_انا ماطالع اطلعي انتي انا بجي
_ياولدي عايز شنو من واحدة براها في بلد زي ده
_امي دي ماشغلتك انتي أمشي انا بحصلك
__
_سيد احمد لو سمحت امش مع امك وكفاية لحدي هنا انا ماناقصة كفاية حرام عليكم ح تفرجو فيني الجيران
_نحن اسفين والله بس انتي اهدي شوية
_امك عندها حق انا مرة وفي بلد براي ماصاح تكون متواصل معاي وانت عارف عقد السودانيين
_اي انا عارف بس انتي ما غلطتي معاي ولا انا غلطت معاك وامي مافاهمة الكلام ده
_امك ما فاهمة ولا ح تفهم طالما ختت فيني رأي
_لا ولا رأي ولا حاجة وانا ح اتكلم معاها
_انت عايز شنو حاليا انا مافاهمة
_انا عايزك ماتنفعلي بس ولا تزعلي
_وليه يعني برضو مافاهمة
_عشان ماعايزك تزعلي بسببي
_وليه برضو
_يازوله انتي مالك حكاكة كده
_اي حكاكة بس عايزه اعرف
_طيب ياستي عشان انتي صحبتي فردتي وبينا بلكونه وكباية قهوة واغنيه ومايهون علي تزعلي بسببي
_ايوا عشان كده بس
_اي عشان كده
طيب انا هديت ومازعلانة يلا امش ولا كده ما معروف امك تتهمنا بي شنو
_خليها تتهم
_نعم قلت شنو
_لا ماقلت حاجة يلا انا طالع وتصبحي علي خير
_وانت بخير
______
_امي ممكن اعرف ده شنو العملتيهو ده
_اي بعمل وبعمل اكتر من كده
_يا امي عيب منك البت ماشفنا منها حاجة
_هوي انت مابتعرف النوعية دي والله دي توديك البحر القريب ده وترجعك عطشان وحتشوف
_امي ده كلام شنو واشوف شنو
_انا نظرتي مابتخيب ابدا وان شاء الله كلو بظهر وبتعرف كلامي ده ماساي وانا زولة عندي نظرة وياما شفت في الحياة دي
_امي انتي مشكلتك شنو معاها يعني
_انا ماعندي معاها مشكله بس هي تبعد عنك
_امي نحن مافي حاجة بينا جيرة واصحاب بس انتي والله فاهمة غلط
_انا مافاهمة غلط ولا حاجة انافاهمة تماااام عايزة تلف عليك وتوقعك زولة مامعروف اصلها شنو ولا فصلها شنو قاعدة براها الله اعلم بتعمل في شنو في البلد دي
