منقذتي من الهلاك (مكتمله )

الفصل التاسع عشر والاخير

جاء صباح يوم جديد وتجمعت الفتايات في غرفه نور
وبعد مده جاء يوسف وكيرلس وروقيه لطلب نور
ليستقبله عاطف بترحيب :اهلا اهلا اتفضلوا
ليدخلوا الرجال في الصاله والفتايات في غرفه نور ومعهم روقيه
يوسف بحرج:  بصراحه انا جاي اطلب ايد الانسه نور
عاطف:  واحنا زي ما قولتلك مش هنلاقي احسن منك
بس لازم نتفق علي التفاصيل
يوسف : وانا معاك ي عمي في اي حاجه تطلبها
عاطف:  طيب يابني علي خيرت الله
كيرلس:  يلا بقى نقرا الفتحه وخير البر عاجله ولا اي مش هي بتتقال كده
ليضحك احمد  عليه :  ايوا صح
عاطف:  والله مفيش مانع
ليوقفه يوسف:  هو ينفع اكلمها قبلها
عاطف بأستغراب:  وماله يابني حقك ثواني اندهلها
ليذهب لغرفه نور ويخبرها لتتوتر ولكن تذهب معه
ليدخلوا للبلكونه ويتركهم فيها
يوسف: ازيك عامله ايه
نور بخجل:  الحمد لله
يوسف:  انا عارف اني ممكن اكون مش الزوج الصالح اللي نفسك فيه بس صدقيني انا بجد محتاجك في حياتي انتي النور اللي نور حياتي ينور
وهنا نور تشعر ان وجها احمر من كثرة خجلها
ليبتسم يوسف علي خجلها ويكمل: انا كنت ضايع بمعني الكلمه كان قدامي الانتقام بس ولا علاقه مع ربنا سليمه ولا مع الناس ولحد لما لقيت روقيه اللي بجد انا مش عارف اشكرك ازاي علي اللي عملتيه معايا وساعدتيني وكمان علمتي روقيه الدين بشكل صحيح انا كنت مدمن علي فكره ي نور
وهنا نظرت نور له بصدمه فهي فكرت ان شكله هو الذي يوحي بذلك فقط لكن اكتفت بالصمت لتجعله يكمل
يوسف بحزن:  كنت بشرب عشان انسى وجعي لحد اليوم اللي انتي قولتي هتساعديني فيه عشان اختي قررت وقتها ابدأ من جديد مش عشان روقيه لا عشان نفسي وعشان نفسي اعيش نضيف انتي كنتي النور اللي ربنا بعته ليا انتي كنتي منقذتي ي نور من الهلاك
لتبتسم نور لتشبيهه لحياته بالهلاك ولها بالنور
يوسف: بصي ممكن تديني فرصه بس وتساعديني انا بدأت والله فعلا بس زي ما قولت محتاجك جنبي ممكن تبقي جنبي؟
لتحرك نور رأسها بمعني الموافقه وقد عمها الخجل تتمني ان تلقي نفسها من البلكونه من شدة خجلها
يوسف مازحا:  لا ممكن اسمعها
نور بخجل وصوت واطي:   اه موافقه
وهنا شعر يوسف ان سعادته لا مثيل لها
ليقوموا ويخرجوا للصاله وتتم قراءه الفاتحه وسط زغاريط السيده مريم جارتهم وهاله
يوسف مقترحا:  ايه رايكم ننزل نجيب الشبكه النهارده
ليتفاجأ الجميع ويبدأوا بالاعتراض وبعد الكثير من الزن من يوسف وكيرلس وروقيه وافقوا ان ينزلوا الآن للشراء
______________________
بعدما صعدت نور والفرحه تغمرها قررت ان تتصل بساره لتخبرها ما حدث معها
نور:  السلام عليكم
ساره : وعليكم السلام ي ست نور انتي مصدقتي بقى معايا تليفون بتتصلي كل شويه
نور:  اه عندك مانع
ساره بضحك:  لا ي ستي براحتك اصلا بحب اكلمك
نور:  طيب اسمعي ياستي لتكمل بخجل:  يوسف اتقدم ليا امبارح وجيه النهارده
ساره بفرح:  بجد ي نونو وقولتي اي لتكمل بلوم لنفسها: اكيد مواقفه ايه السؤال الغبي دا
لتضحك نور علي صديقتها وتقص عليها ما حدث
ساره:  الف الف مبروك ي حبيبه قلبي لتكمل بعتاب:  كده ي نور تتخطبي من غيري
نور : والله كله جيه بسرعه وحقك عليا ياستي والفرح مش هيتعمل الا لما تبقي موجوده حلو كده
ساره:  دا غصب عنك اصلا يابنتي لتكمل بغرور مصطنع:  دا انا اخت العروسه
نور: ايوا طبعا غصب عن الكل بس بلاش التواضع دا
ساره:  من بعض ما عندكم
نور:  صحيح هاله جايه بكرا عندكم تقضي يومين. في شقتنا هي واحمد
ساره:  بجد دي وحشاني اوي
نور:  المهم لما تيجي حاولي تخرجوا معاهم واهو. فرصه تغيروا جو انتم كمان
ليودعوا بعضهم وينهوا المكالمه
لتنظر ساره تجد علي يقف علي الباب ينظر لها بحب
ساره بخجل: بتبص كده ليه
علي: اصلك زي القمر وانتي بتضحكي
ساره وهي تغير الموضوع لتداري خجلها: علي صحيح سألت علي اخو نور دا
علي بأعتذار: والله ي حبيبتي كنت مشغول طول اليوم ومعرفتش اروح بس اوعدك بكرا هروح واسأل
ساره: طيب ي حبيبي لتكمل: انا هروح اشوف خالتي
وتهرب من امامه
ليبتسم علي ويحمد ربه ان رزقه زوجه في جمالها واخلاقها ومعاملتها الطيبه لأمه
______________________÷_______________
وفي صباح يوم جديد ذهبت هاله وزوجها لدمياط لقضاء يومين
وانشغلت كلا من نور. ومادونا مع ميرا وفرحها  الذي سيكون غدا
وكذلك انشغل يوسف مع كيرلس الذي بدأ عليه التوتر
ولم يخلو اليوم الا واتصل يوسف ليطمئن علي نور
ليأتي يوم الفرح
ميرا:  متوتره متوتررررره مش قاادره
مادونا:  يبت اتهدي بقاااا
ميرا:  اخرسي
لتضحك نور وتبدا محاوله لتهدأتها
نور:  اهدي بس براحه كده كله خير
ليمر الوقت ويأتي كيرلس الذي اعجب بجمالها ولم تسلم من معاكسته لها
وبعد انتهاء يوم قرر يوسف ان يوصل نور وزينب ومعهم روقيه للمنزل بعدما اصرت روقيه ان تبات الليله عند نور
________________________^_
وفي يوم جديد عند هاله في دمياط
احمد:  يلا ي هاله كل دا بتعملي ايه
هاله: كنت بحضر سندوتشات عشان مش هتعمل زي امبارح واول ونخرج ساعه وتقولي اصلي عايز انام تعبان
احمد بحب:  لا ياستي مش هقول كده يلا بقى
هاله:  حاضر ي حبيبي
احمد:  اتصلتي بصاحبتك هنقابلهم فين
هاله:  لا ساره. اعتذرت لانها تعبانه من الحمل قالت ممكن يوم تاني نخرج
احمد:  عقبالك ي حبيبتي لما تشلي ابننا
لتخجل هاله
ويذهبوا علي البحر ليقضوا يومهم
هاله:  الله المكان مريح اوي يا احمد
احمد: فعلا المكان هنا جميل اوي ي روح احمد
هاله وهي تنظر للرجل : احمد فريسكا ي احمد انا عايزه
ليتفاجأ احمد من طفولتها: حاضر ي حبيبتي هقوم اجيب اهو
ليقوم ولم يكمل خطوتان حتي سقط مغما عليه
لتشهق هاله بخوف وتصرخ بأسمه ليتجمع الناس ويأخده للمسشفي
___________________________________
عند نور في المنزل
استيقظت نور وقامت بأعداد الافطار لها ولأمها  بعد ان صلت الضحي وقرأت وردها اليومي
لتجد زينب امامها
زينب: انتي صاحيه من بدري ولا ايه
نور:  اه يعني
زينب:  طيب اندهي لخالك يفطر معانا علي ما اصلي الضحي
نور:  حاضر
وتذهب لتنادي خالها الذي اصروا كثيرا ان يأتي ليبات معهم لكنه لا يحب ان يغادر منزله
وهم يتناولوا الافطار يأتي اتصال لعاطف
عاطف بمرح:  دي البت هاله اخيرا افتكرتنا
عاطف:  الو ياست
ليأتيه صوت ببكاء :  الحقني ي بابا احمد في المستشفي وتعبان وانا مش عارفه اتصرف
عاطف بقلق:  ماله يبنتي
هاله بصوت مرتعش:  مش فاهمه حاجه ي بابا مش فاهمه تعالى بسرعه بالله عليك
عاطف:  طيب اهدي انا جاي
لينهي معها المكالمه وينظر الي زينب ونور الذي نظروا له بقلق
عاطف:  احمد تعبان ومحجوز في المستشفي
زينب : استر ي رب
نور:  طيب يلا نروح بسرعه
عاطف:  لا خليكم ملهوش لازمه
زينب:  لا ميصحش لازم نروح معاك
عاطف:  قوموا البسوا علي ما اجهز العربيه واكلم يوسف يجي
نور:  وانا هكلم ساره تخلي علي يروحلها عقبال ما نوصل
زينب:  طيب يلا
ليذهبوا وينزل عاطف ليجهز السياره واتصل علي يوسف الذي لم يتأخر واخبرهم انه ذاهب ايضا
____________________________________
عند كيرلس
كيرلس:  يلا ي ميرا الطياره هتفوتنا
ميرا:  حاضر ي حبيبي جايه اهو
كيرلس:  هو انتم البنات لو متأخرتوش هيحصل حاجه
ميرا:  اهو جيت اهو
ميرا:  علي فكره لازم تصورني عند برج ايفيل عشان اغيظ مادونا
كيرلس: حاضر ي حبيبتي يلا بقى
ميرا:  يلا
ويذهبوا ليركبوا الطائره للذهاب لباريس
____________^^^^^
في المستشفي
هاله. كانت متوتره وخائفه ان تخسر زوجها لتتذكر كلام نور. مع روقيه عن الصدقه
فلاش باك 💖💖
روقيه:  ابله نور هي الصدقه بتكفر عن الذنوب بس
نور:  مين قالك كده
روقيه: انا بسألك
نور:  لا دي كمان بتعالج الناس المريضه
روقيه:  ازاي؟
نور:  هو المرض دا مين اللي جابه مش ربنا صح ?
روقيه:  ايوا
نور: طيب يبقى مين اللي قادر يمشي المرض
هاله:  امال ايه دور الدكتور
نور:  الدكتور يبقى سبب بعلمه في حديث بيقول( مَا أَنْزَلَ اللَّهُ دَاءً إِلَّا قَدْ أَنْزَلَ لَهُ شِفَاءً، عَلِمَهُ مَنْ عَلِمَهُ وَجَهِلَهُ مَنْ جَهِلَهُ)
حديث الرسول (داووا مرضاكم بالصدقه ) بيأكد لينا ان الصدقه بتشفي
‏هاله:  طيب ما انتي عارفه كده ليه مشفتش باباكي
‏نور:  لان دي حكمه ربنا لتتنهد وتكمل:  ربنا اختاره واحنا معندناش حق اننا نعترض وكلنا هنروح عنده كده كده
‏هاله:  صح
‏عوده 💖
‏لتهرع خارج المستشفي وتجد امامها صندوق لليتماء لتضع فيه مبلغ من المال بنيه ان يشفي الله احمد
وبعد مده وجدت امامها نور وعاطف وزينب ويوسف
لتخبرهم هاله ما حدث علي البحر وتكمل قائله
هاله: و الدكتور قال محتاج عمليه زرع نخاع ولازم حد من قرايبه
لتكمل هاله بقهره:  بابا متعرفش حد من اهله ي بابا احمد هيروح مني
لينظر عاطف لها ويتنهد بألم: اعرف ي بنتي
لتفرح هاله:  مين ي بابا طيب هو فين نروحله بالله عليك
عاطف وهو ينظر لهم بتوتر ايخبرهم ام لا لكن ينظر لحال ابنته ويقرر ان يخبرهم:  نور اخته ممكن تتبرع
لينظر له الجميع بصدمه
ليتنهد عاطف بألم ويبدأ يخبرهم بسر فاجأهم جميعا: 
عاطف من اكتر من. خمسه وعشرين سنه جيه محمد وهو كان صاحبي يطلب زينب وقالي انه متجوز ليكمل بحزن:  انا يومها طلبت منه يطلقها علشان اجوزه اختي هو رفض ومشي وبعدها جي قالي انها طلبت هي الطلاق... يومها فرحت ان هفرح باختي وصاحبي وفعلا اتجوزوا ف مره كنت ماشي من عند اختي لقيت فوزيه شايله عيل خوفت ليكون ابن محمد وتجوزها  تاني واختي كانت اتأخرت في الخلفه ...علشان كده استنيت لما اتأكدت انه ابنه ولقيت حالتها مش قد كده قومت روحتلها وطلبت منها تبيع ابنها واني هديها فلوس ليكمل بسخريه:  وهي ماصدقت ان تاخد فلوس وترمي الواد وفعلا اخدته ومكنتش عارف اعمل بيه ايه فكرت اموته وروحت فعلا ادفنه بس استحرمت واخدته اديته لواحده في البلد مش بتخلف ليكمل بألم وهو ينظر للارض من فعلته:  وبعد كام سنه ماتت الست دي ف حادثه واضطريت اروح اخده ومن وقتها وهو عايش معانا وشغال معايا
لينظر لهم وهم علي وجوهم الصدمه والالم
نور بدموع وصدمه من فعله خالها:  ليه كده ي خالو ليه كده
عاطف:  انا اسف ي بنتي اسف
هاله بألم:  حرام عليك ي بابا حرام بجد
زينب بلوم:  ليه ياخويا كده تبعد ابن عن ابوه يعني لما محمد راح اكيد عرف انه عنده ابن
عاطف بندم وحزن:  عارف اني غلطت سامحوني
ليدخل الدكتور عليهم
الدكتور:  لقيتو حد من قرايب المريض لازم نعمل العمليه في اسرع وقت
لتمسح نور دموعها وتكمل بصوت منكسر:  انا اخته ي دكتور وممكن اعمل اي حاجه عشان اخويا يعيش
دكتور:  طيب لو جاهزه يلا عشان نعمل التحاليل لان مفيش وقت
نور:  حاضر
لتذهب معه وتتركهم
بعد ان انهت نور الاجراءات والتحاليل قررت ان تري يوسف قبل ان تدخل لذا طلبته ليدخل لها فعلا  بقلق
يوسف بقلق:  انتي كويسه
لتبتسم نور علي قلقه ثم تتنهد بحزن مخرجه دبلتها:  اتفضل ي يوسف
لينظر لها يوسف بغضب:  ايه دا بتقلعيها ليه
نور: انا مش هينفع اكمل ي يوسف
يوسف: وايه اللي غيرك فجأه ي نور
نور:  انا معرفش هاخرج من العمليه ازاي ومش هاقدر اعلقك بيا وانا كده
يوسف:  يا ستي تفائلوا بالخير تجدوه وبعدين مين قال اني هفرط فيكي اصلا مهما كانت الاسباب
لتفرح نور لكلامه
يوسف:  انا معاكي وبعدين هتخرجي لينا بالسلامه عشان هنكتب الكتاب
نور بخجل : حاضر
__________________________________
بعد مرور اربع سنوات
يوسف في مكتبه وهو يتصل علي نور بقلق
يوسف بقلق:  ها ي نور نتيجه روقيه ظهرت
نور : لا لسه ي حبيبي هي بتتأخر متخافش هي بتدور اهو
يوسف:  طيب شوفيها
نور:  استنى كده عشان محمد بيعيط
يوسف:  ليه مالوا
نور:  زنان ي حبيبي زي ابوه
يوسف:  انا زنان ي نور
نور:  ايوا جدااا مش فاكر لما خرجت من العمليه عملت اي
يوسف بأستمتاع:  عملت ايه
نور:  في حد عاقل يروح يجيب مأذون يكتب كتابه في المستشفي
يوسف:  ايوا انا
وقبل ان تتحدث نور تجد امامها روقيه تصرح بفرح:  انا نجحت ي نور وجبت 99%
نور بفرح وهي بتحدث يوسف:  روقيه نجحت ي يوسف وجابت 99%
يوسف:  الله اكبر الله اكبر هاتيها اباركلها
نور وهي تعطي الهاتف لروقيه: 
روقيه:  ليا عربيه مليش دعوه احنا متفقين
يوسف : واحلي عربيه لاحلي دكتوره
لتأخذ نور الهاتف من روقيه بعد ان بارك لها يوسف
يوسف:  بقولك ي نور اتصلي بهاله بقي تجي هي وساره وانا هتصل علي كيرلس يجيب مادونا وميرا ونعمل حفله لروقيه
نور:  حاضر ي حبيبي
لتغلق معه وتتصل بهم ليأتوا فقد انتقلت ساره للعيش في القاهره بعد وفاه حماتها وانتقال عمل زوجها
___________________^
في منزل هاله بعد ان اخبرتها نور عن الحفله
هاله محدثه ابنها:  يلا ي عاطف بقي افتح بوقك
ليسمع ابنها الكلام ويفتح فمه ويتناول ويلعب
هاله وهي تكلم زوجها الناظر للتلفاز:  ي احمد  لبسه انت علي لما اصلي العشاء والبس
احمد: انتي لسه مصلتيش
هاله:  عاطف كان مغلبني علي لما رضي ياكل
احمد بتنهد:    طيب هاتي و روحي
لتذهب هاله
ويبدا احمد في تلبيس ابنه وبعد ان انتهي ذهب الي غرفه زوجته ليجدها تبكي علي سجادة الصلاه
بعد ان انتهت
احمد:  مالك ي حبيبتي
هاله بدموع: بطلب من ربنا يسامح بابا ويرحمه هو وماما  لتكمل بدموع : هو انت سامحته يا احمد بجد
ليتنهد احمد:  ايوا طبعا ي حبيبتي هو انا كنت مستحيل اسامحه بس لما تعب سامحته وبعدين هو انا لو مكنتش سامحته كنت هخليكي تسمي ابني عاطف وهو اسم قديم اصلا ومنقرض
هاله:  متقولش علي اسم ابويا كده دا جميل
احمد: انتي الجميله
لتجخل هاله
هاله:  يلا هنتأخر
احمد:  حاضر ي قلبي يلا

_____________________________
في فيلا يوسف بعد ان تجمع الجميع
والاطفال يلعبوا فقد انجبت ساره بنت وسمتها سلمي
وانجبت ميرا بنت وسمتها يوستينا
وهاله انجبت عاطف
ونور معها محمد ابنها وهي حامله طفلتها في بطنها
نور محدثه ميرا:  امال فين مادونا
ميرا:  هتيجي مع مينا
نور : مينا خطيبها ولا كان اسمه ايه
ميرا:  ايوا هو
لتاتي مادونا فعلا بعد دقائق ويبدوا بالاحتفال بروقيه وتهنيأتها  بنجاحها وسط ترحيب زينب بأم ميرا السيده مريم
احمد محدثا نور:  اعملي حسابك ي نونو البت اللي ف بطنك دي لعاطف
نور:  مش ممكن تطلع وحشه
احمد: وحشه حلوه هي هاخدها يعني هاخدها
يوسف:  لا مش موافق
احمد:  مش باخد رايك دي بنت اختي
يوسف بغضب طفولي:  بنتي ي عم
ليضحك الجميع وتعم السعاده المكان

النهايه .....💛
تمت بحمد الله 💚🤲
_________________________________________
السلام عليكم 💛
عاملين ايه ?
يارب تكونوا بخير دايما 🌻🌸
زي ماشوفتوا الروايه خلصت الحمد لله 💛
وانتم هتوحشونا اوي 💜
الحقيقه الروايه دي اتعملت كثواب لجدو
لو فعلا استفدتوا بحرف ياريت تدعولوا ان ربنا يرحمه 💙
حابين نشكر كل اللي ساعدونا في الروايه دي من دعم. وتشجيع 🌏💛
اخر شئ 🌻
واللهِ لئن بقي على يوم القيامة يوماً فسيجبُرك أولاً ثم يُقيمها جبراً لدعائك وثقتك بقدرتِه..💜✨

يلا نستودعكم الله يا اخواتنا في الاسلام 💟😇