منقذتي من الهلاك (مكتمله )

الفصل الثالث عشر

بعد ان ذهبت نور الي شقتها وجدت هاله تجلس مع والدتها ومعها فتاه جميله قصيره القامه عودها ممشوق تشبه عارضات الازياء ولديها ابتسامه جذابه
زينب بعد ان انتبهت لوجود نور: نور تعالي دي ميرا جارتنا بنت عسل ربنا يحميها
نور: ازيك ي ميرا
ميرا بهزار: لا قوليلي لولي
نور بإستغراب: لولي! !
لتقاطعها هاله بإبتسامه: ايوا هي بتحب الدلع دا بابها كان بيقولها لولي وهي صغيره
لتتفهم نور وتجلس معهم لتشعر ان ميرا فتاه ليست حسنه المظهر فقط بل حسنه الاخلاق ايضا
ميرا: عن اذنكم مكالمه واجي لتنظر حولها لتتفهم نور
نور: روحي البلكونه لو تحبي
لتذهب ميرا تاركه نور وهاله
هاله: انا خايفه ي نور من اللي جي
نور: يبت سبيها ع الله بقي وتوكلي عليه ربنا قال وتوكل على الحي الذي لا يموت و سبح بحمده). " وربنا دايما هيقف معاكي
هاله: صح ربنا جميل جدا
نور: و في الحديث :" لو أنكم توكلتم على الله حق توكله لرزقكم كما يرزق الطير تغدو خماصاً و تروح بطاناً "
هاله بإبتسامه: اللهم ما اني وكلتك امري فأرشدني ..صحيح انا هنزل بكرا الشركه ادعيلي بقي ربنا يستر معايا
نور: متخافيش بقي المهم هتيجي امتي
هاله: علي ساعه 3 كده هبقى هنا
نور: طيب ماشي صحيح بقولك انا كنت عايزه اوصل ليوسف يجيب روقيه تقعد معايا طول النهار بدل ما هي لوحدها
هاله بإستغراب: طيب ما تتصلي تقوليله
نور: لالا اتصل اي لا مش عايزه اعمل مجال للكلام بينا
هاله: امممم طيب هتعملي اي
نور: انا فكرت اقول لخالو
هاله: طيب ي نور اللي يريحك
عند ميرا 🧡
ميرا: الو ي دوناا عامله اي
مادونا: بخير ي حبي انتي عامله اي
ميرا: زي الفل
مادونا مازحه: شوفتي عملت اي مع كوكو
ميرا: متخيله شكله مسخره
مادونا: امال لو شوفتي بقي هتعملي اي دا كان اكتر من مسخره
لتضحك الفتاتان
ميرا: انا هقفل عشان عند الجيران ولما اروح اكلمك
مادونا: جيران اي
لتقص عليها ما حدث
مادونا: يوووه نسيت بقولك صح متيجي نخرج بكرا علي الساعه 4
ميرا: مش عارفه هو كوكو موافق انتي عارفه هو بيتعصب اوي
مادونا: انا هقنعه متقلقيش بس اجهزي
ميرا: ايه رايك اخد معايا هاله ونور
مادونا: ماشي اهو نتسلي
ميرا: خلاص تمام يلا باي
مادونا: باي
قبل ذهاب ميرا تجد مكالمه من كيرلس
ميرا: الو
كيرلس: انتي بتكلمي مين
ميرا: دي مادونا
كيرلس: طيب عامله اي
ميرا: نشكر ربنا وانت
كيرلس: تمام
ميرا: كنت عايز حاجه ؟غريبه انك تتصل دلوقتي
كيرلس: لا ي قلبي كنت بطمن عليكي وهروح اكمل شغل
ميرا: ماشي انا صحيح عند جيرانا
كيرلس: ماشي خلي بالك من نفسك ليكمل مفيش ولاد عندهم صح
ميرا وقد شعرت بغيرته: تؤتؤ
كيرلس بإبتسامه: تمام يلا باي حبي
ميرا: باي ي روحي
لتغلق معه وتذهب لتفاتح نور وهاله علي الخروجه ليوافقوا بعد كثير من الإلحاح تودعهم ميرا وتذهب لشقتها
_______________________________
عند يوسف
يوسف: اييييييه
هنا: اهدي ي عم
يوسف: اهدي اي بس انتي بتهزري وهما مالهم بيها ... لينظر حوله وجد الجميع ينظر اليه ليخفض من صوته قليلا
هنا: طيب فكر براحه ي يوسف انا فعلا معرفش السبب ولو اعرف هقولك
يوسف: طيب عاوزك ...................
هنا بضيق: حاضر ي يوسف
يوسف بإسف: انا اسف ي هنا بس بجد معنديش حل تاني
هنا : ولا يهمك ي يوسف المهم هتعمل اي لما تعرف
يوسف بغموض: هتصرف المهم تعرفي ف اسرع وقت
هنا: حاضر
لتغلق معه وتتركه غارق في تفكيره ماذا سوف يفعل ياترا؟
______________________________
في نفس الوقت في مكان اخر كان يقف هذا الشاب ينظر الي صديقه وحبيبته بحقد محدثا تلك الفتاه التي تتمايل عليه
هيثم بحقد: انا تسبني انا عشان دا لا والبيه لازق ليها ونسي صاحبه دا انا كنت خايف عليه يعمل كده
وفاء: خلاص ي روحي بقى فكك منهم دي حتي بيري متستاهلش ضفرك
لتقترب منه
هيثم: هدمرهم الاتنين لازم يعرفوا مين هيثم
وفاء: ايوا ي قلبي لازم يلا بقى تعال نرقص
ليذهب معها وعقله يفكر كيف سوف ينتقم
__________________________
في الفيلا
نسرين لنفسها: الواد هاني متغير اوي انا لازم اسرع ف موضوع جوازه دا انا متاكده انه بيشرب حاجات مقرفه
لازم لما هشام يجي اهدده
لتشعر بالحزن علي ما تهدده عليه وترجع بذاكرتها قليلا
فلاش باك 💖💖
هشام بشرر: لازم اقتلهم لازم
نسرين: لا انت ممكن تهدد بس بلاش قتل ودم ي هشام
هشام: انتي مشوفتيش دا عاملني ازاي ف الشركه ولا اكني شغال عنده
نسرين: يمكن كان عنده مشاكل
هشام: بطلي تدي مبررات لازم يموتوا وكل حاجه تبقي بإسمي
نسرين: لا حرام لا
ليمسكها من ذرعها بقوه ويكمل بصوت شيطاني
هشام: لو بقك اتفتح هيبقي موتك انتي كمان فاااااهمه
نسرين بخوف: فاهمه
عوده 💖💖
كان نفسي اساعدكم بس خوفت عليا وعلي ابني واهو ابني مش عارفه المه ولا حتي عارفه ابقى سعيده الفلوس دي لعنه وهتخلص علينا
___________________________________________
عند كيرلس ومادونا في مكتبه في فيلاته
مادونا: ولا ي كوكو
كيرلس: عايزه اي ي زفته
مادونا: فكك من ورق الشغل دا وركز معايا
كيرلس: خير اخلصي
مادونا: عايزه نخرج انا وميرا
كيرلس: لا ليكمل عمله متاجهلا كلامها
مادونا وهي تتظاهر بالبكاء: كوكو 🥺
كيرلس: ماااشي بس متتأخروش وتخلوا بالكم من نفسكم و
لتقاطعه مادونا
مادونا: صدقني حفظت الاسطوانه. وحاضر يابو مناخير كبيره يلا باي
كيرلس: استني صحيح هو اي حكايه مناخير كبيره دي
مادونا ببرائه: مش انت قولت لما تحط مناخيرك ف موضوع في شغلك بتعرف تخلص القضيه
كيرلس: اه
مادونا بسرعه: يبقي بمناخير كبيره لتتركه وتهرب
ليضحك كيرلس علي اخته ويكمل عمله فهو كان من الناس الجاده في العمل وايضا كان حنون علي اخته كثيرا يفعل اي شئ ليسعد من يحبهم
__________________________________________
امام الورشه
يوسف: انا كده خلصت العربيه علي التسليم خلي احمد يسلمها وانا طالع اشوف روقيه
عاطف: ماشي بس قوله انت عشان انا رايح اجيب حاجه
يوسف: ماشي
ليذهب يوسف داخل الورشه
وجد احمد جالس شارد يسمع اغنيه عمرودياب ليقوم يوسف بإغلاقها وينادي ع احمد بصوت عالي
احمد بخضه: يخربيتك خضتني
يوسف بمكر: ايه ي عم العاشق
احمد بضيق: مش فاضي عايز اي
ليضحك يوسف ويكمل بجديه مفاجئه : مفيش سلم العربيه اللي برا دي سلام
ليتركه ويذهب
احمد: والله ماطبيعي والله
ليصعد يوسف ويجد نور في طريقه فيسمح لها بالمرور لتقاطعه نور
نور يتردد: استاذ يوسف
يوسف بإستغراب: نعم
نور: هو ينفع روقيه تجي تقعد معايا الصبح بدل ما هي بتبقي لوحدها
يوسف ف البدايه لم يكن يريد ان يكون ثقلا علي احد لكن بتفكير ف الامر لا يجب ترك روقيه وحيده هكذا ليوافق علي طلبها
يوسف: حاضر ... شكرا
لتخجل نور وتتركه وتذهب
ليصعد الي روقيه
يوسف بحب: روكاااا عامله ايي
روقيه: كويسه ي يويو لا بقي قوم اغسل ايدك واتوضي وصلي عشان جعانه اوي ومش بعرف اسخن الاكل
يوسف: من عيوني
روقيه: هو ينفع ابقي انزل عند نور والله ببقى مضايقه لوحدي
يوسف بحزن: حاضر
ليذهب ويغسل يده ولم يتوضأ رأته روقيه لكن لم تعلق
لتتذكر روقيه في الملجأ عندما علمت نور ان هاجر زميلتها في الملجأ لا تصلي وكيف تعاملت معاها
فلاش باك 💖💖
نور: اي ي جوجو سامعه انك مش منتظمه في الصلاه
هاجر بتوتر: بصراحه بكسل
نور: طيب ايه رايكم اقواكم علي اهميه الصلاه
اسلام: ياريت
روقيه: ايوا ياريت ي ابله
نور: الصلاه دي تاني ركن في الاسلام بعد الشهاده علي طول غير ان ربنا قال اللَّه تعالى: (وَأَقِمِ الصَّلاةَ إِنَّ الصَّلاةَ تَنْهَى عَنِ الْفَحْشَاء وَالْـمُنكَرِ). يعني هتمنع عنك اي شئ وحش هتاخد عليه ذنوب ومعني كده انها كمان بتغفرلك فهمتوا
روقيه: بس بنكسل نعمل ايه
نور: واحد من الصحابه راح للنبي اسمه ابن مسعود رضي الله عنه قال: قلت: يا رسول الله، أيُّ العمل أحبُّ إلى الله تعالى؟ قال: "الصلاة على وقتها"، قلت: ثمَّ ماذا؟ قال: "برُّ الوالدين"، قلت: ثمَّ ماذا؟ قال: "الجهاد في سبيل الله"
روقيه: الله يعني دي احب الاعمال
نور: ايوا ي حبيبتي
اسلام: طيب ما ممكن نعمل حاجات تانيه غير الصلاه
نور: تؤتؤ دي اول حاجه هتتسأل عليها يعني لو مش بتصلي كتابك مش هيتفتح اصلا ولا هنشوف انت عملت اي صالح
جاء في الحديث عنه ﷺ أنه قال: أول ما يحاسب العبد من عمله صلاته فإن صلحت فقد أفلح وأنجح، وإن فسدت فقد خاب وخسر
اسلام: اها فهمت
نور: ربنا قال جل وعلا: حَافِظُوا عَلَى الصَّلَوَاتِ وَالصَّلاةِ الْوُسْطَى
ويقول ﷺ: من حافظ عليها كانت له نورًا وبرهانًا ونجاة يوم القيامة، ومن لم يحافظ عليها لم يكن له نور، ولا برهان، ولا نجاة، وحشر يوم القيامة مع فرعون، وهامان، وقارون، وأبي بن خلف) ايه رايكم بقي
‏روقيه: لا انا هحافظ
ساره: تجو بقي اقولكم حكايه حلوه ربنا ذكرني بيها
عماد: قولي يا ابله
ساره :كان في واحد اسمه عروة بن الزبير إبن السيدة أسماء أخت السيدة عائشة رضي الله عنهم وأرضاهم جاله مرض برجلة اسمه داء الأكلة، وكان علاجة أن رجله تتقطع قد
‏ عشان المرض ماينتشر فى باقي أعضاء الجسد، وعشان كده كان لازم عروة يشرب بعض الخمر ليغيب عن الوعي وبالتالي ميحسش بالألم وقت بتر رجله
‏راح قال عروة بن الزبير : أيغيب قلبي ولساني عن ذكر الله ؟! والله لا أستعين أبداً بمعصية الله علي طاعية، فقالو هنجبلك ناس تمسكك فقال عروة : أنا أعينكم علي نفسي، فأجابوا فى دهشة : لن تطيق، فقال عروة : أتركونى أصلي وأنتظروا فإذا وجدتموني لا أتحرك وقد سكنت جوارحي حتي أسجد، فإذا سجدت فافعلوا بي ما تشاؤؤون فما عدت فى الدنيا !

وفعلا الطبيب. جيه وانتظر حتي سجد عروة واح جاب منشار وقام بقطع رجله فلم يتألم ولم يصرخ عروة، بل كان يقول : لا إلة إلا الله رضيت بالله رباً وبالإسلام ديناً وبمحمد صلي الله علية وسلم نبياً ورسولاً حتي أغمي علية وهو لم يصرخ صرخة واحدة ولم يطلق آة واحدة، فلما أفاق نظر إلى قدمة وقال : أقسم بالله أنى لم أمش بك إلى حرام ويعلم الله ذلك، ويعلم الله كم وقفت عليك قيام الليل لله عز وجل، فأسرع أحد الصحابة يقول : أبشر يا عروة فقد سبقك أحد أعضائك إلى الجنة ، فقال عروة : والله ما عزاني أحد بأفضل من هذا العزاء .

هاجر بدموع: يعني هو نسي كل وجعه لما صلي
ساره: وعن أبي هريرةَ  أنَّ رسُولَ اللَّه ﷺ قَالَ: أقربُ مَا يَكونُ العبْدُ مِن ربِّهِ وَهَو ساجدٌ، فَأَكثِرُوا الدُّعاءَ ) وعروه سلم امره لله وقله يارب مفيش اله غيرك وانا راضي

اسلام: الله
نور: كمان ربنا قال لسيدنا محمد لما ابو جهل لعب ف دماغو عن الصلاه وانه يتركها نزل في القران ( كَلا لا تُطِعْهُ وَاسْجُدْ وَاقْتَرِبْ ) اعتريها رساله من ربنا ليكي علي انك متسمعيش الشيطان وتكسلي وقومي صلي

هاجر بدموع: انا مش هسيبها تاني انا هفضل اصلي علي طول واقرب من ربنا وادعي
نور: شطوره ي حبيبه قلبي وانتم كمان عايزاكم تكسبوا الشيطان دايما عشان دا عدونا في الدنيا دي فاهمين
الاطفال: فاهمين
عوده 💖💖
روقيه بدموع ف نفسها: انا لازم اكلمه وافهمه بس اخد رائ نور الاول اتعامل معاه ازاي
_______________________________
عند نور خجلت وذهبت سريعا الي منزل خالها لكن ادركت انها فعلت ما كانت قادمه لفعله وهو اخبار خالها ليخبر يوسف لتصعد مره الي منزلها وتصلي فروضها وتنام لتستقبل يوم جديد وتتعرف علي القاهره اكثر
____________________________
في صباح يوم جديد
استعدت هاله لتذهب الي عملها وعندما ذهبت لاحظت نظرات مختلفه منهم من استغرب طريقه لبسها ومنهم من اعجب ومنهم من نفر منها لكن لم تهتم لتذهب وتنهي عملها ولم تتحدث مع احد حتي انتهي اليوم لتخرج من الشركه وتلاحظ ان احد خلفها لكن لا تعطي اهتمام للموضوع لان كان الطريق مزدحم وصلت شارعها وجدت نور وميرا وفتاه اخري خمنت انها مادونا لتذهب اليهم
ميرا: اهي هاله وصلت اهي يلا بقي
مادونا: هنروح .........
نور: لا انا نفسي اشوف الكورنيش هنا
هاله : طيب نروح دلوقتي وبعدين نبقي نروح التاني
ميرا: انا عن نفسي مواققه
مادونا: خلاص مفيش مشكله
ليذهبوا للكورنيش
نور: الله دا جميل اووي بجد
ميرا: عشان تعرفي بس ان القاهره جامده
نور: عندك حق
مادونا: تيجو نركب مركب طيب
هاله بسرعه: لالا بخاف من البحر خلينا هنا
مادونا: اي داا الله بصو حمص الشام انا عايزه
نور وميرا: وانا وانا
هاله: طيب هروح اجيب انا وكمان عشان اعزمكم اصلي قبضت
مادونا: ايوا بقي بقيتي غنيه مين قدك
هاله: خمسه 😴😴😴
لتذهب هاله
وهي ذاهبه تقف عربيه سوداء كبيره لينزل منها رجلان ويأخدنها ويذهبوا
لينظروا الفتيات بصدمه
نور بصراخ : هاله هاله
ميرا وهي تفوق من الصدمه: هتصل بكوكو بسرعه
مادونا: ايوا بسرعه
نور لنفسها : اتصل بمين ياربي ليخطر ف بالها يوسف لتتصل بسرعه
يوسف بإستغراب: انسه نور
نور متناسيه الالقاب: الحقني ي يوسف هاله اتخطفت
_________________________________________
استووووب 👀🌚🖤
السلام عليكم 💟👑
عاملين ايي ❣️😇
يارب تكونوا بخير دايما 🌻💙
كالعاده اتفااعلو معانا وقولولنا رايكم حلوة الحلقه ونكمل ولا لا 😅🥺
اخر حاجه 💟💛
ثم قال في خطبة الوداع: "وإني مُباهٍ بكم الأمم يوم القيامة ألا فلا تُسودوا وجهي."
احنا امه سيدنا محمد اللي قال ان احنا 80 صف يوم القيامه من 120 رايحين الجنه عايزين نكون منهم وربنا يعينا يارب 💌✨
يلا نستودعكم الله ❤️💝