لماذا ياأمي

#لماذا يا أمي
   بقلمي سهاد الجبورية
البارات السادس٠
مساء الخير عالجميع
  جمارة....
بينها وبين نفسها أو شتريد مني اكعد واكابل ابنها...
اندارت ها عمة اريد أروح أساعد زهرة...
كالت لا تعالي زهرة شاطرة ومتحتاج مساعدة..
تعالي عندي حجاية وياج  كعدت جمارة يم بيبيتها  َحجت عمتها.....
جمارة  اني اريد أخطبج لأبني هذا كدامج  حتى تشوفي واكيد ما عندج مانع....
بسرعة صدت عليه وشمئزت منه تعرف بي عند سوالف مو حلوة ويشرب َ....
ودوم أمه تشكي منه  وصارت كبالها عيون سلطان الجوزية إلى أسرت كلبها  ورموشه الطوال  الي جنهن قوس...
كلشي بي حلو  حتى إثر جوية الجكارة بأيده مركزة عليه وتحبه...
شنو. وشلون وشتكول  شلون تأخذ سعد الشراب...
وتعوف سلطان معناها نهايتها موتها....
نبهتها عمتها ها جمارة وين وصلتي شبيج...
ها عمة لا لا اني بعدني زغيرة وكامت...
كامت وراها عمتها جرتها من أيدها حيل تعالي ولج بت زكية ال.....
أستغفر الله يا لساني  شنو لا شنو زغيرة دشوفي جسمج الي يشوفج يكول عمرها ١٥ لو ١٦ مو ١٢....
وبعدين اني بكدج زوجت  زوجي حتى بزرج. يكبر وياج  جمارة بس دموعها....
غركن وجهه  وهيا تصيح لالا وتسمع عمتها شنو تحجي بس صورة سلطان كبالها....
وشلون راح تكله  وشنو راح يسوي  وهيا تعرف ماكو مفر من هذا الطلب.....
  عمتها صاحت بيها لج  اسمعي ليكون عاشكتلج واحد   اي بزر البط عوام عليمن طلعن امجن منو....
زهرة الي ملتهية أو مسوية نفسها ملتهية بشغلها بس دموعها تصب عشرة  عشرة....
  شنو ذنبنه أحنه أمنه مو خوش أم ما كملت مشوارها ويانه وعافتنه....
أضافة للكره إلي يزيد بكلبها ع أمها...
اسمعيني جمارة اصلا هيج أني سالتج وكبرت راسج  انتي طفلة كلشي متفتهمين  اني اجيت ابلغج بس  بعد  يومين يرجع أبو من السفر  ونجي نعقد الكم ورأس الشهر العرس...
  فلتت جمارة أيد عمتها وراحت للغرفة دموعها غركن مخدتها  وهيا تلعن بأمها وحتى أبوها سبته....
وبالها كله يم سلطان شلون راح تكله  لو أعرف اشرد وياه لو أكتل نفسي ولا أخذ هذا....
أي أي  اروح لسلطان وأكله نشرد بس ميقبل هسة يحجي عليه     لا لو يحبني صدك يقبل  شوكت يصير باجر وأروح....
جمارة حتى للغدة ما طلعت ولا طلعت من الغرفة...
بعد الغده أجن بيبيتها وعمتها  كالن الها عود حسبالج  إذا ما طلعتي لو ما تغديتي    شنو نكلج بكيفج براحتج...
لا عيني لا وها طلعة للسوك ما سوك ماكو بعد باجر العصر جاية اشتريلج الحلقة..
اي لأن ماعنده وعود بالعرس البسج ذهبي...
باوعت الها جمارة حسبي الله ونعم الوكيل.....
ودارت وجها  انته اليوم  بقهر جمارة وزهرة  شبكت اختها بالليل وتبجي....
   جمارةاسمعيني زهرة اريد ج تساعدني باجر لازم أطلع وبيبي متحس بيه...
زهرة  عزه وين يمصخمه اروح لسلطان أكله إذا قبل نشرد ما أرجع...
لطمت ع صدرها  زهرة لا دخيلج جمارة يرحون يكتلوج كالت الها لا   ميكتلوني بس انتي ساعديني...
ما نامت عيونهن  اثنينهن صارت  الساعة سبعة الصبح باوعت زهرة منا منا...
بيبيتها نايمة أخوها  طالع  أشرت لجمارة  ركضت....
زهرة   شبكت  اختها بالباب وتبجي لاتروحين بعد مترجعين لاتعوفيني جمارة....
   جمارة مو أقل ألم  وحركة  كلب من زهرة  كالت الها الله كريم أدعيلي....
وراحت  وصلت شافته بوجه الحلو  البشوش شلون يتعامل ويه الناس....
تقدم رجل وتأخر رجل شتكله  يارب ساعدني...
لمحها تمشي بس شبيها  مو  هذا الوجه إلى كل يوم يشوفه ترد إله روحه...
تعبان شاحب  عيونها وارمة  حس أكو شي وهيا ضلت واكفة بمعنى تعال عندي كلام وياك....
صاح  لصديقة حسين حسين عينك ع المعاميل شوية وراجع....
وطلع بدون ميرد شريكه عليه فات من يمها كال الها لحكيني....
  يمشي وهيا تمشي  لمن طلعوا من للسوك كله  اكو حديقة  دخل بيها  دخلت ورا....
  بسرعة التفت الها  شبيج يا روحي صاير بيج شي....
هيا  دموعها نزلن   وباوعتلها كأنوا تريد تشبع شوف منه ...
كال سلطان جمارة احجي كلبي بعد ميتحل ليش هيج حالج...
   كالت إله البارحة عمتي.. خطبتني واليوم تشتريلي الحلقة وبعد اسبوع نعقد ورأس الشهر نزوج....
كالتهن كلهن مرة وحدة وهيا تناشغ  هو حي شي اخترق كلبه مو مسامعه ....
حس كأنما واحد قسم راسه نصين ....
شنو هذا ومنو  ومنين طلعلي وانتي قبلتي...
سكتت ردي  صوته عله  عيونه صارن حمر من العصبية...
لا تسكتين أحجي ولج اخ الله  ولج بردي ناري....
هيا تبجي عليه وع حالها  رفضت رفضت بس...
بس شنو ها شنو عمتي رزلتني وعيرتني بأمي وكالت مو بكيفج ابوجن مات وامجن داحت ويه رجلها كل يوم بدولة.....
وكالت اني بس لا عاشكة وهسة لاتلومني اني جايتك تخلصني مو تصيح عليه....
اني خليت كدامي حلين لو اكتل نفسي لو أشرد وياك....
سلطان عاقل ورزن من سمع تشرد   خزرها كال الها اني مو قليل اصل وانهبج.....
اني أخذج بالاصول  وكلمة اكتل نفسي لاتعيديها...
ربج كريم ويفرجها علينه هسة راح اوصلج لبيتكم والعصر ا دز  أمي واختي عليكم....
  مشوا اثنينهم ساكتين حست سلطان راح ياخذلها وبس يريد يسكتها ....
وجان يضحك عليها حاله من حال غيره....
وهو يمشي ويحسب شلون  خاف تروح منه خاف مينطوها....
زهرة جابت  الريوك   وكعدت مرتبكة....
والعروسة الزعلانة لا تغدت ولا تعشت وينها...
  كومي كعديها  زهرة بيبي متريد كعدتها  شنو متريد كايمة الها اني...
ارتعبت زهرة لا بيبي  اكعد ي انتي مابيج تكومين أني كايمة....
راحت زهرة للغرفة شلون يا ربي  رجعت بيبي عوفيها كالت شوية واني أكوم أشوف تاليها وياجن بنات زكيوة شوية شوية وأريدها نتطلع والعب الصوندة ع جسمها بنات أخر وكت....
زفرت نفس أرتاحت  شوي بس كون ترجع بسرعة تأخرت شوية وندك الباب...
ركضت زهرة   ورجعت لبببيتها بيبي بيبي هذا ابن أم أحمد يكول أمي جابت بضاعة  تجيبها لو هيا تجيني لا اني اروح أشوفها ومن تجي عمتج ندز عليها تختار جم قطعة لاختج...
  تنفست الزهرة وكالات يا رب بطلعة بيبي ترجع....
  طلعت  بيبيتها وبراس الشارع ودع سلطان جمارة  وعدها ميتركها ابد  ولتخاف راح يحاول مرة ومرتين .....
  شافت بيبيتها    تغشت وفاتت وضلت تتلفت   لمن وصلت للبيت ما صدكت زهرة من شافتها...
كالت الها الحمد لله الله مخيبني دعيت تجين بطلعت بيبي...
   كعدي اكلي لكمة جمارة لخاطري ما أريد ما أريد زهرة حلكي مر....
بشري سويتي كال العصر يدز أمه واخته...
يا الله دكومي اكلي مو يجن يشوفنج صفرة يله يا روحي
....
  كامت جمارة دنت يم الصينية واختها حمت الجاي و َجابته...
أكلت شوية  بلا شهية
وهيا تفكر صدك يدز أهله لا    وعمتي وبيبيتي  اكيد ميقبلن...
اوف ربي أحنه مضلومات  باوعلنه
العصر ان كت الباب راحت تركض جمارة فتحتها شافت مرة وبنية بالباب....
  هل ستفوز جمارة بحبها ام  ستتزوج ابن عمتها إلى متطيقه لا هو ولا امه