منقذتي من الهلاك (مكتمله )

الفصل التاسع

عند يوسف بعد ان رجع الي القاهره واطمئن علي حال العمل في الورشه ذهب لمكان مجهول
يوسف : جبتلك الكميه اللي انت عايزها بس السعر المره دي هيزيد شويتين
مجهول بارهاق : خد اللي انت عايزه اهم حاجه تديني الزفت دا
يوسف بسخريه : حد يقول كدا ع النعمه يلا ربنا يسامحك
مجهول بتعب : هات بقا انا جسمي كله منمل ومش قادر استحمل اكتر من كدا
يوسف بسخريه : اتقل يباشا هات الفلوس
ليأخذ حقيبه مليئه بالمال من ذلك المجهول ويعطيه الهروين ويذهب يوسف و هو يشعر بالانتصار ويتركه يتناول السم الذي يقتله بالبطئ
————————————————————
في غرفه نور ✨🌻
نور وهي تستفيق:  انتي صاحيه ي هاله
هاله بأبتسامه:  ايوا ي نور صباح الخير
نور:  صباح الورد ي حبيبتي عامله اي دلوقتي
هاله:  احسن الحمد لله
هاله بتردد:  نور انا كنت عايزه اقعد معاكي كام يوم ف حاجات كتير عايزه اتعلمها منك.  لتكمل بحزن: ونتكلم بخصوص هاني
نور بفرح:  طبعا ي حبيبتي تنوري انتي اختي

لتتفق نور مع هاله ان تحدث والدها لكي تبقي مع نور اسبوع لكي تخطط لما سوف تفعله مع نسرين وهاني لكي لا ينفضح امرها بحجه انها احبت نور وتريد قضاء المزيد من الوقت معها والتعلم منها
هاله : صباح الخير
لتخرج نور خلفها : صباح الخير
ليرد زينب وعاطف الجالسين ف الصاله : صباح النور
نور : هروح يماما انا وهاله نجهز الفطار وخليكي انتي مع خالو متقوميش
لتبتسم لها زينب
وبعد ان تناولو الفطار جميعاً
عاطف موجهاً كلامه لهاله : اعملي حسابك احنا هنروح بكرا
هاله : لا يبابا انا عايزه اقعد اسبوع كمان هنا مع نور روح انت وابقي تعال خودني الاسبوع الجاي
ليتعجب كلاً من زينب وعاطف من اغير هاله المفاجأ
عاطف : ودا ليه بقا ان شاء الله
هاله : مفيش اتكلمت امبارح انا ونور وحبيتها جداً وعيزاها تعرفني اكتر عن الدين
لتبتسم زينب بحب : ربنا يهديكي ياحببتي ويبارك فيكي
عاطف بشك : خلاص ماشي واهو بالمره الاسبوع الجاي هتكون العده بتاعتك خلصت يازينب وتيجي انتي ونور تعيشي معانا
زينب بود : ماشي يا خويا اللي تشوفه
_______________________________
في فيلا هشام 👀😶
كانت نسرين تقف في الشرفه وتتناول كوب القهوه وتفكر في حال ابنها وقد تذكرت ما حدث ليله امس
فلاش باك 💖💖
هاني :  هتبلغي عن مين
فرد هشام سريعاً  بتردد قبل ان تخبره نسرين باعماله القذره :كنت حاكي لأمك علي ناس ف الشركه وهي شاكه في واحد من كلامي عنه انه بيسرقنا ف الحسابات بتاعه الشركه فكانت عايزه تبلغ بس خلاص ينسرين انا هراجع الحسابات بنفسي واشوف اذا كان اللي انتي بتقوليه دا حقيقه ولا لا
لتنظر له نسرين بسخريه وتتركه وتصعد لغرفتها 
عوده💖
نسرين لنفسها:  لازم اشوف حل قريب مش هينفع كده لا انا لازم اتصل بيها بس بعد اما هشام يمشي عشان ميسمعش حاجه
لتخرج ذاهبه للمطبخ حتي تشرف علي الافطار
_______________________________
بعد انتهاء الفطار
تدخل نور غرفتها وتتصل بساره
نور : السلام عليكم
ساره : وعليكم السلام ورحمه الله وبركاته تصدقي كنت لسه بفكر فيكي
نور بضحك : القلوب عند بعضها
ساره ببعض الحزن : نور انا في عريس متقدملي  ومش عارفه اعمل ايه
نور بمرح : الف مبروك ياروحي ومالك بتقوليها وانتي زعلانه كدا ليه متخافيش يختي مش هحسدك
لتضحك ساره ع كلام نور وبعد انا هدأت : طب مش تسالي مين الاول
نور ببلاهه: اه تصدقي نسيت مين بقا 😅
ساره : علي ابن خالتي سماح جارتنا
لتتفاجأ نور ولكن تحاول الا تظهر ذلك لساره : طب وماله علي يساره كلنا عارفين انه محترم
لتقاطعها ساره : بس مش ملتزم انتي عارفه ينور صفات الراجل اللي طول عمري بحلم انه يكون جوزي ورفيقي الي الجنه
نور : طب ما تساعديه ياساره ومنها هتاخدي عليه اجر عظيم
ساره : طب وانا اش ضمني انه هيقبل اني اساعده
نور : هقولك ..............
ساره : تصدقي فكره تجنن دنتي مش سهله ينور
نور بضحك : جاري تفعيل وضع التكبر لتضحك الفتاتان وبعد ان هدأت نور : يخربيتك نسيتيني انا كنت متصله ليه
ساره : خير اشجيني
نور : هاله هتقعد معايا اسبوع وكدا ممكن معرفش اروح اجيب نتيجه التحليل بتاع يوسف ورقيه فعوزاكي انتي تروحي تجبيها وتدهاني اما نتقابل ف الملجأ
ساره:  يبنتي اصلا النتيجه هتاخد وقت علي ما تطلع
نور: لا يوسف دفع فلوس زياده عشان تطلع بسرعه المهم متنسيش بس هي علي يومين كده هيتصلوا وهقولك
ساره بمرح : اشطات ياصاحبي عدي الجمايل
نور بضحك  : يلا سلام بقا كفايه عليكي كدا لتغلق نور مع ساره وتتذكر هاله وفعلتها وتحزن لما وصلت اليه
نور لنفسها
ليه يهاله تعملي كدا دا خالو عاطف طيب وميستاهلش غير كل خير يارب ساعدها يارب ومتفضحهاش وانا مش هسيبها خالص يارب قدرني وخليني سبب ف هدايتها لتقوم وتجد هاله تجلس في البلكونه شارده فتبدا الحديث معها
نور:  الجميل بيفكر ف ايه
هاله بابتسامه:  مفيش بس كنت بفكر هبدا منين عشان اقرب من ربنا وهو فعلا سامعني وحاسس بيا ولا لا
نور بفرح من قرارها:  ايوا طبعا سامعك ربنا قال لسيدنا موسي وسيدنا هارون "قَالَ لَا تَخَافَا إنَّنى مَعَكُمَا أَسْمَع وَأَرَى“ ربنا شايف كل حاجه عارفه عايزه تحسي دايما بقرب ربنا ليكي قولي الله ناظر الي الله مطلع علي الله معي عمرك متخافي من اي شئ بعدها وكمان قال ” وَنَحْنُ أَقْرَبُ إِلَيْهِ مِنْ حَبْلِ الْوَرِيدِ  “
هاله بامل وقد تجمعت الدموع في عيونها:  ايوا بس انا مش عارفه اقرب منه حاسه اني بعيده
نور:  بصي يهاله عشان تقربي لازم لبسك دا يتغير وتظبطي شكلك بلاش مكياج والكلام دا مش حلو ليكي
هاله بتساؤل:  هو حرام المكياج؟
نور بسرعه:  ايوا بصي وقال تعالى في سورة النور: وَلا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ  معني الايه دي ان حرام لغير الزوج او المحارم الزينه وطبعا المكياج دا زينه ف حرام
هاله بتفهم:  ايوا انتي صح بس برضو مقولتيش اقرب ازاي من ربنا
نور:  هقولك يستي بصي انتي اول حاجه هتتسألي عليها حسب كلام الرسول هي الصلاه فإن صَلُحت فقد أفلح وأنجح، وأن فَسًُدت فقد خاب وخسر ومش تصلي كروته لا براحه كده عشان متقوليش مفيش خشوع وربنا مش هتيقبل لا انتي صلي براحه
هاله:  ايه كمان طيب
نور:  القران ي هاله دا هيبقي تاج فوق راسك كده غير انه هيبقي انيسك في القبر بصي حتي لو ف آيه ف اليوم اقل حاجه خالص بس بلاش اهمال
هاله:  حاضر باذن الله
نور:  وقيام اليل قال الرسول -عليه الصلاة والسلام-: (يَنْزِلُ رَبُّنَا تَبَارَكَ وتَعَالَى كُلَّ لَيْلَةٍ إلى السَّمَاءِ الدُّنْيَا حِينَ يَبْقَى ثُلُثُ اللَّيْلِ الآخِرُ يقولُ: مَن يَدْعُونِي، فأسْتَجِيبَ له مَن يَسْأَلُنِي فَأُعْطِيَهُ، مَن يَسْتَغْفِرُنِي فأغْفِرَ له)
هاله:  اه ما انا ناويه باذن الله افضل عليه علي طول
نور بمرح:  دا كمان هينور وشك مش هتحتاجي ولا مكياج ولا اي بتنجان.
هاله:  باذن الله ي نور حاضر
نور وقد تذكرت شئ:  وخالو عاطف ي هاله لازم تاخدي بالك منه دا اللي هيدخل الجنه لما تسمعي كلامه
هاله وقد حزنت:  مخنوقه اني كسرته كده اوي
نور:   انتي غلطتي بس مش هنعلق حبل المشنقه المهم تتعلمي وتتوبي وربنا هيسترك متخافيش
ليقاطع كلامهم هاتف هاله
هاله بتردد:  دي نسرين اعمل اي
نور:  ردي
لنرد هاله
هاله:  السلام عليكم
نسرين:  وعليكم السلام بصي يبنتي انا لازم اقابلك في اقرب وقت كده مش هينفع انا مش عارفه اتصرف
هاله بتوتر : انا مش في البيت الفتره دي اول ماجي علي طول هكلمك حاضر
نسرين بتفهم:  بس ياريت في اسرع وقت
هتنهي هاله معها المكالمه
هاله : اتفقت معاها لما انزل هقابلها بس ينفع تجي معايا
نور:  ايوا طبعا يلا بقي نروح نقعد مع زوزو هانم وعاطف بيه
لتضحك هاله علي كلام نور ويذهبوا
-------------------------------------------------
عند ساره بعد ان انهت المكالمه مع نور
خيريه:  كنتي بتكلمي مين ي ساره
ساره:  نور ي ماما بتسلم عليكي
خيريه:  الله يسلمها
خيريه:  ها قررتي ايه
ساره:  مش عارفه ي ماما. بس وصليله ان انا جوزي لازم يبقي من اهل الجنه غير كده مش هوافق
خيريه بحزن:  طيب يبنتي اللي يريحك بس كان ممكن تصلحيه بس مش هغصب عليكي هقوم اقول لامه
_______________________________
في منزل يوسف
يوسف لنفسه:  يووووووه هي البت دي مش بتطلع من دماغي ليه لا ي يوسف اللي جي صعب اوعي تحب والكلام الفاضي دا هي هتساعدني اخد روقيه وبعد كده ابدا اشتغل صح
ليطمئن نفسه انه لن فكر فيها بعد انتهاء مساعدتها له ويقرر ان ينزل ليتابع العمل في الورشه
يوسف:  ولا يااحمد مالك سرحان كده ليه لتكون بتحب
احمد بهيام:  بحب ايه دا انا وقعت حتت وقعه علي وشي هتكسر ضهري
يوسف بضحك عالي:  يخربيتك مين اللي عملت فيك كده خلتك تشوف الليل نهار وتكلم نفسك
احمد وقد فاق:  وانت مالك ياخي انت خليك ف حالك
يوسف بخبث:   انا اخدت بالي انك بتبص لهاله اوي
احمد بتوتر:  مش ببص ووسع عندي شغل عيل غتت
ليتركوا ويرحل
يوسف:  الواد احمد طيب حتي لو مش بطيقه بس هاله مش لايقه عليه يلا يمكن يربيها
لنتهي كلامه ويكمل عمله ومازال وجه نور يتردد اليه كل فتره حتي استسلم له
_______________________________
عند علي علي القهوه
علي في نفسه بعد ان علم برفض ساره له: لازم انسحب كده هي فعلا تستاهل حد احسن مني كان لازم اعرف ان مش العريس الي هياخدها للجنه 💔
______________________________
استووووب 👀🌚
السلام عليكم 🌻💖
عاملين ايي؟  💙
يارب تكونوا بخير
حاسه الروايه التفاعل قل فيها هي مش عجبكم 😅💔
شركونا رأيكم 🤐💔
اخر حاجه 💙
الشيخ الشعراوى قال جمله جميله اوي :
يبتليك الله ليختبر صبرك فتصبر فيكرمك ثم تحمد فيزيدك ثم تستغفر فيغفر لك ويعلى شأنك بين الناس ويرضي عليك فيزداد جمال روحك 🌻🌸
‏استودعكم الله 💜✨
‏