اها إسم العلاج وأنى عستاذن ولما حضرتك  تجيب العلاج شيعلي عشان اجى وارشها عن اذنك
جاسر: ابااااي هو نفس العلاج الي جالت عليه بت عيد وكمانى منع الري اهناك يعنى هي معتتحكمشي فى أيتها حاجه فى أرضي  بينها عتتعامل بضمير....... معجول فى أكده ......؟
أم رجب: مالك ي بتي حساكي تعبانه ووشك متغير جوي
شهد: أنى مليحه ي خالتي بس عريحو هبابا وعكمل باجي الرش اهنه
أم رجب: طيب وأنى عرش اليمه إلي هناكي دي بس اوعاكي تتعبي ومعتجوليش ي بتي أنتى من عشيا وواجفه أكده على رجلك وكمانى معتشربيش ولا بتاكلي أيتها حاجه
شهد: أني مليحه جوي روحي رشي اليمه إلي اهناك دي. وأنى عكمل اهنه
أم رجب: إن شاء الله عخلصو وأجي أساعدك ي بتي عن أذنك
شهد: اتفضلي وجلست أرضا وهى متعبه على الآخر وتشعر بدوار شديد
جاسر: للغفير اعملي شاي راسي عتفرجع وخليه تجيل جوي
الغفير: حاضر جنابك
محمد:  وأنى اعملي شاي وياه أني جيت اها بيني أكده اتوحشتك واستاذنت من الشغل وجيت طوالي اجعد وياك
جاسر: تعالي اجعد والله راسي عتفرجع من الصداع
محمد: اشربو الشاي وعتصح بعديها وكمانى مش عندكم حنه بت عمك النهارده
جاسر: ايوة حنه مني بت عمي والله إلي عياخدها ده راجل أمه دعياله بت جدعه جوي وجلبها ابيض
محمد: وااااا انت عتشعر فيها إياك طب ليه أنت معتتجوزهاشى واها بت عمك وأنت أولي بيها
جاسر: واااااا كانك جنيت عاااد مني خيتى ومعتجوزليش واصل أنى واياها رضعين ويا بعض
محمد: واني معنديش خبر ليه كيف تخبي عني ي جدع وااااا
جاسر: ههههههههههههه الله يحظك يا بعيد عتضحكني واني مهموم
محمد: ليه بس كافالله الشر من الهم حكي امعايا يمكن عريحك
جاسر: مش عارف اجول إيه بس أنى حاسس إن بوي هيسوي حاجه ويا عيد الزياد وبته  وأنى مخبرشي إيه هي وعتجن حتي الراجل ده إلي إسمه عيد نكر أنه جعد ويا بوي لحاله وأنا وعيتله وهو معاود ويا بته شهد للدوار وكان تعبان ومجدرش يمشي وأنى شيلته ووصلته علي الفرسه وحاولت أسحب منيه أي حديت بس بينه أكده راجل تجيل جوي حتي بته كيف بوها
محمد: وااااا وبوك عيعمل ايه ويا عيد الزياد وبته طيب متسال بته يمكن تجولك ....؟
جاسر: أنى أسأل بت عيد دي كيف الصخر وحديتها جليل يبجي عتجولي
محمد: وليه لع بس أنت خليك زين وياها واسحبو منيها الحديت وبكده تعرفو بوك عيدبر لايه ويمكن عتكون غلطان وبوك معيسويش ايتها حاجه وأنت متوهم
جاسر: حديتك صوح بس لو ما أنكر عيد الزياد جعدته ويا بوي لحالهم كنت عديتها بس اديك وعيت وهو نكر
محمد: يبجي مفيش غير بته إلي عتجولك بوك عيدبر لايه بس البت دي متجيشي بالعند كيف ما عتسوي وياها دى عتاجي بالسياسه والود وأنت خابر زين عتعملو إيه بس اوعاك تحبها وبكده الفاس تجع فى الراس ههههههههه
جاسر: اسكت هبابا والله بينه أكده كلامك صوح بس البت دى دماغها كيف الصخر وأني معطيجهاش ولا هي كيف بجي هنتعاملو زين ويا بعض
محمد: أنت بديت وساعدتهم  عشيا وسبجت بالخير بس اتحكم فى غضبك وياها أنى خابرك زين شيطانك عيتحكم فيك فاهمني
جاسر: ونظر باتجاه شهد فهمانك واااااا مالها جاعده أكده بينها عيانه إياك
محمد: ونظر هو الآخر والله بينه البت ضعفت شكلك نجيت عليها وعلي صحتها اهاااا البت عتموت فى أرضها خليك ترتاحو منيها
جاسر : وقد شعر بضيق من كلمات صديقه علي شهد ولنفسه ابااااي وأنى حمجان ليه وضيجان أكده ليه وااااا أرجع ي جاسر واوعاك تسيب حالك لايتها حرمه .....؟؟؟
محمد: أنت عتسرح مني إياك مالك خد أمسك الشاي اشربو مفيش حداك أيتها لجمه أنى جعان ولا عروح الدوار عتغدي واجيلك
جاسر: لع فى وكل اهنه ونادي على الغفير روح هات الوكل من الاستراحه وسخنه وهاته
محمد: أنت جايب وكلك امعاك
جاسر: أمي شيعته عشاني عارفه أنى عندي رش الغيط وهعوج النهارده
شهد: بتعب وهي تحدث نفسها همي ي شهد جومي وخلصي شغلك وبلاشي جعدتك دي فهمت وحملت الأنبوب على ظهرها وبدأت ترش أرض أبو رجب
محمد:  لجاسر اباااااي الوكل حلو جوي مش عتاكل إياك ...
جاسر: لع ماليش أيتها نفس أني عروح اشج على الغيط وعشوف الرويه بتاعه الارض وعاجي طوالي
محمد: استني اخلصو وعاجي وياك عتهملني لحالي اهنه
جاسر: خليك أنى مش عتاخر خلص وكلك عكون جيت طوالي وذهب جاسر للفلاحين فرأي الجميع يحاول تصليح موتور المياه وري الأرض لم يكتمل
احد الفلاحين:  الحجو جاسر بيه أجا والله ليغفلجها علينا كلياتنا ده معيرحمش واصل أيتها حدا 
جاسر: خبر إيه ماله الموتور إيه عطله وليه مشيعتوش طوالي تجولولي
أحد الفلاحين : لساته عطلان جنابك وبينه أكده السير اتجطع وأحنا عنحاول نربطه وجنابك جيت ....
جاسر: بعد منك ليه وحدا يناولني العده عشانى افكه وعشوف السير فناوله أحد الفلاحين وبدأ جاسر فى فك الموتور فراي السير متهالك على الآخر ونادى على احدهم حدا يجيبلي سير دلجيت
أحد الفلاحين: يا بيه السير عياجي من المركز وكان اهنه سير وركبناه للماتور الشرجي ولسه اهناك الري شغال واهنه عطلنا اها وعلي ما يروح حدا المركز عيكون الليل عتم
جاسر: شوفو ماتور الحيران اهنه خلوني اروى الأرض ولا عنهملها أكده
أحد الفلاحين : جنابك مفيش غير ماتور الحج عيد وهو عيروي ارضه والناس كلياتها عتروي أرضها
جاسر: يعني ايه عفوت أرضي من غير رويه اياااك وينه ماتور الحج عيد فى ايتها يمه
أحد الفلاحين: هو يمتنا اهاااا وبته عتروي الغيط حداها
محمد: خير فى إيه مالك ي جاسر
جاسر: الماتور خرب ولسه الأرض متروتشي ومخبرشي أعمل إيه ومفيش غير ماتور عيد الزياد جاري وبته عتروى أرضها ومخبرشي اعملو إيه ....؟
محمد: روح وحدتها وشوف عتجولك إيه يمكن ترضي تديك الناتور
جاسر: دي تدينى اني اروي أرضي والله عتحلم وعموما أنى عروح حداها وعشوف عتجولي إيه وذهب جاسر إلي شهد كي حدثها بأمر الموتور وما أن وصل فشعر بها تترنح فنادي عليها ي بشمهندسه
شهد: نظرت بتعب إليه وردت عليه نعم حضرتك عاوزة حاجه
جاسر : ونظر بتمعن اليها وسألها أنتى مرضانا إياك شكلك عتجعي  من طولك
شهد: لع أني مليحه حضرتك عاوز حاجه
جاسر: الناتور حداي عطل ولسه الأرض عاوزة تتروي وكنت جاي اطلب منيكي الناتور عشان اخلص رويه الأرض ....؟
شهد: أنى كماني عروي الأرض كيف  يعني اجفل على رويه ارضي عشاني أنت تروي ده بعجل مين
جاسر: وااااا أنى جاي حداكي بكل أدب عشاني عستاذنك وأنتي ده مردك اياااك
شهد: يعني أنى لو مكانك وجيتلك كنت عتدينى ماتورك وعتبدي ارضي على أرضك
جاسر: فسكت لبرهه ونظر لها شكرا ي بت الناس معوذشي حاجه منيكي وتركها وغادر إلي ارضه
شهد : فمشت خلفه وما أن وصل لارضه فنادت عليه ي استاذ جاسر ممكن اطول علي الناتور يمكن أجدر ادورة لحدا ما اخلص ري ارضي
جاسر: باستخفاف أنتى عتصلحي الماتور  كيف ده واني والرجاله دي معرفناشي نصلحه جوم تاجي حرمه وتصلحه
شهد: لا اله إلا الله هملني اطول عليه وبعديها ابجي ميس كيف ما أنت رايد
جاسر: ونادي على الفلاحين همو وبعدو عن الناتور البشمهندسه عتصلحه هههههههههههههه اتفضلي جنابك وريني عتسويه كيف
شهد: وهزت رأسها يمينا ويسارا وذهبت الي الناتور واخذت العده وبدأت الكشف عليه فرأت السير مقطوع فأمسكت العده واحضرت مسمار وبدات تدبس السير
محمد: هي عتسوي إيه معجول عتصلحه ....؟
جاسر: بينها كتيرة حديت وعاوزة تظهر حالها اجبالي يلا أنى عهملها تعمل أكده
محمد: مش باين إنها رايده إنها تظهر اجبالك وإلا كانت عطيتك الناتور ....؟
جاسر: امالي عتاجي لاهنه ليه وعتسوي كيف الرجاله وعتجول إنها عتصلح الناتور أنى عفوتها عشان اكون مليح وياها وانى ساكت اها
شهد: وبدات تدبس السير مره اخرى حتى يتماسك جيداً فهمت واقفه ونظرت لجاسر أني خلصت
جاسر : خلصتي ايه ما كان من الأول بدل العطله دي وكنتي تجولي إنك مخبراشي فيه حاجه
شهد: ولم ترد عليه ونادت على أحد الفلاحين بالله عليك ي عمي شغل الماتور عيشتغل ياجي ساعه اكده عكون أنى خلصت وتاجو تسحبو ناتوري عن اذنكم
جاسر: لمحمد شوف عتتعالي كيف والناتور عطلان والله ...........فقطع حديثه ما أن سمع صوت الناتور وهو يعمل
محمد: اباااااي والله عملتها وصلحته بينها واعيه جوي بت عيد دي
جاسر: وااااا صلحته كيف ده السير كان مجطوع كيييييف .....؟
محمد: والله البت دي جدعه جوي ومن البنته إلي تعمر البيوت والله براوة عليها
جاسر: وقد أحس بضيق من صديقه لامتداحه لشهد فنظر إليها وهى تكمل رش أرض أبو رجب فشعر بها وهى تكاد أن تقع فهرول اليها بدون أي تفكير .......؟