غربت لتشرق من جديد...تأليف سما المنسي

البارت الاول 💟💟

اطلت بزرقتيها من خلال نافذه الطائره الصغيره تتطلع الي الغيمات القطنيه الكبيره ارتسمت ابتسامه صغيره علي شفتيها عندما تذكرت كم كانت تود ان تتذوقها فهي تشبه غزل البنات ولمعت عينيها بحب تتذكر انها اخيرا ستري والدها بعد غياب دام 5سنوات
افاقت من شرودها علي صوت المضيفه تخبرها بانهم علي وشك الهبوط ......
بعدما انهت المعاملات الخاصه باوراق وصولها للمطار خرجت تجول عينيها بين الحضور تبحث عنه هو امانها سندها حبيبها الاول والاخير ( مش ادم 😂) ابتسمت بسعاده وعينين مليئه بالدموع عندما رأته
يارا بسعاده وهي تجري نحوه: بابااااااا
ارتمت يارا بأحضان والدها تلتمس الدفء والحنان به الذي حرمت منه
محمد وهو يشدد علي احتضانها: حبيبتي وحشتيني اوي اوي كل دي غيبه ثم ابعدها عن احضانه وتابع بجديه : مفيش سفر تاني سامعه يا اوزعه انتي
يارا ضاحكه بمرح : تمام يافندم ثم ضمت شفتيها بضيق مصتنع وتابعت: بس بلاش اوزعه دي انا كبيره دلوقتي
محمد بضحك: ماشي ياست الكبيره حلو كده بس برضو مفيش سفر تاني ثم ضيق عينيه وتابع ها يستي كنتي بتعملي ايه فلندن
يارا مدعيه البراءه : احم هكون عملت ايه يابابتي ده انا حتي ماكنش بسهر خالص وكنت بنام بدري وعمري ماسهرت بره خالث مالث
محمد بضحك : هههه انتي هتقوليلي وحشتني لماضتك يالا بينا علي الفيلا عشان تستريحي وتحكيلي كل حاجه
يارا : اوك
*_________________________________*
في فيلا السيوفي:
انهي ادم ارتداء ملابسه مكونه من قميص اسود مفتوح اول ازراره وجاكت اسود وبنطال اسود ووضع عطره المفضل نظر الي المرآه بتقيم وابتسم بغرور ثم هبط الي الاسفل بخطوات واثقه ليجد والدته بالاسفل
ادم بابتسامه ساحره ذادت من وسامته: صباح الخير يافيرو
فريده بابتسامه: صباح النور يقلب فيرو...كنت فين امبارح مشفتكش
ادم: كنت سهران مع اصحابي زي كل يوم منتي عارفه
فريده : طب متتأخرش النهارده ريناد وناهد جايين
ادم باقتضاب فهو يدري نيتها بالزواج من ريناد: ربنا يسهل يلا سلام انا رايح الشركه
فريده : مش هتفطر
ادم وهو يتوجه للخارج: لا امي هفطر ف الشركه سلام عشان متأخرش ثم خرج وركب سيارته الفراري السوداء متوجها للشركه
عوده للفيلا مره اخري
كان كلا من رأفت وفريده يجلسان علي السفره يتناولان طعام الافطار
رأفت: هو مفيش حد من الاولاد هيفطر
فريده : اسر وادم راحوا الشغل وعمر بيذاكر
رأفت باستغراب: طب اسر وادم ف الشركه انما عمر بيذاكر ازاي
فريده بدون اهتمام: بيقول عنده امتحان
رأفت وقد انهي طعامه : تمام انا كمان رايح الشركه عايزه حاجه
فريده : لا بس متتأخرش عشان اختي ناهد و ريناد جايين عزمتهم علي الغدا
رأفت بضيق: انتي مش كنتي عزماهم امبارح واول امبارح واول اول امبارح
فريده: وفيها ايه يعني اختي وبتونسني
رأفت بشك: حاسس انك بتدبري لموضوع
فريده بقلق: ولا موضوع ولا حاجه زي مقلتلك اختي وبنتها بيونسوني
رأفت: خلاص خلاص اعملي اللي تعمليه انا ماشي سلام ومشي
*_________________________________*
في فيلا الالفي:
ناهد: ها يا روني خلصتي لبس
ريناد : اه يمامي خلصت ايه رأيك
ناهد: طول عمرك قمر ياقلبي
ريناد بفرحه: بجد يعني هعجب ادم
ناهد بخبث: واشمعنا ادم يعني
ريناد : لا عادي يعني قصدي اني شكلي حلو يلا هروح اجيب الموب واجيلك
ناهد بتنهيده: والله ما اعرف اخر الموضوع ده ايه
*_________________________________*
في فيلا الصياد:
دلفت يارا بصحبه محمد الي الداخل وما ان خطت قدميها امتلأت عينيها بالدموع التي تسابقت للنزول من عينيها
محمد: مالك يا يارا
يارا بدموع: وحشتني اوي يبابا وحشتني اوي ثم اجهشت بالبكاء
محمد وهو يحتضنها: وانا كمان يا بنتي وحشتني الله يرحمها
يارا: كان نفسي تشوفني وانا متخرجه وتبقي فخوره بيا
محمد هو يمسح دموعها: انا متأكد انها لو كانت عايشه كانت هتبقي فخوره بيكي زي منا فخور واكتر ثم تابع بحنو: انتي عارفه عيونك اللي زي البحر دي اني ورثاها من مامتك فبلاش تغلوشيها بالدموع دي ثم تابع بمرح يلا بقي روحي غيري هدومك عشان انا واقع من الجوع والداده مش موجوده ونفسي اكل من ايدك دي بس يارب مايجيلي تلبك معوي
يارا بضحك: ههههه ماشي يابابتي انتي تؤمر ثم توجهت للاعلي حامله حقيبتها معها
دلفت يارا لغرفتها اخذتةشاور سريع وتوضأت وانهت فرضها وارتدت بيجاما بينك عليها رسومات كارتونيه مضحكه ودلفت للمطبخ لتعد الغداء
*_________________________________*
ف الشركه دلف ادم بخطوات واثقه مرتدي نظارته السوداء التي ذادته وسامه لتأتي لمسامعه همسات الموظفات عن جماله وشياكته فيذداد غرورا ثم توجه للاعلي
ادم لمها السكرتيره: اسر جوه يمها
مها : اه يفندم جوه ثم تابعت بدلع : تحب حضرتك اعملك حاجه
ادم وهو يقترب منها : اه عايز
مها بسعاده وقد شعرت بتجاوبه معها: ممم ويتري عايز ايه
ادم : عايز قهوه
مها بصدمه: قهوه!؟
وهو يبتعد عنها : اه قهوه فيها حاجه
مها بضيق: لا يفندم مفيش
ابتسم ادم بغرور وتوجه للداخل
مها : اصبر عليا يا ادم وانا جيبك لعندي وبأرادتك كمان
في الداخل
ادم بمرح: اخبار الرعد ايه
اسر بضيق : اقعد يا ادم
ادم : في ايه مالك
اسر: بشتغل زي منت شايف الصفقه دي مهمه اد ايه وفي شركات كتير دخلنها
ادم بابتسامه ثقه: متقلقش هترسي علينا
اسر بتهكم: ايه الثقه دي كلها
ادم بغمزه: عيب عليك ده انا الفهد
اسر: طب بره يافهد عندي شغل
ادم بصوت رفيع: بتتردني اهئ اهئ هانت عليك العشره طب واللي فبطني اعمل في ايه
اسر : ابقي اسرحي بي ف السيده ثم تابع وهو يقذفه بالدباسه:اطلع بره يلا
ادم : هههه طالع طالع
*_________________________________*
يتبع
# سما المنسي
اتمني يكون البارت الاول عاجبكم 💟💟