وفجأه سمعت نور صوت شخص ينادي عليها التفتت نور لتجد انه يوسف
يوسف :انسه انسه
نور بتوتر: افندم
يوسف : ارجوكي دا اخر امل ليا اني الاقي اختي
نور بحزن: انا معرفش اساعدك اسفه
ساره: يلا ي نور هتتاخري
يوسف بحزن : انا طول عمري عايش يتيم ولوحدي و بدأ يبقا عندي شويه امل اول ما عرفت ان رقيه اختي لسه عايشه ارجوكي ساعديني اني اخدها
نور بعدما شعرت بصدق كلامه : طيب اساعدك ازاي
يوسف: انا عايز اختي بس
نور: انت اصلا متعرفش اذا كانت اختك ولا لا
يوسف: انا عايز اتاكد
ساره: بعد اذنك مينفعش نقف كده
يوسف: اسف بس هي املي الوحيد ممكن طيب رقمك واكلمك. صدقيني ولله نيتي كويسه
ساره بغضب: رقم ايه انت اتجننت
نور بتوتر : استني ي ساره اكتب عندك ...
يوسف بامتنان : شكراا اوي
نور: الشكر لله ... بس اول حاجه لازم نتاكد انها اختك
يوسف: ماشي
ليغادر يوسف وقد غمرته السعاده
ساره: انتي ازاي توافقي تديلو رقمك ي نور وكمان هتساعديه لا دا انتي اتجننتي
نور: مش عارفه يساره بس حاسه انه محتاج مساعدتي
ساره وقد ارتفع صوتها: احلفي والست ناويه تساعدو ازاي
نور بتحذير: وطي صوتك ي ساره واتكلمي كويس .. انتي اكتر حد عرفاني وفاهمه اني عايزه اساعده
ساره : عرفاكي ي نور بس مش عارفه هو ممكن يعمل ايه انتي مش شايفه شكلو
نور بقلق: بصي معرفش بقي انا هعمل اللي عليا وبعد كده اعملو حظر ومش هيعرف يكلمني تاني
ساره بتريقه : ودا هيجي بحظر واااو
نور: خلاص ي ساره حصل اللي حصل اعمل اي دلوقتي يعني
ساره: احظريه وفكك
نور: وافرضي روقيه اخته فعلا يبقي حرام علينا
ساره: وافرضي مش اخته وخطفها
نور بأستنكار : لا طبعا مفيش كده وكمان الملجأ مستحيل يسمح الا لو في الDNA
ساره: يبقي تخليه يعمل تحليل وناخد عينه من روقيه ونعمل احنا عشان نضمن
نور: انتي اوفر اوي يعني هيجي يخطف بنت من ملجأ ويقول اختي
ساره: معرفش بقي دا اللي عندي
نور لترضي صديقتها: حاضر
ساره: ومش هتقابلي الانسان دا الا وانا معاكي
نور بأبتسامه: حاضر ي روحي
لتودع نور صديقتها لتظل تفكر حتي تصل الي المستشفي
——————————————
وصلت نور المستشفي وصعدت الي غرفه والدها وجدت والدتها تقف في الطرقه وعاطف يسندها
زينب ببكاء : مات ي نور ابوكي مات ضهرنا اتكسر خلاص مبقاش لينا سند😭
عاطف بحزن شديد: اهدي ي زينب دي حكمه ربنا
وكان هذا اخر ما سمعته نور لتسقط فاقده للوعي💔
————————————————————
عند يوسف
يوسف لنفسه: ياااه معقوله بعد كل دا الاقي روقيه انا مش مصدق اكيد دا حلم
ليقطع كلامه صوت هاتفه
يوسف وهو ينفخ : نعم
احمد: وعليكم السلام
يوسف: اخلص عايز ايه
احمد: انا لسه هناك وعم عاطف مش بيرد ومش عارف اعمل اي
يوسف: طيب انا هكلمه واشوف
احمد بمرح : اشي يسطاا
ليغلق يوسف الهاتف في وجهه ويتصل بعاطف لكن لا يرد زفر يوسف الهواء بضيق ويشرد في جمال البحر امامه في ماضي قد مر ولم ينساه ابداً
--------------------------------------------------------------
عند نور 🥺
زينب بانهيار : بنتي بنتي
لتجري مهروله علي نور
عاطف: الحقونا
ليتم نقلها لغرفه
نور وهي تفوق: ايه اللي حصل
زينب بكسره وعياط : بقينا لوحدنا ي نور ابوكي سابنا ينور
عاطف: استهدي بالله بس ي زينب ربنا كبير
نور ببكاء هستيري : انتم بتضحكو عليا صح بابا عايش اكيد عايش بابا مش هيسبني لا اكيد عايش صح ي خالو وصرخت في نهايه جملتها
عاطف وهو يحاول تهدئتها : مش هنعترض ي نور دي حكمه ربنا اهدي كده
نور ببكاء: ونعم بالله
نور ببكاء شديد: ليه كده ي بابا مش انا نورك ليه كده تسبني يبابا انا انطفيت من غيرك يا حبيبي
عاطف: صلي علي النبي واهدي كده عشان امك
نور و هي تحاول التماسك : عليه افضل الصلاه والسلام
زينب بحزن: انا عايزه اشوفوا ي عاطف
نور بدموع: وانا عايزه يخالو بالله عليك
عاطف بتفهم: هروح اسال واجي
---------------------------------------------------
في مكان اخر( مش بعيد اوي دا عند ساره )
علي: انسه ساره انسه ساره
ساره بضيق: خير ي استاذ علي
علي باحراج: كنت عايز اطمن علي حضرتك باين مضايقه
ساره: نعم؟ حضرتك موقفني في الشارع عشان تسالني مالي
علي باحراج شديد : اصل
ساره : مفهاش اصل دي ي استاذ علي لو حد شافني هيفهم غلط وانا مش هفتح باب علي نفسي عن اذنك
لتتركو وتصعد الي منزلها
أنت تقرأ
منقذتي من الهلاك (مكتمله )
Romanceاحيانا لا نفهم اقدارنا نتعجب كثيرا لما يدور حولنا ولا نفهم المغزي يأتي لكل شخص مننا رسايل من الله لتنقذه من المعاصي ولتهديه الي الطريق القويم يجب علينا ان نترك الاحداث تجري وتأخذ طريقها في التقدم ونكون علي ثقه تامه ان الله يريد لنا الافضل فما خلقنا...
