#لماذا يا أمي
البارت السابع عشر
بقلمي سهاد الجبورية
جمارة...
كعدت الصبح ما مصدكة نفسي حسبالك هذا اول زواج الي هو بعده نايم بقيت اتأمل بوجها الوجه الي شكد حلمت بي وتمنيت يكون أول وجه من اكعد الصبح اشوفه.....
طبعت بوسة ع خده جرني وحطني ع صدره وبده يقبلني ويوصف جسمي...
هذا جبال طوروس ع صدري وبطني صحراء سينا منبسطة وأيده تتوغل ع كل أنحاء جسمي قطع عليه الوصف و لحضاتنه قمورة...
أخذها باسها ونيمها بحضنه بس هيا ماتريده وتضرب بي ....
كام طلع جكليت.و طلع لعابة من الكنتور راحت ذبت نفسها عليه بقوا يلعبون هو وياها واني رحت للمطبخ شفت ترتيبه وتنسيق وما مخلي شي ما جايبه....
طلعت الكيمر والمربى من الثلاجة وسويت جاي طلع هو من الغرفة شايل قمر كال بين مايصير الجاي احنه رايحين نجيب كاهي ونجي راحوا ودعيت ربي يرزقني منه طفل ...
نصيت الجاي كولش وبقيت اتفرج ع البيت مجهزة من كلشي وحلو واحلى شي الحديقة تشرح الصدر بيها ميز وكراسي ومرجوحة...
فكرت بزهرة وراضي شلون هسة وضعهم زهرة شسووا وياها بجيت من ذكرتهم اكيد عمتي متفوتها وراح تاذي زهرة وتضربها ....
رحت اتصل ع رقم تلفونهم محد يشيل خط قلقت اني تعبت لو ماخاطية هل الخطوة جان مستحيل ننجمع اني وسلطان...
اجوي سلطان وقمر جايبين الكاهي ومشتريلها أشكال نساتل وبسكت ومصاص وجكليت...
شافني أبجي كال ليش هالعيون الحلوة حزينة وتبجي كتله افكر باخوتي حط قمر ع الكرسي والكاهي ع التميز واجه كعد كبالي ولزم اديه اثنينهن كال جمارة لا حسبالج اني مرتاح اني هم تركت اهلي وحالي ومالي وكلت اني وياج من جديد....
وهسة شسمع منج حتى نتريك لا اتريك بيج وغمزلي....
كتله أن شاء الله نرتاح كال فدوة لحبيبي جمارة قررت أبيع السيارة وأفتح محل قصابة وان شاء الله ماكو شي...
زهرة عشت ايام أمر من العلقم الكل ينضرلي نضرة مقززة وصرتي خدامة البيت اشتغل للجبير وللزغير اكعد بالستة الصبح انام ب١٢ بالليل احضر ريوك الي يروح للمدارس والي يروح للدوام بعدها انضف واغسل ملابس اطبخ اخبز لمن احس نفسي بعد ما أكدر اتحرك رغم كل التعب أضل اتكلب ما أكدر انام لمن أشبع بجي....
راضي محد بحاله حتى اكل ميقبلن يعزلن إله اكل اني اضم من حصتي إله بيبي مريضة ومتكدر تحجي بس تباوع بعيونها اصلا الها مستثقلاتها
كعدت الصبح رحت للمطبخ كملت الريوك وطلعوا البنات والولد كمت نضفت المطبخ خليته يلمع ورحت للطارمة لمن طبيت للمطبخ لكيت الكاونتر كله مدمر الكاع كله طين وتراب....
اجت مرة خالي كالت لج زهرة شنو ها لتنضيف الزفت ولج الكا تلعب النفس الكلونتر ما ما سحته رجعت مسحته ....
وكل يوم حتى لو البيت يلمع لازم اكنسه وامسحه قبل النوم َكل يوم نفس المعاناة...
عاندت نفسي كلت ما اتصل بجمارة ابد رغم أشتياقي الها بس بسببها صار هذا كله لو ما شاردة من البيت جان هسة احنه بيتنه....
خوالي ما ملوا كل يوم يدور بمحافضة وراحوا تعارَكوا ويه أهل سلطان كالو الهم بس نلكاهم نقتلهم اثنينهم...
هالكلمة رعبتني كلش بعد غياب شهر ونص قررت اتصل بيها قاومت النعاس وبقيت للوحدة لمن نام الكل رحت طلعت الرقم دكيت لمن خلصت الآونة محد شاله رجعت مرتين بالثالثة انرفعت السماعة....
حجه بصوت ناعس الو تفضلو كتله إذا أنت سلطان اني زهرة انطيني جمارة بسرعة....
كال هلو زهرة شلونج راضي شلونه أن شاء الله بس أرتب وضعي اجي كتله انتوا دمرتونا النه وانتو ارتاحيتوا....
تنهد وكال راح اصيح الها اجت جمارة كالت الو وضلينا ساكتين اثنينه.....
كتلها ابد ماالي نية اخابرج بس تبهذلنه من وراح صرت خدامة وبس للاهانة....
وبيبي انجلطت خابرتج احذركم ترى كل يوم يدورون محافضة وبس يلكوم يكتلوكم ما سمعت كلمة منها بس صوت بجيها سمعت حركة سديته وركضت بفراشي بدون حركة كانوا نايمة من زمان وبنفس الوقت قلقت اخاف احد سمع.....
بقيت كل عشر ايام اتصل بيها واطمن عليها وكتلها ابد لتتصلين وما اتصل اله لمن ينامون بقيمه شهر ع هل الحال اجه خالي كال هالشهر الفاتورة مال التلفون صاعدة سكتت الكل استغربوا.....
كلت هالايام اقلل الاتصال بقيت هالمرة شهر ما خابرت تالي اشتاقيت كلش لجمارة وبنتها....
دكيت ع جمارة رفعت السماعة سلمت عليها كالت زهورة اني حامل....
فرحت الها وكتلها صلوات ع محمد الله يتمم عليكم...
ما احس إله شعري نسحب وعيون خالي نار المن تخابرين أدب سز احجي احس لساني أنعقد وما كدرت احجي بعد....
حبايبي تصويت وتعليق فديتكم
