لماذا ياأمي

لماذا يا أمي
بقلمي سهاد الجبورية
البارت ٢٥
صباح الخيرات عليكم
زهرة....
نمت ما اعرف نفسي مرتاحةلو مقهورة ع ابني الي راح ضلم رغم الوضع إلي صار بي وز واجي إلي صار غصب وضلم بعادات وتقاليد ما تمد للأسلام بصلة......
المهم خليت كلشي ورا ضهري وكلت أمري لله هو ادرى بوضعي وهو إلى يكتبلي بي صالح.....
كعدت الصبح لكيت خالة مسوية ريوك الي أشكال مسوية كتلها خالة ليش مكلفة. نفسج وهالكد مسوية....
اسكتي يمه اكلي وارتاحي خل ترجعين مثل قبل شوفي شلون ذبلانة....
طب محسن صبح علينه وهو يضحك شال الصينية وحطها كدامي صاح يمه فدوة لهل الوجه استكان جاي.....
ردت اكوم اني اجت خالة جايبة الجاي وكعدنه اكلنه سوه هو كل ساعة يباوعلي ويضحك لو يغمز خجلت منه كلش......
يمه حظرتي جنطتي لا.اي حبيبي حظرتها يباوع لأمه ويحجي عيني اول مرة اشوف ام تطرد. أبنها شفتي زهورة امي متقبل ابقى هنا لحد ما تخلصين العدة طلعت تحبج أكثر مني ضحكت......
خالة اي يمه لعد شلون ي م تخلص العدة مالتها أعقد الكم سيد ومحكمة وتزوجون......
بقيت مدنكة شلهل الأحراجات هاي اليوم كملنه شلت المواعين غسلتها وسويت كم شغلة ويه خالة. وما قبلت اطبخ هيا طبخت وطلبت مني اروح ارتاح......
دخلت للغرفة شفته كاعد ردت اطلع طفر هو لزمني بسرعة وظل يباوع بعيوني ويغني......
( يا أم عيون حراكة كولي شوكت نتلاكة)
ورجع كمل
(حيك بابا حيك الف رحمه على أبيك ذولة العذبوني ذوله المرمروني وعلى جسر المسيب سيبوني وعلى جسر المسيب سيبوني) .
هل الأغاني غناها الفنان ناظم الغزالي بعد تعذروني انتوا ذني المقاطع اثنينهم من الأغنية نفسها أو كل مقطع من اغنية
دنكت راسي بخجل وهمست محسن روح لبيت اختك من اكمل العدة وتعال والله اني أخجل....
صاح يمه يمن فدوة لليخجلون ولج البارحة بس نمت مرتاح وج كل يوم يمر عليه جنت ابجي اي والله ابجي عليج....
كمت أتأخر بأجاز تي جماعي ينزلون مرتين اني انزل مرة وحدة أتقدم بالهجوم بلكي اموت ....
خليت ايدي ع شفافه كتله اسم الله عليك لتحجيها ايد من عمري ع عمرك سحب ايدي باسها افيش اني خاف يحلم زهوري لعوضج عن كل دمعة نزلت من عيونج وادللج دلال وأنسيج القهر كله...
كلت أن شاء الله بس محسن عندي طلب أشر ع عيونه قمر ترى أخذها من عمتي يعني احسب حساب يا اني وياها يا تنساني.....
خزرني كال موعيب هيج تحجين انتي شنو تنساني لج اني اموت يلا حبج وقمر أعتبريها اليوم بحضنج تنام وراح ااجل روحتي لبيت ليلى لليل لو لباجر والعصر روح اني وياج وأمي.....
صاحت خالتي وهو شرد طلعت شفتها تطبخ ..
انطيني عنج خالة اني اطبخ ماعندي شي وفتحت موضوع قمر وياها...
يمه انتي وقمر بعيوني تجيبها وتربيه وتزوجيها ع ايدج وتربى أن شاء الله حالها من حال جهالج من تزوجون والله يرزقج....
بستها وكتلها ربي ميحرمني منج رحنا العصر لبيت عمتي فتح الباب ابنهاسلمنه وكعدنه اجتني قمو تركض وتبوس بيه طلعت الها حلويات حامض حلو وفرحت بيهن با وعتها ملابسها ما مرتبة وشعرها مخربط شويةجابت جنتها جاي وكعك....
حجيت ويه عمتي عمة اريد قمورة عندي...
يا دور عند الناس الغرب لا تشوفينها هيج ترى طلعت للشارع تلعب.....
عمة يا ناس غرب اني طلكت وراح ازوج محسن وراح تعيش وياي واني أربيها ولاتنسين هايي وص المرحومة.....
ع جت حلكها ايه المرحومة الله يرحمهم ماعندي ما نع بس ما تاخريها عليه....
أن شاء الله رحت اركض اني لجنتها كتله عفية حبابة انطيني جنطة اجمع ملابس قمر....
كالت ايه هم زين اخذيها وبلكي تاخذين بيبيتها وياها.....
ما رديت عليها بس عرفت ليش عمتي وافقت بسرعة هههه طلعت هيا شخص غير مرغوب بي....
لعد قمر شلون تتعامل ولو واضح من ملابسها وشكلها.....
طلعنا منهم واني فرحانة حسبالك حصلت ع كنز عضيم وفعلاً احسها كنز ونفذت وصية أختي....
وطلكت بعد اكدر اصلي الهم واصوم ومحد يكلي ليش الحمد لله....
خالة اقترحت نروح للسوك ناخذ الها ملابس وحاجات ونرجع كتلها خالة وعلاج لشعرها.....
نزلت بس خالتي اني بقيت بالسيارة َاسولف وابوس بيها....
اشوف محسن يباوع بالسيارة ويحجي يدرم عليه اكلج ترى اني اغار من هسة قمورة أخذت مكاني ضحكت ....
كتله لا انت مكانك محفوظ محد ياخذه ولا أحد يتعدى عليه ابتسم بله وين مكاني أشرت ع كلبي....
صاح يمة كلبي رمتني بسهام العشق بنت الخالة ههههه....
ضحكته واجت خالة اول محسن وصلنه للبيت وراح يم اخته اول ما وصلنه حطيت العلاج لشعرها وحظرت ملابس الها.....
طلعت ملابسها كلها. قديمة وتعبانة بجيت جانت جمارة تلبسها انضف واحلى الملابس....
بس هيا سمعت حمام وهيا تخبلت ما ليد ماليد تقصد ما أريد بثطيني بحمام.....
شبكتها وكتلها لا يا روحي ما ابسطج أرى ج تصيرين حلوة وامشط شعرج سكتت عرفت ان التعامل جان وياها مو حلو......
خالة مل يوم طالعة وجايبتلي شغلة يوم حذاء يوم جنطة ي م قطعة تكول حتى من تكمل العدة مالتج افرح بيكم ابني تعذب وانتي تعذبتي....
خالة وزوجهاأطيب كلوب شفته بحياتي و خوالي مقاطعينه وهالة إذا اريد احاجيهم لوجه الله بعرس محسن اعزمهم.......
خلصت العدة مالتي واليوم زواجي وخالة جابت ام الصالون للبيت حفيت ومكيجتني تعجبت بشكلي ولبست البدلة وكلبي يدك حسبالك اول مرة ازوج....
زفوني من بيت اخته يعني تبادلنه بالأدوارهههههه هو رجع لبيتهم واني أجيت يم اخته محسن عنده بعد أخوة وخوات ٤ اخوان و٢ خوات....
اجت الزفة والطبل يدك والموسيقى واني كلبي يدك وياهن دخل هو وأبو وقمر هم لابسة بدلة وأجت وكفت بنصنه رفع البركع وباس كصتي تقرب يم اذني همس اليوم تحقق حلمي اني اسعد انسان بحياتي.....
بقيت خايفة من قبل ليعثد عليه ولحد هسة شلون خاف ميتقبلني لن هو مو اول واحد لمستي وأرجع اكول لو ما متقبلني جان ما اخذني.......
طلعنه من بيت ليلى ورحنه لبيت خالة وهم دك وركص وأغاني والخير شي زفونه للغرفة وقمر متقبل تعوفني.....
راح هو سلم ع أهله والمعازيم خالة اجت قنعت قمورة واخذتها وزعت البدلة لبست سيت ابيض دخل للغرفة نزع السترة واجه كعد يمي بأس كصتي....
كل زهورة اني سندج وامج وابوج واخوج وكلشي بالدنيا الج بجيت من كال هيج اخذني لحضنه سكتني واسكني ونسيت كل الي مر عليه بلمسة منه واتحدت ارواحنه وصرنه روح وحدة....
كان حنون وياي لدرجة بعدها سبحنا ونمنه كعدت ع صوت الباب يندك عرفت هاي دكت قمر وهو كعد هم باسمي وكال اني راح اروح اوديها يم امي بين متغيرين ملابسج....
كمت طلعت كلبية لونها كريمي لبستها وعفت شعري مفتوح وتمكيجت....
شوية ودخلت خالة وخوات محسن وعماته يهلهلن ويصلن ع النبي.....
وطلعت اسلم ع بقية أهلهم وقمر كاعدة بحضني فرحت بهاي الأجواء ودعيت الله يديمها عليه......
حبايب غلسوا ع السحكات