بعد عده ساعات في فيلا الصياد
يارا بصياح: باباااا باااااابااااا
محمد بقلق: ايه في ايه حصل ايه
يارا بضحك: ههههه
محمد: في ايه يا مجنونه
يارا ببراءه: احم الاكل جاهز يا حبيبي
محمد: اللي رحمك من ايدي اني جعان والاكل رحته تجنن
يارا بسعاده: طب يلا بسم الله
محمد باعجاب: واو الاكل تحفه بجد الحمدلله مش محتاجين لنمره الاسعاف
يارا وهي تمسك ياقه وهميه بغرور مصتنع: اقل حاجه عندي مبحبش اتكلم عن نفسي كتير
محمد بضحك: طب كلي يستي وحسبي تفرقعي من التواضع سقط محمد ويارا في ضحك هستيري
محمد: ها يستي احكي لي بقي عملتي ايه فلندن
حكت يارا بعض المواقف فلندن بحماسه شديده اصتنع محمد الانصات لكن في الحقيقه كان يفكر ف شيء اخر انتبهت يارا له و...
يارا: مالك يبابا في ايه؟!
محمد: ها بتقولي ايه..لا مفيش
يارا: لا ده في ونص وتلت تربع كمان
محمد : متشغليش بالك انتي
يارا بمرح: انت محسسني انك مش بنتك علي فكره وانك مش ضنايا
محمد: هههه والله وحشتيني يارا من زمان مضحكتش كده
يارا: طبعا طبعا هو انا اي حد هههه بس برضو قولي مالك تحولت ملامح محمد مره اخري للحزن والشرود
يارا : مالك مالك مالك مالك مالك مالك مالك محمد بزعيق: بس بقي
يارا وقد تجمعت بعينيها الدموع : انا اسفه ثم صعدت لغرفتها وضع محمد رأسه بين كفيه وشرد في ماحدث من يومين
Flash back
محمد بحزن: يعني مفيش امل يادكتور
الدكتور: ما تقلش كده يا محمد بيه ان شاء الله في امل بس انت لازم تسافر تعمل العمليه ف اسرع وقت يا اما احم لا سمح الله يكون في خطر كبير علي حياتك
محمد : شكرا يا دكتور ثم هم بالرحيل
اخذ محمد يتجول شارد البال يفكر فيما قال الطبيب
محمد ف نفسه: طب انا هعمل ايه دلوقتي ويارا! هقولها ايه هقولها ازاي اصلا قاطع تفكير محمد رنه هاتفه فنظر وجد المتصل رأفت صديقه
محمد: الو
رأفت بمرح: ايه يعم فينك ولا بتسأل احسن تكون اتجوزت من ورايا
تنهد محمد بحزن : انت عامل
رأفت: مالك يامحمد صوتك مش عجبني
محمد: انا عايز اقابلك قابلني فمطعم****
رأفت : تمام انا قريب اصلا سلام
بعد فتره كان يجلس رأفت بصدمه وحزن علي صديقه ورفيق دربه
رأفت: طب العمليه دي فيها خطر علي حياتك
محمد: انا مش هممني حاجه غير يارا بنتي دلوقتي هقلها ايه انا مستحيل اقلقها عليا وكمان خايف اسبها لوحدها هنا
رأفت بتفكير: طب متجبها تعيش معايا
محمد: لا مش هينفع لا
رأفت: ليه بس انت ان شاء الله مش هتتأخر ومتخفش علي يارا دي زي بنتي
محمد: بس
رأفت بمقاطعه: مابسش ولا انت مش واثق فيا
محمد: اكيد واثق بس مش دي المشكله في............ ( مش هحكي الموضوع ده دلوقتي) انصدم رأفت مما سمعه مما ذاد اصراره علي اخذها معه
رأفت باصرار: بعد اللي قلته ده انا متأكد ان انسب مكان ليارا هو بيتي وزي مقلتلك متخفش عليها
محمد بامتنان: ربنا يخليك يصحبي
End
صعد محمد ليارا ودخل وجد الدموع قد اخذت مجراها علي وجنيتها اقترب محمد وجلس امامها ومسح دموعها
محمد: انا اسف يا يارا مكنش قصدي اتعصب عليكي سامحيني
يارا: انا مش زعلانه عشان كده انا زعلانه عشان مش راضي تقلي مالك
محمد بتنهيده: انا هسافر
يارا بصدمه: ايه!!؟
*_________________________________*
في الشركه في غرفه الاجتماعات
مندوب شركه الهاشمي: ها يافندم ايه رأي حضرتك ف العرض
كاد رأفت ان يتحدث لكن قاطعه اسر
اسر: لو سمحت يا رأفت بيه ممكن اقول حاجه
اومأله رأفت بالتحدث
اسر بلهجه رجل الاعمل: والله كل اللي قلته ده عظيم اوي بس مش واخد بالك ان الباند العاشر ده في ظلم شويه
المندوب وهو يتصبب عرقا : احم لا يفندم ابدا ده بس للتأمين مش اكتر
ادم بتهكم: للتأمين مش اكتر طب شكرا الصفقه دي مش هتم نورتنا
بهتت ملامح المندوب بصدمه ونظر لاسر لكن اسر ايد كلام ادم
المندوم : عن اذنكم
اسر بابتسامه صفراء : اتفضل
بعد خروج المندوب
رأفت بحده : ممكن افهم بقي ايه اللي عملتوه ده انا مردتش اتكلم عشان منظركم
اسر بهدوء: حضرتك مش واخد بالك من الباند العاشر
رأفت: وفيها ايه ممكن للامان زي ما قال
ادم: امان اه امان لما يحط باند ان شركه الهاشمي يبقي ليها حق كامل فاختيار شريك تالت ده يبقي للامان
رأفت وقدم فهم: قصدك انه تبع...
اسر: عليك نور ياحج
رأفت بفخر : معاه حق اللي سماكو الفهد والرعد
*_________________________________*
يتري ايه الموضوع اللي محمد قاله لرأفت؟
وايه موضوع شركه الهاشمي ؟
وايه هيبقي رده فعل يارا؟
تابعوني💟💟
#سما المنسي
أنت تقرأ
غربت لتشرق من جديد...تأليف سما المنسي
Mystery / Thrillerهي فتاه بريئه مرحه صدمها القدر ليوقعها فحياه غريبه عليها فهل تستسلم له... هو رجل عنيد ورجل اعمال مشهور اوقعها القدر في طريقه فهل يلين لها... تأليف: سما المنسي
