" لا تكتبوا رسائلكم للغائبين فمدن الغياب بريدها معطل "
إلي غائبتي
رغم أنك بعيده وغائبة عني لكنك تسرقي كل يومي بالتفكير بك، اكتشفت ان حياتي متوقفة تماماً من دونك ، بعيدة أنتِ لكن شوقي يغفو ع أرصفة نبضي تفصلني عنه مسافة شوق وألف تنهيدة فسلاما عليك أيتها الحبيبة البعيدة بالف ميل عني والقريبة ألف مرة من القلب كأن روحك تسكنني وحنيني إليك ياسرني ف أنتِ نبض الوريد ، غائبة عن العين حاضر في أزقة الذاكره بعيدة عني صدري تسكنين قلبي وتلمسي مشاعري في كل ثانيه ولك في داخلي ألف اشتياق وحنين حنيني إليك لايعادله شيء
عندما تنتابني هزة الشوق وأنتِ غائبة عني أتصفح غرامك وسط أرفف مكتبتك وخزانة ملابسك أقرا قديمك وأشتم ثيابك وأمرر انفي علي بقايا قهوتك في ذاك الفنجان الذي لم استطع ان أغسله الي الآن ، لم تأتيني الشجاعة أن افعل ذلك فقد كان آخر شي لامسته شفتاك هكذا كنتي حضوراً في خيالي ، هنا بين هذه الجدران الأربعة
أيتها الغائبة انا وفؤداي سنعود إليك يوماً لان بك من الحنين مايكفي لأن تسامحي وتغفري لي غيابي لنعود معا من جديد ومادمت أتنفس وقلبي ينبض اذاً فأنتي بخير
مخلصك دوما وأبدا
سُويد
29/12/2013
كنت متخيل انو اصعب إحساس في الدنيا انك تفوق من غيبوبة عميقة وطويلة وماتتذكر انت منو جيت من وين اهلك منو بس اتضح لي انو اصعب إحساس انك تصحي فجأة في مكان مافيهو غيرك بين أربعة حيطان في سرير ماف غير شباك صغير بعيد شديد اقرب لي سقف الغرفة ، ومكتب صغير مافيهو غير ورق وقلم وحتي مخرجك الوحيد مقفول من برة مافيهو حتي مقبض من اتجاهك ، وحوض بي ماسورة ومقعد مرحاض ، صرخت بقدر مافيني من قوة بس ماكنت بلقي رد غير صدي صوتي ، لي لحظات او في الحقيقة لي يوم كامل ماسمعت صوت انسان ولا حتي خطوات
لحدي ما الباب في الليل انفتح حسيت بي الراحة وانو اكيد جو عشان يطلعوني من هنا بس لا ما ده الحصل كان زول جا جاب لي حاجة اكلها
سألتو انا وين ؟! جابني هنا شنو ؟! انت منو ؟!
بس ما لقيت اجابة منو ولي اكتر من سنتين بسألو نفس الأسئلة يوميا بس نفس اجابتو " الصمت"
رجلي المربوطة بي اغلال الحديد المابتوصلني حتي جم الباب اتمنيت لو اقطعها عشان اقدر اوصل جمب الباب واول ما يجي داخل اخنقو واقدر اطلع من هنا بس حتي لو ده حصل كيف ح اقدر اتخطي الباب البعدو
بالرغم من كرهي ليهو بس كان رحيم معاي كان بغير لي مكان اغلالي من رجل للتانية ومرات لي يديني وكمان كان بطلعني من الغرفة كل يومين اشوف الشمس في المترين القدامها الكانو عبارة عن مستطيل طويل بدون سقف
