في صباح يوم جديد عند عاطف قد استيقظ وهو يشعر بالراحه ليقرر ان يفاتح ابنته في امر زواجها ليقوم ويتوضأ ويصلي الضحي ليخرج ويجدها مستيقظه
عاطف: سيبي اللي ف ايدك وتعالي ي هاله
هاله: حاضر يبابا
وهي تترك الطبق علي السفره لتذهب له
عاطف: بصي اسمعي للاخر والقرار ليكي في الاخر
هاله وقد فهمت ما يريد قوله: حاضر اتفضل
عاطف بتردد: احمد طلب ايدك قبل ما تعترضي انا بقولك القرار بتاعك بس انا عملت استخاره وارتحت وباطلب منك تعملي استخاره وبعدين تقرري ليكمل بحزن: عارف انه علي قده بس دا ميعبش الراجل وهو جدع ومحترم وهيحافظ عليكي فكري يبنتي كويس
هاله: طيب ي بابا سبلي وقت وهفكر واعمل استخاره
عاطف: لو محرجه مني ممكن تقولي ردك لعمتك او لبنت عمتك
هاله بتوتر: حاضر ....يلا بقي عشان تفطر
ليذهبوا للسفره وقد شعر كلا من هاله وعاطف بالراحه هاله لان احمد لم يتراجع ويتخلي عنها وعاطف لانه اعطي القرار لابنته
__________________________________________
عند نور
زينب : بقولك ي نور احنا من ساعه ما جينا هنا وانتي مش بتكلمي ساره خالص
نور : ولله يماما كل اما اكلمها تليفونها مقفول لحد ما قلقت عليها ومش عارفه اعمل ايه
زينب: ربنا يستر ي حبيبتي بس ابقي حاولي
نور: من غير متقولي ي ماما حاضر ان شاء الله
زينب: طيب ي حبيبتي يلا بقي قومي حضري الفطار علي ما روقيه تنزل
نور: حاضر
______________________________________
استيقظ كلا من يوسف وروقيه لتقول له روقيه
روقيه: يلا قوم اتوضي وصلي الضحي
يوسف: ضحي؟
روقيه: ايوا ايه متعرفهاش
يوسف: لا ي هانم ليكمل مازحا: عرفيني
روقيه بفرح لانه يريد ان يعرف: بص بقي صلاه الضحي دي اسمها صلاة الأوابين. وهي بتبقي اول ما الشمس تطلع لحد قبل الضهر اللي هي اسمها صلاه الشروق وموجوده في النتيجه المهم هي بتبقى صدقه علي جسمك الرسول عليه الصلاه والسلام قال "يصبح على كل سلامى من أحدكم صدقة، فكل تسبيحة صدقة، وكل تحميدة صدقة، وكل تهليلة صدقة، وكل تكبيرة صدقة، وأمر بالمعروف صدقة، ونهي عن المنكر صدقة، ويجزئ من ذلك ركعتان يركعهما من الضحى".
لينظر لها يوسف بدهشه ويحزن علي حاله انه لا يعرف عنها شئ: طيب اصليها ازاي
روقيه: صلي ركعتين وتختم وهكذا علي حسب مقدرتك وفي حديث الرسول قال (مَن صلَّى الضُّحى ثنتي عشرةَ ركعةً بنى اللهُ لهُ قصرًا من ذهبٍ في الجنَّةِ)
يوسف: حاضر ي روكا هقوم اصليها اهو
روقيه: شاطر ي حبيبي لتكمل استنى اقولك حديث كمان افتكرته رُوي عن أبي هريرة -رضي الله عنه-، إذ قال: (أَوْصَانِي خَلِيلِي بثَلَاثٍ لا أدَعُهُنَّ حتَّى أمُوتَ: صَوْمِ ثَلَاثَةِ أيَّامٍ مِن كُلِّ شَهْرٍ، وصَلَاةِ الضُّحَى، ونَوْمٍ علَى وِتْرٍ)
يوسف بإبتسامه: مين علمك كل دا نور؟
روقيه: ايوا ابله نور كان ليها الفضل بعد ربنا
يوسف: ربنا يجزيها كل خير
روقيه: اللهم امين يلا بقى قوم
ليقوم يوسف ويتوضأ ويصلي ثم يقوم بتحضير الفطار وبعد ان انتهوا انزلها لنور
______________________________
عند نور في غرفتها
روقيه بفرح: انا مش مصدقه نفسي بجد فرحانه اووي
نور بإستغراب: ربنا دايما ي فرحك بس ليه ي حبيبتي
روقيه: يوسف بدا يلتزم خلاص ي ابله نور و دا شئ مفرحني اووي
نور: طيب كويس الحمد لله
لتستمع صوت والدتها ترحب بدخول هاله
لتخرج نور لتستقبلها
نور: لولو عامله اي النهارده
هاله: الحمد لله لتكمل بتوتر: عايزه اتكلم معاكي
زينب: روحوا اتكلموا ف البلكونه وانا هقعد مع روقيه واهو اعلمها الاكل شويه
ليذهبوا للبلكونه
نور: خير قلقتيني
هاله بدموع: انا مستحقره نفسي اوي ي نور
لتقص عليها ما حدث مع عاطف الصبح
هاله بدموع: بابا طيب اوي سابلي الاختيار ي نور وكان خايف عليا
نور بحزن: اهدي بس ي حبيبتي دا قدر ربنا لتكمل مقترحه :ايه رايك اقوله انا رايك انك موافقه
هاله: ياريت ي نور ياريت
نور: خلاص يلا ي ستي خلينا نفرح زوزو بقى
هاله: يلا
_____________________________^^^^____
في المستشفي بعد ان خرج الطبيب وهو يشعر بالاسف علي حال السيده لينظر الي زوجها قائلا
الدكتور: للاسف متحملتش الصدمه ودخلت في حاله لاوعي
هشام بتوتر وحزن: يعني ايه ي دكتور
الدكتور: يعني الصدمه اثرت عليها خلتها مش حاسه بكل اللي حوليها وعقلها رافض انه يستقبل فكره ان ابنها مات
هشام: طيب هي هتفضل كده كتير
الدكتور: ادعلها
ليغادر تاركا هشام يشعر بالحسره علي فقدانه لوريثه الوحيد وكان يتمني ان تموت زوجته بدلا من ابنه وهو لا يدرك ان الله يعاقبه
____________________________________
اما عند كيرلس فقد جهز كل شئ لفاجأ حبيبته وذهب الي اسفل منزلها منتظر نزولها
ليقابل يوسف
كيرلس. بحزن: عامل اي
يوسف وقد استشعر الحزن في كلامه: الحمد لله ليكمل قائلا بنبره قلق: مالك انت كويس؟
كيرلس: كويس بس في خبر كده
يوسف متسائلا: خبر ايه ؟
كيرلس: النهارده بلغوني ان هاني مات
ليجد يوسف يبتسم
كيرلس: مضيقتش
يوسف: بعد اللي عمله مستحيل يلا فكك لينظر لمدخل البيت محدثا كيرلس بخبث: حبيبتك وصلت
كيرلس بتوتر :طيب طير انت بقى
ليضحك يوسف ويغادر ليكمل عمله
ميرا: هنروح فين
كيرلس: ايه القمر دا
ميرا بخجل :بجد حلوه
كيرلس: انتي دايما حلوه ي قلبي يلا بقى عشان منتأخرش
ميرا : مجبتش مادونا ليه
كيرلس: لا مش عايزنها النهارده
ميرا ببرائه:ليه كده دا انا بحبها دي عسل
كيرلس: انتي العسل يلا اختاري اغنيه
ميرا: عايزه اه منك ي غالي
كيرلس مبتسما لانه يعرف انها اغنيتهم المفضله فقد حضرلها لها: من عيوني
__________________________________________
خرجت هاله ونور ليجلسوا مع زينب ورقيه
نور : مش تباركي لهاله يماما
زينب : مبروك بس ع ايه
نور : احمد جارنا اتقدملها وهي وافقت
لتقوم زينب وتحتضن هاله
زينب : الف مبروك ياحببتي انتي عارفه اني بعتبرك زي نور
هاله بدموع : وانا بعتبرك زي ماما كان نفسي تبقى معايا ف الوقت دا
زينب وتحضنها : انا ونور معاكي ياحببتي ومش هنسيبك الا وانتي ف بيت جوزك
هاله : ربنا يخليكوا ليا
روقيه: مبروك ي ابله هاله
هاله: الله يبارك فيكي ي حبيبتي عقبال ما افرح بيكي
نور : ايه رأيك يماما نعزم خالو عاطف النهارده وبالمره نقوله قرار هاله وانها موافقه ع احمد لتكمل بغمزه : اصل العروسه مكسوفه
زينب : ماشي ياحببتي يلا روحي انتي وهاله جهزوا الغدا وانا هقعد مع رقيه
لتذهب الفتاتان لاعداد الغدا
——————————————————————-
عند كيرلس وميرا
كيرلس بحب : يلا انزلي ياحببتي وصلنا
لتفتح ميرا عينيها ع اخرها
ميرا بفرحه : الله انا من زمان نفسي اروح الملاهي وكل مااقول لمادونا تقولي احنا كبرنا ع الحاجات دي
كيرلس بابتسامة: طب يلا عشان نلحق اليوم من اوله
وقضو اليوم وهم يتنقلوا بين الالعاب بين ضحك ميرا الطفولي وجنونها الذي يسحر كيرلس ويجعله يعشقها اكثر كل يوم
كيرلس بحب : مش كفايه كدا ياحببتي
ميرا بطفوله : اخر واحده عشان خاطري عشان خاطري عشان خاطري
كيرلس :خلاص كفايه زن بس دي اخر واحده
لتجري ميرا وتقطع التذاكر
كيرلس : مجنونه بس بعشقك
وبعد انتهائهم من اللعب
كيرلس : تحبي نتغدا فين
ميرا : اي حته انا هموت من الجوع
كيرلس : بعد الشر عليكي ياروح قلبي
ميرا : كيررررولس
كيرلس : عيوني
ميرا : بس بتكسف
ليمسك يدها ويقبلها ويقود السياره ويذهبوا الي المطعم ليتناولو الغداء
———————————————————————-
عند نور
زينب : كلمتي خالك ي نور
نور : هاله كلمته وقال طالع
ليدق الباب وتفتح زينب
زينب: ازيك يا حبيبي عامل ايه
عاطف :بخير الحمد لله
ليدخلو ويتناولوا الغدا وبعد الاكل
زينب : مبروك ياحبيبي لهاله
عاطف بفرح : هي قالتلك انها موافقه
زينب : ايوه ياحبة عين امها كانت مكسوفة وخلت نور تقولي
لينادي عاطف بحب : هاله
هاله : ايوا يبابا ثواني بعمل الشاي
عاطف: سيبي اللي ف ايدك وتعالي
لتأتي وتنظر اليه بخجل فهي تعلم انه يريد تهنائتها
عاطف : والله وكبرتي وبقيتي عروسه
ليحضنها وتدمع هي وهي تحضنه
هاله : كان نفسي ماما تبقى معايا
عاطف : هي اكيد فرحنالك
عاطف : انا هروح ابلغ الواد احمد دا اكيد هيطير من الفرحه
لتبتسم هاله بخجل
—————————-
في الورشه
عاطف : تعالي ياحمد عايزك ف كلمتين
احمد : خير يعم عاطف
عاطف : هاله وافقت
احمد بفرح : الحمد الله يعم عاطف دا انا كنت بحلم باليوم دا
ليبتسم عاطف : المهم هتيجي امتى البيت
احمد : انهارده بليل ان شاء الله ونقرا الفاتحه ونلبس دبل
عاطف : مستعجل ليه كدا يبني
احمد : خير البر عاجله
عاطف : ربنا يبارك فيك يبني يلا بقى روح كمل شغل
—————————————————————
مر الوقت وقبل ان يغادر يوسف من الورشه
احمد باحراج: يوسف عايز اطلب منك طلب
يوسف : خير عايز فلوس
احمد : مستوره الحمد لله بس انت عارف اني مقطوع من شجره ومش عايز ادخل بيت عم عاطف لوحدي وكنت عايزك تيجي معايا
يوسف : طبعاً يبني انت زي اخويا اجهز انت وبعدين ننزل سوا لعم عاطف
ليقوم احمد ويحضنه
يوسف بضحك:خلاص ياض الناس هتفهمنا غلط
ليضحك احمد ويصعد كل منهم الي شقته
——————————————————————
في سياره كيرلس
كيرلس بحب : اتبسطي
ميرا : اووي اوي ياكوكو ربنا يخليك ليا وميحرمنيش منك ابداً
كيرلس وهو يقبل كفها : ويخليكي ليا يا روحي
ميرا وقد احمرت وجنتيها : طب هطلع انا بقا عشان ماما متقلقش عليا
كيرلس بضحك : اهربي اهربي ما دا اللي انتي فالحه فيه
لتضحك ميرا وتنزل تجري من السياره ليضحك كيرلس ع تصرفها ثم يخرج هاتفه ليكلم يوسف
كيرلس : ازيك يا يويو
يوسف : شكلك رايق وفايق ايوه طبعاً مين قدك
كيرلس بضحك : خمسه خمسه
يوسف وهو يضحك : متخافش انا مش بحسد انا بقر بس
كيرلس : بس ياض بدل مااطلعلك
يوسف بضحك: يمي يمي. خاف يعيد
ليضحك كيرلس
يوسف بجد : اه صح ما تطلع تروح معايا انا واحمد نتقدم لهاله والواد غلبان ومقطوع من شجره وملهوش حد
كيرلس بتفكير : بس هو مكلمنيش
يوسف : اكيد خاف تكسفه اطلع عندي وهو كمان شويه هينزل وهنروح مع بعض
ليوافق كيرلس ويطلع شقه يوسف
———————————————————————
ف شقه عاطف كانت تتجمع الفتيات هاله ورقيه ونور وميرا التي حضرت للتو بعد ان اذنت لها والدتها
نور : اللهم بارك ربنا يحفظك ياهاله انا مكنتش اعرف انك حلوه كدا
هاله بضحك : دي اقل حاجه عندي
لتضحك الفتايات
ميرا :خدي جربي الروچ دا
هاله : لا مش لازم خلينا كده احسن علي الطبيعه
ميرا: طيب اللي يريحك ي حبيبتي
هاله: انا قلقانه
نور :خير ي حبيبتي كله هيبقي خير
هاله : يارب ي نور وعقبالك يارب وتغمز لها
نور وقد فهمت قصدها : اتلمي يختي ربنا يهديكي يختي رقيه قاعده يختي
لتضحك هاله ع كلامها الغير منتظم
اقتربت الساعه ال ٧
هاله :نور انا متوتره اووي
نور بضحك : متخافيش اول ما تقعدو لوحدكو كل حاجه هتبقي كويسه
هاله : انا خايفه
نور : اهدي واقري قرأن عشان قلبك يطمن
لتوافق هاله وتبدأ ف قرأه القرأن
ف الخارج
عاطف : اهلاً وسهلاً نورتونا. لينظر لكيرلس متعجبا
يوسف وهو يصافح عاطف : دا كيرلس صاحبي وشغال ظابط
ليسلم عليه عاطف ويجلسوا جميعاً
يوسف بضحك : احنا جايين نطلب ايد بنتك هاله لابننا احمد
عاطف : عارف يا ظريف
يوسف : احم ايه الاحراج طيب يلا نقرا الفاتحه
عاطف : يبني ما تصبر مالك مستعجل ليه دا العريس مش مستعجل زيك
احمد : اتفضل ياعمي قول طلباتك
عاطف : انا هديكم الشقه اللي ف الدور التالت تسكنو فيها وانت عليك العفش ومش هتشرط ع الدهب كفايه دبله وخاتم
احمد : ماشي ياعمي وانا كنت عامل جمعيه من شغلي ومعايا حق العفش ننزل نجيبه الاسبوع دا ونكتب الكتاب يوم الخميس الجاي
عاطف : احنا حسدناك ولا ايه مالك مستعجل كدا ليه
احمد : خير البر عاجله واكيد انتو عارفيني ومش محتاجين لفتره خطوبه
عاطف : طيب هروح اجيب العروسه عشان تقعدوا مع بعض شويه
وفي غرفه هاله
عاطف :يلا ياهاله عشان تقعدي مع عريسك
هاله بتوتر : لا يبابا مش عايزه
عاطف : هو ايه اللي مش عايزه
نور : يلا يهاله وتوكلي ع الله ومتقلقيش
لتذهب هاله مع عاطف وتجلس البلكونه ويجلس عاطف ف الصاله المقابله لهم بحيث يستطيع رؤيتهم
احمد : عامله اي النهارده ي هاله
هاله: الحمد لله
ليعم الصمت
ليتنهد احمد :بصي عارف انك مش عارفه انا عملت كده ليه بس يستي خلينا ندي لبعض فرصه ونشوف
هاله: شكرا ليك بجد
احمد : مفيش شكر بينا من النهارده ..عارف انك مستغربه بس انا بجد مجنون بيكي
هاله بحرج مغيره الموضوع :انت بتصلي
احمد بضحك :وكمان بصوم
لتبتسم هاله له
احمد بمزاح :ايه دا عندك سنان زينا ليكمل بهدوء': اديني فرصه ي هاله وان شاء الله هنبدا صح مع بعض
هاله : ان شاء الله
وقامت هي لتنادي والدها وقرأوا الفاتحه
احمد : اتفضلي ياحجه زينب الدبله والخاتم لبسيهم لهاله
زينب بفرح لذلك التصرف : حاضر ياحبيبي ربنا يتملكم ع خير
ليعم السعاده في المكان ✨
————————————————-
في المستشفي
نسرين تجلس ع السرير وتضم قدميها الي صدرها وتبكي بصمت وقد ورمت عيناها من كثره البكاء
نسرين لنفسها : هو السبب هو اللي موت ابني هو اللي خلاني اخسر نور عيني ضنايا الوحيد هشام اللي قتل ابني هشام مش هسيبك والله ما هسيبك هنتقم منك ومش هسكت غير اما شوف حبل المشنقه ع رقبتك لتكمل بحقد: مش هسيبك ياهشام
واخذت تبكي بصوت عالي حتي دخلت احدي الممرضات واعطتها حقنه مهدئه لتنام
______________________________
السلام عليكم 💛
عاملين ايه ❤️✨
يارب تكونوا بخير 💟
قولولنا رايكم بقي في الحلقه 💙
وياترا ايه اللي هيحصل تاني 🥺
رسالتك ❤️
ربنا مش هيخذلك اكيد بيجهزلك فرحه❤️❤️🌚
اخر شئ✨
كن على يقين بأن الله قادر على تغيير ما لا يتغير
- استغفروا💛
- استودعكم الله 💛💛
أنت تقرأ
منقذتي من الهلاك (مكتمله )
عاطفيةاحيانا لا نفهم اقدارنا نتعجب كثيرا لما يدور حولنا ولا نفهم المغزي يأتي لكل شخص مننا رسايل من الله لتنقذه من المعاصي ولتهديه الي الطريق القويم يجب علينا ان نترك الاحداث تجري وتأخذ طريقها في التقدم ونكون علي ثقه تامه ان الله يريد لنا الافضل فما خلقنا...
