بقلمي سهاد الجبورية
البارت الاول
الجزء الثاني
لماذا يا امي
شلونكم حبايب قلبي اسفة منكم وتاخرت هواي عليكم
بس ضروف منعتني
وإن شاءلله اكملها الكم
وتصعد بتعليقاتكم الحلوة وتصويتكم
كلكم تعرفون اني قمر بنت جمارة الله يرحمها...
والي ربتني خالتي الي عندي اعز من الدنيا كلها ....
بعد وفاة بيبي أم عمو محسن زوج خالتي
.....
خالة زهرة كانت تخيط عبي النسوان المنطقة وكعدت يمنه. مرة من الريف ...
انتقلت للمدينة لان عدهم مشاكل بالريف المهم علمت خالة ع الغزل...
تأخذه منها تبيعه وتجيب الها فلوسه ومشيت حالنا اولادها صارو ا يشتغلون ويدرسون بنفس الوقت ...
تقريبا ماشية حياتنا اني كبرت صرت بالاعدادية. اليوم اجيت لكيت بيبيتي يمنه ....
استغربت سنين صار ما جايه شكو اليوم دخلت لغرفتي ابدل اجت خالة زهرة....
يمه بدلي وتعالي سلمي التفتت عليها يمه شكو جايه شعدها شذكرها بيه...
عرضت شفتها الي وكالت لخاطري جايه تشوفج.....
ما اكدر اكسر كلمتها رحت سلمت من ورا خشمي ...
بيبيتي كالت ما شاء الله كبرانه وصابرة تخبلين ...
رديت عليها أي وصايرة أشبه امي الله يرحمها ....
شفتها انعفس وجها اي وعفستهم كملت كلامها ويه خالة زهرة ...
زهرة إني جايه اريد اخذ قمر تعيش ويانه ردتها خالتي وليش عمة تعيش وإياكم....
ربيتها من هيا وزغيرة. محد سأل بيها. ولا ذكرها لابيبيه لاجد لاأهل وهسة لمن صارت شابة حلت بعينكم....
اني بس اسمع
بيبيتي اي حلت بعينه وانتي عندج ولد وشبوا ما شاءالله وخاف يصير ميصير لو نسيتي امج وأختج ....
كافي عمة لاتجيبين اسم أختي ع لسانج راحت لربها وتشكي ضلمكم وجوركم عليها وربج ميضيع حق بشر حشى وهسة بيتي يتعذرج...
بيبي..
زهرة كسري الشر وانطيني البنية اذا اجه عمها ميصير خير ...
هنا حجيت اني ياعم هذا الي تحجين عنه ها اني ما اطيق اسمع اسمائكم مو دوراعيش وياكم اني ما أعرف أهل غير خالة زهرة وعمو محسن وامه الله يرحمهم ..
ولد خالة الي خايفة عليه منهم ذولةاخواني وازغر مني ترى اني الي ربيتهم ويه خالة صح طفلة زغيرة جنت بس كلشي أعرف وكلشي علمتني خالتي...
اني طالعة يا زهرة وقمر بس راح تتندمن هواي ....
راحت بيبي واني حضنت خالة وبجيت لان اعرفهم يسوها فعلا لليل. اجه عمي ...
صار صياح اني وياه وخالة الي صار انضربنه اني وخالتي وسحبني ذبني بالسيارة حتى ولد خالة خطية ما كدروا....
وصلنه لبيتهم ....
واول ما طبينه شفت الابتسامة الخبيثة بوجه بيبيتي وأكلت كتله معدلة من عمي ومرته رادت تخلصني انكتلت وياي....
ونهايه المطاف محبوسة بالمخزن بلا أكل لمن اتأدب حسب كلام عمي وبيبيتي....
بقيت الليل كله اون وافكر وين دلال خالتي وين هنا من اول يوم لا من اول لحضة شصار بيه...
وثاني يوم اجت خالتي تتوسل تريدني وهم انطردت وماكدرت اشوفها ماخلوني اشوفها......
تجي مرة عمي تدخليلي الاكل وهيا الي اخذتني غسلتلي....
