#لماذا يا أمي
البارت التاسع
بقلمي سهاد الجبورية
مساء الخير عليكم حبايبي اعذروني ع التأخير صحتي مو تمام
رجعت زهرة للبيت أنطت الكلادة لجمارة أستغربت جمارة وسألت زهرة شنو هاي.....
دنكت زهرة وردت ع جمارة هاي من سلطان....
كالتلها ليش اخذتها شنو اجه ينطيني هدية ز واجي يعني فرحان الأخ ...
زهرة باجر ترجعيها وإذا ما رجعتيها اني أروح كدام السوك كله أشمره بوجهه...
كالت الها زهرة شبيج جمارة شبيج هوا حاله مو احسن من حالج...
انطاها إلي وكال هاي جمعت فلوسها واشتريتها حتى أجيبها بالنيشان ...
حضنتها جمارة وبجت بحركة ضلت تتلمسس خرزة خرزة بيها ...
و تذكر شلون اول مرة شافته
شلون ما انطاها مجال وشلون بده يعلمها هذا صح هذا خطأ...
شلون اعترفوا لبعض بحبهم الي ما مكتوب إله يدوم ويتوج بالزواج....
نامن مثل كل يوم مهمومات ع حالهن اجتي عمتهن من الصبح كالتلها ابو كال هو عقد هو دخلة....
جمارة بس كاعدة وتبجي ولج زهرة شلون بيه ولج ما اطيق شكله شلون أعيش وياه.....
شبيد ي عليج يا عيني توكلي ع الله وان شاء الله يطلع خوش رجال وترتاحين....
فعلا بعد يومين عمتي كملت كل التجهيزات جمارة ما قبلت تطلع وياهم ولا تحظر شي...
لبسوها البدلة ومكيجوها واجه السيد عقدهم وأخذوا جمارة لبيتهم واني وراضي بس نبجي عليها....
جمارة جنت كأني لعبة ويحركون بكل الاتجاهات ام الصالون تكول الله شكد حلوة كلشي متحتاج....
خلصت مكياحي ولبست البدلة اجه السيد. عقد واني من كلت نعم وانت وكيلي عيوني يهملن دم وجمر احس مو دمع واخذوني لبيتهم.....
اول ما وصلنه كعدت بالهول مَالتهم والنسوان والجهال يهوسون وإني بس اريد اكوم مختنكة...
اجه الفرج من رادوا يحطون العشه كالت عمتي لبنتها اخذيها لغرفتها يمه....
أجتي حماتي أكبر مني مزوجة وعدها ولد وبنية...
اخذتني للغرفة كالت حبيبتي جنج لعابة تخبلين الله يسعدكم اني اعتبرني صديقة ودوم يمكم اجي....
وانتي هم صير حبابة وكسبي رجلج ونسي الدنيا كلها...
بداخلي ضحكت هو اني ما أريد اشوفه تريدني انسى الدنيا...
حتى ما رديت بس اهز براسي طلعت حماتي اني نزعت البدلة ونمت ورا تقريبا نص ساعة ما اعرف ساعة سمعت الباب اندك و انفتح.....
دخل سعد واخته وأمه وابوه تباركوالي وطلعوا...
اني جسمي كله يرجف سألني تعشيتي كتله لا ما أريد كال تعالي اكلي وهو طلع بطل مدري شنو بي بعدين باستمرار العيشة وياه عرفته شرب،،،،
أني ما كدرت اكل كمت كعدت ع الجرباية شو ا هذا بس خلص شرب....
هجم عليه وبدون مقدمات شكك ملابسي و تقرب عليه...
عطت ضربني راشدي وسد حلكي...
الألم إلى جنت احس بالم مو طبيعي وهو خانكني...
لمن خلص حسيت جسمه ثكل عليه اريد اتحرك ما اكدر حسبالي مات.....
كوه سحبت نفسي منه واني حيلي مهدود اريد اصيح اندك الباب...
لفيت روحي بالشرشف وركضتت فتحت الباب طبت عمتي كالت يا والحظ عود وصيته ميشرب..
واني أبجي واكلها عمة مدري شبي عوفي باجر يكعد مابي شي...
وصاحت ع بنتها تشيل الهلوسة كبل لا يطب ابوها وتاخذني تسبحني واني ارجف)أحس نفسي راح اوكع... اندارت بنتها على أمها َكالت كتلكم يمة لاتكسر ون ركاب امها خزرتها وهيا سكتت
واخذتني للحمام سبحتني وصلت طمني حبيبتي اسم الله لاترجفين هو الزواج هيج هسة اسويلج عصير ونامي ترتاحين...
لزمة ايدها حبابة ما انام يمه حبابة كالت يا روحي هو بعد ميكعد للصبح وانت راح افرشلج جوه لتنامين ع الجرباية...
وفعلا اخذتني نيمتني وشربتني عصير حسبالك امي حبيتها كلش من التعب والتفكير والهبطة نمت ما ادري بنفسي
الصبح حسيت ع أيد تؤخر الشعر عن وجهي حجيت بصوت ناعس اكعدي زهرة وكت شقه وخري بعدني نعسانه...
سمعت ضحكة بس مو ضحكة زهرة فتحت عيوني هذا سعد بساع شريط البارحة انعاد كدامي...
كعدت ولميت نفسي خايفة وعيوني دمعت كال ها شبيج اخترعتي كومي ننزل جوه نسلم عليهم....
جان سابح ومبدل ومتعطر مو جنه سعد بالليل تنهدت وكنت غسلت وجهي بدلت ملابسي عدلت نفسي طبعا بمساعدة حماتي إلى كل ساع بالليل تجي تشوفني...
بس ٠ان عندي ألم مو طبيعي للعصر صخنت وحارت بيه حماتي....
بعدين قرروا ياخذون للدكتورة بيبته ام ابو كالت عليمن دكتورة خل جدة تشوفها شبيها واني اسويها الدوة...
حماتي ما قبلت كالت لا بيبي اني أخذها وارجعها جدة شنو....
وفعلا طلعنه اني وحماتي لليل رجعنه...
كالت لعمتي يمة البنية متاذية واني تفشلت كدام الدكتورة يمة خطية ديربوا بالكم عليها...
عمتي هزت ايدها يا وشبيج انتي حامية عليه هسة سوينه الها مايخالف يمة..
باوعتلي يله حبيبتي صعدي لغرفتج تقربت منها حبابة صعدي وياي اخاف من كريم وعود انتي سولفيله ...
جان نايم من طبينا كعد حجت فطم اخته كريم معليك بالبنية مريضة اي اي افتهمنه...
لليل كريم طلع ما ادري وين راح بقه الأسبوع كله هو بالليل ماكو والنهار نايم...
واني استلمت البت كله من تنضيف وخبز وطبخ بس عمتي بس تحجي عليه المن زوجته اني ليش يطلع بالليل...
عمة شسويله لمن كتله ليش تطلع ضربني وكال ديربالج سأليني هالسؤال ....
ضلين مابيج حظ. انتي ثولة بت ثولة
