اسر: انا نويت اتجوز
فريده بفرحه:بجد يا اسر انا هقوم حالا اكلم منال هانم ونتفق علي معاد ونروحلهم
اسر سريعا: حيلك حيلك منال مين انا مش بتكلم علي دي
فريده باستغراب: اومال مين
اسر : رهف
يارا بصدمه: رهف
فريده: ايوه يعني رهف مين بنت مين من عيله مين
رأفت متدخلا : ايه يافريده كل الاسأله دي ملهاش لزمه طالما ابنك بيحبها والبنت كويسه
فريده: ازاي يعني يا رأفت مرات ابني لازم تكون من عيله كبيره انت عايز الناس تقول علينا ايه
اسر مستنكرا: متقلقيش يا فريده هانم من الناحيه دي والناس مش هتقول علينا حاجه
ادم : محدش يقدر يجيب سيره العيله بنص كلمه واللي يقدر يبقي حفر قبره ب ايده ثم اردف وهو يحتضن اخيه: مبروك يا اسر
اسر وهو يبادله الحضن : الله يبارك فيك يا ادم
عمر وهو يبعدهم عن بعض: وسع بقي يا اخي سيبني اباركله الله
ادم وهو يفسح له المكان بتهكم : اتفضل يا اخويا باركله
عمر وهو يحتضنه : مبروك يا اسر
اسر : الله يبارك فيك يا عمر عقبال ماتنجح يارب
عمر بضيق: ايه عقبال ما تنجح دي اسمها عقبالك والله ولا هو انا ابن البطه السودا يعني
ادم وهو يضربه علي قفاه: ياض ده احنا لسه شايلين المشمع من تحتك من كام يوم وبعدين خلص تعليمك واشتغل وبعد كده فكر ف الجواز
عمر بفخر وهو يضع يده ف جيب بنطاله: لا انا هتجوز واقعد ف البيت
اسر وهو يمسكه من خدوده: يختي باطه هتقعدي ف البيت زي الحريم يا كميله
عمر وهو ينزع يده بقرف: وسع كده قفلتني ياشيخ
يارا بهدوء: مبروك يا اسر
اسر مبتسما : الله يبارك فيكي يا ايارا كان نفسي اقولك عقبالك بس خلاص بقي
يارا بضحكه صغيره: ههه يالا بقي هنقول ايه حظي كده
اسر : معلش بقي استحملي
ادم: اي يا خفيف منك ليها ما تظبطو كده
اسر : طيب يجماعه انا اتفقت معاهم اننا هنروحلهم النهارده الساعه 8.
فريده: وانت متسربع علي ايه مش تستني اما نسأل عليها الاول مش ممكن تطلع زي رحاب
نظر لها رأفت وادم بضيق ببنما اكفهر وجه اسر واردف: انا طالع اجهز مش عايزين نتأخر عن اذنكم
رأفت بعتاب: ليه كده يا فريده منتي عارفه ان اسر حساس من النحيه دي ايه لازمه الكلام ده يعني
أنت تقرأ
غربت لتشرق من جديد...تأليف سما المنسي
Bí ẩn / Giật gânهي فتاه بريئه مرحه صدمها القدر ليوقعها فحياه غريبه عليها فهل تستسلم له... هو رجل عنيد ورجل اعمال مشهور اوقعها القدر في طريقه فهل يلين لها... تأليف: سما المنسي