فقرة اسئل بطلك-سؤال؟؟ و إجابة!! -_____________________________
ياسر: أنا حقيقي اتفاجئت انكم حبين تسألوني أنا..حك شعره بخفة..متوقعتش انكم الستة عايزين تسألوني أنا!!!..اتفاجئت خالص
ليل ردت وهي بتبتسم باحراج :عادي يعني حبينا ان السؤال المرادي يتوجهلك أنت..هنبدا بسؤالي أنا
سمر اتكلمت باعتراض:بس أنا حابة يبدأ بسؤالي أنا..سؤالي بسيط جدا!!
أم ياسر:استنو بس يابنات كدا واستهدوا بالله..بصت لياسر وابتسمت..سؤالي أنا الأول صح
ايناس رفعت حاجبها:لاء طبعا أنا الأول..أنا جاية قبلكم
شيماء: ليه هو هيكون فيو دور؟!
ندي اتكلمت بابتسامة ناعمة وبخفة:متهيئلي نبدأ بترتيب وكل واحدة تقول سؤالها والباقي يسمعه..لأن لو كل واحد احترم سؤال التاني الموضوع هيبقي أبسط ونخلص بسرعة ولا ايه
رؤية بصت لياسر وبعدها بصتلهم وهي رافعة حاجبها..ابتسمت بسماجة:علي رأي الأنسة
ندي ابتسمت:ندي اسمي ندي
رؤية: حلو اسم ندي..ورأيك أحلى نبدأ واحدة واحدة..يعني أسمائكم بالترتيب كدا
قالو ورا بعض بالترتيب:
سمر..ليل..ايناس..ندي..شيماء..
بصو للأخيرة اللي ابتسمت:اه أنا ام ياسر ياخويا
رؤية ابتسمت:اه تنورونا..نبدأ بالبنوتة الأول..سمر.
سمر ابتسمت ابتسامة واسعة وبصت لياسر وهي بتبربش بعيونها بكسوف:ياسر..أقصد أستاذ ياسر..حضرتك بتشتغل ايه؟؟
رؤية رفعت حاجبها:اشمعني يعني؟؟..ايه علاقة أسئلتكم بشغله؟؟..وانه بيشتغل ايه؟
سمر:لاء بس مجرد فضول
رؤية ضمت شفايفها في ابتسامة سمجة وهي بتطبطب علي كتف ياسر:ياسر جوززززي شغال مندوب مبيعات في شركة أدوية
سمر كشرت من ردها وانها مخلتش ياسر يتكلم هو..رؤية ابتسمت بنصر أول ماشافت تعبيرها..وكملت:اللي بعده
ليل ابتسمت :اه دا أنا اللي عليا الدور..قولي بقي .. انت طالع كده لمين بجد !! .يعني باباك كان كده !!؟
اصل مامتك مش شبهك يعني الصراحه
ازاي بجد وصلت لمرحله انك تكون غضبان للدرجه ديه و تمسك نفسك عن انك تمد ايدك .. و تروح تتوضي و تنعزل .. بجد مبقاش حد يعمل كده اصلا ... رغم ان ده الصح .. و يمكن عشان اللي زيك مبقوش موجودين يعتبر فأنا مستغرباك .. بس حابه شخصيتك جدا يعني!!
رؤية عوجت بوقها:نااااعم..هو ايه اللي معجبة؟؟
ليل اتكلمت باحراج:قصدي يعني انه..عجبني تصرفه بس..أنتي بتبصيلي كدا ليه؟؟
ندي ضحكت هي وأم ياسر وسلمو علي بعض..ليل بصتلهم بغيظ..فاتعدلو وسكتو..
رؤية بصت لياسر:جاوب..جاوب يا.. رققت صوتها.. يا ياسر
ياسر ابتسم بملامح مشدودة :هو الحقيقة اتعملت دا من والدي الله يرحمه..كان دايما لما يتخانق مع ماما أو يشخط فينا كان يتوضي ويعتزل ولما كنا نسأله كان يقولي انه بيحب الرسول وبيصدق أي حاجة قالها.. وانه في حديث سمعه في الجامع ان رسول الله (صل الله عليه وسلم) قال: "ليس الشديد بالصرعة، إنما الشديد الذي يملك نفسه عند الغضب"، البخاري...وان الغضب زي الجمرة بتولع نار جوا الشخص..والنار محتاجة ماية تطفيها..بس والدي مكانش علي دراية كفاية..بس أنا بعدها حاولت أجتهد في معرفة الأمور دي كلها..
ليل: دا بيأكد ان والدتك الحقيقة يعني صعبة جدا..أنت ماشفتش كانت بتتعامل ازاي مع مراتك
رؤية مسكت ايده واتكلمت هي:بصي هي حماتي فعلا تفكيرها شديد حبة ودا لأنها كانت وحيدة علي صبيان وكمان والد ياسر جتله جلطة وياسر كان لسه في اعدادي أما زينب فكانت لسه عيلة فاضطرت تشيل مسؤليتهم بس
ياسر ابتسم علي تفهمها..وضغط علي ايديها بخفة من غير ماحد يلاحظ..ليل شردت في كلامها..لكن رؤية قاطعتها:مش دايما بزعل من أسلوبها بس الحكاية كلها اني اتعودت عليها وعلي معاشرتها فمبقيتش أتوقع أكتر مم اللي هي بتقدمهولي..بس مش محتاجة تفكير كتيير..متشغليش بالك كتير..هي زمن واحنا زمن..معتقداتها غير معتقداتنا وكدا..لازم نحترم اختلاف الأسلوب والرأي طالما الإحترام مابينا محدش مسه بضرر!!..وأنا مؤمنة ان الصبر له فوايد كتييرة اوي علي البني أدم بس يصبر!
ليل اتنهدت بابتسامة خفيفة:فهمتك
رؤية:يالا اللي بعده وعنده سؤال
ايناس رفعت صباعها في الهوا..واتكلمت بجماس:أنا دورري!..سؤال بسيط لأن حقيقي متلغبطة جدا هو أنت ايه مشكلتك مع عبدالله جوز زينب؟؟ ..سوري طليقها كان باين أوي انه بيحبها من كلامه
ياسر:ايييه؟!..بيحبها؟..دا أنا أول ماقلتله علي الفلوس كش واترعب..دا مش حب أبدا..اللي بيحب حد مش بيفرق معاه فلوس ولا غيره بالعكس بيقدره ويشيله في مكانة محدش وصلها غيره..اللي بيحب حد بيخاف عليه من نفسه وبيحبله الخير..دا شجعها انها تخالف كلام أخوها وتجبله شبكتها من ورانا..سؤال يعني لو كان بيحبها فعلا مكانش شجعها علي زنب زي دا..هو كدا مغلهاش أبدا..رؤية انا لما جيت اتجوزها..صادف وفاة أبويا وقتها كنت مدمر حرفيا مع انه تقريبا كان قعيد في السرير والموت كان أرحمله..وقتها كان صعب نعمل فرح وغيره..اقترحت ان احنا نتجوز من غير فرح..مع اني كنت رافض..لكنها أصرت وساعتها دخلت بيتي سكيتي..هل مثلا أنا وقتها اتبسطت اني معملتلهاش فرح..لاء فلوسه حتطهلها في حساب ليها وكملت عليهم بعد فترة وطلعت انا وهي عمرة..انا مش بقول اني كامل لكن بقول ان فيه حاجة اسمها أصول..ماهو البنت ماتسيبش دفا حضن أهلها عشان تروح لواحد كل همه اللي حيلتها وبتشتغل ولا لاء!!..أسف بس دا اسمه جشع والجشع نقص كبيير جدا..والجشِع دا بيبقي محتاج ياخد بدون حدود..عكس الحب بتدي ومش بتستني مقابل غير الحب بس!!
ياسر خد نفسه بعنف وملامحه متشنجة..رؤية طبطبت علي كتفه بخفة..وهو حاول ياخد نفسه..
ايناس فركت في صوابعها بإحراج..وخصوصا من نبرته اللي حست فيها بالهجوم عليها..بس في نفس الوقت فهمت رأيه هو عنده حق..هيستأمن واحد زي دا بعد كدا ازاي بس؟؟!
رؤية ابتسمت بتوتر:اللي بعده بقي
ندي ابتسمت بنعومة وحماس برئ:أنا..أنا..كملت بخوف.. هو أنت.. أنت يعني وصلت بيك الدرجة انك تضرب أختك حتي لو سرقت؟!!
ياسر ضحك بخفة علي أسلوبها..سكت دقيقة وبعدين كمل بجدية:أكيد يعني أنا لولا اني لحقت نفسي مكنتش متخيل هعمل فيها ايه؟؟..انتى فاهمة يعني ايه سرقة يعني ذنب كبير محبش انها تتجازي عليه..ربنا سبحانه وتعالي قال:(وَالسَّارِقُ والسَّارِقَةُ فاقْطَعُوا أَيْديَهُمَا جَزَاءً بِمَا كسَبَا نَكٰلَاً) يعني مش ذنب عادي وغير كدا حتي لو هو ضغط عليها..فين تربيتي ليها..أنا اتوجعت عليها وعلي تربيتي ليها..زينب كبرت علي ايدي وتعتبر أول بناتي..اتفاجئ ببنتي بتسرق!!..صعب صعب كدا خصوصا ان ذنبها كان ممكن يدبسها لقدر الله مع واحد جشع زي عبدالله!
شيماء ابتسمت ابتسامة واسعة : هيه هداك دوري للسؤال بقي بما انكم انتهيتو..أنت شايف فعلا انك رح تقدر تحب هند وتعاملها زي جوري وياسمين؟؟
ياسر:بصي الحقيقة أنا لما رؤية اقترحت عليا الفكرة كان عندها اكتئاب وحالتها كانت صاعبة..وقتها وافقتها من غير ما أراجع نفسي..لكن لما فكرت بهدوء حسبتها تاني لقتني المستفاد من كل الإتجهات يعني رؤية الحمدالله نفسيتها اتظبطت..وكمان خدت ثواب كفالة يتيم..دا ربنا قال في كتابه العزيز..بسم الله الرحمن الرحيم(وَإِذْ أَخَذْنَا مِيثَاقَ بَنِي إِسْرَائِيلَ لَا تَعْبُدُونَ إِلَّا اللَّـهَ وَبِالْوَالِدَيْنِ إِحْسَانًا وَذِي الْقُرْبَىٰ وَالْيَتَامَىٰ وَالْمَسَاكِينِ)،وكمان لقوله عليه الصلاة والسلام: (وَأنا وكافِلُ اليَتِيمِ في الجَنَّةِ هَكَذا وأَشارَ بالسَّبَّابَةِ والوُسْطَى، وفَرَّجَ بيْنَهُما شيئًا)،غير ان البنت مش هتقلل مني في حاجة..بالعكس هعتبرها الطفل اللي حظه انه ميجيش الدنيا ولا يجي غيره
رؤية ابتسمت:أنا وياسر فكرنا ودانا ان ممكن يكون اللي حصلي حكمة من ربنا عشان يوقفني في طريقها وأربيها مع بناتي
ياسر ابتسم وكمل :وبعدين مين قال اني مش بحبها دي أول ما اتعلمت المشي كان علي ايدي أنا حتي ..وحبها في قلبي مش هيبخس من حب ياسمين وجوري أبداً..أبداً..
ياسر التفت للكل:كدا الأسئلة خلصت صح
أم ياسر رفعت ايديها باحتجاج:لاء طبعا..اتبقي أنا..معاك أم ياسر
ياسر ضحك بخفة:اتفضلي ياأم ياسر!
أم ياسر ضيقت عيونها:بص هو الحقيقة أنا حابة تفكيرك..وأتمني ان المفعوص ابني يبقي شبهك كدا..بس اعذرني في السؤال يعني.. ازاي قدرت تبقى حنين مع رؤية بعد ما شالت الرحم بتاعها وانتوا معندكمش عيال اولاد مع ان اغلب الرجالة بتتعصب من الناحية ديه وعاوزين ولد يشيل اسمهم وعشان يسندهم بس يكبروا حتى مكلمتهاش ولا مرة وحدة بالعكس احتويتها وساندتها وراضيتها وقبلت تربي بنت مش بنتك عشان تسعدها وتخفف عنها..؟!!
ياسر كح بخفة..ورؤية السؤال لفت انتباهها بشدة..بصت له مستنية إجابته..عايزة تعرف تفكيره ازاي؟..وانه ازاى فعلا انه قدر يستحملها كل دا من غير مايشتكي ...؟!!
ياسر:فكرة ولاد ولا بنات مش فارقة..أنا راضي بنصيبي..ومكنتش منتظر ان الطفل التالت حتي يبقي ولد..بالعكس البنات خير وبيجو برزقهم..زائد لو كان فيه فرق ان الولاد خير ولا شر..كان الخير هيبقي في ولاد الرسول اللي اتوفو واحد ورا التاني..دا حتي الرسول كان مسمينه أبو البنات..مابالك هو كان بيجاهد وبيتعب في غزوات وفي نشر الدعوة..سيدنا شعيب لما تعب بناته هما اللي كانو بيساعدوه..فالخير لا في بنات ولا صبيان..الخير في اني أربيهم صح..اللي بيخلف بنت ويعلمها ويجوزها بيدخل الجنة..مابالك ربنا رزقني بتلاته..أتنطط ليه وعشان ايه..مقالش االي بيربي ابنه الولد قال البنات.. بناتي ربنا ان شاء الله يديني العمر لحد ماسلم أصغرهم لبيت جوزها..دا مسموش أغلب الرجال كدا..دا اسمه جهل وأنا اكره ان تنتسبلي حاجة شبه دي..أما رؤية فهيا حياتي كلها..بدأنا مع بعض كل حاجة حلوة..صبرت معايا علي الحلوة والمرة..شالتني في أصعب أوقاتي أكيد أنا مش ندل عشان أعمل كدا يعني..وبعيدا عن دا كله رؤية مراتي ولو أنا موقفتش في ضهرها مين هيقف؟؟..بص للرؤية بابتسامة حب..أنا مكتفي بيها وبعيلتي الصغيرة اللي كبرناها مع بعض..مع كل بنوتة كان بتتولد كان شعاع نور بيظهر يحلي دنيتنا أكتر وأكتر..!!
#اسئل_بطلك
#عمر_بيبتدي
#FarahElDesoky
*توضيح:المرة دي توقع الشخصيات كان من دماغي أنا..لأن الأسئلة كانت كتير فعلا..فحبيت أرسمهم بشكل مختلف:
ليل(شيماء)-ندي-سمر-إيناس-شيماء-أم ياسر
واعذروني لو لخبطت حبة لأن الأسئلة كانت كتير جدا جدا الحقيقة...
أرائكم بقي😉😉
