غيرت اسمي ياجماعة انا لانو في بلاغات في صفحتي ياريت تزوروها وتشبكوها لايكات في الرابط اسفل الحلقة #Joudi
_اااي انتي أنا مشبهك ولا زي البعرفك شفتك وين شفتك ويييين ايوااااا شفتك في بيت من بيوت سعاد زماااان "صفية" انتي صاح
_اي انا صفية
_وخير بي جاي
_انا ساكنه هنا
_ايوا الدنيا دي ضيقة خلاص
_اي والله
طبعا كلنا قلبنا وقف ولما دخلت الغرفة جرينا نفس الشبهه ده حاجة غريبة بتلفت النظر اول حاجة وكلنا خفنا يشبهها بي سويد بس قدر ولطف علي الاقل لحد ما نعرف ح نعمل شنو
اول ما طلع الصباح كنا في المستشفي بعد اطمنا مشيت علي الدكتور عشان اعرف ح اقدر اخرج مؤتمن بتين فقال لي الليلة ممكن يطلع بس زوجك ح يقعد شويه
_ليه يادكتور
_لان ممكن يشعر بالتعب الشديد، فقدان الشهية، الغثيان، وحتى الحاجة للتقيؤ، بالإضافة لبعض الأعراض الناجمة عن العلاج الكيميائي التحضيري اللي سبق العملية، وده ممكن يسبب أعراض جانبية.
عشان كده حضرتك لزما إعطاء المريض أدوية من أجل الحد من نشاط جهاز المناعة لديه، و علشان نقلل حضرتك من احتمالات رفض النخاع المزروع ح نكتبو مسكنات الآلام حسب الحاجة وفي ادوية ح نحدد بعد يومين ممكن جدا ياخدها مدي الحياة
_متشكره يادكتور
_علي ايه ده واجبنا وربنا يتمم الشفا
غشيت سويد وقعدت معاه شوية وسقت مؤتمن البيت ورجعنا
كان لازم اجهز البيت واكلم الاولاد بوضع ابوهم ودي كانت اصعب مرحلة بالنسبة لي هم كده كده عارفين انو ابوهم مسافر وبي بساطة ممكن اقول ليهم انو عمل حادث وفقد الذاكره عشان ما احرمهم من كلمة بابا وهو موجود معاهم في بيت واحد
بعد ماكلمتهم دخلت مؤتمن الحمام عشان احميه واغير ليه شلت اللصقة العلي ضهرو ما لقيت اي أثر إحترت قلت امكن الحقنه مابتخلي اثر كبير دخلتو نومتو وبديت نضافة وجهزت غرفتي غيرت الوضع والملايات ورشيت معطر جو وقفلتها كنت تعبانه ومرهقة بس في نفس الوقت مرتاحة نفسيا اخيرا بيتي فيهو الراجل الدخلتو معاهو اول يوم ماهو مهما الانسان كان مرتاح لو مامرتاح نفسيا ماف فايدةمن راحتو
عدت الايام وجا يوم خروج سويد من المستشفي كلهم اصرو ينتظروه بالبيت وانا امش اجيبو واجي واول ماجينا داخلين البيت كانت المفاجأة كل الانوار مطفية وماف صوت خالص واغنية " memory " شغالة بصوت واطي واول مافتحت الانوار صور عقدنا وعرسنا في بورتسودان كانت مالية الهول وفجأة مسكني من يدي وجراني عليهو وقال لي " من أول فنجان قهوة شربتو من يدك وانا اتذكرتك "
