اول ما صحينا مشيت دقيت باب سويد ومافي زول برضو قلبي مقبوض من امس ما عارفة الحاصل شنو ثريا بتتصل ومافي رد بقت حالتنا صعبة من القلق وقدر ما حاولنا نستنتج الحاصل شنو ما عرفنا وكمان تلفون مؤتمن مابدخل علي الاقل ممكن يعرف حاجة __في المستشفي _اها يادكتور ولدي كيف _لحد دلوقت هو تمام بفوق وبيدخل في غيبوبه إحنا لازم نعرف ايه السبب واليوم ان شاء الله حضرتك هنعمل صورة للراس وفحوصات للدم لان عندنا شك في حاجه كده حضرتك _حاجة شنو ياساتر _هما حاجتين للاسف واي واحده اخطر من التانية بس ننتظر الفحوصات الأول _خلاص اعملوها _اه حضرتك هنعملها وحمدلله علي السلامة __الووو اها جيت _اي جيت _اخد يمين انا في تالت غرفة _اي شفتك _خشش خشش _اها دي الحاجات _يلا ح تشيل دي تكبها في موية وترشها قدام باب الشقة _ياتو شقة _الشقة الكنت عامل فيها شهر عسل ياتو شقة يعني _اها اي فهمت شقة دليدا قروشي وينها _صبر ما عندك هااااك تموت في القروش _لو ما القروش بلمني معاك شنو _سمح يلا امش سريع ترشها قبل دليدا تصحي عشان لما تطلع تعفصو _الله يعينها عليك وقعت وما سمت_قايلة روحها بتغلبني وتشيل الولد الواحد التعبانة عليهو العمر كلو غلانة _خالتي قالت ليك لو حصلت ليهو حاجة بتنتهي منك _ح اعمل ليهو شنو يعني هو ناقص ياهو شوف حالتو قدامك من غيبوبة لي غيبوبه يلا انت امش سريع عشان تخلص وترجع _يلا _امي امي امي _سيد احمد ولدي كيف هسي انت_كويس انا ، ده منو الطلع ده _لا ده ممرض جا شاف حاجة _ايواا بس زي سامعكم بتتكلمو _لا ده الممرض ____اه ياسويد وين انت مختفي من امس الحاصل شنو ووين انت ياربي ، القلق والتوتر والخوف ما خالني اقدر افكر احسن حاجة اقوم انضف البيت ده واعمل حاجة تتاكل ظبطت البيت وطبخت وشلت الزبالة اطلعها برة اول ما فتحت لقيت البواب شغال نضافة في السلم والممرات _صباح الخير ياعمو _صباح الخير ايه يامدام دي الناس صلت الجمعة ، ياريت ماتطلعيش عشان الحته غرقانة ميه وصابون مديلي بس انتي الزبالة من جوه وانا هاخدها _تسلم ياعمو ، ولدك جي من السفر _لا والله مجاش واهو شايفة ياست هانم بمسح لوحدي _ربنا يعينك ، ألا عايزه أسألك هو انت شفت حجة سعاد اخر مرة أمتي _والله بقالي يومين مشفتهاش ليه _لا بس من امس برن عليها الجرس ومحدش بيرود _اها هو انا كنت بجيب حاجة امبارح واول ما رجعت شايف في اسعاف حضرتك ماشية من نواحي العمارة تكون تعبت وخدوها المستشفي _ياساتر يا رب ثريااا ثريااا _مالك ياديدي في شنو _الحقي قالو في اسعاف اكيد سويد حصلت ليهو حاجة اكيد هو والله قلبي كان حاسي_اهدي شوية عليك الله كدي اقعدي _وااي ياثريا ما قادره والله لو حصلت ليهو حاجة انا ح اموت والله ح اموت_بعد الشر عليكم الاتنين _لازم امش افتش المستشفيات لازم _ح تفتشي كيف اصبري امكن حجة سعاد التعبت ننتظر شوية امكن واحد فيهم يظهر _لا لا مابقدر ببدا بالمستشفات القريبه انتي اقعدي مع الاولاد نزلت وانا الدنيا مضلمة في عيوني في حاجة جواي بتقول لي انو سويد حصلت ليهو حاجة انا عارفة الإحساس ده كويس دخلت اول مستشفي ماف والتاني والتالت والرابع وخلاص تعبت بس ح افتشو لو كان في اخر الدنيا ح القاه واكون جمبو واتذكرت مستشفي مبرة العصافرة بما انو المستشفي المتعودين هم عليه قلت امش واول ما وصلت وسالت في الريسبشن عرفت انو موجود شلت رقم الغرفة ومشيت اول ما دخلت لقيت حجة سعاد في وشي جرتني بره وقالت لي _جاية لشنو عشان تنتهي من ولدي _زي ماهو ولدك انتي زوجي انا وانا ماببعد تاني عن زوجي _شوفي يابت هنا اسمعيني _انتي الاسمعيني وقت لعبك انتهي ده راجلي وانا ما بزح منو فاهمة _هههههه بتزحي بس صبرك علي _نشوف واعملي العايزاه يلا عن اذنك دخلت وقفلت الباب من جوة بالمفتاح ومشيت عليهو كان راقد زي الملاك زي الطفل المولود جديد قربت منو مررت يديني في وشو مسحت حواجبو نزلت تحت عينو مررت اصبعي لمست انفو وشفايفو داعبت دقنو رقدت جمبو زي الطفلة لما ترقد جم ابوها وقلت ليهو في اضانو انا هنا جمبك معاك ما ح ابعد عنك ابدا بعد ده انت ما عارف انا ممكن يحصل لي شنو لو حصلت ليك حاجة انت حبيبي وروحي _يعني بتحبيني _سيد احمد صاحي انت _صحيت من لما بديتي تعترفي بحبك لي _محتال _انتي المحتالة بس بريئة شديد انتي ياديدي ومسكينة وطيبة _انا لا لا والله _لا والله كده وماتستاهلي الحصل ليك بي سببي _انا انت حصل لي شنو بسببك_مابسببي بس كمان بسبب امي _انت عرفت ؟_اي عرفت ، وانا اسف علي وجعك _انا ما ح ابعد عنك تاني _لا ح تبعدي علي الاقل عشان امي ماتتمادي معاك _كيف يعني _انتي عارفة امي وصلت اي مرحلة عشان تبعدني عنك لمرحلة انها تتهمك في شرفك _كيف _امي ياستي جابت راجل دخلتو بيتك واوهمتني انو الراجل ده معاك انتي _لاااااا مستحيل وانا اقول مفاتيحي وين واتهمت البت البتقعد مع الاولاد _يعني ما عارفة انتي طيب شنو القلت لي انت عرفتو _هاااا لا بس ثريا جات وهسي معاي في البيت وحكت لي بعرسك من بت زوجة ابوك_اهاااا، كويس انك موجودة والا ما معروف كان ح يحصل ليها شنو المسكينه _اي والله _اهم شي امي ماتشوفها وحاجة تانية اعملي حسابك من امي لانو ااااااخ اتذكرت كمان ح تعمل ليك حاجة انتي كويسة طلعتي كيف اوع تكوني عفصتيهو ديدي انتي كويسة _كدي قول بسم الله شنو هو _انا لما كنت راقد هي قايلاني في غيبوبة بس انا كنت بين نايم وصاحي والراجل القلت ليك دخل بيتك جاها هنا المستشفي وادتو قروش وجاب ليها مصايب ترشها ليك في خشم الباب الكلام ده الصباح_اطمن انا وطالعة لقيت البواب بمسح يعني ما ح تحصل لي حاجة بس انا محتارة كيف ام تعمل كده في ولدها _ده المحيرني انا كمان بس _بس لازم تواجهها _مابقدر دي امي وانا ولدها الوحيد وابوي متزوج فيها اتنين فمعزورة _ماهو عشان انت ولدها الوحيد مفروض تكون غير كده _معليش ياديدي انا آسف _لا ماتتأسف نحن ما بنختار في الدنيا دي أهلنا او اصلنا وفصلنا _ايوه صاح _يلا ارتاح انت زي في زول في الباب كدي اشوفو _لو امي عليك الله ما تتناقشي معاها وارجعي البيت _حاضر حبيبي _حبيبك مرة واحده كده _ااي _ح ترفعي القضية يعني _من بكره كمان وجلسه واحده ح اكسبها _وبتقوليها كده زي البتكذبي علي ليييه ؟!_ياود انت راسك ضارب بالعليك ده ارقد رقادك _ههههههه كويس ___طلعت لقيت حجة سعاد واقفة وبتحمر لي مشيت خليتها داخلة علي سويد وانا مشيت للدكتور اطمئن علي وضع سويد _اتفضل _ازاي حضرتك يادكتور _اتفضلي يامدام _انا عايزة أسأل حضرتك عن مريض عندك _مين وتقربيلو ايه _انا مراتو _اسمو ايه _سيد احمد محمد هو في غرفة ٦٠٨ _اه سيد احمد الوضع حاليا مستقر بس احنا شاكين حضرتك في ورم في الراس ومش كده كمان حضرتك شاكين في ابيضاض الدم أو ما يعرف باسم اللوكيميا_لا حضرتك هو قبل سبعة سنة اتعرض لحادث وفقد الذاكره بسببه ممكن يكون ده سبب الغيبوبه _اه انا عارف وكمان طلعت الملف القديم وللاسف مافيش علاقة بين الحادثة والغيبوبه الحاليه _يا الله تلطف بينا وبيه يارب _حضرتك المستشفي من احسن المستشفيات في الاسكندرية وتاكدي حضرتك لو شكنا طلع في محله ح يكون في بروتوكول للعلاج ناجح جدا اطمني حضرتك _طيب النتايج ح تطلع إمتي _اسبوع كمان ان شاء الله احنا عملنا كل الفحوصات اللازمة وكمان يوم واحد وينتظم علي الادويه ويقدر يطلع حضرتك بس اهم حاجة بعد اسبوع تيجو عشان النتايج _ان شاء الله ومتشكره جدا ليك وانا طالعة لاقيت مؤتمن جا الليلة عشان كده تلفونو كان مقفول وقال حجة سعاد كلمتو وصلتو غرفة سويد وانا رجعت البيت كلمت ثريا بالحاصل وقالت الا تمش قلت ليها نمش بكره الصباح بدري ولازم حجة سعاد ما تشوفها استعدينا الصباح عشان نمش اتصل مؤتمن وقال طالعين من المستشفى علي البيت فقعدنا اول ما جو مشيت وحجة سعاد في وشي وتحمر لي دخلت توش ما اشتغلت بيها صبحت علي سويد وكنت عاملة ليه شوربة وسلطة ختيتهم ليهو اكل وبلع الحبوب وقال لي _ماكنت قايلك قوية كده خليتي خشم امي ملح ملح _والله ما قصدي كده بس عايزة اكون جمبك واخدمك _يا الله ربي ما يحرمني منك بس انا ماعايزها تسمعك كلام _ولا يهمك ح اسمع بي هنا وافضي بي هنا _للدرجة دي بتحبيني _واكتر من الدرجة دي _يعني انتي كمان حبيتيني من النظره الاولي _طبعا من الاولي _اهااااا ده الاحتيال والكضب _ههههههه كيف _لو قلنا النظرة الاولي معناها قبل ما يحصل لي الحادث يعني من يوم رحلت هنا _وامكن من قبل ترحل هنا _ههههههههه لا ده بقي كده كضب واحتيال و خيال كمان _مامشكلة كدي اتخيل انك شفتني في مكان غير ده وحبيتك وحبيتني مثلا يعني وانت جيت رحلت هنا عشاني _هههههههه لو ده حصل معناها راجلك طفش منك عشان قبضنا بالثابتة _ههههههههههه لا ما طفش عشان كده عشان لا انت ممكن تعاين لحاجة ما حقتك ولا انا ممكن اخون زوجي _انا عارف ، وعارف كمان انو وضعنا ده حاليا غلط بعيدا عن الخيال بس دي مشاعر مافي زول بتحكم فيها _طبعا اكيد ، وانا زي ما قلت ليك ح اصحح الوضع ده _وتتزوجيني _امممممم لما يجي وقتو بشروط طبعا _وانا تحت امر شروطك في اللحظة دي من غير ما اشعر مسكت يدو وعاينت في عيونو وابتسمنا اتذكرت اول يوم لاقيتو وحبيتو من اول نظرة ومتاكدة لو هو متذكر كان اتذكر نفس اللحظة دي _يابت سرحتي وين اوع يكون خيالك مشي بعيد _اي والله بعيد شديد _ممكن طيب قهوة من يدك الحلوة دي _ممكن بس انت فكها اول_ههههه هسي ح افكها لكن ح يجي يوم ما ح افكها ابدا _ان شاءالله قريب دخلت عملت القهوة وديتها ليهو وحجة ساعد تحمر لي ما فاضل ليها الا تاكلني بي عيونها طلعت مشيت البيت لقيت مؤتمن قاعد مع ثريا وقال بكره ح يمش القاهرة عشان يعمل الاجراءات ولما يرجع ح يتم العقد قعدت معاهم وحكيت ليهو الكلام القالو لي الدكتور قال ح ياجل العقد لحدي يشوف الحاصل شنوقلت ليه _لا يامؤتمن دي فرحتكم وسويد ما ح يرضي انو تاجلوها اكتر من كده _بس انا ما بقدر افرح وانا ما عارف الحاصل عليهو شنو _كلها اسبوع والنتيجة تطلع والمسافة دي انت تكون ظبت الامور وفرحنا عشان مهما يكون في النتيجة لا قدر الله نكون فرحنا ولو لي لحظات علي الاقل لو بقي في علاج نكون فاضين وتقدر انت وثريا تكونو معانا من غير مشاكل _اي كلامك صاح وربنا يكضب الشينة _الله يكضبها فجأة سمعنا الباب بتاع سويد قفل طلعت لقيت حجة سعاد نزلت الاسانسير قلبي اكلني ماشة وين تخلي ولدها براهو رجعت قلت لمؤتمن امش ليهو وانا لحقتها عدت شارعين ودخلت ليها في كافي وقعدت مع راجل ياربي ده الراجل القالو سويد كويس اني شفت شكلو علي الاقل اعمل حسابي منو رجعت عشان ماتشوفني سريع عدت الايام علينا زي كانها سنة ظبطنا كل الامور وحجزنا مطعم ليوم العرس بما اننا بسيطين شفت كم اسره سودانيه بعرفهم لانو الاسكندريه مافيها سودانيين كتار يوم العرس كان يوم خميس طلعت ثريا احلي عروس تم العقد وكانت لابسة زفاف وبعد العقد غيرت لبست توب جرتق واتجرتقت احلي جرتق شفت سويد بعاين ليها شديد وسرحان مشيت ليهو _عجبتك العروس _اي عجبتني شديد وشكلو اختلط علي الخيال بالواقع _كيف _شفت نفسي عريس وامي وثريا ومؤتمن وناس حولنا في حوش كبير وانتي العروس وانا قلت ليك دقيقة ماتتحركي من هنا اشوف امي واجيك الظاهر جننتيني يابت_لا ما جننتك امكن ده شي حصل معاك قبل كده_حتي لو حصل كيف انتي العروس _عشان انا كنت العروس _هههههههه ح نرجع لي خيالك داك مش _امممممم لا بس كدي اتخيل _يابت مابتخيل انا عايز الحقيقي ما الخيال _كويس الليلة الخميس السبت ح امش المحكمة يقررو لي جلسه ح اتطلق ونعقد ونعيش الخيال حقيقة _برضو وبتستهتري ما عارف مابتبلع لي كلامك ده لي او ما عايز اصدقك في الموضوع ده بالذات يابت انا حاسي انك بتكذبي _انا ممكن اكون هزلية وده البعكس ليك اني بكذب بس انا جادة ح اعرسك _خلاص كويس وانا ح اتدلل واقول ليك انا عايز اقرا _ههههههههه يبقي ح اخليك وارجع اشوف في منو في الصف _بقتل الصف كلو _بتعملها انا عارفه _عارفة كيف _انت ما شايف نفسك امكن بس انا شايفة غيرتك وحبك لي وشفت قدر شنو بتخاف علي _شفتيهو وين _لما امك شاكلتني ، ولما حسيت اني بحب راجلي _راجلك السابق لو سمحتي _راجلي السابق _اااي كده _سيد احمد عاين اسمعني يوم السبت بعد ارجع من المحكمة ح نمش المستشفي عشان عندك نتايج مهما يكون في النتايج دي عايزاك تكون قوي وانا جمبك ومعاك _عارفة مهما يكون فيها طالما انك جمبي ومعاي ح استقوي بيك عشان انا عمري الباقي لي ده عايز اقضيهو معاك _وانا كمان ما عايزه غير اكون معاك بي اي صورة وبي اي طريقة مهما كان مسمي الشي البربطني بيك مامهم عندي المهم اني معاك وجمبك مابفرق اكون صحبتك حبيبتك زوجتك اختك مهما كان كفايه اني معاك _يا الله ياديدي بحبك _وانا بحبك _اولادك حلوين شوفيهم فرحانين كيف بالعرس _بحبو اللمة والناس _بس مؤتمن بشبهني شديد عارفة يا ديدي انا مافي زول بشبهني الا ولدك ده _بتكذب طبعا _والله جد لا ابوي ولا حتي اعمامي ولا خيلاني ولا امي زاتها حتي اولاد عمي بشبهو مؤتمن ود عمي الا انا _الله الله _لاحظي للشبه بين ثريا ومؤتمن وعايني لي انا ماف شبه نهائ _ههههههه اي والله _بس زي ما قلت ليك الزول الوحيد اللاقاني في الدنيا دي بشبهني ياهو ولدك ده _سبحان الله _ولو اتبعنا الخيال بتاعك بس ياهو لاقيتك حبيتك من النظرة الاولي رحلت جمبك عملت معاك علاقة حملتي مني وراجلك طفش خلاك _لا لا لا لا ده خيال عقيم ومريض هههههههه ما حصل والله _اي عارف ما حصل بس انا بحب الولد ده _وهو وامو بحبوك والله انتهي العرس ووصلنا مؤتمن وثريا الفندق ورجعنا دخلت الاولاد وسويد ساعدني رقدتهم ومشي كان نفسي امسكو من يدو احضنو اقول ليه ماتمش خليك معانا ده بيتك وفعلا مسكت يدو بس حجة سعاد كوركت ليهو ومشي اكيد كانت صاحيةوسمعت حركتنا لما جينا _____سيد احمد كنتو وين من الصباح ومؤتمن وين _كنا في عرس مؤتمن _اجي ده كلام شنو _اااي يا امي عرس مؤتمن وثريا اولاد عمي _ومالكم ماكلمتوني _هم ماعايزين زول يعرف _انا ما زول والمانافعة دي زول _امي لو سمحتي ما بسمح ليك بي كلمة عنها _اي خلاص لفت راسك وكتبتك _كتبتني ؟ امي انتي قايلاها زيك _زييييي انت ياولد انا امك بتتكلم معاي كده عشان واحده ما نافعة شفت وسمعت بي اضانك وعينك عمايلها_امي انتي الجبرتيني اتكلم معاك كده وبعدين يعني نحن الحصل ده ما شفناه بي عينا كده عديل اكيد انتي فاهمة غلط _شوف العود لو مافيهو شق ما بقول طق _لا بقول بالذات ليك انتي بقول لانو خاتة عنها افكار ما ياها _انتهي الموضوع ده اعمل العايزو وانا ده طرفي منو _وبعدين انا قلت ليك انا موافق علي العرس عشان قلبك يرتاح ما شايفك جبتي تاني سيرتو_مرت ابوك رفضت قالت بتها عايزاها تقرا _اهاااا خلاص شوفي غيرها _اي بشوف بس ارجع السودان _كويس ياستي بس انتي ماتزعلي وماتشغلي بالك بي دليدا انا ماعندي معاها حاجة عشان ترتاحي وبعدين هي زولة متزوجة وبي اولادها _اي خليك عاقل كده يلا خش ارتاح _حاضر ياست الكل كان لازم اتعامل كده مع امي واطمنها عشان ماتحس بحاجة وتحاول تخرب بينا او ترجع تتصرف تصرف بايخ تاني لانو ما عارف رد فعلي ح يكون شنو وصاح كلام ديدي نحن مابنختار اهلنا ودي امي لازم ابرها وكمان لازم ما اديها فرصة تتمادي في غلطها يا الله تصبرني وتقدرني لكن ياربي معقول ده كلو عشان قروش ابوي القرش معقول يعمي الانسان لدرجة يضر جناهو الوحيد اااااه يا امي الله يعدي اليومين ديل والنتايج تطلع وكمان نشوف اخر دليدا ومحكمتها مجرد ما تطلق ح اتزوجها واعيش معاها ما عايز غير انها تكون حلالي اااااه حلالي ده انا اتخيلتها مرتي ولابسه توب الجرتق ولا ده فعلا شي حصل زي ماهي قالت لا لا لو في حاجة زي دي كنت عرفت من مؤتمن وثريا علي الاقل ااااااه يا راسي احسن شي انوم صحيت الصباح اتجهزت مستعجل شلت الاوراق من التربيزه حتي ما فرزتها من الاستعجال مشيت غشيت مؤتمن وصبحت ليهم ومشينا كلنا المستشفي لقينا ديدي سبقتنا ومنتظرانا _يابت مش قلتي ماشه المحكمه _هاااا اي مشيت بدري وقدمت العريضه وطلعت طوالي _ايوااا تمام ربنا يسهل دخلنا الدكتور لقيناه ما جا طلعت الورق اجهزو لقيت معاه الفواتير بتاعة الكهربا والمويه والغاز واتذكرت اني ما اديتهم لديدي بفتش ما لقيت حقات شقتهم لانو كل الفواتير بي اسمي كيف ده الشقتين يعني باسمي معقول ؟!!!! _ديدي تعالي عايزك _ايوه مالك _دي فواتير شقتك كنتي ماف وانا استلمتها_ايواا شكرا _ديدي شقتك ليه بي اسمي _ماا _سيد احمد محمد اتفضل حضرتك الدكتور منتظرك يا فندم _ديدي ردي علي _سيد احمد انتظر نشوف الدكتور بقول شنو وبشرح ليك _كويس دخلنا الدكتور كلنا قلبنا علي يدنا وكانت الصدمة _النتايج للاسف فيها الحاجتين الكنا خايفين وشاكين فيهم دلوقت حضرتك في ورم في الراس بس مش خبيث اعتقد ليه علاقة بالحادث القديم والحاجة التانية انو في لوكيميا سرطان الدم ودي حضراتكم بيتم علاجها ب عملية زرع نخاع العظم ده الامكانيه الوحيدة للعلاج بشكل تام. ولازم العملية عبر نقل الخلايا الجذعية من المريض نفسه زراعة النخاع العظمي الذاتي من الخلايا السليمة التي تم حفظها، أو من متبرع ملائم وفقاُ لتطابق الأنسجة._بس حضرتك احنا مش حافظين النخاع قبل كده في بنك الاعضاء _ابقي ح ناخد عينة من المريض ولازم تتطابق مع متبرعين من الدرجة الاولي رد عليه مؤتمن انو الحمدلله امو موجوده وبت عمو وود عمو ممكن ياخدو منهم الدكتور قال ماف مشكلة تتعمل الفحوصات عشان ياخدو المطابق منهم _طب عال اهم شي قبل العملية لازما حيصل كا الاتي : أخذ عينة من النخاع العظمي للمريض، فحوص دم مثل تعداد الدم الشامل، اختبار كيمياء الدم، واختبارات التخثر. بالإضافة لفحوص أداء الكبد والكلى، فحص البول، وفحوص للتأكد من عدم وجود تلوثات في الجسم – من هذه الفحوص: زراعة الدم والبول.من أجل تنقية الجسم من الخلايا الجذعية المصابة، يجب إجراء علاج تحضيري قبل الزرع. وهو علاج يستغرق عشرة أيام، يتم خلالها إعطاء المريض علاجاً كيميائياً تحضيرياً قوياً عن طريق الحقن الوريدي، بالإضافة للعلاج الإشعاعي إذا لزم الأمر. _تمام حضرتك نحن مستعدين ومن اللحظة دي بس يكون بخير _ربنا يتمم الشفا والف سلامة هوصي حد يجيلكم علشان ياخدكم القسم المخصص وعشان اجراءات الدخول كلنا كنا ماقادرين نتكلم مسكت سويد من يدو ونحن ماشين كانت الصدمة قوية لينا بس ما ح نقول الا سبحان الله قدر وما شاء فعل دخلنا عملنا الاجراءات مشو ثريا ومؤتمن شالو منهم العينات للانسجة واتصل مؤتمن بحجة سعاد كلمها تجي عشان يشرح ليها وجات وشرح ليه واخدو منها كمان العينة اتقررت جلسة اشعاع لسويد بس قبل يدخل ناداني وسالني _ماقلتي لي ليه شقتك بي اسمي قبل ما ارد عليهو جات حجة سعاد وردت هي _لانها زي ما قلت ليك مانافعة لفت عليك قبل كده زمان واشتريت ليها الشقة دي وجات الممرضه دخلت سويد الاشعاع وبقيت براي لحجة سعاد _انتي ح تستفيدي شنو مثلا لما تشوهي صورتي ليهو _ح استفيد انو ما يعرسك لانو بي سببك من اول مره دخلتي حياتو خربتي علي انا لو ما انتي كان عرس ثريا واي شي كان تحت سيطرتي ما كان حاج محمد عرس تاني _حاج محمد عرس تالت واعتقد كان معرس تاني قبل انا ادخل حياتكم _اول تاني تالت انا ما فارقة معاي الفارق معاي انو ولدي ما عرس ثريا بسببك _ثريا حاليا متزوجة ياريت ما تجيبي سيرتها _اسمعي يابت ابعدي عن ولدي _ولدك حقي زوجي حلالي لو انطبقت السما عن الارض ما ح ابعد عنو _نشوووف انا في وانتي في ونشوف كلام منو البحصل _اي نشوف ياحجة سعاد
يتبع.....
