#لماذا يا أمي
البارت السادس عشر
بقلمي سهاد الجبورية
مساء الانوار عليكم حبايبي أسألكم الدعاء الي ولجميع المرضى بالشفاء...
المساند بيدي ودا اكتب لأن انتو عزاز عليه.
دا اكتب بالليل وما ادري نمت كعدت لكيت محذف وخرب واهسي 😭
زهرة
الكل مجتمع يمنه والأجواء مشحونة والعصبية واني كاعدة وسلامة رجليه ع صدري أخاف اتحرك من مكاني...
با وعت لبيبي تغمض وتفتح حلكها مديور....
جبت مي. وركضت يمها شربتها المي يوكع من حلكها صحت خالة بيبي ما اعرف شبيها اجوي يركضون ولد عم بابا وعمتي وخالتي وابنها ....
رادوا يكوموها ما كدرت تكوم شالها ابن خالتي وطلع هو وعمتي وزوجها أخذوا بيبي وركضوا للمستشفى بسيارة ابن خالتي.....
وعمة من طلعت كالت إذا بيبي بيها شي اموتج..
بجيت اني شعليه يارب انت اعلم بحالي وضعفي وقلة حيلتي...
أن شاء الله بيبي ما بيها شي ضلينا نترقب بقلق...
خالة كالت هاي جلطة من القهر المرة جبيرة وما تحملت الصدمة
بجيت عليها...
وبيني وبين نفسي بقيت ألوم بجمارة شلون تركتني وحدي و تدري شراح يسوون بيه ...
راح يبقى الضغط عليه ويعتبرون اعرف أو ساعدتج وكلت أمري لله هو يحل هل المصيبة إلى وكعت علينه ...
راحت خالة سوت غدة للناس الموجودة واحنه ننتضر العصر اجه محسن ابن خالتي...
رحت اركض شفت بعينه نضرة ألم واسى ع الحال إلى صرنه بي...
كتله بشر وين بيبي كال ضاربتها جلطة ودخلوها الإنعاش وتعبانة زهور ي حظري الها ملابس اخذهن...
رحت ألم ملابسها ودموعي ما وكفن اي زهرة بعدج بهذا العمر وشبعتي هم ودموع باقي عمرج شلون ....
بجيت لأن مهما مايكون بيبي هيا السكف الي يلمنه اني واخوية الي من الصبح لهسة بس يبجي وما بأيده شي يسوي...
انطيته ملابس واكل لعمتي لأن حتبقى وياها...
خالتي بقت يمي رحت للغرفة طلعت الورقة إلي تركتها. جمارة إلى جوه المخدة اتلمس خط ايدها وابجي....
بقت بيبي عشرين يوم بالمستشفى ومن طلعت عمتي كالت أخذها وياي لبيتي هنا حسيت نفسي صدك يتيمة....
خالة كالت اخذج وياي بعدين بيبي ام امي خابرت كالت جيبيها يمي....
رحت مجبورة وين اروح جمعت ملابس إلي ولراضي وقفلت البيت اول رحنه لبيبي شفناها تعبانة كلش شبكتني وتبجي.....
وبعينها الف كلمة لأن متكدر تحجي بوسعها وطلعنه....
اول ما وصلنه بيت بيبي انقبض كلبي لأن اعرف معاملة نسوان خوالي وياي هن من البداية ما يطيقنا....
سلمت ع بيبي اجت مرة خالي عود سلم جان تكول شوفي عيني انتي اجيتي لا تختلطين بناتي معليج بيهن ترى اخاف عليهن وابوهن من سالفة اختج لهسة شاد ويانه.....
سكتت ودنكت وجهي شأريد اكول يعني...
جمارة ....
وصلنا بغداد دخلنا لبيت صديقه لكينا محضر السيد عقدنا وكال سلطان نطلع بسرعة منبقه طلعنه وطول الطريق قلقة خايفة افكر شصار ورايه لكوا الرقم عند زهرة لا يلحكوني لا باوعلي سلطان....
كال شبي حبي الحلو شو ضايج ليش لج اني هسة حسيت نفسي ملكت الدنيا لج ما مصدك صرتي بأسمي جمارة صارت مرة سلطان....
كتله سلطان خايفة كال افا يم سلطان وتخافين لو اعرف نفسي اموت ما اخلي احد يأذيج اني تبسمت كتله أن شاء الله...
كال أن شاء الله حبيبي خل نتغده نامي طريقنا بعيد نمت بعد ما حسيت غير كعدني كال يله حبي وصلنه نزلنه قمر نايمة دخلنه للبيت خليتها بالصالة... انداريت حوطني بذراعه همس يم اذني مبروك علينه يا روحي انتي شكد جنت اتمنى هذا اليوم.....
شالني وصلني للغرفة شمرني ع الجرباية باوعت الغرفة حلوة لونها ابيض وذهبي البردات بيض الزولية بيجي ورود ع الحايط وصورة معلكة. بيها اسمي واسمه ونفاخ بالسكف الفراشة بيضة وبيها ورد كبار ذهبي كلشي حلو....
سألته شوكت سويت هذا كله كال من اجيت اسبوع هنا كتلج راح ادور مكان وارجع ...
با وع عليه هذا كله وما استاهل بوسة لوشكرا كمت إله بسته بخده ودرت اريد اروح سحبني إله كال وين....
خجلت منه كتله انطيني مجال بس اروح اسبح وارجع رحت سبحت وعطرت نفسي فتحت شعري تمكيجت لبست سيت نوم ابيض اشترى الي سلطان بالطريق.....
وصلت لباب الغرفة اريد افتحها واتردد حطيت ايدي ع اليده مالت الباب اريد افتحها فتحها سلطان سحبني كام يصوفر ويفر بيه كال دقايق اسبح واجيج
كمت فتحت العلاليك طلعت العشه....
رتبته بين ميطلع علكت الشموع وطفيت الضوه دقايق وطلع....
اكلنه شبت الصينية أخذها من أيدي وكال الأميرة متشتغل ويباوع عليه احس عيونه كصتني كص رجع للغرفة ...
صلينه امتلكني بكل حب وحنان وقارنت الفرق بينه وبين سعد دعيت الله كون ميفرقنه ونعيش حياة سعيدة.....
