منقذتي من الهلاك (مكتمله )

الفصل الثالث

★تسريع احداث★

قد مر 3 ايام علي نور ولم يتحسن والدها
لتتذكر حديث والدتها الذي دار بينهم
Flash bake
زينب بحذر : نور انتي عارفه ان ابوكي كان متجوز واحده قابلي صح
نور: ايوا بس دا من زمان مالو دا ببابا
زينب: من يومين الست دي اتصلت بابوكي وقالت انها عايزه تشوفه ضروري 
نور بشك : طب متعرفيش كانت عايزه ايه منه
زينب بقلق : انا خايفه يكون المقابله دي هي السبب ف اللي حصله
نور: يعني ايه
زينب: مش وقته الكلام دلوقتي لما ابوكي يفوق نفهم منه
نور: ماشي
*عوده*
أخذت نور تفكر في كلام والدتها لتخرج نور من شرودها علي صوت هاتفها
نور:  السلام عليكم
ساره:  وعليكم السلام .. طمنيني ي نور عمو عامل ايه
نور بحزن: لسه ولله ي ساره ومفيش اي تحسن
ساره:  اسفه ي حبيبتي مش قادره اقف معاكي عشان انتي عارفه ماما تعبانة ولسه جايه بيها من الدكتور
نور بتفهم: عارفه ي حبيبتي ربنا يشفيها ويعفو عنها
ساره: انتي ف الشارع ولا ايه
نور: ايوا لسه مروحه ماما البيت وراكبه  هروح الملجا تشوف العيال
ساره: بتهربي ي نور
نور: سبيها علي الله ي ساره
ساره:  ونعم بالله
لتودع نور صديقتها وتتجه الي الملجأ
-------------------------------------------
في مكان اخر حيث توجد هذه الشركة الكبيرة باسم السيوفي لدخل ذلك الرجل الكبير لكن مازال يحافظ على مظهره
والكل يخاف منه لشده خبثه وعصبيه المبالغ بها غير حبه الكبير للمال متجها لغرفته
السكرتيرة هنا بخوف: هشام باشا في شويه ورق محتاج يتراجع
هشام: طيب هاتيه وتعالي
ليدخل مكتبه وتأتيه مكالمة
هشام: ايه تاني
.....: هشام ابنك مجاش لحد دلوقتي البيت
هشام:  نسرين بقولك ايه انا مش فايق ليكي ولابنك انا عندي شغل
نسرين: ابنك بيضيع ومش هينفعك الشغل
ليغلق الهاتف ف وجها ويتركها تسب بيه وتبكي على حالها وعلى حال ابنها الفاسد
هنا: هشام باشا دلوقتي الصفقة دي هتخسرنا كتير اكتر ما هنكسب لازم حضرتك تخلي بالك من الشرط الجزائي
هشام بطمع: بس ربحها أكبر ولازم نجازف
هنا بضيق: اللي حضرتك تشوفوا
هشام:  يلا روحي شوفي شغلك
________________________
في الملجأ
نور:  عاملين اية
روقيه : ابله نور انتي لسه زعلانه
خالد:  اكيد ي روقيه
عمار:  ابله نور هو مش في القران ربنا قال ‏{ وَلَا تَيْأَسُوا مِن رَّوْحِ اللَّهِ }
روقيه:  ايوا وقال كمان ‏{ فَمَا ظَنُّكُم بِرَبِّ الْعَالَمِينَ }
خالد بعقل:  عارفه ي ابله احنا كلنا هنا بناخذ القوه منك ومن ايمانك مش عايز اشوفك كده
عمار:  كمان ي ابله ربنا دا جميل اوي انتي مش فاكره لما حكتلنا وانتي في الكليه وفي ماده مذكرتهاش وجت سهله لما دعيتي
روقيه:  ايوا انا فاكره كده .. ابله نور ربنا بيحبنا كلنا ودا اختبار لازم تنجحي
خالد: فاكره قصه مطرف وابنه كنتي حكتلنا عنها لما كان عبد الله بن مطرف دا مات خرج مطرف ابوه لابس لبس كويس والناس جت تلومه وتقوله ازاي تخرج كده فقال ليهم قال الله تعال "الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ
ان جاء ابتلاء من ربنا ووعدنا بعدها بشربه ماء لفرحت مبالك بقي لو قالك صلاوات ورحمه من ربنا ازاي عوزني ازعل
نور وقد غمرها الدموع:  ايوا انتم صح انا لازم اجمد وانجح في الاختبار
عمار بفخر  : طيب يلا عشان انا حفظت لوحدي صوره القلم عشان نسمعها
روقيه:  وانا حفظت كمان
خالد:  وانا
اسلام: ابله نور انتي جيتي .. اوعي تكوني بداتو من غيري
نوروهي تمسح دموعها:  لا لسه هنبدا يلا
لتنتهي من التسميع لهم وتبدا بسرد قصه لهم وكانت
نور: عارفين النبي كلمنا عن التوبه وفرح ربنا بالتوبه
عمار : ازاي
نور:  اقولك
سيدنا محمد قال ان ربنا بيفرح بتوبه عبده كفرحه بالرجل السائر في الصحراء الذي فقد راحلته وطعامه وشرابه، حتى أيقن بالهلاك، فنام منتظراً الموت، ولما صحي وجدها، ففرح لذلك فرحاً شديداً، ثمّ ذكر النبي -عليه السلام- أنّ فرح الله بتوبة العبد أشدّ من فرح ذاك الرجل حين وجد ناقته ومتاعه
بعد انتهاء نور وودعت الاطفال وودعتهم ان تاتي لهم غدا  تركت الملجأ لتذهب الي مستشفي لتبكي كعادتها اليوميه وهي تحدث والدها علي شده اشتياقها له ورحلت للمنزل لتغط في نوم
---------------------------------------
في نفس التوقيت في الورشه
عم عاطف:  انا جي معاكم بكره
يوسف باستغراب: ليه
عاطف:  هزور اختي علي ما تخلصو انتم
يوسف بتفهم:  تمام
احمد:  انا هخلص الشغل الباقي عشان لو اتاخرنا
يوسف:  طيب انا ماشي
ليرحل يوسف ليدخل لتلك البيت الذي يسكن به في الطابق الثالت وهو صاعد لتفاجأ بباب في الدور التاني يفتح
هاله بمياصه:  يوسف انت جي بدري
يوسف بخبث:  ايوا
هاله:  حمد الله علي السلامه طيب اتفضل اكيد جعان احضرلك اكل
يوسف وقد فهم مرادها: لا انا طالع انام
هاله بحزن:  ماشي
يوسف بأبتسامه جانبيه :  نعوض يوم تاني ي قطه
★استوووووب لحد كده★
عارفه ان الحلقه صغنونه بس حبيت اوضح الناس اللي فيها
★نور:  فتاه جميله ذات شعر بني طويل وعيون بنيه تشبه لون القهوه وطولها الذي لا يتعدي 160 ونحافه حسدها فهي يكمن جمالها في ملامحها البريئه وتبلغ من العمر 23خريجه كليه تجاره
★يوسف: شاب ذو طول جذاب ومفتول العضلات لا يدل ابدا انه مدمن وهو قد مر بظروف صعبه هنعرفها بعدين 😛 وهو يبلغ من الطول 180 عملاق يعني يبلغ من العمر 25 سنه
★هاني: شاب فاشل يعتمد علي مال ابيه ولا يهتم باي شئ غير السفر والخروج وذو بشره سمراء وطول يبلغ 178 وعمره 26 سنه
★هشام: والد هاني وهو يعشق المال لدرجه يبيع ابنه لاجل المال ويبلغ من العمر 62 سنه
★نسرين: والده هاني وهي تبلع من العمر 50 سنه وهي سيده طيبه لا تحب سلوك ابنها او زوجها وتتمني صلاحهم
★ساره: صديقه نور وهي فتاه محجبه وذات جمال ملحوظ فهي بعيون خضراء وطول جذاب يصل الي 168 وهي صديقه نور منذ الطفوله وخريجه كليه تجاره ايضا
★خيريه: والده ساره وهي تعاني من مرض السرطان وهي ايامها الاخيره
★زينب: والده نور وهي في 50 من عمرها وهي سيده طيبه وتحب بنتها كثيره وزوجها ومنزلها وتحاول المحافظه عليه
★محمد: والد نور وهو يحبها كثيرا ويحاول ان يوفر لها كل ما تحتاج ويبلغ من العمر 58
دول  الناس ف القصه بس ف ناس تانيه 😂😂 مش هتعرفوهم ناو
وبكده نبقي خلصنا النهارده عايزين رايكم وتوقعاتكم في اللي جي 😅😅
واخر حاجه
إذا رأيت اللَّه يؤنسك بذكرِه، فقد أحبَّك.
- عليّ بن أبي طالب
اذكرو الله يذكركم 💜