فريده : مين دي؟!
رأفت في نفسه: يا نهار اسود!!!
فريده: رأفت في ايه مين دي وبتعمل ايه هنا
عمر ف نفسه: الله دي شكلها هتولع
يارا وقد شعرت بالرهبه من تلك السيده فتحدثت بهدوء عكس القلق الذي بداخلها : انا يارا محمد الصياد
فريده بصدمه: محمد الصياد!!
يارا باستغراب: ايوه يا طنط انا بنت محمد الصياد هو في حاجه
فريده بغضب: ايه طنط دي انا اسمي فريده هانم
يارا في نفسها: ايه الوليه المغروروه طبعا هو ادم هيجيبو من بره
فريده بغرور: بس انتي ازاي بنت محمد الصياد مش باين عليكي ده انا فكرتك الخدامه الجديده
يارا بصدمه: نعععععم
رأفت بحده: فريده ايه اللي انتي بتقوليه ده ميصحش كده
فريده بلا مبالاه: Whatever بتعمل ايه هنا
رأفت: يارا هتقعد معانا لحد ما محمد يجي من السفر
فريده بحده: نعم ازاي يعني
عمر سريعا وقد استعشر بدأ حرب قريبه: اه يماما شفتي وانا كمان كنت مصدوم برضو القمر هينزل يقعد معانا مره واحده يلا يايارا تعالي معايا واوريك اوضتك تابع وهو يغمز اباه ماشي يبابا احنا فوق
اومأت يارا برأسها بتوتر وذهبت معه
فريده : عمر تعالي هنا مين دي اللي...
رأفت بمقاطعه: في ايه يا فريده لكل ده محمد سافر وطلب مني اخلي بالي منها فيها ايه
فريده بغضب: والله عال اوي بقي بنت ليلي تقعد معانا هنا علي جثتي يا رأفت انت فاهم البنت دي هتمشي من هنا وكلامي هو اللي هيمشي
رأفت بغضب: فريده احترمي نفسك واعرفي انتي بتتكلمي مع مين ويارا هتقعد غصبن عن عين اي حد كفايا ان احنا السبب ف اللي حصلها وكان زمان ربنا اللي عالم بينا دلوقتي
همت فريده بالتحدث لكن قاطعها رأفت مجددا بحده: يارا هتقعد هنا معززه مكرمه واللي مش عجبوا الباب يفوت جمل وده اخر كلام
فريده: هي حصلت يا رأفت بتطردني وعشان مين عشان بنت ليله
: ايه يجماعه الصوت ده في ايه
هتف بها ادم وهو يتوجه ناحيتهم بهدوء
فريده بدموع مصتنعه: شفت يا ادم علي اخر الزمن باباك بيطردني وعشان مين حتت بنت ولا تسوي
رأفت: اولا انا مطردتكيش ثانيا البنت اللي بتتكلمي عليها تبقي بنت صاحبي واخويا وانا ممكن اعمل اي حاجه عشان اسد الدين اللي فرقبتي وزي ما قلت من شويه يارا مش هتمشي من هنا ثم خرج وتوجه للاعلي
*_________________________________*
ف الاعلي في غرفه الضيوف التي صارت غرفه يارا
كانت جالسه بتوتر ملحوظ فمنذ لقائها مع فريده وهي متوتره وقلقه ولا تعرف السبب
يارا ياراااا يبنتي
هتف بها عمر ليقطع شرودها
يارا: ها بتقول حاجه يا عمر
عمر بمزاح: ايه يبنتي السرحان ده انا عارف اني مز ودنجوان بس مش للدرجادي
ضحكت يارا علي مزاح عمر بشده وشاركها عمر الضحك
يارا: والله انت مصيبه ياعمر
عمر بغرور مصتنع: كلهم بيقولولي كده
يارا: طب حاسب احسن تفرقع من الغرور
عمر بابتسامه: ها يستي مالك بقي
يارا باحراج: هي احم مامتك يعني كده علي طول ولا..
عمر بمزاح: هو انتي لسه شفتي حاجه ده انتي هتشوفي العجب ف الفيلا دي العالم في 7 عجايب فريده هانم هي التامنه بس ان شاء الله تتخطي المراحل اللي جايه
يارا: هو انا دخلت مسابقه ولا ايه
عمر بمرح: الاولمبيات وحياتك لسه عاندك مراحل كتير
يارا : لهو في مراحل غير فريده هانم
عمر: طبعا لسه قدامك اسر وادم البت الملزقه اللي اسمها ريناد وناهد وسيف بصراحه احنا كتير واهم مرحله هي مرحله عمر السيوفي وده مش اي حد يكلمه بس لو حبيتي ممكن اخدلك منه معاد
يارا بضحك: ههههه لا والله انت مسخره بجد
عمر بهيام: هيييييييح اوعدنا يارب
همت يارا بالحديث لكن قاطعها دقات رأفت علي الباب
عمر: تعالا يابوب متخفش مفيش حد قالع راسه
دلف رأفت وامسك عمر من قفاه😂
رأفت: اوعي يكون الولا ده دايقك
يارا بابتسامه: لا و الله يا عمو ده لطيف خالص
عمر بضيق: لطيف انتي بتكلمي ابن اختك يارا
ثم تابع بحب بس مش مشكله لطيف لطيف اي حاجه جايه منك حلوه
رأفت: اتلم يلا انا واقف
عمر بمزاح: طب متمشي
رأفت بضحك وهو يجذبه من اذنه: بصي ي يارا انتي مش هتخلصي منه ابدا المهم انا كنت طالع اسألك تحبي تاكلي ايه
عمر: بص انا مش جعان اوي يعني ممكن تجيب فراخ مشويه وهمبرغر وبيتزا بالجمبري والسلطه اوعي تنسي السلطه و...
رأفت: بسسسسس ايه بلاعه وفتحت كل ده ومش جعان اومال لو جعان كنت عملت ايه كنت كلتنا وبعدين انا بسألها هي مش انت
يارا بابتسامه: شكرا ياعمو انا مش جعانه
عمر: شفت طلبت نفس اللي طلبته يلا بقي عشان انا عصافير بطني بتهوهو بص هات الاكل وانا هفتح نفسها متقلقش
رأفت: امري للله...يارا انا مش عايزك تتضايقي من اللي حصل تحت بس اوعدك ميتكررش تاني
يارا بابتسامه هادئه: حصل خير انا مش زعلانه
رأفت بابتسامه: تمام انا هوصي نعمه علي الاكل عقبال ما تخلص تكوني غيرتي هدومك ولو الاوضه فيها حاجه مش عجباكي قولي وانا غيرها
عمر: وتغيرها ليه ما اوضتي موجوده وتسيع من الحبايب الف
يارا بضحك: ههههه لا يعمو شكرا كل حاجه كويسه
رأفت: تمام يلا بينا يا عمر
عمر: لو عزتي اي حاجه قولي خيار بلاش جزر عشان ما بحبوش
رأفت بضحك: قدامي احنا مش هنخلص خرج رأفت وعمر بينما جلست يارا علي السرير تفكر في ايامها القادمه ثم امسكت هاتفها وضغطت علي احدي الارقام
يارا: اهلا ايه اخر الاخبار
المتصل: ...........
يارا : تمام اوي كده
المتصل: ...........
يارا بتهكم: اخاااف هه ده انا الخوف يخاف مني المهم اوعي يغيب عن عينك لحظه والاخبار توصلي اول ب اول انت فاهم
المتصل: .............
يارا بخبث: كده حلو اوي خلي بالك ع الامانه والشيك هيوصلك زي ما اتفقنا سلام
يارا بخبث: هانت اوي نهايتك قربت يا....
*_________________________________*
يتبع......
ياتري فريده وادم هيعملو ايه؟!
ومين اللي كلمته يارا؟!
وايه هي الامانه؟😉
تابعوني 😘
روايه غربت لتشرق من جديد
# سما المنسي
أنت تقرأ
غربت لتشرق من جديد...تأليف سما المنسي
Tajemnica / Thrillerهي فتاه بريئه مرحه صدمها القدر ليوقعها فحياه غريبه عليها فهل تستسلم له... هو رجل عنيد ورجل اعمال مشهور اوقعها القدر في طريقه فهل يلين لها... تأليف: سما المنسي
