لماذا ياأمي

لماذا يا امي

#لماذا يا أمي
البارت الثامن
بقلمي سهاد الجبورية
راحت امهن...
واجن عمتهن طايرة ع جمارة ليش عيني ليش يمه تزوجين واحد كوه عليج ....
شبي ابني أعور أعرج  ما عنده فلوس ....
عمة فدوة اروحلج   َالي بينه مكفينه هسة انتي مو ردتيني لابنج مو ساكتة اني  ميرضيج هذا....
لا والله صارت زحمة عليج عبالك متفضلة عليه بنت زكية....
  والله يا الله الف وحدة تتمنى قابل ضاله عليج بس كلت بنت أخوية ليش تروح للغرب وتتبهذل المها أني....
عمة منو ذني الف مو قبل شهر  رفضته بنت ام حيدر مو عمامه مقبلون ينطوا من بناتهم...
لأن يشرب
بس اني لا أبو لا أم كلتي ماكو غيرها ع كد أيدي...
هنا عمتها تخبلت عليها من سمعت كلامها أركضي  سحبي صوندة وكطعت جمارة بيها...
أدب سز ام لسان  اني أعلمج لو ما أربيج من جديد وا راويج نجوم الضهر....
واخلي ابني يراويج الزلم شسوي....
ذبت زهرة روحها عليها  وشبعن ضرب وحدة تحتمي بالثانية  بهل الأثناء طب راضي...
صاح عمة ليش تضربين خواتي ليش هيج تسوين بيهن حرام عليج....
ركض ع عمته عضها بأيدها ويسحب الصوندة منها....
رادت تضربه كال الها جربي ضربيني وشوفي ضربة الج ضربه الي ليش هيج سون الج....
شفتينا صغار لا عمة احنه الدنيا ماخلتنه صغار اني بالسلوك كلشي أشوف وكلشي اسمع وكلشي تعلمت....
صاحت عليها امها تعالي ولج بدرية ما بيه أكوم....
عوفيهن ولج  هي جم يوم ومأخذتها  وعود علميها يمج....
   سلطان راح لشيخهم  وكله شيخ داخل ع الله وعليك هالبنية أريدها من فلان عمام البنية  يردون يز وجها غصب واني شاريها وهيا شاريتني....
كال يبوك إذا البنية منتهية سالفتها  ما مكدر ندخل َانت  تكول راحوا اهلي ورفضوا طلبنا...
بس تهون راح اروح لشيخهم  ما تروح لبيت البت  انت الغالي ابن الغاليَ.....
ثاني يوم شيخ عشيرة سلطان التقه  بشيخ عشيرة جمارة...
وكله احنه دايسين بساطكم وطالبين القرب منكم....
    دز الشيخ ع ابو سعد و َسعد
  رفضوا وكالوا البنية باجر نعقدها وبعد اسبوع نزوجهم يردون أختها الا صغر منها عادي ليش لح ع الكبيرة مو اجن النسوان ورفضنه طلبهم ...
  كال سلطان رحم والديك شيخ ما قصرت وآلله يسعدهم  كامو يتصافحون حتى يرجعون لبيوتهم....
صافح سلطان سعد وسلطان وده يذبحه تقرب سعد ع سلطان لا عبالك ما ادري  واحد عاشك الثاني بس راح اعبرها بمزاجي...
وصدك لا أحبها  ولا أريدها بس عجبتني ريانه....
  رد عليه سلطان. إلى يحجي ويوصف وحدة صارت عرضه هذا ديوث مو زلمة....
وخصه كدام الي جاي يخطبه ومنافسه بيها....
الله لايوفقك ويحميها منك
سلطان نفض ايده منه  وطلع....
ما رجع للبيت ضل يمشي الليل كله بالشارع مايدري وين يروح  ويفكر بيها هذا شراني ويدري  اكيد ما راح يعديها الها....
شلون اروح أخذها واشرد لا لا ...
راح  تتأذى واني ما أريدها تتأذى ربي سلمتها الك تحميها  من كل واحد يريد بيها سوء....
اما جمارة كطعت الأمل  وعمتها بذاك اليوم نغصت عيشتها وكل شويه وصاحت مو جديدة عليجن التمعشق...
أما هيا ما قبلت تلتقي لسلطان بعد رغم أن طلب من زهرة لمن شافها صدفة رايحة الخياطة وسالها عليها يريد يشوفها ويحجي وياها...
  زهرة كالت إله الله يساعدها ع الضيم إلى راح تشوفه جمارة ليش عفتها ليش تركتها والله اختي خطية...
  زهرة اني ما عفتها اني حاولت وحاولت وكم مرة رجعت ع الشيخ وامي كم مرة اجتكم وما قبلوا.....
اما أخذها وا؛ شرد ما اكدر اسوي هيج. سلملي عليها أمانة الله ورسوله وهاج هذاه الكلادة تنطيها الها جنت اجمع فلوسها واشتري حتى تجيبها الها بالنيشان....
بجت زهرة ع حال الاثنين....
أعذروني اليوم البارت قليل. كوة كتبته مشغولة