منقذتي من الهلاك (مكتمله )

الفصل الثامن عشر

بعد ان ذهبت نور الي هاله اكملوا شراء باقي الاغراض واتفقوا مع شاحنه للنقل وذهبوا الي القاهره

عند نور في المنزل
هاله:  مش عارفه طلعتيني معاكي ليه ومش عايزه تقوليلي عملتي اي مع ساره
نور:  تعالي بس هندخل الاوضه واحكيلك
هاله:  طيب
ليدخلوا
هاله بتنهد:  ها ياستي قولي
لتقص عليها نور ما حدث
هاله:  يا خبر ابيض ربنا ينتقم منه عمها دا طيب هاتي اكلمها
نور:  استني اتصل
لتتصل بها نور
ساره:  السلام عليكم
نور : وعليكم السلام عامله اي ي حبيبتي دلوقتي
ساره بفرح:  الحمد لله ي نونا وانتي عامله دلوقتي
نور:  الحمد لله لتكمل قائله : خدي هاله عايزه تكلمك
ساره:  هاتيها بسرعه
هاله: عامله اي ي حبيبتي وحشاني اوي
ساره:  انا الحمد لله بخير وانتي عامله اي انتي كمان وحشاني بجد كان نفسي اجي اباركلك بس انتي عارفه لكن الظروف تتعدل وهجيلك
هاله:  البقاء لله كأنك جيتي ي حبيبتي كفايه انك بخير انا الحمد لله ف نعمه
ساره:  ونعم بالله .. ربنا يديمها عليكي يارب

وبعد ان انهوا المكالمه مع بعض
عند ساره
علي:  كنتي بتكلمي مين ي حبيبتي
ساره:  دي نور
علي:  كنتي سلمتي عليها واشكريها كان نفسي ان اجبلك التليفون بس اتشغلت وانتي عارفه الظروف
ساره:  ولا يهمك ي حبيبي لتكمل بحرج: علي هو ينفع اطلب منك خدمه
علي بحب:  عيوني ليكي يحبيبت قلبي
ساره:  فاكر لما قولتلك ان نور. حكتلي قبل ما تسافر القاره موضوع اخوها
علي بتركيز:  ايوا ماله
ساره:  كنت عوزاك تروح وتسال هناك يمكن نعرف حاجه
علي:  طيب حاضر ي حبيبتي هسال
ساره:  بجد ي علي
علي:  بجد ي روح علي
لتبتسم ساره بخجل وتكمل بتوتر:  انا هروح اشوف خالتي
وتفر هاربه منه
ليضحك علي عليها وعلي خجلها
____________________________________
اما عند يوسف بعد ان اخذ روقيه صعد الي شقته
يوسف:  عندي خبر ليكي مش هتصدقي
روقيه : خير ي حبيبي
ليقص عليها اعتراف نسرين وانه سيرجع لهم حقهم واخيرا
روقيه:  الله الحمد لله يارب
يوسف:  الحمد لله ..انا هروح انام عشان هنزل بكرا بدري اتابع
روقيه:  ماشي ي حبيبي نوم الهنا
_____________________________________
في صباح يوم جديد ذهب يوسف وقابل كيرلس
كيرلس:  حظك مفيش زيه
يوسف:  ايه بومة ولا ايه ؟
كيرلس بضحك : لا غراب ليكمل:  حظك حلو ياض هشام اعترف ودا اللي صدمنا اوي بس ربك لما يريد بقا
يوسف:  الحمد لله يارب ...طيب كده ايه اللي هيحصل
كيرلس:  من بكرا الاملاك هتتحول بأسمك انت واختك وهو هيتحول للنيابه واكيد اعدام بعد اما اعترف
يوسف:  ونسرين ؟
كيرلس:  بص انا مش عارف بس دا هيخفف عنها انها ساعدتنا
يوسف:  ربنا يستر يلا انا ماشي
كيرلس:  ماشي مع السلامه
ليرحل يوسف من عنده وهو يشعر بالسعاده ان الله اخذ حقه وانه الان يستطيع ان يعالج اخته واخيرا ليمسح دمعه نزلت من عينه دون ان يشعر وما هي الا دموع الفرح
____________________^^^^^^^______________
مر اسبوعين وقد رحل يوسف من المنزل مع اخته لكن لم ينقطع الاتصال بين روقيه ونور التي لا تعرف ماذا حدث لها بعد رحيل يوسف هي سعدت لانه استعاد حقه وحزنت بسبب رحيله واليوم هو عرس هاله واحمد ومن المؤكد انه قادم لذلك هي تشعر بالسعاده اتى المساء وقد جهزت كل شى للفرح
لتفتح نور الباب وتجد روقيه امامها ومعها عكاز وليست علي كرسي كما كانت لترتمي روقيه في حضنها بأشتياق