مشهد خاص
-------------
عمار ضحك وهو بيتكلم في التليفون: تستاهل..بتغيظني مثلا عشان مش قادر أجي معاك..
توفيق اتكلم بغيظ: أنا قلت افسحهم بعد الإمتحانات زنبي ايه أنا في المصيبة دي.. لاء وألاقيهم جايبين عيال كمان معاهم..
عمار سمع صريخ من التليفون..: ايه دا مين دا؟
توفيق ضحك: دا تامر ياعين أمه بينضرب بنتك مستقوية عليه.. قاعدةفوقيه..أناهروحاسلكهم وأنت اتهد بقى مش عايز ارجع ألاقيها حامل تاني..كرم وكريم داخلين الجامعة احترم نفسك!
عمار ضحك:طب افتح الكاميرا بالله عليك..عايز أشوفها
توفيق فتح الكاميرا..
الصريخ وصله بوضوح
نور قاعدة فوق تامر وعمال تديله بوكس واحد ورا التاني..صرخت فيه: ياتامي الكلب.. أنا تحطيلي عنكبوت في الأكل.. وحيات أمك لأبييك!
تامر صرخ: والله اسف.. أسف مش ههزر تاني معاكي.. قومي من عليا بقى.. هضربك والله!.. أنا محترم انك بنت!
نور اتكلمت بغيظ وضربته بالقلم: تضيبني أنا يا حلوف.. جيب كدا.. هندمك والله.. صرخت فيه تاني.. لاء متحتيمش ياخويا.. بلا قيف
كريم حاوطها بإيديه وهو بيشدها من على تامر: يخربيتك.. الواد هيموت في إيديكي..
نور صرخت بصوت عالي وبتحاول تشد إيد كريم من على وسطها وهي بترفص برجلها في الهوا: سيبني ياكييم..سبني دا بيستخف دمه.. بيحطلي عنكبوت في الأكل وأنا كنت جعانة ودا سدلي نفسي
كرم ضحك ووطى على تامر يرفعه من على الأرض: ياعيني عليك يابني.. شبابك راح هدر
تامر صرخ بغيظ: أنا هعلمك الأدب.. ازاي تضربيني. أنا كنت مش راضي اضربك بس عشان جدو توفيق موجود
نور عضت على شفايفها بغضب وكريم رافعها في الهوا ومقيد ايديها..: وحيات أمك!
رفعت رجليها عشان تضربه على وشه انتبه بسرعة ووطى.. فالضربة جت من نصيب كرم اللي طار على جنبه..
ندى صرخت وجريت عليه: كرم.. مالك
كرم اتأوه بصوت مسموع وخصوصا انه مرتكز على جنبه: اااه
ندى قعدت جنبه على الأرض ومسحت على شعره وسندته من دراعه: معلش.. معلش.. تعالى اقومك
كرم غمزلها بابتسامة: يهون الوجع عشانك ياقمر
ندى نزلت راسها بخجل وكريم خبط جبينه بقلة حيلة وجسمه بينتفض مع رفصة نور في الهوا..
كريم صرخ فيه: اخلص ياعم الحنين!
كرم بصله بغيظ وهو بيفرك فكه بخفة: لاء ياعم.. مليش دعوة بجون سينا دا.. احبسه ولا امسكه بكلابشات.. فين سيف وزينة.. نهار أسود..صرخ وهو بيجري لبرا.. ليكون الواد بيعمل حاجة في البت..
جري على برا بفزع وندى بصتله بغيظ وطلعت على فوق.. كريم رفع نور فوق كتفه وهو بيصرخ فيها: ماتبس بقى.. خلاص خدتي حقك وزيادة
نور رجعت براسها لورا وصقفت: ما أنا لو عندي اخوات رجالة كانوا زمانهم جابولي حقي.. بس أعمل ايه بقى..
كريم فتح بؤه ورماها على الكنبة بغيظ: وحيات أمك.. أنا غلطان لأهلك.. كنت هربيهولك.. بس بعد الكلمتين دول خليكي مكانك هنا.. وأنتي وهو ملكوش خروج المهاردة
تامر اتكلم بتذمر: ليه بس وأنا مالي!
كريم بصله بشراسة: اخرس ياحيوان أنت.. كله منك.. بتنضرب كل مرة ومابتتعلمش..
توفيق قفل المكالمة وعمار ضحك: ماشاء الله فرح التانية.. دبش زي أمها..
خد قهوته وخرج برا وهو بيضحك.. لقاها قاعدة وبطنها قدامها.. وهي بتنتفض من البكى.. بصلها بقلق.. حط قهوته على الترابيزة وقفل التليفزيون.. حاوطها بإيديه: مالك؟؟.. حاسة بوجع؟!
رفعت راسها من بين ايديه بعيون محمرة ودموعها على خدها بوجع همست ببحة: مات ياعمار.. مات!
عمار كشر بقلق وسألها بخوف: هو مين؟!
فرح مسحت دموعها بضهر ايديها: دكتور محمد مشالي.. اللي خدت زينة عنده من كم شهر عشان معدتها..
عمار ضيق عنيه بيحاول يفتكر: اه.. اه.. ربنا يرحمه اتكلم باستفسار.. اشمعنى دا بالذات اللي بتبكي عليه كدا؟!
فرح حاولت تاخد نفسها وحاسة انها مخنوقة من دموعها اللي مابتهداش :
معرفش.. بس اتأثرت بموته جدا.. مكانش فيه زيه ياعمار.. شوف أنا أهو عاملة دراسات عليا بس مجيش في بحره حاجة.. دا بيكشف على المريض بعشرة جنيه بس.. أنا روحتله عشان كان نفسي أتشرف بمقابلته وزينة كانت حجتي..
عمار: هو فين عيادته الدكتور دا
همست ببحة: عند السيد البدوي.. اه لو تشوفها بسيطة جدا.. واحد زيه بعلمه كام زمانه من اغنى الناس دلوقتي.. دا في واحد اتبرعله بملايين وماخدش منهم قرش بالعكس اشترى بيهم اجهزة للتحاليل ووزع منهم على الفقرا
عمار بلع ريقه بتأثر من كلامها.. حضنها وهو بيمسح على ضهرها يهديها: طب خلاص متعيطيش.. لو حابة تروحي العزا مش مشكلة.. هوديكي بس.. انتفضت في حضنه.. خلاص بقى أنتي حامل مش كدا
فرح مسحت دموعها بايديها وبعدت عن حضنه وهو باس راسها بحنية: خلاص بقى ياستي.. ضحك.. هجبلك هدوم العيد خلاص بقى
فرح كشرت: لاء أنت زعقتلي اخر مرة
عمار كشر: هو فيه حد يشتري هدوم العيد بأكتر من ٢٠ألف.. أنا كدا بفلس يماما!
فرح: عمار احنا ٩ أنت وأنا وكرم وكريم وزين وزينة ونور وعمو توفيق ولسا اللي في بطنب.. أنا كدا موفرالك ولسا مجبتش بقيت الحاجات..
عمار صرخ فيها: عايزة فلوس كمان!
فرح: أله مش كرم وكريم نتيجة الثانويةالعامة هتطلع قريب ولازم عشان لبس الجامعة.. أنت عايز عيالي ميلبسوش!.. وبعدين ما أنت الشركة شغالة حلو ومش كام الف يعني اللي هيفلسوك!
عمار: وأنا مالي انا.. وبعدين بتقري على ايه ياختي.. وبعدين مش ذنبي ان العيال بتكبر بسرعة.. غير كدا أنا مخلفتش بعد نور.. هي الووحيدة اللي نصفتني مش زي بقيت عيالك كلهم توءم في توءم.. اللي في سنك دلوقتي بيربي العيال مش يحمل في توءم تاني
فرح صرخت فيه: هتبكتني ياعمار على الكام جنيه.. أنت بقيت بخيل كدا ليه.. وبعدين هما عيالك ولا عيالي..
عمار كشر مش عايز يجادلها عشان اخرته هتبقى في اوض العيال وهو مش مستحمل.. غير انهم خالين الجو.. ابتسم بسماجة: اللي تحبيه ياروحي.. هو أنا عندي كام فرح
فرح حاوطته بابتسامة وقرصته من خده وضحكت: يسلملي هالفهمان!
عمار ضحك: أنتي بتتحولي والله.. لاء وصحتك بتيجي على الحمل!
فرح ضحكت ولعبت في شعره وغمزتله: طب ايه؟!
عمار ضحك: لاء أنا كبرت مش هقدر اشيل أنتي امشي لوحدك..
فرح كشرت وصرخت فيه: عمار أنا لو متشالتش دلوقتي هتاخد اجازة لحد ماعيالك مايرجعوا!
عمار كشر: أنتي ايه.. اعوذ بالله.. حاضر.. حاضر.. بس أنتي اللي هتدنيلي المرهم..
فرح ابتسمت ورفعت ايديها بحماس: يلا.. يلا شيلني
عمار رفعها على دراعه وضحك وهي بتحاوطه من رقبته: أنتي مبتعقليش أبدا ماشاء الله
#عمر_بيبتدي
#مشهد_خاص
#FarahElDesoky
