كانت زينب تجلس شارده تفكر في وضع زوجها وتدعو الله ان يشفيه وفي ذلك الوقت علي صوت رنين هاتفها ردت زينب علي المتصل
عاطف : السلام عليكم
زينب بصوت معاتب : وعليكم السلام لسه فاكر ان ليك آخت تسأل عليها
عاطف بحزن : معلش ي زينب انتي عارفه انا مشغول ازاي والورشه واخده كل وقتي
زينب بتهكم : ربنا يعينك يخويا
عاطف بحب : ع العموم ياستي ولا تزعلي انا جايلك بكره عشان اطمن عليكي وع نور
زينب بابتسامه صغيره: تنور يحبيبي
عاطف : مالك يازينب حاسس ان صوتك متغير في حاجه حصلت
قصت زينب ع عاطف حاله زوجها محمد ودخوله المستشفي والغيبوبة التي دخل بها
زينب وهي تحاول السيطرة ع دموعها : بقاله اربع أيام ومش راضي يفوق
عاطف بعتاب : كل دا حصل ومتحكليش يزينب ولو مكنتش انا اللي هقف معاكم مين اللي هيقف معاكم يازينب
زينب : معلش ياعاطف انا من الصدمة مكنتش عارفه اتصرف ازاي
عاطف بضيق : طيب بزينب انا جاي بكرا ان شاء الله وهنروحله المستشفي
زينب : ماشي ياحبيبي تيجي بالسلامه
اغلقت زينب الهاتف وهي تشعر ببعض الطمأنينة لانها اخيراً سوف تجد احداً يقف بجانبها وقد كانت تشعر باليتم
زينب : نور
نور بقلق : نعم يماما
زينب : خالك عاطف يانور هيجي بكرا
نور بابتسامه : ينور يماما
زينب : وهنروح لابوكي المستشفي عشان نطمن عليه
نور: ماشي ياست الكل بس انا هروح الملجأ الاول وبعدين هاجي معاكم
زينب : طيب ياحببتي روحي نامي عشان تصحي بدري
--------------------------------------
في مكان بعيد كان يجلس هاني وبين يديه احدي عاهراته
هاله : ها ياهاني هتيجي تتقدملي امتا
هاني باستهزاء : ايه ياحببتي اللي انتي بتقوليه دا ماحنا مبسوطين اهو ليه العكننة بس
هاله : يعني ايه انت مش هتتجوزني
هاني ببرود : لأ
هاله بغضب : بس انت قولتلي انك هتتجوزني انت ضحكت عليا وانا اللي فكرتك بتحبني
هاني بضحك : انتي هبله يابت انتي احب مين انتي مجرد موظفه عندي ف الشركه وادينا قضينا وقت ظريف مع بعض وبعدين انا مضربتكيش ع أيدك انتي اللي جيتي ليا بمزاجك
تركته هاله وهي تشعر بالقهر وهي تتوعد له وانها سوف تنتقم منه لما فعله بها
------------------------------------------
في اليوم التالي ذهب يوسف برفقه احمد وعم عاطف الي دمياط وبعدما أوصل عاطف الي منزل اخته اتجه هو واحمد الي المحل لشراء البضاعة المطلوبة
زينب : تعالي يانور شوفي مين اللي بيخبط
نور وهي تضع حجابها : حاضر يماما انا جايه اهو
فتحت نور الباب وما ان رأت خالها ارتمت في حضنه : خالو وحشتني اووي
عاطف وهو يمسح علي ظهرها بحنان : وانتي كمان وحشتيني اوي يا نور يلا ندخل عشان الناس
زينب وهي ف المطبخ : مين يانور اللي ع الباب
نور وهي تغلق الباب بعد دخول خالها : دا خالو عاطف يماما
تركت زينب ما بيدها واتجهت الي الصاله
زينب وهي تحتضن أخاها : وحشتني اوي ياعاطف
عاطف وهو يبعدها عنه قليلاً : وانتي كمان وحشتيني بس دا ميمنعش اني زعلان منك كدا تخبي عليا حاجه زي دي
زينب بحزن : مكنتش عايزه اتقل عليك
عاطف بعتاب : اخص عليكي يازينب انتي بنتي يا زينب قبل ما تبقي اختي
زينب وهي تمسح دموعها : ربنا يخليك ليا يارب
نور : طب هدخل البس انا يماما عشان متاخرش ع الملجا
زينب : ماشي يا حببتي روحي
أنهت نور لبسها نور بابتسامه: يلا عشان ساره مستنياني السلام عليكم
عاطف بحنان : خلي بالك من نفسك
عاطف وزينب: وعليكم السلام
------------------------------------------
انهي يوسف واحمد اختيار البضاعة التي كانا يحتاجونها وبعد ان اتفق يوسف مع صاحب المحل وع السعر
★ رن هاتف يوسف★
يوسف بجد : خلاص يسطا فتحي احمد هيستلم اللي اتفقنا عليه
انهي جملته وهو ينظر الي احمد : هستناك برا
فأومأ له احمد بالموافقة
خرج يوسف وضغط علي زر الاجابه
يوسف : ها في جديد
مجهول : وانا براجع حسابات الشركه لاحظت اني في مبلغ مش قليل بيطلع من الشركه باسم مدام نسرين بيروح لملجأ في دمياط
يوسف بأستغراب: دمياط! !
مجهول: انا برضو استغربت كده
يوسف بشك : طب أديني عنوان الملجأ دا
مجهول: اكتب عندك ...........
اغلق يوسف الخط بعد ان أخذ العنوان وانتظر احمد حتي ينهي الحساب
أنت تقرأ
منقذتي من الهلاك (مكتمله )
عاطفيةاحيانا لا نفهم اقدارنا نتعجب كثيرا لما يدور حولنا ولا نفهم المغزي يأتي لكل شخص مننا رسايل من الله لتنقذه من المعاصي ولتهديه الي الطريق القويم يجب علينا ان نترك الاحداث تجري وتأخذ طريقها في التقدم ونكون علي ثقه تامه ان الله يريد لنا الافضل فما خلقنا...
