Hands Which Cannot Write

Action Tag, Dialogue Tag, and Adverbial Tag

Action Tag, Dialogue Tag, and Adverbial Tag

— Hashi

Since maraming nalilito sa mga 'to at napapansin ko talagang halos maraming nagkakamali sa paggamit ng mga 'to, eto isang madalian at mabilisang tutorial.

Dialogue Tag Examples:

"Walang pasok bukas." Sabi ni Hashi. (Wrong)

"Walang pasok bukas," sabi ni Hashi. (Correct)

Kung mapapansin ninyo, ang ginamit na punctuation sa una ay period tapos naka-capitalized ang first letter n'ong sumunod na word kaya mali siya. Unang-unang rule kapag dialogue tag ay dapat comma ang gamit at hindi capitalized ang first letter n'ong sumunod na word, tulad ng sumunod na example.

Paano malalaman kung dialogue tag?

ー sa dialogue tag ang kadalasang ginagamit ay 'yong mga "wika" "ani" "aniya" "saad" "sabi" "sambit" "bulong" after n'ong pinaka-dialogue.
ー ginagamit din 'yang dialogue tag na 'yan, kung napapansin niyo ulit, para malaman kung sino 'yong nagsabi n'ong dialogue.

Another examples:

"Malakas ang ulan," wika ni Hashi.
"Inaantok na ako," sabi ni Hashi.
"Wala akong pera," saad ni Hashi.

Sa dulo lang ba ang dialogue tag?
ー no, meron ding before ng dialogue.

Example:

Ang sabi ni Hashi, "Wala na akong pera."
Sabi ko, "Wala na akong pera."

Puro comma lang ba ang gagamitin sa dialogue tag?
ー no, p'wedeng exclamation points or questions marks as long as ang kasunod ay 'yong mga "sabi" "wika" "saad" na words.

Example:

"Walang pasok!" sabi ni Hashi.

Puro ba small letters talaga dapat kasunod?
ー no, kapag proper noun ang kasunod automatic dapat capitalized ang first letter n'on.

Example:

"I love Dein," Lovely said.

—

Action Tag Examples:

"Wala raw pasok bukas!" Napatayo ako sa narinig at agad na nangiti.

"Bibili lang ako." Tumakbo na ako palabas bago pa man siya sumagot.

Unlike dialogue tag, sa action tag ay period/exclamation points/question marks ang gamit at ang kasunod na word ay capitalized ang first letter. Para malaman na action tag 'yon ay dapat "action words" ang kasunod na word like "tumayo" "tumakbo" "ngumiti" etc. basta salitang naglalarawan ng kilos o galaw.

Another examples:

"Ang init." Binuksan ko ang binatana para naman makapasok ang hangin.

"Hala, umuulan!" Kinuha ko ang payong sa bag bago pa man lumakas ang ulan.

—

Adverbial Tag Examples:

"Gusto ko na umuwi," mahina kong wika.

"Pagkain ko 'yan!" pasigaw kong sabi.

Kung mapapansin ni'yo para lang din siyang dialogue tag, ang kaibahan lang ay may adverb o pang-abay na isinusulat bago ang "wika" "sabi" "saad" etc.

Hanggang diyan na lang dahil tinatamad na ako. Tanong na lang kayo sa comment section ng mga hindi niyo gets o gumugulo pa rin sa inyo. Good evening and goodnight!

Happy writing, everyone!