البارت ٢٧
لماذا يا أمي
بقلمي سهاد الجبورية
زهرة....
خلصت ايام الفاتحة واني فاصلة عن الدنيا ما اكدر ولا أريد تستوعب محسن راح ...
ليش ما يدوم الي الفرح يوم من بعد العذاب كلت ارتاحت بس الزمن إله رأي آخر وياي الضاهر مكتوب عليه ما ارتاح خلصت الفاتحة واني مرتين لو ٣ مرات اخذو ني للمستشفى ....
حا ولت امي تتقرب مني رفضت رفض قاطع ما أريدها هذا كله بسببها تدمرنا وتدمرت حياتنا أفكر بيني وبين نفسي هم يجي يوم واسامحها.....
كاعدة بغرفتي وسادة الباب ودشداشة محسن وصورته بحضني وبس دموعي ينزلن ع خدي .....
حبيتي قمر. رغم صغر عمر ها هيا وخالتي حارن بمصطفى ومرتضى
اجتني خالة كوه تمشي يمه كافي هسة اني أمه الي حملت ور بيت وتالي راح مني وكمت وتحملت لخاطرج والخاطر ولده....
يا يمة كومي اصحي ع نفسج ولزمي اولادج انتي مسؤليتج كبرت ....
يمه ترى هو ميقبل تسوين بنفسج هيج يمه انتي من تكملين إلي بديتوا انتي وياه كأنما كلامها صحاني ع نفسي بساعتها بجيت دكيت لطمت ونمت بلا عشه هو اساساً اني كمت اكل حتى بس أسند طولي.....
ثاني يوم كعدت الصبح أخذت الجهال غسلت الهم وبدأت وسويت ريوك لكيت قمر مبدلة بس انطيته ريوك بس بعيونها حزن هيا تعلقت بمحسن كلش وهو عاملها كأنما بنته......
مشت الأشهر وااني كمت اصلي واصوم واقرأ قرآن لمحسن ودوم اسولف لمصطفى ومرتضى عليه حتى يبقون يذكرون واراويهم صوره......
كل يوم بالليل ابوس صورته واسولف وياها هيج سوينا اني و الولد اثنينهم نايمة وصارت عندي ألم عرفت قربت ساعة ولادة طفلي أو طفلتي بدون اب......
الاب إلي تمنى أن يكون هو أول من يحمله بين اديه دموع تنزل وحدة بعد وحدة الم وغربة اي غربة لأن هو وطني كان وراح مني الوطن.....
وجبت ابني وسميته فاقد حسب ما وصلني بالحلم ديري بالج ع فاقد وصاروا ٣ ولد من محسن وقمر هم اعتبرها بنتي طلع الأربعين أخذته ورحت للقبر وحطيت عليه فاقد.....
وحاجيته حبيبي هذا ابنك جبته واجيت وعهد عليه إله اربيهم الك احسن تربيه كعدوا يمه مصطفى ومرتضى يمه يبجوون يباعو ن ع صورته ويحاجوا (ابا ادد) عو د بابا اكعد .......
وخالتي تبجي وهيا تعبت كلش ومريضة وحتى قمر تكله يكولولي بالروضة نريد ابوج اكول الهم مات ليش متت.....
شبعت قهر وجعنه للبيت اني صرت اخيط عبي لنسوان المنطقة تعلمت من خالتي َهيا بعد مابيها حيل تخيط ....
حماي راد يزوج وقرر يبيع البيت بس خالتي ما قبلت واني بعت ذهبي واشتريته وسجلته باسم ولدي ٣ هذا ضمان الهم للمستقبل.
تقديم أحداث خالتي توفت من القهر بعد عشر سنوات من وفاة محسن وقمر صارت شابة يافعة صدك حسيت بالهضم واليتم جانت ام إلي وعمرها ما غثتني بكلمة حمواتي وحمويني مواصلين وياي.....
ولدي شطار بالمدارس وعيني الله عليهم واحد يحب واحد و كلبهم ع كلبي يردون يبطلون ويشتغلون بس اني ما اقبل وقمر علاقتها بيهم كلش قوية.....
صار شي ما متوقعه بيوم أند كت الباب طلعت وشفت ام حازم وأم عون تفاجأت بيهم دخلتهن للأستقبال ضيفتهن.....
حجت أن عون خالة زهرة انتي بقيتي فترة يمنه صح مو طويلة بس شفناج قمة الشرف والتربية والأدب...
رحم الله والديجن تفضلن ما عرفت ع شنو جايات....
حجت ام حازم والله زهرة بلا لف ودوران احنه اجينه نخطبج لحازم ع سنة الله ورسوله......
وزوجته توفت ورادج انتي ام بيته احس الدنيا افترت بيه هذوله شبيهم صدك كذب اني بيا حال وادور زواج....
ترى المرحوم جان كل حياتي ما شفت مثله رجل بجيت وكتلهن هو جان حلم مراهقتي وشبابي وكبري بس الله ما قسم إلنه نبقى سوا وبجيتجن هاي هيجتن جروحي رجاء.ً بعد لتجن وتفتحن هالموضوع وبنات الناس هواي روحن خطبن إله شذكره بيه حازم......
( بنات لهنا وتوقفت القصة اني واكتب بالبارت قمر بلغتني عدهم ضروف ماتكدر هسة تكمل فأعتبروا هذا جزء اول لكن راح اكتب الكم قصة قصيرة لبين ما ترجع ونكمل القصة ادعولها بقضاء حاجتها وحوائجنا جميعا)
