غربت لتشرق من جديد...تأليف سما المنسي

البارت 7..غربت لتشرق من جديد

في الاسفل:
ادم : ماما ممكن تهدي شويه
فريده بغضب: اهدي ايه انت مش شفت ابوك عمل ايه..جاب البت دي تعيش هنا ولا عملي اعتبار لا وكمان بيطردني عشانها مش كفايه خلصت من امها طلعتلي البت دي كمان
ادم باستغراب: خلصتي من امها؟!!
فريده بقلق وقد بهتت ملامحها: هااا ايييه قصدي يعني ثم تابعت بمسكنه مصتنعه انت متعرفش امها دي كانت بتعمل ايه فيا زمان ده غير كمان انها كانت بتلف علي ابوك عشان تخليه يسيب مراته وعياله ده انا شفت اسود ايام حياتي معاها وبعد كل ده جايب بنتها تعيش معانا اكيد طالعه زي امها وهتلف عليكو (انا بقول ارن علي يأجوج ومأجوج😂)
ادم بغضب مكبوت: احنا مش عيال صغيره عشان بت زي دي تلف علينا وبعدين هي فتره مؤقته وتمشي مضيقيش نفسك انتي بس ثم تابع في نفسه دي حسابها معايا تقيل اوي
رأفت : نعمه...نعمه
نعمه باحترام : ايوه يا رأفت بيه
رأفت : طلعلي الاكل ليارا فوق
فريده بصرامه: مفيش اكل ف الاوض الاكل يبقي ع السفره او ممكن تاكل ف المطبخ مع الخدامين
رأفت بحده: فريده
فريده وهي تتجه للاعلي: والله ده اخر كلام.. في نظام ف البيت ده والكل ماشي عليه
رأفت بتنهيده: انا مش عارفه امك مالها
ادم: بصراحه حاسس ان انت مزودها معاها شويه ليه كله وعشان مين
رأفت : انا في ف رقبتي دين ولازم اسدده
ادم: دين ايه؟
رأفت : زمان كنت انا ومحمد اصدقاء عملنا شركه سوا وبفضل ربنا وتعبنا الشركه دي كبرت في وقت قياسي وبدل ما كانت شركه بقت شركات واسمنا كان قوي ف السوق وده كون لينا اعداء كتير اتعقدنا مع شركه كبيره وليها اسمها ف السوق واكتشفنا بعد كده ان الشركه دي ستار لاعمال مشبوهه كتير منها تجاره السلاح والمخدرات ولما و حاولنا نجمع ادله تدينه فيوم جالنا اتصال من مجهول قالنا انه معاه ادله توديه ف دهيه ف رحت انا ومحمد مع انه حذرني ان ممكن يكون كمين وفعلا كان كمين وخطفونا وخطفو ليلي مراته ويارا وليلي كانت حامل كمان انتو سعتها كنتم ف امريكا تحت عنيه الادله كانت معايا بس محمد قال انها معاه عشان ينقذني وقاله مش هيديهاله الا لما يسبني انا و عيلتي وعيلته
فلاش باك:
محمد: سيبهم وانا هاقلك
المجهول بتهكم: اهبل انا صح ثم وجه السلاح ناحيه رأس ليله لو مقلتش الحاجه فين اترحم علي مراتك
محمد بخوف: ابعد عنها هقلك بس سيبها
ليلي ببكاء: لا يا محمد متقلوش مش بعد كل ده..ده شيطان متسمحلوش يعيش ذنب الناس اللي هتموت هيبقي فرقبتك لو سبته
المجهول وهو يصفعها بعنف : اخرسي ثم القاها علي الارض واخذ يكيل لها الضربات حتي اصبحت تنذف بشده تحت صرخات محمد فجأه اقتحم البوليس المكان محمد كان مركب جهاز تعقب ف ملابسه فبعد شكه بالامر اخبر صديقه ف الشرطه ليتتبعه
رأفت : نهايتك يا مجهول
المجهول بشراسه : مش لوحدي فجأه اشتعلت النيران ف المخزن واختفي هو ورجاله
محمد لرأفت وهو يحمل ليلي : خد يارا واخرج يرأفت
وبالفعل خرجوا وتوجهو للمشفي
فقدت يارا الوعي واخبرهم الطبيب انه نتيجه صدمه عصبيه
خرج الطبيب من غرفه ليله وجري اتجاه
محمد : مراتي عامله ايه يادكتور كويسه صح
الطبيب بأسف: انا اسف حضرتك بس المدام فقدت دم كتير والجنين مات وحالتها الصحيه سيئه جدا احنا عملنا اللي علينا والباقي ف ادين ربنا
وضع رأفت كفه علي كتف محمد بأسي لكن لم يهتم محمد ودخل لزوجته
امسك محمد يداها وقبلها بندم تتساقط دموعه كاشلال علي وجهه
ربتت ليلي علي رأسه بتعب : محمد يارا بنتي فين
محمد : استريحي الاول بس وانا هجبهالك
ليلي مبتسمه بتعب: انا حاسه انها خلاص يامحمد عشان خاطري نفسي اشوفها قبل ما موت
محمد ببكاء: بعد الشر عليكي حاضر حاضر هجبهالك بعد قليل دهل رأفت مجددا حاملا يارا بين يديه ووضعها بجانبها علي السرير
نظرت ليلي لبنتها تتعالي شهقاتها
ليلي ببكاء : تعرف انا لو مت دلوقتي مش هبقي زعلانه شكرا يامحمد علي كل اللي عملته عشاني نظر لها محمد بحزن وعيناه تفيض بالدموع
ليلي مبتسمه بألم: متبصليش كده انا فعلا مبسوطه عشان انت حبتني واني مراتك كان نفسي نعيش احنا التلاته سوا واتخانق معاك ..اتخانق معاك لما تتأخر ومع يارا لما اصحيها تروح المدرسه واشوفها بتكبر قصاد عيني لحد مجوزها ثم تابعت وهي تنظر الي يارا تساقطت دموعها علي وجه يارا النائمه بين زراعيها: انا عارفه اننا مش هنتقابل لفتره طويله فنا عايزه اقولك علي شويه نصايح ارضي باللي هيحصلك مهما كان واعرفي ان ربنا له حكمه ف كده واتعرفي علي اصدقاء مش لازم يكونو كتير اهم حاجه يكونو كويسين ويحبوكي وتكوني بتثقي فيهم..امممم يارا انتي ممكن تواجههي ايام صعبه في المستقبل بس انا عارفه انك قويه وهتتحملي اوعي تتنازلي عن مبادأك لاي سبب كان لازم يكون عندك هدف ف الحياه ولازم تحققيه متستسلميش بسرعه في حجات كتير نفسي اعلمهالك نفسي اعيش معاكي كل مراحل حياتك انا اسفه تابعت وهي تقبلها وقد اغرق وجهها بالبكا: انا بحبك اوي حبيبتي اوي خلي بالك علي باباكي بكت الصغيره بين زراع والدتها كأنها تشعر بما تقوله
ثم مدت يداها الاخري لمحمد فأسرع نحوها يحتضنها وهي تربت علي رأسه : محمد خد بالك علي نفسك وعلي بنتنا سامحني لو ف يوم اسأت ليك اوعي تحسس نفسك بالذنب انت مش غلطان ماشي ثم اغمضت عينيها لتصعد روحها الي ربها   ظهرت الصدمه علي ملامح محمد ثم نظر لها وهو يحرك رأسه بجنون : لالالالالا ليلي لييييييلي لالالا سرعان ما دخل الطبيب والممرضين ومعهم رأفت الذي اسرع ناحيه صديقه الذي يحتضن زوجته وابنته ويصرخ بصوت قطع قلوب الحاضرين
باك
رأفت وقد فرت دمعه من عينيه: بعد كده محمد خد بنته وسافرو فتره ورجع هو وهي فضلت عشان تكمل تعلمها هناك
ادم: والراجل
رأفت: اختفي ومحدش يعرف عنه حاجه وشركاته اتقفلت التف الاثنان علي صوت شهقات مرتفعه وجدو يارا تبكي بحده
رأفت بحذر: يارا هو انتي مكنتيش
هزت يارا رأسها بلا
لم تعد يارا تتحمل ف استسلمت للدوامه السوداء التي اجتاحتها كادت ان تسقط لكن حملها ادم قبل ان تصتدم بالارض
ادم بقلق: يارا يارا مالك في ايه انتي كويسه
رأفت بقلق: طلعها فوق وانا هتصل بالدكتور
اومأ ادم بخوف وصعد للاعلي قابله عمر
عمر بخوف: ايه ده مالها يارا فيها ايه
ادم : معرفش ياعمر معرفش تخطاه ادم وادخلها غرفته وضعها علي السرير بحذر كأنها جوهره يخاف ان تنكسر وجلس بجانبها يحاول افاقتها مر الوقت عليه كالدهر وهو يقف امام غرفته يكاد القلق ينهش قلبه منظرها فاقده للوعي بين يديه لايعلم ماذا حدث لها و...وله!!!
هتف بلهفه عندما رأي خروج الطبيب : ها يدكتور يارا كويسه
الدكتور: عندها انهيار عصبي انا اديتها حقنه مهدأه مش هتفوق الا بكره الصبح
رأفت : شكرا يادكتور
الدكتور: عفوا ده واجبي عن اذنكم انصرف الطبيب واصطحبه رأفت للخارج دخل ادم ليارا وجدها تنام علي السرير وجهها شاحب بشده اقترب م منها وامسك يديها
ادم بخفوت: انا مش عارف انا اللي جرالي حاسس بشعور اول مره احسه من زمان ناويه تعملي فيا ايه يبنت الصياد
*_________________________________*
يتبع😢
اتمني يكون البارت عاجبكم معلش علي كميه الحزن اللي فيه بس كما قال حزلقوم اللي جاي احلي اقعدو بالعافيه😅
روايه غربت لتشرق من جديد
تأليف سما المنسي
#سما العشق