TGK 2: Sealed With A Kiss [Complete]

Chapter 37: "I love you, Kyle."

Happy New Year! Happy 2015! :D

Chapter 37

"Hello?"

"Juliet!" Masayang sabi ko nung sumagot si Juliet sa kabilang linya. "Baliw ka, bakit ngayon lang kita nacontact?"

Tumawa siya sa kabilang linya. "Hey, George! Hirap talaga ng LDR no? Magkaiba kasi timezone natin eh."

Umupo ako sa kama. Malapit nang mag-1 ng umaga. Hanggang ngayon, nasa baba pa rin sina Lyra. Buti na lang panghapon kami pareho bukas kung hindi, pareho kaming hindi magigising sa oras.

"Anong oras na ba diyan?" Tanong ko kay Juliet.

"Magsisix pm. Kakatapos lang ng shift ko. So, what's happening to you there at gustong gusto mo kong makausap?"

"Ganon ba ko kaobvious?"

"Yup. By the way, bakit hindi si Tanya yung tinawagan mo? I'm sure mas madali siyang macontact."

"Ah. May atraso sa'kin yun. Mahabang kwento."

"Okay. Tell me next time. For now, what's up?"

"Si Kyle yung GM nung hotel na pinasukan ko."

"Ano? Kyle? As in yung Kyle na lagi niyong kinukwento sa'kin? The guy you were in love with?"

"Yup."

"And?"

I sighed. "It's weird. Nagkita kami ulit at bumalik kami sa kung ano kami noon. Alam mo yun? Kung pano kami dati, yung kaya kong sabihin sa kanya kahit ano, yung hindi nahihiya sa kanya, yung klase ng pagkakaibigan namin dati. Everything with him has always been easy, easy friendship, easy talks, easy interactions and now, four years later, it still is."

"Ano namang weird doon?"

Humiga ako at pumikit. "Juliet, hindi maganda yung huling pag-uusap namin noon. Galit kami sa isa't isa. Akala ko pag nagkita kami mag-aaway kami ulit. And now we're suddenly okay? It's not supposed to be like that. We were supposed to be bitter!"

"I think it's sweet."

I cleared my throat. "Ano bang sinasabi mo diyan?"

"Kahit pa four years na yung nakalipas, you're still comfortable with each other. It doesn't matter that you've been apart for four years. Alam mo yun, it's like.... you're kindred spirits! Or soulmates!" Napatawa ako doon. Sa kung ano man kasing dahilan, sobrang naniniwala si Juliet sa soulmates. I don't know why and I'm not judging her, but me? Hindi ako naniniwala doon. Hindi ako naniniwalang may nakatakda na talaga sa'ting iisang taong. I think we make our own destinies based on our choices and the chances that we take.