بعد ان فاقت نسرين وذهبت هي وهشام للمستشفي
بعد ان خرج الطبيب
نسرين بلهفه: طمني ابني عامل اي
الطبيب: انا اسف بس هو دلوقتي في وضع خطر ومحتاج دعواتكم والبنت اللي معاه تعيشي انتي
هشام بصدمه: انت بتقول اي ابني لازم يعيش انت فاهم
طبيب بخوف: اهدى ي باشا هيبقي كويس احنا هنعمل اللي علينا وربنا يستر
ليتركهم الطبيب ويرحل لتسقط نسرين علي الارض ناظره لهشام بغل
نسرين: شوفت طمعك شوفت عملت فينا ايه
هشام: انا مالي
نسرين: لو مكنتش سكتت كان ربنا حمالي ابني
هشام: اخرسي بقاااا
نسرين بصراخ: مش هسكت اهو ابنك بين الحياه والموت اهو وبعد لما تموت لتكمل بضيق: كل حاجه هتبقي لييهم
هشام: ما انتي لو خلتيني اخلص عليهم مكانش حصل كده نسرين بصراخ: روح ربنا ينتقم منك حسبي الله ونعم الوكيل
هشام: اخرسي لميتي الناس علينا
ليتركها ويرحل
_______________________________________^^
عند يوسف وكيرلس
كيرلس: ناوي علي ايه ي يوسف
يوسف: حسابهم تقل اوي
كيرلس بحزن: انت لسه بتبيع لهاني مخدرات
يوسف بضيق: لازم ادمره واحرق قلبهم عليه
كيرلس: بس انت مش وش كده بلاش ي يوسف خليها تجي من عند ربنا
يوسف: اسكت اسكت
ليأتي مكالمه لكيرلس
كيرلس: ايوا يبني
……:.......
كيرلس بضيق: امتي الكلام دا
......:......
كيرلس: طيب طيب اقفل
يوسف :ايه اللي حصل مالك
كيرلس: هاني في المستشفي وحالته خطيره
يوسف: احسن خليهم يجربو شويه
كيرلس: انت اللي عملت كده
يوسف: ياريت بس كويس جت من عند ربنا
________________________________________
ليودع يوسف كيرلس وصعد عند روقيه وجدها مازالت مستيقظه
يوسف: قلبي لسه صاحي ليه
روقيه: مستنياك هي ابله نور كويسه
يوسف: ايوا ي حبيبتي
روقيه وهي تقرر ان تفاتح يوسف كما اخبرتها نور صباح اليوم بعد ان انزلها يوسف عندها
روقيه: يوسف
يوسف: عيوني
روقيه: ممكن نتكلم شويه
يوسف بقلق: خير ي روحي
روقيه بلوم: انت مهمل اوي في الصلاه ي يوسف
يوسف بضيق: هحاول انتظم ي روقيه
روقيه: انت عارف انها اول حاجه هتتسأل عليها وقال صلى الله عليه وسلم قال: «العهد الذي بيننا وبينهم الصلاة فمن تركها فقد كفر» وانا عوزاك تدخل معايا الجنه لتكمل بدموع: عشاني قرب من ربنا هي هتبعدك عن كل شر وحياتي ي يوسف ربنا قال وَأَقِمِ الصَّلاةَ إِنَّ الصَّلاةَ تَنْهَى عَنِ الْفَحْشَاء وَالْـمُنكَرِ».
يوسف بتأثر: حاضر ي حبيبتي هحاول إن شاء الله
روقيه: توعدني تقرب من ربنا
يوسف: اوعدك ي حبيبتي واهو هقوم اصلي ليكمل مازحا: انا عندي كام روكا 👑💖
لتبتسم روقيه انها نجحت واخيرا لتدعو ربنا ان يثبت اخيها ويحميه
_________________________________
في صباح يوم جديد ✨💛
كان صباح مهم بالنسبه للجميع ومنهم احمد الذي استعد ليتحدث مع عاطف لكن تردد وقرر ان يأخذ راي يوسف في البدايه لينزل ويجده في الورشه
احمد بجديه: يوسف عايز اتكلم معاك
يوسف كان سيرفض لكن طريقته الجاده جعلته يتراجع: طيب وراك
ليخرجوا بعد ان جعل احد البقالين في الشارع يضع عينه علي الورشه للحمايه
احمد: انا مش عارف افاتح عم عاطف ازاي ?
يوسف بتنهيد: بص نتكلم براحه انت اتسرعت انت لا عندك شقه عدله ولا حاجه
احمد: ماهو علشان كده مش عارف اعمل اي
يوسف: انا هحاول اقنعه وربنا يسهل
احمد: يارب
يوسف : يلا بقي نشوف شغلنا
ووصلوا ليجدوا عاطف قد نزل للورشه
يوسف: عم عاطف عايز اتكلم معاك ف موضوع انا واحمد
عاطف: خير ي ولاد
يوسف: بصراحه احنا طالبين الانسه هاله لاحمد قبل ان يكمل وجد عاطف بعصبيه: انت بتقول اي ي يوسف لا مش موافق طبعا
يوسف: اسمعني بس الواد عينه منها وهي كمان وبدل ما يعملوا حاجه كده ولا كده اهو يبقوا قدامك وبعدين احمد متربي معاك من وهو صغير وعلي ايدك اخلاق ودين يعني انسان كويس واي بنت توافق عليه
ليقاطعه عاطف : بس
يوسف: مبسش ي عم عاطف المثل بيقول اخطب لبنتك ومتخطبش لابنك وعلي الشقه ففي في الدور اللي انا ساكن فيه شقه بس عايزه تتوضب واهو تبقي قدام عينك
عاطف بتردد: سبوني افكر
يوسف: فكر بس انا عارف هتوافق ليكمل مازحا: احنا مفيش زي ابننا اصلا
ليبتسم احمد علي كلام يوسف ويشكره انه ساعده وانه كان لن يستطيع ان يفعل ما فعله
_________________________________________
اما عند نور بعد ان نزلت لها روقيه لتخبرها انها سعيده لما فعتله امس
روقيه : شكرا بجد ي ابله نور مش عارفه من غيرك كنت هعمل اي
نور: الشكر لله ي حبيبه قلبي
روقيه: انتي بقالك كتير مقولتليش حكايه دينيه متقوللنا
هاله: ياريت ي نور ولا استني هنادي عمتو اهي تسمع معانا
بعد ان اتت زينب
نور: هقولكم قصه بحبها اوي
روقيه: قولي
لتبتسم نور وتكمل: كان في شيخ اسمه عبد القادر الجيلاني كان ماشي في مره هو وتلاميذه فشاف واحد سكران ومرمي علي الارض علي رجله وهدومه مش نضيفه المهم وهما ماشين راح السكران نده علي الشيخ فالشيخ راحله وشافوا التلاميذ ان السكران بيسال الشيخ سؤال ورد الشيخ بكلمه قادر وفي مره التانيه برضو رد الشيخ بكلمه قادر بصوت اعلي وفي المره التالته رد برضو بكلمه قادر. قادر قادر بس بصوت عالي اوي وبدموع وبعد كده امر تلاميذه انهم ياخده ويحمه ويلبسه كويس استغربوا التلاميذ لكن نفذوا وبعد ما خلصوا سألوا الشيخ احكلنا اللي حصل رد الشيخ
الشّيخ :
في الأولى سأل : هل الله قادرٌ أن يتوب عليَّ أم غيرُ قادر ؟
فقلت له : قادر.
وفي المره الثانيه سأل: هل الله قادر أن يجعلني في مكانك؟
فقلت : قادر.
وفي الثالثة سأل : وهل الله قادر على أن يجعلك مكاني؟
فلذلك بكيت من خشية الله وقلت : قادرٌ قادر ٌ قادر.
وسجدت ودعوت الله أن لا يأمنني مكره، وأن يديم عليَّ عافيته وستره .
لتكمل نور :العبره من كل دا محدش يتغر بمكانه ولا بعمله ولا بعلمه لان ربنا سبحانه وتعال قادر يغير من حال لحال
قال تعالى: {أَفَأَمِنُوا مَكْرَ اللَّهِ فَلا يَأْمَنُ مَكْرَ اللَّهِ إِلا الْقَوْمُ الْخَاسِرُونَ}
روقيه بدموع: الله يارب انت قادر ي رب تصلح اخويا
هاله بأبتسامه ناظره لنور: شكرا ي نور انك في حياتنا
زينب: الله يفتح عليكي ي بنتي كمان وكمان
__________________________________________
غابت الشمس و جاء الليل وملأ ارجاء المكان معلنا عن انتهاء اليوم ليقرر يوسف ان يصعد ليأخذ روقيه وهو صاعد لام نفسه علي طريقه حديثه مع نور بالامس وقرر انه اذا قابلها يعتذر منها
ليدق الباب
ليسمع صوت السيده زينب تنادي علي نور لتفتح الباب ليسعد قلبه بذلك ليجدها امامه بعد ثواني
يوسف بتردد: انا جيت اخد روقيه
نور وهي تعدل حجابها: ثواني هندهلها
ليوقفها يوسف مستغل اللحظه: انا اسف اني اتعصبت عليكي امبارح ليكمل بتردد: هو ممكن اطلب منك طلب
نور بخجل: اتفضل
يوسف: انا كنت عايز اسامي كتبت اقرأ فيها. ليكمل بخجل: عن الدين
نور بفرح: ايوا طبعا هقولك دا في كتب كتير هتحبها اوي لينظر لفرحتها بدهشه ليجدها تكمل بخجل: اقولك ثواني ف كتب بتاعت بابا الله يرحمه هجبهالك
يوسف: شكرا ليكي جدا
لتأتي زينب: مين ي نور
لتجده يوسف
زينب بترحيب: اهلا يبني اتفضل ادخل تعال اتعشا معانا
يوسف: لا لا شكرا بس كنت عايز روقيه بعد اذنك
زينب: ودا اسمه كلام يبني تعال بس
يوسف: لا خليها مره تانيه يكون عم عاطف هنا
لتحترم زينب قراره
زينب: طيب ثواني اعملك لقمه تخدها معاك ومفيش اعتراض
يوسف: طيب اللي يريحك
لتذهب وتأتي نور: اتفضل اهم
يوسف بشكر: شكرا اوي بجد
نور: الشكر لله ولو مفهمتش حاجه انا ممكن اساعدك فيها
يوسف: شكرا ليكي جدا واسف مره تانيه علي اللي عملتها امبارح ليكمل بحزن: بس كان عندي اسبابي
نور بتفهم: ولا يهمك حصل خير ياسيدي وانا مش زعلانه
لتأتي زينب. بصنيه العشاء وتأتي روقيه وتصعد مع يوسف
_________________________________________
في شقه عاطف بعد ان تعشوا قامت هاله بحمل الاطباق محدثه عاطف
هاله: مالك يبابا جاي من برا ساكت ليه كده
عاطف: لا ي حبيبتي مفيش
هاله: طيب انا هغسل المواعين(الاطباق) وهنام عايز حاجه اعملهالك
عاطف: لا ي حبيبتي شكرا
هاله: انت مش هتنام؟
عاطف: لا قاعد شويه
هاله: طيب
لترحل هاله
ليتذكر عاطف ما حدث في الجامع وقت صلاه العشاء
فلاش باك 💖💖
عاطف محدثا الشيخ بتردد: انا عايز اسألك ي شيخنا عن حاجه
الشيخ مبتسم: خير يابني
عاطف: بصراحه في واحد متقدم لبنتي هو كويس وكل حاجه بس ظروفه تعبانه ومش عارف اعمل اي
الشيخ: انت ظروفك عامله ازاي
عاطف بأستغراب: الحمد لله مستوره
الشيخ بإبتسامه: يبقي تساعده متفكرش في الفلوس فكر ف الاخلاق واللي يحافظ علي بنتك
عاطف: بس انا خايف تتعب معاه
الشيخ: يبقي نصيبها اتوكل علي الله يا بني واعمل استخاره وربنا مش هيضرك
عاطف: حاضر ي شيخنا
عوده 💖
عاطف لنفسه: انا هعمل استخاره واللي فيه الخير يقدمه ربنا احمد متربي علي ايدي وربنا كريم ولو فيها خير وارتحت هكلمها بكرا. ليذهب ويصلي الاستخاره ويدعو وينام
________^^____________^__^_______
عند يوسف بعد ان صعد مرهق من العمل ليذهب ليصلي العشاء لانه لم يستطيع ان يصليها لكثره عمله بعد ان انتهي من الصلاه
روقيه: انت مصلتش العشاء ليه
يوسف: كنت مشغول والله ي روكا
روقيه: لا غلط بعد كده تسيب اللي ف ايدك وتسمع كلام سيدك
يوسف بأبتسامه : حاضر
ليقعد يتناول العشاء الذي اخذه من زينب
روقيه: احكيلك حاجه حلوه
لتبدا تقص عليه ما تعلمته من نور اليوم لتجد انه قد ادمع
يوسف: الله مين علمك كده
روقيه: دي ابله نور
يوسف بصوت منخفض: نور ليسرح متاجهلا روقيه في شكل نور وتصرفاتها وفرحها وحزنها ليجد نفسه يبتسم دون قصد ليستفيق علي صوت روقيه
روقيه : يوووسف ي عم
يوسف: ها
روقيه: انت مش ناوي تحكيلي بقا
يوسف بتنهد: حاضر. ركزي معايا
روقيه: اهو 👀
ليبتسم يوسف ويبدا بالحكايه
يوسف: كنت عايش انا وانتي وبابا وماما وفي يوم كنا هنروح مصيف للاسكندريه وكنا فرحانين جدا وبنلعب ورا وبابا وماما قدام
فلاش باك💖💖
فاطمه(والده يوسف): بس يا يوسف بقا خلي بابا يركز
يوسف: حاضر ي ماما
عبد لله (والد يوسف ) سبيه ي روحي بيلعب مع اخته
فاطمه: عشان تعرف تركز
لم تكمل جملتها لتنقلب السياره بهم
ليستفيق يوسف في المستشفي وهو فاقد الذاكره ويخبروه ان اهله توفوا وانهم لا يعرفوا احد من اهله ليخرج يوسف بعد ايام من المستشفي وهو لا يتذكر اي شئ ليجده عاطف في الطريق
ويأخده ليعمل معه
عوده 💖
روقيه: طيب وانا ازاي
يوسف بحقد: كان عندنا عم بس هو اللي عمل كده عشان الفلوس لما كبرت شويه افتكرت وروحت اواجه قالي ان مفيش اي دليل وهددني بيكي وانك لسه عايشه وقتها معرفتش اتصرف الا لما الاقيكي ولما خرجت لقيت سكرتيرته بتديني رقمها وقالت انها هتساعدني معرفش ليه اخدته بس كنت حاسس انها صادقه لما روحت كلمتها فعلا و عرفت منها ان ابوها كان ماسك الشغل لبابا وكان حاكلها عننا وكانوا فاكرينا موتنا. ولما سمعت مصدقتش وقررت تساعدنا ليكمل بدموع: انا اسف بس انا مكنتش اعرف حاجه ولما عرفت دورت كتير لحد اما جالي مكالمه من هنا بمكانك وجيت عندك علي طول
روقيه بدموع : انا اسفه اني مكنتش معاك
يوسف: لعله خير ي حبيبتي متتأسفيش انتي السبب عشان اعيش اصلا
ليكمل يلا بقي ي قمري ننام
________________________________
في غرفه كيرلس
لتدخل عليه مادونا
مادونا : ولا ي كوكو
كيرلس: عايزه ايه
ماودنا: بكرا عيد ميلاد ميرا وانا مش عارفه اجيبلها ايه لتكمل بفضول: انت جبتلها ايه
كيرلس: وانتي مالك ي حشاريه انتي
مادونا: انا غلطانه يعم سلام
لتتركه وترحل
كيرلس : انا نسيت اصلا يلا مش مهم فرصه بكرا اجازه عندي وليمسك هاتفه ويبعث لها رساله 😴😴
___________^^^^^^
عند ميرا
تجد رساله من كيرلس يخبرها ان غدا سوف يدهبوا لمكان مهم
ميرا بخبث : قال مهم قال دا عامل ليا مفاجأه بس بيتقل لتبتسم: بس كويس انه افتكر لتلقي نفسها علي السرير وهي في غايه السعاده منتظره قدوم الغد بسرعه 🎷
_____________________________=__________
في المستشفي كانت تجلس نسرين تجلس حزينه لتجد حركه غريبه في غرفه ابنها في العنايه
لتسأل ممرضه لكن لا ترد عليها لتخاف ان تفقده وتظل تبكي
لتخرج ممرضه اخري تنادي علي الطييب للقدوم
بعد وقت كبير
خرج الطبيب
لتهرع عليه نسرين
نسرين بدموع : ابني مالوا ي دكتور
الدكتور بأسف: للاسف الحاله اتوفت ومقدرناش تعمل حاجه البقاء الله
لتسقط نسرين فاقده الوعي
ليذهب لها الطبيب بقلق: مدام نسرين
________________________________
السلام عليكم 💛🌚
عاملين ايه النهارده؟ 🌻✨😇
يارب تكونوا بخير ❤️
ربنا يسعدكم يارب
زي ما وعدتكم انزل حلقه النهارده نزلت فعلا اهو 💚🌍
اتمني الحلقه تعجبكم وتقولوا رايكم فيها 🌸💌
اخر حاجه
- إن الله لا ينسى من ظلمك ومن أبكاك ومن قهرك فكن على يقين أن الحقوق سترد يوماََ مأ.💖
- يتولاك الله بينما تظُنُّ أنكَ بمفردِكَ !💛✨
- استودعكم الله 💛👑
أنت تقرأ
منقذتي من الهلاك (مكتمله )
Romanceاحيانا لا نفهم اقدارنا نتعجب كثيرا لما يدور حولنا ولا نفهم المغزي يأتي لكل شخص مننا رسايل من الله لتنقذه من المعاصي ولتهديه الي الطريق القويم يجب علينا ان نترك الاحداث تجري وتأخذ طريقها في التقدم ونكون علي ثقه تامه ان الله يريد لنا الافضل فما خلقنا...
