_اسمعني انا جاي عليك ماتتحرك قربت انا
_اقفل يا مؤتمن الله يرضي عليك
قفلت من مؤتمن والدنيا لفت بي ولا أنا اللفيت ما عارف بس متاكد اني شفتهم حولي وكل وشوشهم حفظتها حتي حركة يدينهم المتوترة علي اسلحتهم حسيت بيها واقرب واحد فيهم كان بيبعد عني متر ماعرفت امش ولا اقعد انتظر مؤتمن بس كان في راسي انو يجي عشان احسم موضوع التنازل ده لانو هو البحسم لي الشك الفي راسي تجاه مؤتمن ، ما عايز افكر في احتمالية انو مؤتمن ممكن يكون متواصل مع كامل قدر ما اوصل للنقطه دي في التفكير بحس انو في سكين بتنغرس في صدري
_ود العم ، هووووو هااااا ، سيد احمد
_ايوة
_ايوه شنو اوووووك وين مشيت
_ما مشيت حته اقعد يا مؤتمن
_في شنو شطبت راسي
_مؤتمن عاين حولك شوف ناصية المكتبه القصادنا ، شوف التربيزه الجمبنا ، شوف جمب باب القهوة ، شوف بتاع عربية الكشري ، شايفهم ديل كلهم كلاب الضابط ود كامل وكلهم هنا لينا بالمرصاد ، يعني انا وانت واسرنا ممكن نروح في ثانيه فاهم كده
_اااي فاهم ياود العم وعارف
_طيب نحن لازم نتنازل ليهو او بالأحري انت لازم تتنازل
_انا قلت ليك قبل كده دي حاجه من حق أرهيت بس
_يعني ؟!!
_يعني لو هي قالت اتنازل انا ح اتنازل
_طيب تمام هسي اتصل عليها وافتح الاسبيكر نشوف رده
_طيب تمام ح اتصل
_ألوووووو ، أرهيت
_ايوه ، كيفك يامؤتمن
_انا تمام ، معاي سيد احمد ، عايزني اعمل تنازل لي ولد كامل من الاملاك الحولتها بي اسمي
_طيب تمام لو ماف حل غير كده
_اوووك
_وطمني ح تعملوا شنو ، كامل ماف منو خبر
_لا ماف خبر
_طيب سلام
_سلام
_اها كده انا ممكن بعد ده اتنازل ظبط انت المواعيد والمكان وانا مستعد
_طيب علي بركه الله
_بالمناسبه انت قبيل مالك
_بتين ؟!
_لما اتصلت علي وقلت لي عيان وما عيان
_لا بس كنت ملخبط شويه
_ملخبطك شنو
_في اكتر من موضوع كامل ده بلخبط الزول
