غربت لتشرق من جديد...تأليف سما المنسي

البارت ٣٠..غربت لتشرق من جديد

في المعسكر:

سيف : مفيش غيره اوضه واحده

نور : لالالا مستحيل

معتز : طب والعمل

مصطفي بمزاح : بص انت خد معتز ينام جمبك وانا هنام جمب نور متخفيش ده انا زي النسمه مش هتحسي بيا ومش بيجيلي تهيؤات

سيف بغضب : مصطفي

مصطفي بخوف مصانع: يبااااي هو مفيش حد يهزر  معاكو ابدا

معتز : متزعلش منه بس هو قافش علي حوار الاوضه

نور: لا مهو بصو انسو بكل الاحوال اني الان معاكو ف اوضه واحده

سيف بضيق: اخرسي خليني افكر

نور : انا متعصب عليا ليه دلوقتي هو انا قلت حاجه غلط

سيف : وانتي ايه فيكي صح اصلا

نور بضيق: استغفر الله العظيم

معتز : اللي حصل حصل دلوقتي خلينا نفكر ازاي نحل المشكله دي

مصطفي بفرحه: جاتلي فكره جاتلي فكره

سيف : اشجينا

مصطفي : مش كل الاوض اللي هنا بيبقي في اوضه ليها بتبقي مخزن سواء هدوم أو معدات

معتز: اه

مصطفي: طب حلو اوي إحنا ننقل سرير من عندنا للمخزن وتبقي اوضه نور

سيف: يابن الجنيه تاهت عن بالي ازاي دي

مصطفي بفخر : اي خدمه مبحبش اتكلم عن نفسي كتير

نور : يعني اوضتي مخزن يا حلاوه

سيف: احمدي ربنا أن ليكي اوضه اصلا مش احسن مكان نبيتك ف الحمام

نور بغضب:  الصبر يارب

معتز: طب يلا ياشباب ضيعنا وقت كتير

قام كلا من سيف ومصطفي ومعتز بنقل سرير للمخزن وأخذ بعض محتوياته لغرفتهم و توجهت نور لغرفتها

معتز : انا هنام جمب الشباك

مصطفي: لا يبابا ده محجوزلي

معتز :انسي يا سطاااااا مش كل مره ده دوري

سيف بهدوء وهو يتوجه لغرفته : ايه شغل العيال الصغيره ده ....محدش هينام ع السرير مش بحب انام جمب حد وانتو عارفين

معتز ومصطفي: طب وأحنا

سيف وهو يحاول أن يكتم ضحكته: الارض واسعه سامو عليكووووو

__________________________________

وقف ادم مصدوما من يارا فقد توقفت أمام محل لبيع لعب الاطفال وخرجت وهي تحمل الكثير من اللعب ثم ركبت سياراتها وانطلقت وهو وراءهاا

ادم باستغراب: هي بتعمل ايه

توقفت يارا أمام مبني مكتوب عليه "دار الرحمه"
ودخلت وادم وراءها
اول ما دخلت يارا تجمع الاطفال حولها يحتضنوها بشده وهي توزع الالعاب عليهم ببسمه طيبه حنونه نظرت يارا حولها فابتسمت بشده عندما وقعت عينيها عليه....