منقذتي من الهلاك (مكتمله )

الفصل السادس

في مكان اخر
هاله:  انا خايفه ي سحر ابويا لو عرف هيقتلني
سحر:  انتي اللي هبله قولتلك وقعيه واتجوزو مش تقعي انتي
هاله: حبيته ي سحر اعمل ايه
سحر:  انتي هتستعبطي انتي حبيتي فلوسه بس ي هاله متنكريش
هاله:  طيب اعمل اي دلوقتي ابويا لو عرف يالهوي يالهوي
سحر:  امال هو فين
هاله:  راح دمياط وقال يشوف اخته انا خايفه ي سحر
سحر:  مفيش غير حل
هاله: ايه بسرعه
سحر:  هقولك .............
هاله بشر:  ايوا صح ازاي مفكرتش في كده
سحر بنظره شيطانيه:  اي خدمه
ليدخل عاطف بعد ان ودع يوسف
عاطف بحزن:  ازيكم يبنات
سحر بخجل:  بخير ي عمو استاذن انا سلام ي هاله لتفر هاربه
هاله:  مالك يعم عاطف باشا فيه ايه
عاطف:  جوز عمتك مات ي هاله
هاله ببرود:  عادي عمره
عاطف بغضب:  بطلي برودك دا واعملي حسابك بكره هتجي معايا عشان تقعدي مع نور وعمتك
هاله بحقد:  واقعد معاهم ليه انا مش بحبهم اصلا اختك دي حربايه اصلا ونور مسهوكه
لتجد قلم ينزل علي وجها
عاطف بغضب شديد: شكلي معرفتش اربيكي بس ملحوقه هوريكي .. بكره تبقي جاهزه انتي فاهمه
هاله ببكاء:  فاهمه
ليتركها عاطف ويدخل غرفته ويدعها تسب في نور وعمتها
--------------------------------------------------------
علي القهوه
علي بحقد:  مش عارف هي شايفه نفسها كده ليه كل اما اكلمها تعمل الخضره الشريفه وعيب ومش عيب
عمر:  اهدا كده يبني عادي وبعدين فكك منها طالما هي كده
علي:  دا بعدها وربنا ابدا انا كلمت امها اصلا وقالت هتسال ودخلتلها بان البت ملهاش اهل وعمها لو حصل لامها حاجه هيجوزها ابنه السكران ليرميها
عمر:  خاله خيريه طيبه اصلا واكيد هتخاف علي ساره
علي:  عشان كده لعبت ف عقلها
فلاش باك 💖
خيريه:  ايوا جايه
لتقوم بفتح الباب وتتفاجأ ب علي
خيريه:  اهلا يابني خير في حاجه
علي بابتسامه:  ممكن ادخل حابب اتكلم معاكي ف موضوع
خيريه:  اتفضل يابني
بعد ان دخل علي
خيريه:  قلقتني في ايه
علي:  مفيش قلق ولا حاجه بصراحه انا معجب بساره واخلاقها ونفسي تبقى من نصيبي
خيريه:  بس
علي:  عارف ان شغلي علي قدي وان مش من مقامها بس حضرتك بعد عمر طويل لو جرالك حاجه بعد الشر هيبقى ايه الحل
خيريه بتفكير:  تقصد ايه
علي:  عمها فاضل مش هيسبها وانتي عارفه ابنه مش مظبوط وكده هتبقي رميتي بنتك ف الهلاك غير انهم ممكن يرموها اصلا
خيريه: انت جي تقول ايه ي علي ايه الكلام اللي يحرق الدم دا
علي:  مش قصدي ي خاله بس انتي عارفه ان دا اللي هيحصل .. فكري شويه كده
خيريه:  برضو مينفعش اخد القرار دا لوحدي لازم هي اللي تقرر
علي:  طيب ي خاله اللي تشوفيه استاذن الله
خيريه:  اذنك معاك
💖💖💖
عمر:  يابن اللعيبه دا كده هتخاف وهتوافق لعبتها صح
علي:  عيب عليك
_______________________________________
عند نور✨
ساره:  خلاص ي نور بقي ادعيلو ي حبيبتي هو عند ربنا دلوقتي
نور ببكاء:  مش قادره ي ساره
ساره:  طيب اهدي ع الاقل عشان طنط مصدقنا نامت شويه وانتي ريحي عشان الصبح خلاص قرب يطلع
نور ببكاء: مش مصدقه ي ساره انه سابني خلاص
ساره: وبعدين ربنا قال  وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ.الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ.أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ
نور:  إنا لله وإنا إليه راجعون
ساره: وفاكره ام سلمة رضي الله عنها لما مات زوجها أبو سلمة رضي الله عنه قالت: سمعت رسول الله صلى الله عليه وسلم يقول: "ما من عبد تصيبه مصيبة، فيقول: إنا لله وإنا إليه راجعون، اللهم أجرني في مصيبتي، واخلفني خيراً منها، إلا آجره الله في مصيبته، وأخلف له خيراً منها " قالت: فلما توفي أبو سلمة قلت: ومن خير من أبي سلمة صاحب رسول الله صلى الله عليه وسلم؟ ثم عزم الله عليَّ، فقلتها ، قالت: فتزوجت رسول الله صلى الله عليه وسلم ،ومن خير من رسول الله؟!.
نور وقد هدات:  اللهم اجرني في مصيبتي
ساره:  شاطره ي حبيبتي يلا بقى ريحي شويه على ما الصبح يطلع
نور : وانتي مش هتنامي
ساره:  لا هقرأ قران شويه وبعدين اريح
نور:  طيب وانا هفرد مش هنام
ساره بابتسامه : ماشي ي روحي
---------------------------------------------------------------------
في فيلا هشام
لتشعر نسرين بالقلق وتستفيق لتجد ان النهار بدأ يشق الظلام
نسرين:  ياربي الفجر نسيته
لتقوم وتناجي ربها كما تفعل دائما
نسرين:  يارب اصلح حال ابني يارب واهديه لطريقك واهدي هشام يارب وتوب عليه انت التواب يارب يارب انت عالم بحالي وعارف انه كان غصب عني ان اساعدوكان هيقتلني وعارف اني ندمانه يارب سامحني يارب ابني يارب بيضيع مني وهنا تشهق بالبكاء : يارب انا تعبت يارب ساعدني
لتقوم بعد ذلك وتقرأ وردها اليومي وتذهب لتنام بعد ان يأست من عوده ابنها في هذا الوقت
____________________________________________
في نفس الليله لكن في مكان اخر حيث الضوضاء والموسيقي العاليه
هيثم:  ايه ي هاني انت متقل النهارده في الشرب ليه
هاني:  وانت مال اهلك
هيثم:  يعم ابو اسلوبك
هيثم باستغراب:  يعم الصنف دا تقيل
هاني:  بس جامد
هيثم:  جالك ازاي دا
هاني:  متسألش .. يلا انا ماشي
هيثم : بدري اوي ايه رايح فين
هاني:  وانت مال اهلك
ليتركو ويرحل ليذهب لمنزل واحده من التي يقضي معها ليله
------------------------------------------------------------------
لياتي صباح يوم جديد وقد ذهب عاطف مع ابنته هاله ويوسف الي دمياط

زينب بحزن:  ازيك ي هاله
هاله ببرود:  اهلا ي عمتو البقاء لله
زينب : ونعم بالله
عاطف:  روحي يهاله لنور اقعدي معاها
هاله:  طيب
زينب:  ملهوش لازمه تيجي ي حبيبي
عاطف:  بس بقي ي زينب عيب دا واجبي المهم دلوقتي انا هنزل اشوف ننصب صوان انا ويوسف
زينب:  هنعمل عزاء يوم واحد كفايه
عاطف : اللي تشوفيه واعملي حسابك هتيجي معايا ملكيش قاعده هنا لوحدك
زينب بتفهم : ان شاء الله
______________________________________
عند نور
ساره:  نور ي نور
نور:  ايه ي ساره ف ايه
ساره : قومي اعدلي نفسك في حد بيخبط
نور وقد عدلت نفسها
لتدخل هاله
هاله:  البقاء لله ي نور
نور باسغراب:  ونعم بالله انتي مين
هاله ببرود:  هاله بنت خالك المفروض
نور بابتسامه وقد اردت ان تعانقها لتصدها هاله وتكتفي بالسلام باليد
ساره:  اتفصلي ي هاله اقعدي
لتجلس هاله
هاله بتردد : متزعليش ربنا يرحمه
ساره ونور:  اللهم امين
وتبدا ساره محاوله ان تفتح  موضوع لتخفف من التوتر بينهم
ساره:  مشاء الله عليكي يا هاله قمر
هاله:  شكرا انتي كمان قمر
ساره:  انتي خريجه ايه
هاله بغرور:  تجاره وبشتغل في شركه .....
ساره:  ماشاء الله انا اسمع عنها انها شركه مشهوره اوي وناسها يتخاف منهم
نور:  وانتي تعرفي منين دا
ساره:  من التلفزيون ي بنتي
هاله بغرور: اه طبعا دي مشهوره اوي وناسها تقيله
نور:  ربنا يوفقك يارب ي هاله
هاله:  ان شاء الله
____________________________________________
في مكتب هشام
هشام بتوتر : طيب كده هيجمد وهيقدر يوصلنا
ياسر بشر:  عيب عليك. انا اديتوا كرت ارهاب  هو تحت عنينا بس كده في اكيد جاسوس في الشركه وهو اللي قالو ان فيه فلوس بتتحول
هشام بغل:  لازم تعرف مين اللي عمل كده ورقبتو تجي
ياسر : تحت امرك
ليتركه ويخرج ويجد هنا بالقرب من المكتب لكن لم يعطي الامر اهميه لعملها سكرتيره خاصه لهشام
ياسر بمكر:   هنا عامله اي
هنا بقرف:  كويسه ي مستر ياسر هروح اشوف هشام بيه
ياسر:  مش ناوي الجميل يحن بقي
لتصده هنا:   مستر ياسر عندي شغل
ياسر:  ماشي ي هنا مسيرك تقعي ف حبي
___________________________________________
بعد انتهاء العزاء
عاطف:  جهز انت ي يوسف العربيه وانا هطلع اجيب هاله
يوسف : طيب
ليصعد عاطف
عاطف:  يلا ي هاله
هاله:  طيب
عاطف:  زينب يومين كده واجي اخدك انتي ونور عشان تعيشو معايا وبعدين بيت ابوكي كبير وانتي ليكي شقه فيه اصلا
لتفاجئه خروج نور
نور:  احنا مش هنروح في حته يخالو
___________________________________________
استوووووب 🥳🥳
السلام عليكم 💜✨
عاملين اي؟
يارب تكونو بخير دايما
‏عايزه اقول  الرسول  صلى الله عليه وسلم  قال: «ما يصيب المؤمن من نصب ولا وصب ولا همٍ ولا حزن ولا أذىً ولا غم, حتى الشوكة يشاكها إلا كفر الله بها خطاياه>>
‏متزعلش علي اي حاجه في حياتك 💖
‏واخر حاجه قولو دايما كده 👇👇
‏ومن كان في نيته سوء لنا، فلاتجمعنا به يا الله لاصدفه ولا حلما ولا واقعا." 💛🍂
‏يلا استودعكم الله 🌸💙