لماذا ياأمي

#لماذا يا أمي
البارت ١٢
بقلمي سهاد الجبورية
  رجعت زهرة للبيت هيا وراضي وبيبتهم بعد ما عمتها ما قبلت جمارة تجي وياهم  وبقت عند عيالها.  ...
   راضي وصل ع الشارع وراح لشغله  زهرة اباوع إله  اوف حبيبي  بهل الفترة من ترك امي النه لموت بابا لزواج جمارة أحسه كبر هواي وتصرفاته أكبر من عمره  حتى ذاك اليوم كل لبيبي ٠...
بيبي جمارة مضلومة اني راح احاجي عمتي ورجلها والله  مشه سعد عدل كان بها  ما مشه عدل  اروح لشيخهم...
ردت عليه بيبي هيا ورجلها وعيالها انت شكو خل البنية راكدة  لا تعلمها  ع هالسوالف  تضل كل يوم عباتها برأسها و جايه زعلانة...
لا بيبي كون انتي تكولين ا لي  كافي إلى دا يصيربيها واني ليش اسمي اخوا غير حتى اوكف الهن .  اول ما دخلنه اندك الباب....
طلعت  هذا محسن ابن خالتي   هو كثرانه جياته النه  واني من  زمان  حسيت نضراته عليه...
سلمت عليه بخجل  هو رد عليه هلا بجوريتي  شلونج بيبيتج هنا...
كتله اي تفضل كال لا مستعجل بس ذني امي دزتهن فدوة لخاله شلونها ليش تعب روحها...
كرصني من خدي وكالي تعبج راحه جوريتي  حسيت نفسي أريد انصهر من كدامه من الخجل....
    دخلت طلعت الأغراض  ملابس إلي وخبز وكدر دولمة وعلاكة ثانية لجمارة  ملابس الها  ولبنوتتها إلي دخلت بقلبي وتربعت بي من اول ما شفتها وتمنيت الها حياة احلى من حياتنا ....
تنهدت ودعيت لخالتي هيا الوحيدة بقت متواصلة وتسأل علينه من أهل ماما....
شكد احبها وشكد حنينة احن من امي علينا  إلى متسأل بينا..

حتى لجمارة تروح تسأل عليها  بس مطول من الباب  إذا عمتي موجودة لأن شكم مرة تصير  بينهن مناوشات بالكلام مشت الأيام بحلوها وبمرها ....
  جمار ة جمارة غضب الله   جنت   دا ألم بالخبز  وأسمع سعد يصيح   نزلت اركض ها سعد ها ولطما طرمة خو ما طرمة....
  شبيك شبيك سعد جنت اخبز  وانت دخلت من الباب تصيح..
تجاوبيني ولج  اليوم العن عشيرتج  اجه ضربني شميت ريحته مقرفة دور حتى بالنهار تشرب شهل العادة الله أكبر عليك...
اني هنا كمت أصيح واغلط عليه ولا ول مرة تجاوز عليه خلص كل طاقتي نفذت  اني مضروبة مضروبة عاد خل انضرب ع سبب عاد يكولون تجاوبه وكتلها وكتله طلكني ولك طلكني أعتقني لوجه الله ...
  هو سمع هالكلمة مني  وهو زاد  يضرب واني اصيح واغلط وهو يكلي تردين اطلكج حتى ترحين لسطانج حبيب قلبج مو...
مايخالف ما أطلك وادزج إله جنارة الا ان دفرني بطني هنا حسيت كل قوتي خارت وهو طلع واني ادعي عليه روحه بلا رد الله ياخذك حسبي الله ونعم الوكيل...
اجتي قمر إلى ستوها تكوم وتوكع...
قمر وأسمها عليها  تقربت مني واني دا احس وصلت حالتي للأغماء ما اكدر أسحب بنتي وأخليها يمي
عاد حتى لو متت  بنتي لأخر لحضة يمي ...
حسيت بعمتي  تذب ع وجهي ماي وتصيح وج  جمارة أكعدي  فتحت عيوني وكمت أبجي بحركة  و اكول لعمتي والله ياعمة..
كل من وراج الي اني بي ما بريج الذمة ليوم الدين   يا ولج بت زكية اني شكو  مو صوجج...
والله ياخذ زكية هم ليش انتي شكو  منوخطبني ورطني ويه ابنج السكير الله لايوفقكم دنيا وأخرة الله ياخذ حقي...
كوه كمت اريداخذ بنتي  وأريد أروح لغرفتي..
اول ما وكفت صار عندي نزف كلش قوي   وعمتي لطمت و َلج  شنو هاي خل اشوف سيارة واخذج للمستشفى بيج حيل تبدلين وتلبسين عباتج...
كتلها لتاخذيني ما أريد شي منكم خليني بلكي لموت واخلص...
هيا طلعت  وأخذت بنتي وياها واني انتخيت بل الإمام علي ورحت بدلت وغسلت....
وشمرت نفسي ع الجرباية بين نايمة وبين كاعدة اسمع عمتي تكول اوكف  يمه ما لابسة عبايتها خل البسها وتعال ساعدني....
طبت عمتي لبستني وصاحت عالولد تعال يمه  هاي مغمى عليها  اني افتح  وأغمض بس فتحت عيوني ع وسعهن ع الي دخل....
وقلبي  صارت دكات قوية وكمت أر جف شفته هو هم أنصدم من شافني....
وأجه شالني وصلني لسيارات حطيت راسي ع صدره واسمع دكات كلبه حسيتهن أنغام موسيقى  وتمنيت انام عليهن وما اكعد احس حتى الألم راح مني...  كعدني بسيارته  ما أريد أغمض عيوني بعد واستسلم للأغماء اريد اشوفه اه وكم اه...
لو متزوجتك مو هذا حالي بعده ع شياكته  بس  متغير شوية  أحسه كبر أن وهو هم ضل يبا وع عليه وعيونه تكولي عطشان لشوفتج....
وبيني وبين نفسي اكول أكيد تزوج واستقر وهذا الكبر ناتج من مسؤلية الزوجة والأطفال...
وكام عقلي يألف قصص أكيد هسة مونسها  ويحبها لا والله شنو يحبها ولج كولي يحترمها هو بس اني يحبني ...
سلطان جنت طالع لسيارتي وشفت مرة متوسطة العمر وشايلة ع كتفها طفلة....
اشرتلي وانتخت بيه خالة دخيلك جنتي وحدها بالبيت وتعبانة كلش...
لا رجلها ولا أحد من دخلت البيت تفاجأت من شفتها هاي مو جمارة  هاي مو جمارة هاي بقاية جمارة....
شفت حالها
  شلتها وركضت والطر يق كله عيوني بعيونها. شمسو ين الج يا بعد روحي والله كون الزمه إله اخلي يشاهد ع نفسه هالكلب هذا
وعمتها إلى تحجي كل يوم مشاكل  وكل يوم ضاربها  قلبي خلص...
درت وجهي لعمتها  خالة مع احترامي لزوجها بس هذا مو بشر للي يسوي شفت الطفلة تبجي تريد تعبر ليورا اكيد هاي بنتها نفس العيون....
صحتها تعالى يمي نسوق ابتسمت الطفلة  وكعدتها ع رجلي واسوق....
تالفت وياي الطفلة وبس تضحك وتباوع للطريق...
وصلنه المستشفى و دخلوها جوه رادت عمتها تنطيني فلوس ما قبلت  وكلت الها  ما روح لمن اطمئن عليكم وأرجعكم وفعلا بقيت وعمتها دعتلي بالرزق والستر  وطولة العمر...
  الطفلة بقت عندي  وكأنها تعرفني ومتعودة عليه ورى فترة طويله طلعن  وهيا عيونها صايرات حمر ممن أثر البجي واني ركض قلبي قبل اقدامي الهن وسألت بلهفة ها بشروا...
كالت عمتها سقطت الطفل  كتلها الله يعوضج بهل القمر....
وصلتهم وكتلها  أمانة شتحتاجون أنطوني  خبر  والطقل يتعوض بس أهتمي بنفسج هالفترة طلعت واني فرحان بشوفها وحزين لأني فقدتها...
تصبحون ع واقع جميل  ادعولي بالشفاء