_مافهمت ياكامل
_ماضروري تفهمي
_كامل لازم افهم لانك بتفكر مرات بي شكل شخصي وما بتقدر تسيطر علي نفسك وبتتهور والزمن اتغير مازي قبل سنتين او تلاته
_قصدك شنو انتي يا ارهيت
_انا قصدي وريني عايز تعمل شنو عشان افكر معاك في العواقب
_مافي اي عواقب والعايزو انا بحصل
_طيب انت اعمل اي حاجة عايزها بس ماتدخل الاطفال في الكلام ده
_لا لازم يدخلو لازم اضغط عليهو من كل الجهات امو ابوه اولادو وحتي زوجتو كمان لازم يوقع لازم يوقع علي فكره بعد شوية ح يعرف انو انا ورا موت ابوه ما سعاد وسعاد مجرد أداة في يدي وح يخاف علي الباقين واصلا امو في يدي والاولاد مسألة وقت بس
_طيب فرضا اخدت الاولاد وقام بلغ الشرطه
_ههههههه شرطة مين يا ماما هم في الساحل الشمالي يعني كل الساحل حقي ديل ناسي ديل باقي سلالتي اولاد عمي العبابدة يعني عارفين شغلهم
_لا قادر والله ياكامل
_ايوة قادر وما عارفة انتي قدرتي ممكن توصل لي وين ممكن لو عايز امسحهم كلهم من الوجود عضامهم عشان يحللوها يعرفو هم منو ما ح يلقوها واصلا ح اعمل كده مجرد ما اوصل للعايزو
_كامل انت ح تخوفني منك كده
_هههههههه اي خافي ياحلوة اصلا دورك جاي
_يعني ممكن تعمل معاي كده اهون عليك
_ارهيت انا خاليك كده بي مزاجي وبمشي فيك ما عشان انا بحبك لا عشان انا عارف انك عندك فهم واليوم الأوصل لي فهمك ده يوم نهايتك
_كاااامل ليه كده حبيبي انا من يدك دي لي يدك دي ح يكون عندي فهم كيف يعني وانا خليت اي حاجة في حياتي عشان اكون معاك ، انا استأمنتك علي امي واخواني جبتهم لي وسفرتهم وعملت ليهم جنسيات دول تانية
_والله انا عملت ده عشان خاطرك انتي عشان أرضيك بس انتي ما بتفكري ترضيني وشوفي فهمك لو كان في صالحي ح تكون نهايتك ح تبقي زوجتي اما لو كان مافي صالحي نهايتك ح تكون القبر
_مصلحتك دي الحاجة الوحيدة الانا بفكر فيها وكونو عايزة اضمن ماتكون نهايتي زي نهاية اي واحدة دخلت حياتك فدي حاجة بتثبت ليك اني عايزاك وانا بفكر في مصلحتك عشان اكون انا قادرة اطلعك من مصيبة ممكن تقع فيها عشان كده بسألك انت عايز تعمل شنو
_أرهيت انا زول بفهم كويس الناس وخليني ماتضغطي علي عشان ماتعجلي نهايتك
_انا ح اخليك في حالك وما ح اسألك اذا سؤالي بخليك تشك في اخلاصي
_انا ما بشك فيك الله يلعن الشيطان ، بس انا كمان ماعايز غيرك
_لا عايز الشركة
