قد مر اليومان علي نور وكأنهم شهرا فهي لم تتعود ان تخبأ شئ عن والدتها الان هي في السياره منتظره قدوم روقيه حتي ينطلق بهم يوسف الي القاهره ظلت تتذكر ما حدث معها خلال اليومين
فلاش باك 💖💖
هاله: اهدي ي نور وشوفي هتعملي ايه
نور: مش عارفه ي هاله مش عارفه مشتته اوي
هاله: طيب ي حبيبتي اهدي بس وقوليلي هتقولي لعمتو زينب
نور بسرعه: لا لا مش لازم تعرف دي ممكن يجرالها حاجه اصبري لما نتأكد
هاله: طيب هنتأكد ازاي ي نور بس
نور: مش عارفه مش عارفه بس اللي اعرفه ان لازم ادور علي ابو يونس دا واشوف اخويا فين
هاله: طيب هتقولي لعمتو ايه
نور: هقولها ملقناش حاجه
لتتفهم هاله وضعها وتصمت ليقوموا ويذهبوا للمنزل
عوده💖💖
لتنظر نور حولها تجد روقيه تتحدث مع هاله ووالدتها تنظر في النافذه ويوسف منشغل في القياده لتقول في نفسها: يااا كل دا يحصل طيب اعمل اي ي ربي ساعدني انا كان نفسي ف اخ بس عمري ما اعترضت ورضيت بس دلوقتي انا عندي ولازم الاقي اي حاجه.... ساعدني يارب
لتستمع رنين هاتفها لتجدها ساره
نور: السلام عليكم
ساره وعليكم السلام وصلتوا
نور بتوتر: لا لسه باين مش عارفه احنا فين
لتجد يوسف لاحظ توترها: احنا قربنا خلاص كلها كام شارع ونوصل
لترد نور علي ساره: قربت ي حبيبتي خلاص نامي يلا
لتغلق معها
لتجد نفسها في شارع وفي نهايته خالها ينتظرهم بأبتسامه عريضه مستقبله لهم
عاطف مرحبا: اهلا اهلا نورتوا ياااا اخيرا
لينظر مستغربا وجود روقيه ليجد يوسف ينزلها برفق
نور: دا نورك ي خالو
زينب: البيت متغيرش ابدا لسه زي ما هو
عاطف متجاهلا يوسف: طبعا ي حبيبتي يلا بقى تعالوا نطلع انا خليت جارتنا كتر خيرها والله الانسه ميرا روقت الشقه عشان هاله مش هنا
زينب بحب: كتر خيرها والله امال هي فين
عاطف: كانت عايزه تشوفكم بس قالت يمكن تعبانين تجي بعدين
ليصعدو نور وزينب
ليسأل عاطف هاله بسرعه قبل صعودها عن روقيه لتخبره انها اخت يوسف وسوف تقول له التفاصيل عندما يصعدوا
وكان في الركن بعيدا عنهم قليلا احمد ينظر بحب الي هاله فقد اتت محبوبته التي يحاول بكل الطرق تجاهلها لكنها عالقه في راسه ليجد يوسف غير قادر علي الصعود بروقيه فيهرع عليه مساعدا له
احمد: خليني اساعدك
يوسف ببرود: لا شكرا
احمد وهو يساعده في حمل الكرسي المتحرك: عيب دا احنا اخوات هي مين دي
يوسف: اختي روقيه
احمد بتفاجأ محاولا عدم اظهاره: اختك ااه اهلا ي حبييتي انا عمو احمد ابقي صاحب يوسف
روقيه بخوف: اازيك ي عمو
يوسف مقاطعا : يلا نطلع
ليصعدوا الي شقه يوسف وهو في الطابق الثالث
فقد كان يتكون منزلهم من ثلاث طوابق في الطابق الاول شقه عاطف ومخزن للورشه وفي الثاني كانت شقه زينب ويجاورها شقه ميرا ووالدتها وفي الثالث كان شقه ليوسف.واحمد كان له غرفه علي السطح
_______________
في منزل يوسف بعد ان صعدوا ورحل احمد الي غرفته
روقيه بتردد: هو انا هنام فين
يوسف بحب: ليكي اوضه مخصوص ي حبيبه قلبي
روقيه بفرح: بجد
يوسف: ايوا طبعا
روقيه: تعرف كان نفسي يبقي ليا اوضه لوحدي بس كان دايما معايا صحاب بنات فيها
يوسف: ننسي اللي فات واهو بقي عندك
روقيه: مش هتحكيلي اللي حصل بقى
يوسف بضيق: مش وقتوا بس هتعرفي متخافيش
روقيه: طيب. لتكمل: يوسف
يوسف: عيون يوسف
روقيه: هو ينفع تتجوز ابله نور
يوسف بإندهاش: ليه بتقولي كده
روقيه: لسببين بصراحه الاول اني بحبها اوي والتاني اني بحبك اوي
يوسف: طيب الاول وفهمتوا التاني بقي ليه
روقيه: عشان هتخليك تقرب من ربنا
يوسف: سبيها ع الله ي حبيبتي ويلا نامي
روقيه: طيب ينفع تساعدني اتوضأ عشان بحب انام متوضيه
يوسف بإعجاب: ايوا طبعا يلا
روقيه : انت عارف ليه بحب كده
يوسف: ليه ي حبيبه قلبي
روقيه: قال الرّسول عليه الصّلاة والسّلام: (من بات طاهراً بات في شعاره ملك، فلا يستيقظ إلا قال الملك: اللهم اغفر لعبدك فلان، فإنّه بات طاهراً) دا غير ان في ملك بيقعد يستغفر لينا لحد اما نقوم انت متخيل 💜
يوسف بإعجاب كبير: الله مين علمك كده
روقيه: ابله نور لتكمل ... يلا وهتتوضي معايا انت كمان
ليذهبوا لبتوضئوا ويناموا 💛
___________________________________________
في منزل عاطف
عاطف لهاله: ايه ربنا هداكي وبقيتي بتلبسي طويل
هاله: اه الحمد لله ي بابا ربنا يديمها
عاطف: قوليلي بقي مين البنت دي
لتحكي له هاله ما حدث وبعد ذلك يذهب لينام ويترك هاله في غرفتها لتتذكر كلام نور بالامس
فلاش باك 💖💖
هاله: طيب اتصل بيها امتي
نور: اول ما نوصل ابعتلها رساله وحددي المعاد وقوليلي
هاله: حاضر
عوده 💖💖
لترسل لنسرين رساله انها وصلت الي القاهره ويجب ان يتقابلوا ثم تغلق هاتفها وتذهب الي احلامها
____________________________________________
في الشقه المجاوره لنور وهي كانت شقه السيده مريم وبنتها ميرا
ميرا: واخييييرا ي ماما الشقه اللي جنبنا سكنت انا مش مصدقه نفسي
مريم: ايوا ي حبيبتي يلا ننام بقي مش عارفه انتي مصحياني بدري ليه كده
ميرا: نامي انتي انا هصحي كتكوتي وانام
مريم: طيب باي
ميرا : باي
لتتصل علي حبيبها
ميراا: يالهوي عليا حبيبي صاحي ي ناس مش مصدقه لوحدك كده
كيرلس بضيق: شوفتي بقي ما انتي متفقه مع مادونا عليا
ميرا بضحك: هي عملتها فيك
كيرلس: ايوا ياختي دلقت عليا كبايه مايه خلتني قايم مفزوع فكرت نفسي بغرق
لتنفجر ميرا ضاحكه علي كيرلس: هموووت مش قادره بطناااي
كيرلس غارقا في ضحكتها: هو للدرجه دي بيضحك انا ممكن اتغرق كتير كتير بس تضحكي كده
لتخجل ميرا: كوورررروولوووس عييب
كيرلس: بوظتي الاسم خلاص شكرا جداااا انا هقفل
ميرا: تقفل فين يابو مناخير كبيره انت خد هنا ياض
كيرلس بتفاجأ: انا ي معضمه ي معزه ماااشي مااشي
ميرا: استني بس كنت هقولك حاجه
كيرلس: قولي خليني اخلص عندي شغل وعايز اطفح مع البت اللي تحت لتخلص الاكل
ميرا: مش الشقه اللي قدامنا سكنت
كيرلس: واو وايه المشكله
ميرا: بقي عندنا جيران واخيرااااا
كيرلس: واو طيب ي حبيبتي يلا روحي نامي وهبقي اكلمك
ميرا: تصدق انت رخم طيب غور
كيرلس : ماشي
ميرا: بحبك
كيرلس: انا اكتر 💋 باي
ميرا: باي
_____________________________________________
في منزل عاطف
هاله بحب : صباح الخير يابابا
عاطف : صباح النور. ايه مصحيكي بدري
هاله بابتسامه : ابدا عادي انا هروح اصلي الضحي وبعدها هجهز الفطار واطلع انادي عمتو ونور يفطرو معانا
عاطف بابتسامه : ماشي ياحببتي ربنا يبارك فيكي
وبعد ان جهزت هاله الفطار ووضعته ع طاولة الطعام صعدت لتنادي زينب ونور للافطار ولكن قابلت احمد ع السلم ووقف هو ليسمح لها بالمرور ولاحظت هي نظراته لها ولكن سرعان ماتركته وذهبت الي شقه زينب
زينب : شوفي مين يانور
لتفتح نور الباب بعد ان وضعت حجابها
نور بابتسامه: صباح الخير ي هاله اتفضلي
هاله : صباح الخير يا عمتو يلا انا جهزت الفطار وبابا مستنيكم
زينب بحب : تعبتي نفسك يا حببتي
هاله :مفيش تعب ولا حاجه
لينزلو جميعاً وبعد الفطار ذهبت الفتاتان للمطبخ لغسل الصحون واعداد الشاي
نور : ها عملتي اللي اتفقنا عليه امبارح
هاله بتوتر : ايوه بس لسه متصلتش
نور : متخافيش هتتصل ان شاء الله هروح انا اودي الشاي
لتذهب نور وتجلس مع زينب وعاطف ثم تأتي هاله وتجلس معهم
————————————————-
عند يوسف
يوسف : صباح الخير يا روكا
روقيه : صباح النور يا يويو
يوسف باستغراب : ايه يويو دي
روقيه بضحك : بدلع ايه مش عاجبك
يوسف بضحك :لا يستي عاجبني هو انا اقدر اتكلم يلا يختي جهزتلك الفطار
روقيه بطفوله : شيلني
يوسف وهو يشمر اكمامه: استعنا ع الشقي بالله
لتضحك روقيه ضحكات عذباء
بعد الفطار
روقيه : يوسف انت هتنزل وتسبني وحدي
يوسف : معلش ياحببتي مش هتاخر بس لازم اروح الشغل وبعدين الورشه تحت البيت وعندك التليفزيون اتفرجي عليه ولو احتجتي حاجه اتصلي عليا وانا هجيلك فوريره
لتومأ روقيه رأسها بالموافقه
———————————————————
عند هاله
كانت تجلس هي ونور في غرفتها يتحدثون في امور عده وفي ذلك الوقت ارتفع صوت رنين هاتف هاله
هاله بتوتر: دي نسرين
نور بجد : ردي عليهاوحددي معاها المكان والزمان
هاله : حاضر
لتضغط ع زر الاجابه
هاله : السلام عليكم
نسرين : وعليكم السلام ورحمه الله وبركاته انا اتصلت بيكي عشان احدد معاكي المكان اللي هنتقابل فيه النهارده
هاله وهي تنظر الي نور : النهارده
لتومأ لها نور رأسها بالموافقه
نسرين : ايوه
هاله : خلاص ماشي نتقابل ف كافيه ..... الساعه ٣
نسرين : تمام
لتغلق هاله معها
هاله : طب وهننزل ازاي ونقول ايه لبابا وعمتو
نور : سبيها عليا
لتنادي عليها زينب ليصعدوا الي شقتهم
____________________________________________
في شقه نور وهي تنظر الي الساعه فتجدها
نور : انا عايزه انزل اشتري شويه طلبات للبيت
زينب : ماشي ياحببتي وانا هتصل بعاطف يبعتلك هاله عشان تروح معاكي
نور : ماشي بس خليها تستعجل وانا هروح البس
لتذهب الفتاتان
هاله : هو انتي قولتي ايه لعمتو
نور : قولتلها هننزل نشتري طلبات للبيت
هاله : امممم عشان كدا بابا وافق ع طول لتكمل :المهم دلوقتي الساعه ٢ ونص اتصل عليها أاكدي الميعاد
نور : لا هي اكيد فاكره
وصلت الفتاتان الي الكافيه وطلبو مشروبات وبعد قليل جاءت نسرين وسلمو عليها
نور : اكيد حضرتك عارفه كل حاجه واحنا جايين هنا عشان نلاقي حل
نسرين : طب ولو انكر هعمل ايه
هاله بصوت مخنوق : اكيد انا مش هتبلي عليه وافضح نفسي
نسرين : مش قصدي طب خلاص انا هتصرف
نور : هتعملي ايه
نسرين : سيبو الموضوع دا عليا
هاله : طب حضرتك هتكلميني تاني امتا عشان نعرف عملتي ايه
نسرين : متخافيش مش هتاخر عليكي
لتقوم نسرين وتودعهم وتذهب وتذهب الفتاتان بعدها وف الطريق
هاله : تفتكري ممكن تتطنشنا ومتعملش حاجه
نور : لا معتقدش دي شكلها ست طيبه اوي مش عارفه ازاي اللي اسمه هاني دا ابنها
هاله : ربنا يستر
ليذهبوا ويحضروا الطلبات ويعودوا للمنزل
——————————————————————
بعد منتصف الليل في فيلا هشام السيوفي
نسرين : اهلاً بالبيه اللي مش هامه حد
هاني : ماما معلش انا مش فايق اجلي الخناقه دي لبكرا
لتقوم نسرين وتتطلع ع السلم وتقول بصوت عالي وغاضب : روح خد شاور وفوق وحصلني ع اوضتي
ليتأفف هاني ويصعد الي غرفته وبعد انا انهي حمامه ذهب الي غرفه والدته
نسرين : ادخل
هاني : نعم
نسرين بحده : انا قابلت هاله النهارده
هاني : هاله مين
نسرين : هاله اللي شغاله عند هشام ف الشركه
هاني بتوتر : وانا.انا مالي بيها
نسرين بغضب : متلفش وتدور كتير عليا انا عرفت كل حاجه
هاني بسخريه : طب وفيها ايه يعني هي واحده رخيصه وعرضت نفسها عليا المفروض ارفض انا يعني
لتقوم نسرين بغضب : ايه اللي انت بتقوله دا اللي شوفتها النهارده مستحيل اصدق عليها الكلام دا
هاني باستخفاف : هتكوني شوفتي ايه يعني
نسرين بحده : شوفت واحده ملتزمه متدينه مستحيل تعمل اللي انت بتقول عليه دا
هاني : بجد
نسرين وقد عماها الغضب : بص ياولد انت قسماً عظماً لو متجوزتهاش وصلحت غلطتك هخليك تندم ف يوم انك عملت عملتك المهببه دي
هاني بغضب : انتي بتقولي ايه انتي مستوعبه كلامك قال اتجوزها قال
وتركها وغادر الغرفه
نسرين بغضب: ماشي يهاني انا هخليك تتجوزها غصب عنك
——————————————————-
في اليوم التالي ذهبت نور عند رقيه بعد ان استأذنت والدتها لتطمئن عليها بعد ان تأكدت ان يوسف ذهب للورشه
رقيه : انا فرحانه اوي اني شوفتك النهارده يا ابله نور
نور وهي تحتضنها : وانا كمان المهم احكيلي مرتاحه ف حياتك الجديده ولا في حاجه مضيقاكي
رقيه بحب : يوسف اخويا بيحبني اوي ومش بيزعلني خالص لتكمل بحزن : بس انا مش بحب اقعد لوحدي اما يمشي ويروح الشغل
نور بتفكير : اممم طب ايه رأيك تخليه كل يوم يجيبك تقعدي معايا وهو نازل الشغل واما يرجع يجي ياخدك
رقيه بفرح : فكره حلوه انا هقوله اما يجي
لتودعها نور وتذهب الي شقتها
——————————————————
في مكتب هشام في الفيلا ✨
قصت عليه نسرين كل ما حدث وحوارها مع هاني واخبرته برغبتها في تزويجه ايها
نسرين : انت لازم تضغط عليه بموضوع الورث دا عشان يوافق يتجوزها
هشام بسخريه : انتي اتجننتي يا نسرين عيزاني اجوز ابني حفيد عيله السيوفي لبنت ميكانيكي
نسرين بغضب : ايوه هيتجوزه والا يبقا حكمت ع نفسك بالموت
هشام بهدوء حتي لا تنفذ تهديدها : خلاص يانسرين انا هكلمه بكرا وهشوف الموضوع دا
ليتركها هشام ويخرج من الفيلا و يستقل سيارته الفاخره ويذهب للشركه
بعد ان وصل خاطب( هنا)
هشام: ياسر يجي فورا
مر دقائق لتخبط هنا ع باب مكتب هشام
هنا : مستر ياسر برا
هشام : خليه يدخل
ليدخل ياسر
ياسر : كنت عايزني في حاجه يباشا
هشام : في واحده عايزك تعرفلي كل تحركاتها وتعرفني كل حاجه عنها وتوصلي كل اخبارها اول باول
ياسر : تمام يباشا بس مين دي
هشام : هاله اللي شغاله ف الحسابات
ياسر : اللي تشوفه يباشا
هشام : اول فرصه تجيلك هتخطفها. وتخلص عليها من غير ما حد ياخد باله والموضوع دا محدش تالت يعرفه
ياسر : ماشي يباشا عن اذنك
ليذهب ياسر
——————————————————
في الورشه رن هاتف يوسف وبعد ان رأي اسم المتصل ابتعد قليلاً عن الورشه
يوسف: ايوه في جديد
…… : ………………………
يوسف بصوت عالي: اييييييه
________________________________^______
استوووووب 👀💛
السلام عليكم 🌚💛
عاملين اييي؟✨💛
يارب تكونوا بخير يارب 💜🌸
التفاعل قل اوي 💔
اتفاعلوا شويه 😅
اخر حاجه 💙
- ستدفن وحيدا وتحاسب وحيدا، ولن ينفعك من اغضبت ربك من أجله. 👌
- (ولمن خاف مقام ربه جنتان)
- وفي النهايه 💙
- ربنا يجبر بخاطركم يارب 💖
- استودعكم الله 💜🥳
أنت تقرأ
منقذتي من الهلاك (مكتمله )
Romanceاحيانا لا نفهم اقدارنا نتعجب كثيرا لما يدور حولنا ولا نفهم المغزي يأتي لكل شخص مننا رسايل من الله لتنقذه من المعاصي ولتهديه الي الطريق القويم يجب علينا ان نترك الاحداث تجري وتأخذ طريقها في التقدم ونكون علي ثقه تامه ان الله يريد لنا الافضل فما خلقنا...
