غربت لتشرق من جديد...تأليف سما المنسي

البارت 23..غربت لتشرق من جديد

اسفه صبايا بدأت دروس الوقت بقي ضيق عندي بس علي قد ما اقدر هحاول انشر علي الاقل 3 بارت ف اسبوع

____________________

قطع شرود ادم دخول فريده كالاعصار المدمر الذي لا يبشر بالخير

فريده بغضب جامح : ممكن افهم الهبل اللي قلتله تحت ده

قبل ادم رأس يارا وقام بتدثيرها بالغطاء جيدا واشار لوالدته بالخورج حتي لا يزعجوها

ادم ببرود: في ايه

فريده بغضب: هو ايه اللي في ايه انت عايز تجنني رد علي سؤالي ايه الهبل اللي قلته ده

ادم بهدوء وهو يضع يده في جيب بنطاله : قلت الحقيقه يارا تبقي مراتي فيها ايه دي

فريده بحده : مراتك ازاي يعني ايه

ادم بتهكم: وهما الناس بتتجوز ازاي

فريده بتصميم: انت لازم تطلق الزفته دي سامع

ادم بحده خفيفه: الزفته دي تبقي مراتي اللي كرامتها من كرامتي بالظبط ولو مش عاجبك انا ممكن اخدها ونمشي من هنا ومحدش يقدر يقف قصادي

: ادم يارا كويسه

هتف بها رأفت وهو يدخل معه اسر بعد ان هاتفهم عمر واخبرهم بقدوم يارا وبدايه المعركه مع فريده

ادم بهدوء: الحمدلله يابابا كويسه هي نايمه دلوقتي

رأفت زافرا: الحمدلله الف حمد و شكر ليك يارب

ادم بهدوء: انا داخل انام تصبحو علي خير

فريده بحده : تنام يعني ايه والمصيبه دي

رأفت : ادخل انت يا ادم
اومأ ادم موافقا ودخل غرفته

في الخارج

اسر: ماما ممكن تهدي

فريده بغضب: اهدي يعني ايه البيه اتجوز من ورانا لا ومن مين من بنت ليله

رأفت: وانتي ايه اللي مضايقك في الموضوع انتي مش كنتي عيزاه يتجوز

فريده: ايوه كنت عيزاه يتجوز بس مش هي مش... ثم تابعت باستغراب : استنو انتم كنتو عارفين

أسر هاربا : طب الحمدلله اطمنا عليها ادخل انام انا بقى الواحد تعب اوي النهارده تابع وهو يتثائب بتصنع : يلا تصبحو على خير

رأفت في سره:يابن ال***

فريده بحزم :رد عليااا كنتم عارفين

رأفت باستسلام :اه يا فريده كنت عارف استريحتي بقى وبعدين انا عايز اعرف مالها يارا بنت زي الفل ادب وأخلاق وجمال وتعليم ومن عيله الصياد مع انها حتى لو كانت كده وبنت البواب كنت هبقي موافق عليها خرجي البنت من دماغك وسيبي ابنك براحتو ابنك مش صغير يا فريده وبطلي حركاتك دي يا اما هتلاقيه طفش من وشك... انا رايح انام واااه صح ابويا كلمني وزعلان اننا بقلنا كتير مسفرنالوش فحضري نفسك تصبحي على خير