الفصل الخامس والعشرون-الخاتمة- ج٢
--------------------------------------------
بعد ٨ سنين
فرح زعقت بصوت عالي: اخلصواا بقى.. اييييه العروسة هتتحرك وأننتم مابتخلصوش!
فرح اتجهت للحمام.. خبطت بقوة على الباب.. عمار خرج من الحمام ومعاه زين بالبرنس.. بصلها باستغراب: أله في ايه؟..
فرح زعقت فيه:حبكت الحمى يعني..الكل لابس ومعاهم..ماعدا أنت وعيالك..اخلص!
عمار حرك عيونه بملل:ياشيخة لفي طرحتك الأول وبعدين أنتي جاية عليا أنا والواد ماتشوفي بناتك والتوءم التاني.
فرح ابتسمت بسماجة:ما أنت لو مهتم..كان زمانك عرفت ان البنات في الكوافير مع شهندا..لكن أنت شاطر تتمرقع في الحمام وبس!
مشيت وسابته من غير ماتسيبله فرصة للرد..بص ل-زين..زين خبط على جبينه بغيظ وعدل نضارته:نفسي في مرة تشرح وجهة نظرك بعملية..ايه دا؟!..ناقشها بوضوح!..ارتفاع الصوت بين الزوجين مش مريح للأطفال بتاتا!..غير ان أنت القائد مش هي!!..ودا هيسبب بينكم ملل وفتور مع الوقت..نسب الطلاق والأطفال المشردة بقت مرتفعة جدا..مش هسمحلكم تعملوا كدا فينا!..نسب البنات اللي اتجهوا للملاهي الليلية والدعارة بقت لا يستهان بيها!..هترتاح لما تلاقي نور ولا زينة شغالين راقصات؟!
عمار فتح عيونه يبرقله..زين زكي جدا غير انه مدمن قراءة شبه فرح بشكل كبير..فرح قدرت توجهه من بدري على العكس هي اللي بحثت في صغرها واهتدت ليها..زين سابه ومشي..زين دخل أوضته بخطوات سريعة..وعمار خبك جبينه بقلة حيلة..تمتم وهو متجه لأوضته:على أخر الزمن عيل هيفهمني أقول ايه..حسبي الله ونعم الوكيل..ميت مرة اقولها متزعقش وبتزعق..محتاجلها واقفة البت دي..
فرح اتجهت جري للأوضة التانية..خبطت على الباب ودخلت..لقته قاعد بيلبس جزمته..ابتسمت بخفة:يلا خلص عشان منتأخرش..كنت فضلت مع كريم هناك مع خالك لازم يعني..
كرم حرك عيونه بملل: أنا غلطان وبعدين زمانه طالع اهله هناك..ضحك..الله الغني عن تمن الحلاقة اللي هيدفعه لينا..
فرح بصت للبسه:خلصت!
كرم:من زمان هنزل أدور العربية تكونوا نزلتوا..
باسها من خدها بسرعة وجري على تحت..فرح ابتسمت وعمار صرخ فيها:مقضينها بوس بقى..
فرح ضحكت:أنت اللي في القلب ياموري..
اتجهت ليه وهي بتعقدله الجرافتة..ابتسمت:كم مرة هعلمك ازاي تربطها..
عمار ابتسم: واتعلم ليه وأنتي موجودة بس..
فرح ضحكت:طب زين لبس..
عمار نفخ:الواد دا أنا مش طايقه كل مايشوفني يديني درس في الحياة الزوجية..قلتلك ميت مرة مترفعيش صوتك قدامهم..شكلك عايزة تتضربي تاني..
فرح ضيقت عنيها:ومن امتى حضرتك بتمد ايدك..
عمار ضحك: أنا مختلف..بحب اعاقب بحاجات تانية
فرح ضحكت: تعاقب بإني مروحش الشغل صح..معرفش أنت ايه بينك وبينه؟..مسحت على بدلته بابتسامة..يلا كرم تحت بيدور العربية اسبقني..هاخد زين وأجيلك..
عمار رفع حاجبه:طب ماتنزلي أنتي لابنك وأنا اجيبه..
فرح كشرت:عشان تباتوا صح..انزل ياعمار..انزل..
..
سهيلة لفت طرحتها بسرعة..ونادت:مصطفىىى..يامصطفىى..
مصطفى جه من برا:ايه في ايه..
سهيلة ابتسمت وبربشت بعيونها:ممكن!!
مصطفى ابتسم وقرب منها.. قفلها سوستة الفستان..
سهيلة:سيف لبس هو وندى.
مصطفى:ياستي والله لبس..بنتك هي اللي لسا بتدلع..
سهيلة ابتسمت:طب كمل لبسك وأنا هروحلها..
مصطفى كشر:أنا كرهت العيال دي خدوكي مني..
سهيلة ضحكت ولعبت في لياقته:المفروض أنا اكره شغلك عشان بياخدك بردو مني..
مصطفى ضحك:اكرهيه..أنا كارهه اساسا..
لسا هيقرب
سمعه صريخه بصوت عالي..
سهيلة انتفضت بعيد عنه ومصطفى اتنرفز..
سيف بصوت عالي وهو بيجري عليها:ماااااااام
خبط فيها وهي ضحكت:ايه..ايه مالك؟
سيف بربش بعيونه واتنهد:الجزمة واسعة..شت!..ايه دا؟
سهيلة ضحكت:طب سهلة روح لبابا وهو هيساعدك لحد ما اشوف اختك..
سيف حرك عيونه بملل:بنتك لازقة في التليفون وجدو لسا بيلبس ..وبابا بيلبس..صرخ:كدا هنتأخر!
سهيلة:متقلقش..مش هنتأخر ياسيدي يلا روح لبابا بسرعة..
سيف أومأ وجري على مصطفى وهو بيصرخ:بااااااابا
حركت راسها بقلة حيلة واتجهت لأوضة ندى..قبل ماتفتح..سمعتها بتتكلم..
ندى:كرم.. écoute moi-سمعني-..هو الفستان كده..مقدرش البس البتاع دا..وبعدين الجينز هبضيع شكل الفستان..
كرم سند بضهره على العربية وعمار واقف قدامه رايح جاي مستني فرح تنزل..:مليش فيه!..قلتلك فساتين عريانة لاء..وبعدين مبتلبسيش الحجاب ليه؟!..ما أمك لابسة الحجاب
ندى اتكلمت باستنكار:ماما قالتلي لما أكبر شوية عشان ألبسه عن اقتناع..وبعدين دا مش عريان دا بحملات وعريض..عموما مش هجادلك أنت حر..وبعدين ما اخواتك هيلبسوا كدا..
كرم كشر:نور لسا ١٠ سنين الفرق بينكم ٤ سنين وغير كدا هي مش باينة..أما أنتي فردتي!
ندى:واتت؟!..يعني ايه فردت..
كرم:هو أنتي لسا هتوطوطيلي..أنا اقول الكلمة مرة واحدة!
ندى همست بضيق:بص..أنت حر..أنا مليش دعوة..بابا معلقش..وبعدين أنا باخد رأيك ليه اساسا..I amfree-أنا حرة -!!
ندى قفلت التليفون بزهق وسهيلة دخلت بابتسامة:مالك متعصبة ليه بس؟
ندى:كرم!..كرم يا ماما عمال يتعصب وبس..مش فاهمة احنا فريندز عادي يتخانق ليه هو معايا..
سهيلة ابتسمت وقعدت جنبها:ندوش أنتي عارفة اني مش معترضة على صداقتكم بس كل حاجة وليها حدود..ومفيش صداقة بين البنت والولد واحنا متفقين..حاولي تقللي تعاملك معاه..عشانك أنتي قبل أي حاجة..
ندى هزت راسها بتفهم وسهيلة باستها من خدها:يلا ثبتي شعرك وتعالي عشان الكل جهز ماعداكي..
سهيلة ابتسمت وخرجت وندى قعدت شاردة في كلامها..
خرجت من الشقة واتجهت للشقة اللي قدامهم لقت أيمن بيحاول يلبس جزمته..
قعدت على الأرض جنب رجله بابتسامة:هساعدك متقلقش..
أيمن ابتسم عيونه اتملت بالدموع:قومي..قومي أنا هظبطها..
سهيلة:لاء ولا يهمك..وبعدين مين هساعدك غيري..
أيمن ابتسم ومسح على راسها:ربنا يخليكي ليا يارب..ويسعدك زي ما أنتي سعداني دايما..مسمحاني ياسهيلة؟!
سهيلة اتجمدت عند السؤال..ابتسمت بتفاجؤ..رفعت راسها ليه:بتسئل ليه؟
أيمن:مش عايز أموت وأنتي مش راضية عني..
سهيلة شهقت وحطت إيديها على بؤه:بعد الشر عنك..متقلش كدا..عايز تحرمني منك بجد..دا أنا مصدقت..
أيمن:مسمحاني؟!
سهيلة ابتسمت وعيونها بتلمع بالدموع:مقدرش أزعل منك!
أيمن مسح على راسها ورفعها من كتفها: عايزك تعرفي إني معملتش كدا بمزاجي..والله يابنتي الشيطان اللي حركني وخلاني مش عارف بعمل ايه وضيع مني حاجات حلوة كتير..عايزك تدعيلي أنا ونادية الله يرحمها..ولو في يوم افتكرتيلنا حاجة وحشة حطيلنا ميت عذر..
سهيلة دموعها نزلت بخوف..باست ايده وحضنتها بين ايديها:بالله عليك متقولش كده..أنا مليش غيرك..
أيمن بتعب: مصطفى موجود..
سهيلة صرخت:مصطفى جوزي لكن أنت أبويا..
أيمن:كان سندك في مرة وفي يوم من الأيام!
سهيلة:سندي كجوزي..لكن سند الأب ميتعوضش بكنوز الدنيا..
أيمن حضن وشها بين ايديه ومسح دموعها: طب بتعيطي ليه بس..يلا عشان متتأخريش
سهيلة:أنت مش هتيجي معايا؟!
أيمن ابتسم:لاء ركبي بتوجعني..هدخل أريح..
لسا هتتكلم مصطفى قاطعهم:ادخل ولا..
أيمن ابتسم:ادخل يامصطفى..يلا خدها وروحوا الفرح..
مصطفى كشر:أنت مش هتيجي معانا!
أيمن:لاء ركبي بتوجعني..ابتسم..لما ترجعوا ابقوا سيبوا العيال عندي لو حبيتوا..
مصطفى ضحك:والنعمة أنت حمى مفيش منك..
سهيلة ابتسمت وايمن اتكلم:خلي بالك منها يا مصطفى..أنا مليش غيرها..
مصطفى استغرب من كلامه..قعد على الكرسي قدامها..مسك ايديها وباسها:بنتك في عنيا من زمان ومش من دلوقتي..بس ليه التوصية دي..
أيمن ابتسم وهو بيبلع ريقه بحزن:كان نفسي اقولهالك وازفها ليك بالفستان والطرحة..
مصطفى حاول يبتسم..بص لسهيلة لقاها شاردة..
اتكلم: هي احلى كدا بكتير..كشر بمشاكسة..وبعدين فستان هيبقى قبله خطوبة وأنا طلقي حامي مليش في جو المخطوبين دا!
أيمن ضحك..ضحك كتير من قلبه ومصطفى ضحك على ضحكته..أيمن حط ايده على كتف سهيلة:يلا بقى عشان متتأخروش..
مصطفى بص ل-سهيلة:يلا؟!
سهيلة اومات بجمود وخرجوا مع بعض..لسا هتطلع من الشقة..رجعت وحضنته تاني وهو شدد على حضنها..بعدت عنه بخفة وخرجت..أيمن قفل الباب وراهم الباب واتنهد..دخل أوضته ورقد في السرير.. بص لصورة نادية وخدها..باسها بخفة ونام وهي في حضنه..همس بخفة:اشهد أن لا إله إلا الله..وأشهد أنه محمد عبده ورسوله..ايده ارتخت مع ارتخاء أعضاء جسمه بانسجام..رجله انتفضت بخفة بعدها وقفت ووقفت كل حاجة حلوة كانت مرتبطة بوجوده..ناس كتير زي ايمن بس القليلين اللي يقدروا يلحقوا نفسهم ويرجعوا ولادهم لحضنهم من غير تكبر .. لحق يخلص من الذنب اللي كان هيخلي بنته بدل ماتدعيله هتدعي عليه..بس هي حقيقة منقدرش نتجاهلها..إنا لله وإنا إليه راجعون!
