غربت لتشرق من جديد...تأليف سما المنسي

اقتباس البارت ٣١

انت بتقول اي انت اتجننت
صاح بها علي وهو يمسك الحارس من ملابسه فقام عبد الحميد بنزع يديه

عبد الحميد: اهدي يا علي وهو ماله ثم تابع للحارس: اخرج انت دلوقتي وجهز العربيات

الحارس سريعا: امرك ياباشا وخرج

ضرب مراد الترابيزه بيده بقوه وصاح: كلااااب والله لاقتلهم واحد واحد وهم بالمغادرة سريعا

عبد الحميد بصرامه: مرااد بلاش تهور ومتخليش غضبك يعميك

مراد بغضب: انت بتقول اي يا جدي يعني عايزني اتفرج وهما بيموتو اخوياااا واسيبهم عايشين مش هيحصل

عبد الحميد بخبث: ومين قالك أن إحنا هسيبهم

مراد باستغراب: قصدك ايه

عبد الحميد: هقولك بعدين دلوقتي احنا لازم نروحله المستشفي

ادهم: معاك حق يالا بينا

عبد الحميد : خطواتنا الجايه لازم تبقي محسوبه ادهم وعلي وعمار هيفضلو هنا مع البنات

علي وادهم: بس يا جدي

عبد الحميد: مفيش بس اللي أقوله يتنفذ

علي وادهم بمضض: حاضر

عبد الحميد : يالا يامراد  وسببه للخارج
هم مراد المغادره لكن التفت علي صوت ريم

ريم ببكاء: مراد خدني معاك

مراد: بس ياريم..

ريم ببكاء: عشان خاطري خدني معاك عايزه اطمن علي كريم  نظر لها  مراد بآلم ثم اتجه نحوها وحملها

لينا متحججه: خدني معاك انا كمان عشان اساعد ريم لو احتجت حاجه

أومأ لها مراد وغادروا

في الداخل

شهد(زوجه على): كريم صعبان عليا اوي هو ماله بكل ده ده لسه صغير

علي بشر : متقلقيش اللي عمل كده حفر قبره بايده ومش أحفاد السيوفي اللي يسيبو حقهم عند حد

هدي بدعاء: يارب قوم كريم بالسلامه يارب

الجميع: امين يارب

لاحظ عمار ملك جالسه ممسكه برأسها تضغط عليها بآلم وجسدها ينتفض فتوجه إليها

عمار وهو يمسك يدها: ملك انتي كويسه لكن صعق من ملمس يدها فكان مثل الجليد

سحبت ملك يدها سريعا واردفت بآلم: ااه ككويسه عن اذنك وغادرت نظر لها عمار بدهشه لبعض الوقت ثم غادر لغرفته بعد عده دقائق في غرفه ملك

كانت جالسه علي سريرها واضعه رأسها بين الوساده تكتم صرخاتها داخلها فالأم لا يحتمل والدواء خاصتها قد نفذ دقائق وسمعت شخص يطرق الباب فصاحت بآلم : ادخل

دخل عمار حاملا معه دواء للصداع

عمار بقلق : انتي كويسه

اومأت له ملك سريعا فذاد الطين بله فصاحت بآلم

عمار وهو يتجه نحوها سريعا : في ايه مالك حاسه ب ايه

ملك بألم : صداع صداع فظييع

عمار : طب تعالي معايا المستشفى اكشف عليكي

ملك سريعا: لالا مفيش داعي انا هاخد مسكن وخلاص بس هبعت حد يجيبه عشان خلص

قام عمار بأحضار لها كوب ماء واعطاها إياه مع القرص المسكن : خديه وانت هتستريحي تناولته منه ملك بلهفه أدهشت عمار فسألها مستغربا: هي دي اول مره تحصلك الحاله دي

ملك بتوتر: ااه ااه اول مره

عمار بشك: متأكده

ملك : ايوه متأكده في ايه

عمار : مفيش بس لو اتكرر تاني هاخدك ونروح المستشفى تمام

ملك : تمام شكرا

عمار بتنهيده حاره: مفيش شكر ما بينا انتي مش عارفه انتي بالنسبالي ايه انا بحبك اوي يا ملك بحبك اكتر من نفسي اكتر من اي حاجه ف الدنيا

نظرت ملك للاسفل قليلا فأوما عمار رأسه بأسف وهم بالخروج لكن صدم عندما سمع...

ملك بحب ممزوج بالدموع: وانا كمان بحبك اوي

التفت لها عمار سريعا غير مصدق بما تفوهت به
عمار بصدمه: انتي قلتي ايه

ملك بخجل : مقلتش حاجه

عمار سريعا: لالالا ورحمه امك لا انتي قايله يا شيخه

ملك بحب : انا بحبك يا عمار اعاااااااااا يا مجنون شهقت ملك عندما رفعها عمار ودار بها صائحا: بتحبناااااي 😂😂😂

ملك : نزلني يا مجنون بدووخ

قام عمار بانزالها وأمسك كفيها بسعادة: يعني انتي بجد بتحبيني موافقه أننا نتجوز

ملك بابتسامه: اه والله موافقه

تحرك عمار بعشوائيه ف الغرفه: انا مش مصدق طب يعين بتحبني يعني انا عمار بتحبني اه بتحبني اعمل ايه اه اه هنزل اطلب أيدها من جدي ايوه ايوه صح

ملك : استني حيلك حيلك انت نسيت كريم

عمار بتذكر : اه صح نسيت

ملك باستنكار: انت لحقت تنسي

عمار بلوعه: وانتي معايا بتنسيني الدنيا كلها(لا ورحمه ابوكم بلاش محن الواد بيموت 😂😂💔).

ملك بخجل: عمار

عمار بحب : عيون عمار وقلب عمار وحياه عمار

ملك : اطلع بره

عمار بصدمه: اطلع بره...تصدقي انك عيله فصيله انا ماشي غادر عمار تحت ضحكاتها علي منظره وهو يبرطم ببعض الكلام الغير مفهوم ثم شردت مجددا وقالت : انا مش انانيه انا فعلا بحب عمار ثم تابعت مبتسمه بآلم علي الأقل ف اخر ايامي اكون عوضته عن كل اللي شافه !!!

__________________________________________
انا بدأت دراسه يا قلوبي انا اسفه علي التأخير بس في ضغط كبير عليا

روايه غربت لتشرق من جديد

تأليف سما المنسي