لماذا ياأمي

لماذا يا امي

#لماذا يا امي
البارات  العشر ين
صباح الورد والياسمين
زهرة...
صارت مشية جبيرة مالت زلم    وبيت خالتي.....
انشغلنا بالجاي والماي  وساعة نسمع أصواتهم تعالى وساعة يهدوؤن...
  ويرجعون يتعاركون حتى رادوا يضاربون بينهم...
   شوية هدوء صار وبعدها صلوا ع محمد وال محمد. شفت زوج خالتي صاح الها ام محسن تعالي...
راحت خالتي ورا  واني بقيت قلقة ليش ما حجه شي كدامي....
رحت اتمشه للمطبخ وسمعت خالتي...
   منفعلة  ومبينة تبجي وصيح وابنك شلون تعرف يموت وراها روحهه بيها ووصاني اجهز كلشي بين ميجي
وهويكول الها يعني شلون فهميني  هم أهلها واحنه موقفنا ضعيف لو عاقد الهم قبل لا يلتحق محسن......
حتى كلت الهم اني رايدها لابني خوالها كالو من شوكت هاي شو حتى فاتحة ما قارين شوكت خطبتها سكتوني وما كدرت انطق بأي كلمة....
زهرة  احس شي نغزني  وعصرة قوية بكلبي يا ساتر شيردون واكيد الكلام عليه  منو غيري....
طلعت خالتي  تمسح  بدموعها وسحبتني لغرفتها وحضنتني  وهيا توصيني بالصبر ....
وكلماتها أحسها مواساة الي  بقيت مصدومة واسمع كلامها  اويلي عليجن يمه ليش حضجن من الفرح قليل ذيج راحت بسببهم وتوسدت بالتراب....
وانتي راحت تنضلمين مثلها اويلي عليك يمه محسن  شكول شأحجي الك من تجي تلكه حلمك انته....
اني ابجي وياها وما اعرف شكو بس كأني حسيت بالي تقصده.....
  صحت خالة شكو  فهميني  بجت أكثر وهيا تلطم ع خدها   وتبا وعلي وتكول يردوج فصلية الانذال خوالج ريتهم بمكان إلي راحوا   بس العار ميموت.....
احس نفسي تبنجت ومتت وانذبحت وانتهى كل حلم حلو بيه  رفعت راسي للسما وصرخت ربي ربي....
دا شوفني ربي اني من عبادك لا كفرت ولا زنيت ولا سويت شي غلط ميرضيك....
إلهي ليش  كلت راح ارتاح وراح يصير عندي ام وابوا وزوج  وعائلة أعيش بيها  حتى حلمي ذبحوا اه يا ربي اه وصرت الطم ع راسي وخالتي وبناتها يهدوؤن بيه.....
اجه زوجها  شاور خالتي  وهيا  انتفضت عليه وحجت بعصبية شنو هسة لا بنيتي متروح هسة خل ينطون مهلة  كم يوم....
ماقبلو يا مرة ماقبلوا إله هسة التفت إلي صبري روحج بنتي الله كريم الله يخرجج من الضيق الى أوسع الفرج  يعز عليه تطلعين من بيتي واني حاسبج بنتي  وراح تصيرين سكت  وبعدين كال  وكنتي راح تصيرين زوجة لابني.....
الله يساعده ويساعدج ما أعرف شلون راح  اصبره  تحملي يا بنتي  وكوني خير زوجة لزوجج وطيعي أمره  والله يسعدج أن شاء الله....
أسمع  وما أعرف شرد واني ويه كل كلمة احس  دا اموت  اتحمل وزوجي واطيعه  وشلون راح تكون حياتي ويه ناس أخوية وأهلي قتلوا ابنهم
رجع زوج خالتي وجه الكلام  لخالتي  وللبنات جهزنا يأبه  راح يرحون الناس ويبقون بس أهل الولد و يتضرون استعجلن .....
خالتي....
فدوة ابو محسن خليها لباجر  اوف يا مرة ابنج باجر ينزل إذا مو بليل يوصل تعرفي ميسكت وهم تصير قاتل ومقتول انطنها شكم قطعة ع ما نجمع باقي أغراضها...
بنت خالتي أصرت تحفلي  واني ابد ما قبلت  بجيت وكمت سبحت و جمعت كم قطعة ملابس  وكلهم سود....
وشفت صورة عائلية النه من جانت ماما بعدهي ويانه تركتها ما أريد اشوف اي أحد من أهلي كرهت حتى نفسي....
خوالي شردوا ويه الناس الي راحوا يدرون خالتي ترزلهم....
لبست حجابي وعباتي وشلت جنطة ملابسي وبوست خالة والبنات بدموع ألم  وحزن وقهر...
وصلت الباب   و زوج خالتي صعدني بسيارته لأن خالة أصرت تروح وياي واندار يوصيهم بيه..حجه ويه رجال كبير...
الحرمة وداعة الخير هيج اهلنه يكولون والرسول صلى الله عليه وآله وسلم يكول ( ما أكرمهن الا كريم ولا اهانهن الا لئيم)  والحلم تكفيه الإشارة ....
هذا الحجي كله واني بس ساكتة  ودموعي تسولف وتشرح حالي وبالي كله يم محسن شلون إذا اجه  راح اذبح نفسي واذبحه .
كل يوم   مشت السيارة  واني تمشي الحسرات وياي ومتفااركني....