سلام عليكم حبايبي
البارت٢٣
بقلمي سهاد الجبورية
زهرة......
مرت ايامي نفسهن مابين جديد تعب وشغل. وخباثة خولة وأم حازم عليه وحازم من يوم عرف حامل بعد ما تقرب ولا دخل غرفتي وهو وخطيبته مشاكلهم صارت كلش هواي.....
ويطب يطلع عصبي ويدور الزلة عليه بس اني ساكتة ابد ما احجي اسوي الشغل إلى عليه اطب للغرفة حتى اكل ما اكل وياهم.....
فاض بيه الحنين لخالة ولقمر ولمحسن ماكو غير ذولة اشتاق الهم رحت لام عون اتوسل بيها تقنعه اروح حتى لو نص ساعة وبجيت بحركة....
طبطبت ع متني وعدتني تحاجي اليوم من يجي وتخلي الحجي والحجية يتأثرون عليه هم...
سألت ع خولة وأم حازم عرفت خولة اليوم رايحة لأهلها تشوف امها مريضة واحتمال تجيبها هنا كم يوم.....
طلبت منها اتصل لأن ماكو احد بالبيت وحتى خالة تجيب قمر يمها واشوفها وافقت......
دكيت رقمهم ودعيت من الله انو محسن ما مو جود و لو موجود كون مو هو يرفع السماعة ويه كل رنه كلبي يدك عشرة شوق وحنين وشكوى بداخلي بس الله يعلم بيهن....
بين صفناتي انرفع السماعة وصوت الو خطف كلبي وروحي ما كدرت انطق ولا كلمة سمعت صوته شلون ناس فارغة إذا متردون تحجون شكو تتصلون.....
قبل لا يسده صوت شهكاتي وصلت اله صمت وترقب ساد بينه كسره بالو منه أشبه بالهمس منو زهرة كتله الو بجي صيحلي خالة عفية......
شوية ورجع حجه خالة تردين تحاجيها بس الها واني ع الاقل سلام اني ابن خالتج......
شلونك محسن مو زين كلبي يوجعني ومكسور والكاسره منه بيه وعافه بدون ميجبره لا اكدر احقد عليه ولا اكدر ما احقد عليه شفتي شلون حزورة.....
تعاله صوتي بالبجي ورديت عليه الله يخليك ما اكدر أطول بالحجي ليحسون صيح خالة .....
ما رد عليه وأجاني صوت الحنية يجوز تكولون ابالغ بس ما ابالغ من اكول احب خالة أكثر من امي صاحت يمه بنيتي زهوره شلونج شلون صحتج....
واني ابجي وهيا تبجي خالة ليش متسالين عليه متخابريني تنهدت وبجت يمه اجني اخته وأمه وخالته لسلطان الله يرحمه....
وحذرني اتصل أو اجي وننسه عدنه بنيه اسمها زهرة بلغتها باجر احتمال اجي وأكدت عليها تجيب قمر يمها،،،،
بعد السلام والسؤال ع الأحوال وصتني أدير بالي ع نفسي وباجر من تجين تسولفين الي كلشي وعدتها ودعتها بأن شاء الله...
اجه حازم وأهله واني افتر بالغرفة حتى ما اكدر اكعد الا ان طبت عليه أم عون وهيا تضحك.....
كعدت يمي وتحجي يمه منك يا حازم اني قبل لتكمل عيوني صبت دمع عرفت رفض كملت كلامها يمه اني وجده وبيبيته كوه قنعناه ترحين الصبح تجين العصر...
ركضت ابوس بأيدهاوادعيلها مسدت ع راسي كومي يمه الله يريح ويهديهم عليج....
كمت ركضت الهاخالة فدوة لعينج حفي وجهي حفتلي وكملت رحت اسبح اباوع بطني بدت تبرزت.....
حاجيته حبيبي سواء ولد او بنت ما راح اخلي احد ياذيك من اولدك اخلي أصابعي بعين إلى يا يمه لو ينتقص من عدنه حتى لو الصبح انضرب والعصر انضرب.....
بيومها ما كدرت انام من الفرح انوراح تقابل انسان يفهمك حتى محسن ما فكرت بي خليته بكلبي لن شاء الله أنه مننجمع الله يوفقه ويلكه بنت الحلال....
كمت اريد اروح لأم عون اكعدها حتى نتريك ونروح ويه ما كمت دخل هو جفلت وبداخلي كلت اكيد ما راح يخليني اروح .....
مد ايده يجيبه وانطاني فلوس هاي خليهن عندج واخاف تحتاجين شي رديت ما أريد مشكور....
خزرني ولزمني من فكي وتقرب يم اذاني اخذيهن وتكفي شري لا اطلع نار كلبي كلها بيج....
من الخوف اخذتهن وسكتت كمل كلامه يلا بسرعة اوصلج انتي وعمة ام عون.....
حتى اكل ما اشتهيت اكل جنت اتمنى انزل بالسلوك اشتري ملابس وشغلات لقمورة فدوة لعيونها شكد مشتاقة الها....
وصلنه لبيت خالة نزلني وراح هو ومرة عمه حتى ما نزلت وياي بكلبي كلت. شكو جابها لعد ويانه....
بعدين عرفت منها ماخذه تقنع خطيبته وتبين الها هاي آخر محاولة وياها وإذا ما قبلت يفسخ الخطوبة
دكيت الباب و طلعلي سلطان بقت عيونه بعيون بعض ونسينه الناس والدنيا لا اني حجيت ولا هو حجه....
حتى ما ادري بنفسي ابجي وهو عيونه مدمعة لحد ما نبهنه صوت خالتي وقمورة تجر بي تريده يشيلها....
دنكت عليها شلتها وابوس بيها
سؤالي طريق دخلت اركض شبكتها وبجينا اثنين وبناتها هم هنا هذا كله وهو واكف بالباب وعينه ما نزلت من عليه .....
وتحجي الف قصة وقصة كمت وياهن بالمطبخ ما خلني اسوي شي بعد الغده رحنه اني وخالة لغرفتها وقمر ما فاركتني حبيبتي....
سولفت لخالة كلشي من اول يوم دخلت لبيتهم لهسة وهيا تبجي وياي دخل محسن تفاجأت عيونه حمر صاح سمعت كل كلامج والله لروح أحركهم حرك وشيصير خل يصير ....
راد يطلع ركضت ورا كتله دخيلك اني حامل لتسويلي مشاكل سكت وتحسر وصاح والله ورا ورا لحد ميطلكج ....
صار الليل ورجعت للبيت لكيت الوجوه مكلوبة سلمت الكل رد بس ام حازم وخولة ما ردن....
ام حازم اجت وراي للغرفة يله يا المسعدة كبل للمطبخ المواعين اغسليهن والملابس هم ....
رحت واني ساكتة مواعين يمكن مالت اليوم كله ما مسغولات غسلتهن وعزلت المطبخ وغسلت ملابس احس ضهري انكسرودخلت للغرفة انام ....
صار عليه ٥ أشهر واخيرا بعد محا ولات وتوسلات من حازم وأمه ولم عون آخر مرة من راحت وياه رجعت علاقة حازم بخطيبته وراح يتزوجون.....
وباجر حنته كعدنه من الصبح البيت مخبوص أ قاربهم وناس كومه من غير محافضة والذبايح....
اجتني ام عون قبل.يوم تعالي أحف وجهج ما قبلت تنهدت يمه لا تخليهن ياخذن نضرة انتي المكسورة الضعيفة هواي نسوان راح يجن ....
بجيت خالة اني شنو لعد مو مكسورة وضعيفة وكل الي يكوم يحجي عليه تالي قنعتني حفيت وانطتني ثوب حوامل كصته لفة من الصدر وكسرات من جوه الصدر......
اجت خولة شو كومي ثرميي البصل الله لاينطي إلى ما خلانه نفرح سوينا عرسه سكتة لأن سنة سلطان سودة عليه ما دارت بعدها....
سكتت وكعدت اثرم لم واسمع همس النسوان يا هاي الفصلية وحدة تكول اي هيا اخت نفس البنية الي شرد وياها سلطان. بس حلوة....
والهمس والمز اسمعه ومتحمله طب للمطبخ يمشي والفرح مبين وكامن أقاربه تباركن إله وقسم من النسوان الكبار بوسنه انقهرت لعد ليش اني انحرمت من كل هذا و هم انحرمت من حبيبي......
شوية وطلع لابس قاطه وعطره يسبقه وكف كبالي شو ما تباركتي إلي أم ابني.....
كمتت كوه طلعت الكلمة من عندي مبروك فمهما ما يكون يسمه زوجي وكنت اتأمل في يوم يعتبروني فرد من هل العائلة ضحك وراح....
صارت الزفة والعشه و دخلوهم غرفتهم شوية وطلع يسلم ع الزلم اجت ام حازم صاحتلي تعالي العروسة تريد تشوفج......
رحت وياها لغرفتهم شفت الغرفة شكد حلوة ومرتبة وعروسته هم ما قاصرة ....
اجت افترت داير ما دايري وضحكت ههههههه اكول ما كدرتي تخلي ينساني أو يستغني عني وهسة يلا شيلي المي الي غسلوا رجلينه بي صاحت خولة لا وين تروح تسحر الكم بي فاضت بيه وكلتهن حسبي الله ونعم الوكيل....
ويه طلعتي شفت جده وابو ولد عمه دا يزفوا عليها باوعلي وكفت كباله بدون خوف وكتله خاوفوا الله بيه ادري فصليه بس مو سحارة ولا ماذيتكم من دخلت لهسة واذكرك قبل شوي كلت ام ابني وأعتقد هاي تكفي ضل مصفن ......
محسن......
من يوم ما أجت زهرة بنت خالتي للدنيا واني شلتها بأيدي اني هم جنت زغير كالت خالة هاي الك محسن....
رغم طفل خجلت بس هيا نكعت بكلبي ويوم ورا يوم اباوع الها شلون تكبر وأوصى امي عليها انضلمت هيا وأخوته الله يرحمهم وتاذوا هواي.....
ومن اجت يمنه كلت هاي هيا راح أنهى عذابها وتعبها راح تصير زوجتي وادللها واعوضها عن كلشي واصير اب وأم الها لكن من التحقت ورجعت عرفت راحت فصلية وهالشي دمرني....
كسرت الغرفة وصيحت وبجيت وردت اروح أبويه منعني وحتى ضربني بقيت اسبوع مصخن ومريض وحتى اكل ما اكل انعزلت عن اهلي وأصدقائي وبعد اجازتي مخلصانه رجعت لوحدي....
ما كدرت انساها ولا لحضة حبيتها كلش لحد ما اجت عدنه وراحت هيا وامي للغرفة ورحت اريد اسمعها مرتاحة لا وسمعت العجب رحت اريد اتعارك وياهم وكفتني وتو سلت بيه اسكت لأن هيا حامل....
بس حلفت اخلصها منهم بس كون ترجع تجينا واحثها تطلك منه....
شراح يسوي محسن وهل الأقدار تجمعهم أو راح تعيش زهرة طول عمرها مهمو مة الفديو لسان حال محسن لزهرة
تصويت وتعليق ليش بخلاء وياي
