مسائكم خير وبركة أسفة تأخرت عليكم هواي بس ما اخرني الا الشديد القوي رغم صحتي بعدها مو تمام لكن الحمد لله احسن صرت وكلت خطية تأخرت هواي عليكم بكم ارتقي كثروا تعليقات وتصويت حبايبي
#لماذا يا أمي
البارت ١٣
بقلمي سهاد الجبورية
اول ما وصلنه للبيت دخل سعد مثل الثور الهائج ولج منو وصلكم احجي يا عاهرة يا......
وغلط ما أنزل الله به من سلطان
اني حتى ما مستوعبة شبي ....
ولا اكدر احجي تعبانة ودايخة كتله شنو منو وصلنه شبيك ترى اني وصلت الموت...
هجم عليه ع الجرباية خنكني ويصيح عساج بالموت أن شاء الله واني راح اكتلج بيدي....
حسيت هاي هيا راح اموت حتى شاهدت....
دخلت عمتي بهل الأثناء تغلط عليه وتصيح ولك البنية طرحت ولك تعبانة وخر عنها....
إله ضربته أمه وعضته إله وخر بقيت اكح اريد اتنفس ما اكدر وعمتي غسلت وجهي وشربتني مي وطردته...
بس هو ما طلع بقه كاعد بالغرفة اني ورا ما ارتاحت كلت بيني وبين نفسي ليش جمارة تسكتين هو انتي مكتولة مكتولة عاد احجي انطي الكلمة بعشرة وين راح لسانج وهسة انطي كلمتين بالعضم....
باوعت إله كتله انته من تحجي عليه واجيت ضربتني انت وين جنت حاير بنفسك ونستك وكح.....
الغريب بيه غيرة وحمية احسن منك ركض بينا للمشفى وانتضرنه ورجعنه للبيت بلا مقابل وانت وين والصار كله بسببك...
مكلت زوجتي حامل ماكلت وكعت وتخربطت منو راح يحير بيها وتعرف هالوقت محد بالبيت بس اني وامك بس تعرف احمد الله واشكره راح الطفل عاد وحدة تتحمل العذاب وياي ولا يصيرون اثنين ثلاثة...
هو تخبل اجه يهجم عليه دخل ابو صاح بي وكله اطلع من الغرفة كلامها كله صح....
طلع من البيت كتله بكلبي روحه بلا رجعة أن شاء الله تعبت منك وتعبت من الإهانة والضرب....
بقيت بغرفتي اجن بيبي وز هرة بيبي تباوعلي بنضرة مثل المتحسفة وندمانة وافقت بزواجي من سعد واني بكلبي اكول ميفيد الندم ما وكفتي وياي وقبلتي أخذه بس كلكم تخليتو ا عنه من امي الي المفروض هيا أقرب الناس الج وحتى بابا راح وعافنه....
زهرةكلت لبيبي بيبي اختي أخذه ما اخليها كل مرة تموت جوه ايده والله يحيها أخذها يمنه من يصير آدمي ترجع وبقن يمنه للعشه....
و زهرة لمت ملابسي كلها وملابس قمر وسندتني وكفتني شوية ونسمع هوسة وصياح بالباب ،،،،،
طلعوا كلهم شوية وسمعت عمتي تصيح وتلطم وبيبي هم كانت تصيح طلعنه اني وزهرة واشوف سعد دمه من راسه لرجليه وحتى بعده يقطر ع الارض...
سعد متعاركة بالبار وضاربي ع راسه ضربه خطفت حياته هذا الإنسان رغم تكبره وقوته لكن في يوم ما ولحضة ميبقى منه غير اسمه وكلمة الله يرحمه....
اني مشاعري متخبطة ما ادري أبجي ما ادري شسوي بقيت بس صافنه بعدين بجيت ع بنتي الي ماشافت شي منه حتى مجان يبوسها ويشيله مثل الآباء ما شافت شي حلو منه .....
معقولة من دعوتي عليه مات انجمعوا أهله وعمامه واخذوه غسلوه ودفنوه وعمتي حالتها حالة.....
بقت بيبي وزهرة يمنه طول ايام الفاتحة اني بس صافنة ودموعي وحدها تنزل بعز إلي احنه بي واسمع النسوان تكول والله خوش بنية مو مثل امها...
شكد جان المرحوم مو زين وياها ومأذيها بس صبرت وهسة تبجي عليه وحالتها حالة ....
والثانية تكلها اي والله وامها عافت رجال معدل كلنه جنه حاسديها عليه رغم ماعنده ومدللها بس كلنه نعرف زكية طماعة ومتشبع....
اوف اني أبجي ع نفسي ع بنتي ع شبابي ستوني ١٤سنه وترملت وعندي بنية...
وشوف الناس متترك البشر لابفرح ولا بحزن اني متأكدة نفسهن إلى هسة ديحجن ع امي لو طبت هسة عليهن راح يكومن ويسلمن عليها بحرارة وراح يكولن الها حقج عيني انتي لا اول ولا اخر وحدة تزوجت ثاني مرة لأن الناس متناقضة....
خلصت ايام العزا وخلص السابع وقررت ارجع ويه بيبي وزهرة والطفلة ما احرمها من أهلها ....
تجي عمتي تشوفها واني أخذها واروح لزمت عدة عند اهلي بيوم إلي رجعنه اجتي امي عجيبة عود امي هم عدها عاطفة وهم تعرف الأمومة شنو...
اول ما طبت اني ودي اضربها والله كتلها اجيتي قبل مرة من ردت ازوج وطردتج و َكتلج ما أريد اشوفج....
هسة ذكرتي عندج بنات شتعرفين عنه تعرفين شنحب شنكره مرتاحين لا شلون عشنه....
طلعي ومنا لمن اموت ما أريد اشوفج انتي مو ام تعرفين شنو مو ام ومو صار عندج ولد وبنية ( امهم جابت توم) شلج بينه انتي من البداية بعتينه بس نصيحة مو هم تعوفيهم ودورين واحد غير ابوهم هيا بجت وطلعت....
واني وزهرة شعدنه غير البجي والنوح زهرة يحبها ابن خالتي....
وأعتقد هيا هم تحبه بس زهرة متخوفة من الرجال اصلا مطيقهم بس ما اعرف شلون كدر يخطف كلبها وادعي الله يتمم عليها بالخير وترتاح مو مثلي.....
اجتنه ثاني يوم خالتي وسولفنه الها ع امي كالت اي من عدكم اجت لبيبي وتبجي وخوالج ونسوانهم يواسوها....
بس اني ما سكتت كوتلها ع شنو تبجين انتي دمرتيهم واي شي يصير بيهم انتي تحملين ذنبه....
ورجعت لبيتي حتى ما بقيت يمهم كلت لبيبي غير يوم اجي اشوفج....
وكلت لزهرة زهور كلبي كلاص مي واستكان جاي...
التفت إلي خالتي كالت يمه نريد زهرة بس مو هسة خطية خل تكبر شوية بعدها هو يكول يمه منتصير ١٨ إله نزوج.....
بس ما اضنه يصبر كتلها خالة الله كريم والله هو والنعم منه الله. يسعدهم أن شاء الله....
بيوم أخذت قمر للمستوصف واني بطريقي شفت سلطان اوف مدري شصار بيه كبران بس الكبر محلي أكثر ما خليته يشوفني اكيد هسة مزو ج وعنده صار أطفأ ل ما أريد يشوفني وخاف يحاجيني مشيت سريع ودخلت المستوصف .....
ارائكم هل جمارة وسلطان راح تجدد مشاعرهم إلى نضمرت بسب زواج جمارة
