الفصل التاسع
_________
قرب منها في لحظة خطفها في حضنه..للحظات استوعبت وجسمها متخشب مابين ايديه..بعدته عنها بعنف..وصرخت فيه بحرقة علي تعبها من غيره الأيام اللي فاتت:أنت ايييه..اييه معندكش دم..مبتحسش..مفيش خالص..تغيب تغيب ولا كأن في كلبة هنا مستنياك وبتتوجع من فراقك..ايه اللي أنت فيه دا مفيش احساس خالص..اييييه أنا مش مراتك يعني ليا حق فيك أكتر منك..نغزته بصباعها في صدره..ليا حق فيك..يعني متغبش وترجع علي مزاجك..مش تعمل العاملة وتهرب..اتحمل نتيجة أخطاءك مرو..ليه بتوجعني كدا..ليه..عيطت بحرقة..أنت مش عارف حالتي كانن ازاي وأنا كل دقيقة متخيلاك بتبلع القرف دا..مسكته من هدومه وهزته وهي بتصرخ فيه..أنت ايه يا أخيي..حرام عليك..أنا بحبك انت..أنا مراتك ياغبي..!
كل دا وهو ساكن..ثابت مبيتحركش.. رمت نفسها في حضنه وكأن الحضن دا دوب التلج اللي بينهم..حضنها بشوق رهيب وكل واحد فيهم بيدفن نفسه في حضن التاني..بيتحامي فيه..حست بدمعة خفيفة علي رقبتها..شددت علي حضنه وهي بتعيط..رفعها بين ايديه..حس بجسمها اتراخي بين ايديه...مبتتحركش..وقبضتها حواليه خفت..بعدها عنه وهو بيبصلها بصدمة وهي قاطعة النفس وفي دنيا غير الدنيا!!
بربش بعنيه مرة ورا مرة يستوعب أنها بين ايديه.. لكن.. لكن قاطعة النفس.. حط ايده تحت ركبتها بسرعة ورفعها وهو بيتحامل في الهوا.. حطها علي السرير واحدة واحدة.. ضربها علي وشها بخفة.. لمح كوباية ماية علي الكوميدينو.. رش عليها وبردو مصحيتش.. جاب البرفان بتاعه وقعد جمبها وخدها في حضنه..رش منه علي ايده وقربه من وشها..بربشت بعيونها تفتح ببطئ.. بدأت تفوق واحدة واحدة..لمحته وحست بدراعه اللي مامتها.. بدأت بتنهج بعنف مش قادرة تاخد نفسها وكأن حاجة طابقة علي نفسها..قرب منها بسرعة..عملها تنفس صناعي..حست بقربه منها..بدأت تبكي حرقة ودموعها بتنزل وجسمها بينتفض بين ايديه..حس بنفسها انه بدأ يتنظم ويهدي..جه يبعد شدته ليها وحاوطته بقوة..كأنه النجاة ليها...حضنها بلهفة وشوق أيام وليالي كانو بعاد عن بعض..!!
لمحت جرح مضمد علي كتفه..بعدته عنها..وسألته بخضة:ايه دا
عمار:دا جرح بسيط كدا
فرح:ايه..هو ايه اللي جرح بسيط..أمال مضمده ليه..عشان..عشان كدا كنت عند سامح وجيت المستشفي...حتي من غير ماتيجي تشوفني!!..يعني لولا اني لحقتك كنت كنت هتبعد بردو!!
عمار ارتبك:فرح مش كده..مش كدا نهائي..
زقته باديها وصرخت فيه:ابعد عني..أنت حتي بتكذب..معدتش فارقة معاك أصلا..مجرد مااتكتب اسمي علي اسمك بقيت تبيع وتشتري فيا
عمار مسكها من دراعها وقيد حركتها وصرخ فيها:لاء مش كدا..مش كدا نهائي
حاولت تتحرك معرفتش..اتكلمت بهمس وعينيها بتلمع بالدموع:أمال ايه..أمال ايه
عمار:خوفت اكلمك وهدومي فيها دم تترعبي وتتخضي..محبتش كدا فروحت لسامح..سبقتك علي البيت عشان أغير وارجع أجيبك..بس أنتي سبقتيني وجيتي ورايا
فرح همست وهي بتهز راسها وبتعيط:مش هتسبني تاني صح؟!..مش هتسبني
عمار نفي وحرك راسه يمين وشمال:مقدرش والله مقدر..أبعد
همست ببحة:لكن قدرت وسبتني
عمار:لاء مش قصدي والله..كنت متلخبط ومخنوق من نفسي مش عارف أعمل ايه..واتفاجئت بالشغل واللي لسه مخلصتوش كله
حضنته واتمسكت فيه:هتفضل معايا..مهما نتخانق مش هتسبني
عمار مسح علي ضهرها بايديه وشد عليها وهي في حضنه:أموت لو عملت كدا..مستحيل أسيبك!!!
__________________
اللهم صلي وسلم وبارك على سيدنا ونبينا محمد عدد الحركات والسكون..اللهم صلي وسلم وبارك علي سيدنا محمد بعدد كل نفس حي اللي يوم يكون لله المرجع والمستقر
______________----
فتحت عيونهاا وبصت للسقف..انتفضت فجأة..بصت جمبها ملقتهوش..حست برعشة خفيفة..لاء مش معقول أكون بحلم كل دا..أكيد فيه حاجة غلط..
حست علي نفسها واتأكدت انه كان هنا..ابتسمت بفرحة وقامت..سمعت صوت ضحك في الصالة وصلها في الأوضة دا أكيد توفيق..اتجهت للحمام من الباب اللي في أوضتها..توفيق وقت ماجه يشطب الشقة عملهم حمام صغير ليهم لوحدهم عشان مايبقاش في حرج بين الطرفين وبابه في أوضتهم..وباب تاني بيطل علي الطرقة..غير الحمام الرئيسي اللي في الشقة...خدت دوش منعش من حر وتعب اليوم..لبست اسدالها من غير ماتلف طرحته ويمكن دي الحاجه الوحيدة اللي اتغيرت في غيابه..انها اتعودت على توفيق وبقت بتقعد بشعرها عادي بس بتبقي رافعاه ولماه..خرجت ليهم بابتسامة اتلاشت لما سمعت كلام توفيق:يا بارد داخل علي شهر بعيد عن البيت وأخرك رسايل ومكالمات في الليل أمال لو ماكنتوش لسه عرايس ياحلوف أنت..دا أنت كنت مستني اليوم اللي تبقي فيه في بيتك بفارغ الصبر..بلاش هبلك دا تكتر منه..زمانها بتفكر انك خلاص عشان ملكتها في بيتك بقيت تتصرف علي هواك..
عمار اتنهد بخنقة:أنت عارف اني كنت في شغل وأنا قايلها ياتوفيق..وبعدين فرح بتثق فيا بتقلقني ليه أنت بقي..
توفيق:هتوثق فيك دا بتاع ايه..علاقتكم قبل الجواز حاجة وبعد الجواز حاجة تانية..لازم تحسسها ان لهفتك عليها بعد الجواز زي قبله..بلاش قرف بقي
عمار سكت ومردش...كلام توفيق فوقها ان لهفتها وفرحتها بوجوده مينفعش انها تنسيها اللي عمله فيها بهروبه..ومعاناتها في غيابه...شفايفها اترعشت وهي بتحاول تبتسم..دخلت عليهم:مساء الخير
توفيق ابتسم:مساء النور.. احنا كده مش هنتغدي
فرح:ليه دا أنا محضرة الغدا ومجهزاه كله..علي التسخين بس
توفيق: وناكل من غيرك مثلا يعني..بعدين أنا بقالي فترة متعود على معاد غدا معين وحضرتك بوظتهولي
فرح ضحكت:عندي المرادي دي..دقايق وهحط الأكل حاضر
توفيق شدها من ايديها قعدها :وتقومي أنتي ليه..ماهو قاعد متلقح اهوه
عمار معرفش يتجاوب معاهم..خايف يقول كلمة هي تنفعل او يحصلها حاجة زي ماحصلها لما شافته..اتنهد وقام:هحضر أنا الغدا حاضر..
اتجه للمطبخ وهي كشرت:خليته هو يقوم ليه؟
توفيق:مخنوق منه وزهقان من شكله..حابب أربيه شوية ليكي شوق في حاجه
فرح ضحكت:بس بلاش دا بقاله فتره مرجعش البيت هقوم أنا هساعده
توفيق:تساعديه بس يعني ماتعمليش أنتي
فرح بابتسامة:حاضر
سابته وجت تدخل المطبخ..مسحت الابتسامة..وجمدت ملامحها..دخلت لقته بيسخن صنية البطاطس..اتنهدت وجابت حلة الروج وبدأت تسخنه وهي متجاهلاه..بصلها وهي مركزتش معاه..وطت تجيب حلة الشوربة من الفرن..قفلته وحطتها علي النار..سمعت رنة تليفونها...طلعت من المطبخ وسابته..فتحت الفون لقته أحمد..ابتسمت وكلمته وهي بتتجه للمطبخ:هاه ايه رأيك..
أحمد:حلو جدا يعني..أنتي جبتيه امتي
فرح دخلت المطبخ وهي بتحط توابل السلطة:جبته من فترة بس عرفت انك مسافر مع صحابك قبل مالكلية ماتبدا..فسبته فأوضتك لما تيجي تشوفه.
أحمد:حد قالك اني بحبك أوي يعني
فرح ضحكت وهي بتبص بعيد عن عيونه اللي كلتها بنظراته:لاء الحقيقة محدش قالي بحبك
أحمد:ولا حتي عمار يابت
فرح اتلخبطت:بت اما بتك احترم ان فيه سنين فرق هاه..وعيب كدا
أحمد ضحك:خلاص خلاص..سكت اهوه..ايه دا استني..عاااا دول بياكلو مانجا برا
فرح افتكرت أيام الشاليه..ابتسمت بمكر:أحمد ان شاء الله يخليك هاتلي حبتين تلاته
سمعت صوت مامتها وهي بتضحك:متخافيش أبوكي جايب ليكي علي جنب
فرح عضت علي شفايفها بانتصار:طب ابعتيلي بقي بس في كيسة سمرا تمام
أمها:عيوني..أنتي بتعملي ايه
فرح اتكت علي كلامها ورفعت صوتها:أصل عمار جه فسهرانين مع توفيق برا..هو ابنك مجاش ليه دا احنا جيران حتيو
أمها:قولتله بلاش لأنك لو فاضية كنتي هتعدي علينا بعد الشغل زي عادتك
فرح ابتسمت:صح عندك حق..هكلمك تاني هاه عشان احنا هنتغدي
أمها:خلاص مش مشكلة..هبعتلك المانجا
فرح:منتظرة..
قفلت المكالمة وبصت علي الأكل تقلبه لقته سخن..قفلت النار..وبدأت تغرف..شال معاها الأكل بصمت...
اتغدو بهدوء..فرح:هاه ايه رأيك اتحسنت ولا لسه زي ماهي
توفيق بص للأكل بتقييم:عندك أحسن من كدا علي فكرة بس فيه تحسن
فرح ابتسمت:استناني بقي بكرا..وشوف الأكل اللي علي أصوله..
توفيق ضحك:مش مرتاحلك بس ماشي..
الجرس رن..عمار لسه هيقوم..فرح جريت وسابته:هفتح أنا..
وقفت دقيقة بعدين دخلت بالكيسة السمرا وحطتها في التلاجة..خرجت وكملت أكل معاهم..توفيق قام الأول:الحمدلله كدا نعمة اوي..أنا هقعد شوية في البلكونة وهنام
عمار:هو المعرض لسه مخلصش..اتأخرت أوي
توفيق:لازم أتأكد من البضاعة والورق والحاجات دي..والروتين بياخد وقت
عمار:خلاص سبلي بقيت الورق وأنا هكمله
توفيق ابتسم:تبقي ريحتني والله
شالو الأكل وفرح ابتدت تغسل المواعين وكل دا وهو واقف مش عارف يبدأ الكلام منين..مرعوب من ردة فعلها وفي نفس الوقت خايف عليها هي..مكنش حابب يتكلف بشغل وهما مش علي وفاق..غير انه كاره نفسه من وقتها..مش مصدق انه قرب منها بس عشان يقدر ياخد البرشام..بس هو مش بيقدر يسيطر علي نفسه وهو محتاجه..بيتحول لإنسان تاني خالص ومختلف..مش بيبقي داري بحاجة أبداً..
خلصت غسيل..وغسلت ايديها..سابته ومشيت..جري وراها..وهو تعبان من تجاهلها ليه بالشكل دا..
__________________
اللهم صلي وسلم وبارك على سيدنا ونبينا محمد عدد الحركات والسكون..اللهم صلي وسلم وبارك علي سيدنا محمد بعدد كل نفس حي اللي يوم يكون لله المرجع والمستقر
__________________
دخلت الأوضة بسرعة وقفلت الباب وراها وتربسته..قلعت اسدالها ولبست بيجامة مريحة للنوم..
خبط علي الباب:فرح افتحي
ملقاش رد فخبط تاني..خاف توفيق ياخد باله..ركل الباب برجله بغيظ..انتبه لباب الحمام وابتسم مكر..
انتفضت علي صوت ركل الباب..بس ابتسمت بعدها..قعدت قدام التسريحة بتبص لملامحها المرهقة..بدأت تمكيج وشها باستمتاع حتي لو هتغسله بعدين مش مشكلة..
عمار دخل الحمام..جه يفتح الباب التاني لقاه مقفول..لمح بنسها ودبابيسها علي الرف..فتح البنسة وبدأ يحركها بخفة جوا الكالون..فتح الباب بسرعة..انتفضت بفزع علي فتحه للباب..جت تهرب تخرج من الأوضة..جري لحقها وشد ايديها بعدها لف دراعه حواليها وضهرها ليه..حاول يشدد عليها بدراعه التاني بس حس بألم في كتفه..
ضربت علي ايده وهي بتتلوي بين ايديه:عمار سبني..مش هقعد معاك أنا
عمار رماها علي السرير واتكلم بانفعال:مش عايزة تقعدي معايا..ليييه؟
فرح صرخت فيه:أنا حرة..
جات تقوم زقها بجسمه:لاء مش حرة..أنا جوزك فاهمة
وقفت قدامه ونغزته بصباعها في كتفه:وأنت مفتكرتش كدا ليه هاه..مفتكرتش أنت ليه كدا وأنت سايب بيتك ومراتك بالأسبوعين والتلاته..
بصتله بغيظ عايزة تجننه..أو تحركه بدل بروده دا:أنا معشتش معاك غير أسبوع واحد بس!!..أول ليلة لينا مع بعض كنت هتطلقني فيها ودا كله بسبب القرف دا..سبتني فترة طويلة وبعدت من غير مقدمات..ودا كله ليه عشان واجهتك بس!!
___________________________
اللهم صلي وسلم وبارك على سيدنا ونبينا محمد عدد الحركات والسكون..اللهم صلي وسلم وبارك علي سيدنا محمد بعدد كل نفس حي اللي يوم يكون لله المرجع والمستقر
____________________________
سهيلة مسكت ايد مصطفي تطمن نفسها وهما في المطار..مصطفى ابتسم علي قلقها:مابيعضوش علي فكرة
سهيلة:لاء بس أول مرة يشوفوني..يشوفوني وأنا حامل علطول كدا!
مصطفى ضحك : يابنتي أنتي حامل مني واعتبريني زي جوزك يعني متقلقيش كدا
اتكلمت بخنقة:بطل هزار بقي..هو الجو حر ليه كدا؟؟..وابعد بقي بريحتك دي
مصطفى ضربها علي جبينها:ريحتشي دي!!..مالها ريحتي يابت وبعدين انتي اللي حد لعب في اعداداتك..يا قادرة دا أنا مش عارف اتلم عليكي إلا وأنتي بتنفري مني..كل مرة أوزع ندي ومانهببش حاجة
سهيلة:قولتلك ريحتك بتخليني عايزة أرجع..
مصطفى رد بغيظ:حتي ريحة الشاور مش طيقاها اعملك ايه يعني..أفضل معفن عشان ترتاحي!
سهيلة: مصطفى متنرفزنيش..بقولك اهو..خلينا ننتبه بقي
مصطفى لوي بوقه وربع ايده بزهق..لمح أبوه وأمه ومعاهم شابة كمان
سهيلة برقت للبسها وخصوصا وهي شايفة مصطفى واقف عادي مغماش عنيه حتي!..
مصطفى جري علي أمه وهو بيحضنها اتكلم فرنسي:
اشتقت لكي فوق ماتتخلين
أمه ابتسمت وبادلته بحب: وأنا أيضا عزيزي..رؤيتك ادخلت السرور قلبي..بصت لسهيلة اللي واقفة بحيرة..هي اه عرفت بعض الكلمات لكن مش كله..كل اللي فهمته من تعبيراتهم وأول كلمة قالها مصطفي انه بيقولها انها وحشته..ابتسمت بخفة بتحاول تداري التوتر اللي هي فيه..
أمه سألته:أهذه حبيبتك
مصطفي كشر بهزار:زوجتي أمي..همسلها..حامل بطفلي الأن
ابتسمت بفرحة وصرخت:حقا!!
مصطفي هز راسه وهي اتجهت لسهيلة وحضنتها بدون مقدمات..سهيلة بصت لمصطفي وهو هز راسه..فبادلتها..
مصطفي سلم علي خاله:مرحبا بك خالي
خاله رد بابتسامة:كيف حالك
مصطفي:علي مايرام..اتجه للبنوتة ولعب في شعرها:لقد كبرت الباربي خاصتي
صرخت بحماس:اووه..مصطفى..اشتقت لك كثيرا
حضنته بسرعة وهو بادلها..سهيلة شافتها وهي حضناه بابتسامة..حاولت تمنع ان دموعها تنزل..حبست دموعها في عيونها لما شافتهم كدا وفي الوضع دا..
مصطفى قرب منهم بابتسامة وهي متلعقة في ايديه..ركبو العربية واتجهو للشقة..
وصلو وجم يدخلو الشقة..سهيلة همست ببحة:هجيب ندي من عند خالتي أم اسحاق..
مصطفى أومأ وهي خبطت علي شقتها..أم اسحاق خرجت وابتسمتلها:يا مرحب..حماتك جت
ابتسمت:اه
أم اسحاق:ومالك بتقوليها كدا ليه..هي الولية دي عملتلك حاجة
سهيلة ضحكت:لاء خالص..بس بس في بنت جت معاهم..ووو..عينيها لمعت..متعلقة في ايد مصطفي من الصبح وهو مانبهاش حتي
أم إسحاق:وأنتي زي الهبلة سكتي..يخربيت الهبل..ماتمسكي في جوزك ياخيبة..يمكن هو اتكسف ولا حاجة..أو مستنيكي تتنحرري وتردي مكانه
ندي خرجت جري علي سهيلة وحضنتها..سهيلة ابتسمت وباست راسها..مسحت علي راسها وكلمت ام اسحاق
سهيلة:قصدك ايه؟؟؟
أم اسحاق:يعني تمسكي فيه بايدك وسنانك..تروحي شداه وقافشة فيه بايدك...ضيقت عنيها وسألتها:هي لبسها شفتشي
سهيلة هزت راسها:اه
أم اسحاق:خلاص تلبسي شفتشي زيها
سهيلة:لاء طبعا..دا خاله هنا
أم اسحاق:يعني هو هيفضل مبلط ما أكيد هيخرج يتفسح ولا حاجة..ساعتها بس تتدلعي..وهو تلاقيه مش حاسس عشان متربين مع بعض ولا حاجة..كمنه مجاش هنا مصر غير عشان البكالريوس زي ماأبوه كان عايز الله يرحمه
سهيلة ضيقت عيونها:تفتكري هينفع؟
أم اسحاق مصمت شفايفها بصوت خفيف وضربت علي نحرها:وهتيجي تقولي أم اسحاق قالت
..
سهيلة خدت ندي ودخلت الشقة لقت مصطفى قاعد والبنت قاعدة معاه ومامته وخاله مش موجودين..
سهيلة دخلت وقفلت الباب..رفعو راسهم ليها..سهيلة سألت بتكشيرة بسيطة:هو والدتك فين؟
مصطفى بابتسامة: هتبات هي و ايفانكا في أوضة الضيوف.. وخاله في أوضة ندي..وهي هتبقي تبات معانا
سهيلة وطت لمستوي ندي:حبيبتي جعانة ولا هتنامي علطول
ندي نفت:لاء هشوف نانة الأول
سهيلة ابتسمت:خلاص..هبقي في أوضتي..لو عوزتي حاجة صحيني علطول
ندي ردت بالفرنسية:حسنا
سهيلة ابتسمت بغيظ وتمتمت في اتجاه الأوضة:حتي أنتي..بلا خيبة..
دخلت الأوضة وقلعت حجابها..بدأت تغير هدومها بهدوم للنوم..مصطفى دخل وراها وقفل الباب:أنتي هتنامي ولا ايه
ردت بخنقة:اه..
اتجهت للمراية تمسح مكياجها و تسرح شعرها..وهو متابعها بعينه:يعني مش هتسهري معانا بره
سهيلة من غير ماتبصله:مين اللي هيسهر
مصطفى:أنا..ماما هترتاح..خالو ممكن..ايفانكا أكيد..وندي
سهيلة بصتله بغيظ ودخلت تحت الغطا علي السرير...اتكلمت بانفعال:لاء مش عاوزة..اسهرو براحتكم أنت والست ايفانكا
مصطفى استغرب انفعالها:خلاص ماشي
جه يخرج افتكرت نصايح أم اسحاق وانه يمكن محرج منها وعايزها هي اللي ترد..قامت زي الملدوغة بسرعة من علي السرير..ونادت بسرعة:مصطفىىى
بصلها باستغراب..فكملت بابتسامة ناعمة:ممكن تقفل الباب..عايزاك
قفل الباب بالأوكرة ودخلها..قعد جنبها علي السرير:ايه في ايه
حاوطت رقبته بايديها:عايزاك..وحشتني
مصطفى رفع حاجبه:لاء هتتعبي بلاش
حضنته بسرعة من غير ماترد عليه
----
بعدت بسرعة وهي بتحط ايديها علي بوقها..جريت بسرعة للحمام وسابته..خرج بسرعة وراها..دخلت الحمام ورجعت مرة واتنين..حست ان روحها بتطلع منها..مصطفى غسلها وشها وسندها للسرير..حطها بهدوء وغطاها: قولتلك بلاش
مسكت ايديه وهي بتغمض عيونها من الألم:كنت وحشني أوي..
باس راسها:وأنا أكتر والله بس هو التعب دا أم اسحاق قالت ان الترجيع هيخف لما تعدي التلت شهور واهو اتبقي اسبوع بس وتدخلي في الرابع..
ابتسم:ساعتها مش هنطلع من الأوضة أساسا
ابتسمت بتعب وغمضت عيونها ترتاح..وهو مسح علي شعرها لحد ماراحت في النوم..
__________________________
اللهم صلي وسلم وبارك على سيدنا ونبينا محمد عدد الحركات والسكون..اللهم صلي وسلم وبارك علي سيدنا محمد بعدد كل نفس حي اللي يوم يكون لله المرجع والمستقر
__________________________
عمار صرخ فيها:لاء مش عشان كدا..أنا بقيت أخاف من نفسي عليكي..حضن وشها بين ايديه..أخاف أعملك حاجة تأذيكي
عيطت: ولو حصل هتبعد بردو..افرض اني حامل دلوقتي..هتسبني بردو..
حط ايده علي بطنها بتلقائية ولهفة:أنتي حامل؟!
فرح سألته بخوف :هتسبني بردو..هتروح ومش هترجع..افرض افرض سبتني هتاخد بردو المسكن لحد مايحصلك حاجة صح؟!..رمت نفسها في حضنه وجسمها انتفض من بكاها:صارحني يا عمار..صارحني بتاخده ليه..
عمار:بلاش أفضل
بعدت عنه بعيون محمرة وصرخت:هو ايه دا الللي بلاش..أنا مراتك ياغبي..فاهم يعني مش هسيبك مهما حصل
لقته سكت..عضت علي شفايفها بوجع..مسحت دموعها بعنف:طب بص بقي ياعمار..معاك أسبوعين تفكر فيهم..اما تعرفني سبب ادمانك ونبدا نعالجك عشان متتدمرش أكتر..أو
بصلها بخوف:أو ايه
فرح:ساعتها هسيبك وهطلق منك...لأن اللى بتعمله ودا وتدميرك لنفسك بيجرحني أكتر مابيجرحك..
عمار اتكلم بانفعال:هتطلقي مني عشان حاجة مش عاوزك تعرفيها
فرح مسكت في طرف هدومها بقوة..واتحاملت علي نفسها وردت:اه..لأني مش هستحمل أبدا انك تدمر نفسك وأنا مش عارفه أعملك حاجة!!
عمار:للدرجة دي
فرح:حياتك بالنسبة ليا مفيهاش نقاش..وأنا مش مستعدة أخسرك
عمار اتنهد بوجع علي حالتها:حاضر..بس ممكن لوقتها نعيش طبيعين مع بعض..ممكن؟
أومأت براسها ودموعها علي خدها...شدها لحضنه بسرعة وهو متمسك بيها وهمس:وحشتيني..
همست ببحة: وأنا أكتر
_________________________
اللهم صلي وسلم وبارك على سيدنا ونبينا محمد عدد الحركات والسكون..اللهم صلي وسلم وبارك علي سيدنا محمد بعدد كل نفس حي اللي يوم يكون لله المرجع والمستقر
_________________________
عدي ٥أيام علي اللي حصل..
حضنته بحب وهو خارج رايح شغله:متتأخرش
حاصرها متخرجش من باب الأوضة:طب ماتخلينا كدا أحسن..يعني ايه لازمتها نروح الشغل يعني
فرح ضحكت:بليل بقي..بليل أله
عمار غمزلها:خلاص بليل يابطتي..بس أنا ممكن أتأخر فرح اتعلقت بدراعه:هستناك ياعم أله..وبعدين يلا عمو توفيق مستنينا عشان الفطار بقي
كشر:طي مانوفر وقت الفطار دا..الواحد نفسه يرتاح..يرتاح
فرح ضحكت:الراحة بليل..بليل
خرجو برا علي الفطار
عمار:خلاص ماتبقيش تعيطي بقي لما أشقط مزة ونرتاح أنا وهي
فرح ضحكت:لاء ياواد..ابقي اعملها كدا..خليني افكر كده
توفيق ضحك:هتقطعك حتت بقولك اهو..وساعتها مش هساعدك
عمار:يعني مش هتبلغ عنها
توفيق ضحك:لييه؟..شايفني مستغني عن نفسي..لاء طبعا.. أنا همشي بقي..
توفيق خرج وعمار ابتسم:الراجل أبويا دا ذوق والله..
فرح ضحكت:أوي
بص ليها بمكر:بت ماتجيبي بوسة
قامت بسرعة:لاء طبعا..يلا اسبقني سخن العربية عشان أروح شغلي
عمار:أنتي الخسرانة
ضحكت:عارفة..عارفة..يلا بقي هنتأخر
___________________________
اللهم صلي وسلم وبارك على سيدنا ونبينا محمد عدد الحركات والسكون..اللهم صلي وسلم وبارك علي سيدنا محمد بعدد كل نفس حي اللي يوم يكون لله المرجع والمستقر
__________________________
رؤيةاتنهدت:ليه بس يايوسف
يوسف:يعني أتجوز أي حد كدا يعني
رؤية:تعالي كلمه أنت يا ياسر
يوسف قلدها:تعالي كلمه ياياسر..صرخ فيها..هخاف يعني..أنا أكبر من جوزك أصلا
ياسر جه عليهم وهو شايل هند:وياريتك بتفهم..يابني هتشوفلك البنت ولو لاقت استحسانك..نطلبها وفي رؤية شرعية وخطوبة
رؤية بتأييد:بس كده..عايزة أفرح بيك بقي
يوسف:ليه حد قالك اني باير ولا ايه
ياسر:وايه الجديد يلا مانت بقالك شهر وشوية جاي من السفر وماعملتش حاجة
يوسف:ياعم هو وأنت واصي عليا..دا أنت حيالله جوز البت دي
رؤية وقفت علي ركبها علي الكنبة واتكلمت بانفعال :لاء بقي..مانا هشوفلك بنت عجبتك نطلبها..تتجوزها تجيب عيال بدل مانت محدش معبرك كدا
ياسر ضحك وقاله:اتكلم
يوسف بصلهم باشمئزاز ورد:خلاص اتهببي شوفيلي عروسة
رؤية بصتله بفرحة وباسته:هنفرح بيك أخيرا
يوسف زقها:وسعييي ابت..قام وسابهم..بلا قرف جوز مهابيل.
___________________________
اللهم صلي وسلم وبارك على سيدنا ونبينا محمد عدد الحركات والسكون..اللهم صلي وسلم وبارك علي سيدنا محمد بعدد كل نفس حي اللي يوم يكون لله المرجع والمستقر
___________________________
فرح خلصت شغلها في المستشفي وروحت...قلعت جزمتها ورمتها ورمت نفسها علي الكنبة بسرعة..
فتحت تليفونها..قعدت علي الاكونت بتاعها تقلب فيه..فتحت المعرض وقلبت في صورها مع عمار في الشاليه...واحدة وهي نايمة وواحدة وهو نايم..وهما غاطسين تحت الماية والسمك حواليهم..وهما راكبين لانش كان عمار مأجره وقتها..وهي بالفستان ليلة الشوي..مرة وهو حاضنها علي البحر..مرة غفلته وهو بياكل..صورة وهو قاعد مستني الكريم يهدي الحساسية علي بشرته وملامحه منزعجة..وصور تانية كتير بيبتسمو فيها..وضحكتهم عنوانها..
تليفونها اتهز برسالة..فتحتها لقت عمار في عربية بيسوقها غير عربيته..وقميصه مفتوح نصه وبيبوس ايد بنت..صورة تانية وهو بيضحك..ابتسامتها اتلاشت واختفت..مسحت بايديها علي شاشة الفون بخضة..جتلها رسالة بلوكيشن(موقع)..ومكتوب.."يهمك هاه .. بس أنتي مهمتهوش عادي يعني "
بلعت ريقها بوجع وهي بتبص في الصور دي للدرجة دي مستغني عنها!!..للدرجة دي.. يعرف عليها!!..عيطت بحرقة..للدرجة دي مش مكفياه فبيدور برا..حست بدوخة خفيفة..هزت راسها عشان تفوق..قامت بسرعة وهستيرية بملامح جامدة متجهة للعنوان..استنت الأسانسير كان فيه أحمد وهنا...
هنا:ايه دا أنتي رايحة فين..
فرح صرخت فيهم:وسعولي بسرعة
أحمد مسكها:فرح في ايه..مالك
فرح ضغطت علي زرار الأسانسير وهما معاها..طلعت من الأسانسير جري بسرعة..جريو وراها أحمد شدها وقفها:في ايه..
ادتله التليفون بارتعاش وهي بتعيط..
هنا شهقت وحطت ايديها علي بوقها..
أحمد اتخض هو كمان..حاول يجاريها:استني بس..هنيجي معاكي..مش هتروحي لوحدك
هزت راسها وهي بتعيط..ركبت هي وهنا ورا وأحمد ساق العربية..هنا حضنتها وهي بتشدد عليها وفرح بتنتفض بين ايديها وبتبكي بحرقة..كل دا عشان هددته انها هتسيبه..كل دا..طب ليه يعمل فيها كدا..لييه..
وصلو الموقع وأحمد بدأ يهدي العربية والدنيا ضلمة كحل.. قرب بالعربية واحدة واحدة..لمحو عربية راكنة في جنب واضائتها منورة..وشاب وشابة مع بعض...مندمجين من غير مايخدو بالهم ان هما علي طريق..البنت كانت قاعدة علي رجل اللي بيسوق..وهو حاضنها ومندمج معاها..بعدت عنه واحدة واحدة وقامت من علي رجله وهي بتعدل هدومها..وقتها الشاب دا ظهر..واللي كان..فرح لمحته..شهقت بعنف وهي بتعيط وتهز راسها بهستيرية..أحمد لكم الدريكسيون بايده بغيظ..وهنا بكت علي بكاها وحرقتها..شددت عليها..وللحظة حست انها هديت بين ايديها..بصت عليها..لمحت هدومها ملتطخة ب...دم!!
صرخت بصوت عالي:أحمدددد...دم!..دم فرح بتنزززززف..الحقهااا
#يتبع
#FarahElDesoky
#عمر_بيبتدي
توقعاتكم وأرائكمممممم
_________
_________
في حفظ الله
