غربت لتشرق من جديد...تأليف سما المنسي

البارت 9..غربت لتشرق من جديد

عن اذنكم هتفت بها يارا ببرود وهي تتجه لخارج الغرفه تحت انظار ادم الحانقه لتجاهلها
ادم في نفسه: الصبر حلو بابنت الصياد
اسر بهدوء: في حاجه يا ادم
ادم بضيق: لا مفيش....انت بتعمل ايه هنا
اسر: جيت اخد شاور السخان بايظ عندي
ادم: ويارا
اسر : مالها
ادم بنفاذ صبر: كانت بتعمل ايه هنا
اسر وهو بيحرك كتفيه بعدم معرفته واكمل ارتداء ملابسه توجه ادم لغرفته ليرتدي ملابسه هو ايضا وهو يتمتم بكلمات غير مفهومه
*_________________________________*
في غرفه فريده
لا يعني لا يا رأفت البت دي مش هتيجي معانا
هتفت بها فريده بضيق منذ معرفتها بخروج يارا برفقتهم
اكمل رأفت ما يفعله غير عابء لها
فريده: رأفت كلمني زي ما بكلمك
رأفت بنفاذ صبر: عايزه ايه ي فريده
فريده: البنت دي لازم تمشي من هنا ثم تابعت بمسكنه مصتنعه البنت دي مينفعش تقعد اكتر من كده وخصوصا بعد اللي حصل
رأفت بتنهيده: و يتري حصل ايه
فريده بنفس نبرتها: لاقتها عند ادم ف الاوضه وعماله ترمي نفسها عليه استغفر الله العظيم
رأفت بتهكم : اممممم وايه كمان
فريده بغضب: ايه ايه هو انا بحكيلك حدوته بقولك البنت دي ك...
رأفت بمقاطعه: فريده بطلي طريقتك دي حرام عليكي البنت كانت تعبانه انا مش عارف انتي حطاها ف دماغك ليه
فريده : طبعا مهي بنت حبيبه القلب
رأفت بغضب: يووووووه احنا مش هنخلص من الحكايه دي انا ماشي لو عايزه تيجي معانا براحتك دي عيشه تقصر العمر ياشيخه
فريده بوعيد : ماشي يا رأفت ماشي ثم امسكت بهاتفها واتصلت بناهد
فريده: ايوه يناهد تعاليلي ع النادي انتي وريناد
ناهد: النادي!! ليه ؟!
فريده بضيق : لما نتقابل هحكيلك سلام
ناهد : سلام
*________________________________*
وصلت عائله رأفت للنادي بسلام وتوجهوا الي اماكنهم المخصصه تحت ضيق فريده من يارا
عمر : يويو اي رأيك نتمشي شويه افرجك علي النادي
يارا : تمام يلا
ادم بضيق: متقعد ياعمر مستعجل علي ايه وبعدين ايه يويو
عمر : يباااااي وانت مالك
ادم بتحذير: عمررررر
يارا : يلا ياعمر وناديني باللي انت عاوزه
انحني عمر بحركه مسرحيه: lady is first
ضحك يارا توجهت وعمر وراءها  سرح اسر في ضحكتها بابتسامه هادئه لكن سرعان ما تنهد بضيق
اسر في نفسه: في ايه يا اسر انت هتنسي ولا ايه كلهم صنف واحد
ادم في نفسه : طب اقتلها واتويها دي ولا اعمل ايه استغفر الله العظيم يارب ثم استغفر بصوت مرتفع
رأفت : مالك يا ادم
ادم بضيق : مفيش
دومي miss you كتير هتفت بها ريناد وهي تتوجه ناحيته لكن منعها سيف ونظر لها شزرا فهو لا يحب اختلاطها به
ناهد: ازيك يجماعه
الجميع: الحمدلله
رأفت : اتفضلي يا مدام ناهد
سيف بمرح : طب وانا امشي ولا اقعد
رأفت بابتسامه: لا اتفضل حمدلله ع السلامه
سيف: الله يسلمك ياعمي
ادم: اخبار العمليه ايه مسكتو العيال
سيف بثقه: وهل لديك شك
ادم : لا طبعا عرفت مين اللي وراهم
سيف : لسه بس هيقع انا متأكد
اسر وهو يربت علي كتفه بقوه : تربيتي يا ابني
سيف: اااه يعم ايدك تقيله
اسر بتهكم: اومال ظابط وعمليات خاصه وعضلات ايه ده طلع كله نفخ
سيف : نفخ!!! طب تعالي الجيم وانا واريك النفخ علي اصولو
اسر بمكر : وماله جاي يا ادم
ادم : طبعا جاي
ريناد: وانا كمان هاجي
سيف بضيق: تيجي فين احنا كلنا شباب ف بعض طبعا ماينفعش يلا شباب ومشو
ساد الصمت دقيقه قاطعه اتصال لرأفت
رأفت : عن اذنكم
فريده: مش قلت مفيش شغل
رأفت : ده ضروري يفريده ثم غادر
ناهد: ها  يفيري احكي بقي تنهدت  فريده بضيق وحكت لها موضوع يارا
ريناد بغيره في نفسها : يعني البنت دلوقتي قاعده مع ادم في الفيلا لا وكمان كنت عانده ف الاوضه اما شوفك هطلع ....تييييييت عذرا قدم تم تشفير الشتيمه تحسبا للرقابه 😂
ريناد : عن اذنكم هتمشي شويه
فريده: اتفضلي يحبيبتي
عند عمر ويارا
عمر: الجميل سرحان ف ايه
يارا بابتسامه: بابا واحشني نفسي يرجع بقي
عمر بزعل: عايزه تسبيني
يارا: اكيد لا يعني احنا مش اصحاب ولا ايه
عمر : احلي اصحاب وحياتك ثم خطرت بباله فكره
عمر: ايه رأيك نتسابق ف التراك شويه واللي يخسر يعزم التاني اشطا
يارا بحماسه: اشطا يلا  و بالفعل انتلقا بالجري وفازت يارا
عمر وهو ينهج: الله يخربيتك يشيخه قطعتي نفسي بوء مايا الاهي يسترك
يارا وهي تقذفه بزجاجه المياه:  خد يا اخويا 
عمر : لا بجد انتي بتلعبي رياضه من زمان
يارا : يعني انا عطشانه وانت اللي خسرت يلا روح هات لنا حاجه نشربها
عمر: فوريره وذهب تابعت يارا الجري لكن اصتدمت بشخص 
يارا : انا اسفه مشفتكش
الشخص: لا ولا يهمك يا مزه اخبطيني براحتك
نظرت له يارا باشمأزاز وهمت بالرحيل لكن امسك يديها لكن سحبتها يارا بحده
يارا بضيق : في حاجه
باسم : وهو يمد يد  لها: باسم الامير
نظرت يارا ليده ثم ذهبت لكن امسكها مجددا فصفعته
باسم: انتي اتجننتي انتي عارفه انتي ضربتي مين
يارا بتهكم: هو انا كل اما اضرب عيل توتو يقولي انتي مش عارفه انا مين امسكها باسم من يداها لواها خلفها وهمس بجوار اذنها : بقلك متيجي معايا نقضي يومين وهبسطتك وكله بتمنه  سحبت يارا يدها وصفعته  مجددا
يارا بصوت مرتفع: انت شخص واطي وزباله و....لكن وقع علي وجهها صفعه صدمت يارا اثرعا لثواني قبل ان تنقض عليه كالاسد واستمر النزاع بينهم الا ان اخذهم الامن 
الضابط: ممكن اعرف ايه اللي بيحصل همت يارا بالتحدث لكن قاطعها باسم
باسم : انا باسم الامير
الضابط باحترام: غني عن  التعريف يباشا اتفضل اقعد
توجه باسم للمقعد امامه وهو يضع قدم فوق الاخري بغرور
الضابط: ممكن اعرف ايه اللي حصل
يارا: يا فندم
الضابط بحده: اخرسي انتي مسمعش صوتك ثم تابع باحترام لباسم: ايه اللي حصل حضرتك
باسم بكذب: الانسه المحترمه عرضت نفسها عليا ولما قلتلها انتي مش محترمه ضربتني بالام فضربتها والخناقه اشتغلت
يارا  بحده: انت كداب محصلش ده هو الل
الضابط: انتي تخرسي خالص ياسافله انا مش عارف ايه الاشكال متقاقش يباشا انا هخليها تكره اليوم اللي اتولدت في
يارا بتهكم: باشا!!! وهتكرهني ف اليوم اللي اتولدت فيه كمان ده الباشا قابض بقي
قام الضابط من مقعده بعنف وجذبها من شعرها : انتي شكلك عايزه تتربي ياذباله ده حظ امك اسود عشان وقعتي ف ايد حسام باشا
حسااااام
نطق بها ادم بصوت جهوري وهو يتوجه له هو وسيف 
م ادم بحده: انت ازي تتجرأ وتمد ايدك عليها
باسم: تستاهل واحده رخيصه زيها ده اقل جاجه تستحقها
كان ادم علي وشك لكمه لكن امسكه سيف
سيف: اهدي يادم ممكن افهم اي اللي حصل
روي له باسم ماحدث لكن تلك المره لكمه سيف
سيف :اخرس يذباله اللي بتتكلم عليها اشرف منك معاش ولا كان اللي يتكلم علي يارا الصياد
يارا : ده كداب انا معملتش حاجه ده كان وحكت لهم ماحدث
حسام: انا مكنتش اعرف والانسه ماوضحتش حاجه
يارا بحده: وهو انت سبتلي فرصه اكلم اصلا ويتري لسه ناوي تكرهني ف اليوم   اللي اتولدت فيه
اتصل سيف باحد اصدقائه وتم القبض علي باسم والتحقيق مع حسام
في الخارج
ادم: انتي كويسه يا يارا
اومأت يارا رأسها بنعم لكن لم يغفل ادم عن ارتعاش يدها التي حاولت اخفاؤه
سبف بمرح لكي يخف من حده الموقف: بس الواد ده ايه اللي خرشمه كده
يارا بغرور مصتنع: اقل ما عندي علي فكره
سيف : ايوه يا يارا يجامده
يارا: بعض ما عندكم يا اخ سيف
ادم باستغراب: بس لحظه انتو تعرفو بعض منين
يارا وسيف بصدمه: هاا
*_________________________________*
كااااااات 💃💃💃
ياتري ايه اللي هيحصل
تابعوني
غربت لتشرق من جديد
تأليف سما المنسي
# سما العشق