بون هادي الكرونيك التانية تاعي تحكي على ..على مانقوولش اقراو تعرفو ليسونسيال نحبكم تدعموني وديما تمدولي رايكم واقتراحاتكم وبيان سور ماتسرقوش بدون إذني أيا نبداو
_______________________
راقدة وعايشة فعالم الأحلام تاعها تشوف فالكراش ديالها جايي جهتها واعترفلها بحبو وقدم يبوسها من خدها وفالدقيقة هاذيك فطنت لقات رامي حاطلها التويو تاع الريسبيراثور فخدها ويجبد فيه وهي عمبالها المخلوق لي المنام باسها تنطرت من بلاصتها لابسة ثريكو نوار وسروال صفر يدخلو فيه لافامي والجيران😂 شعرها فالسماء
ماريا:ثفوووه يااا خرااا واش ديير عمبالي صح
رامي:واش لي عمبالك صح؟!
ماريا:والو والو كنت نشوف فمنام شباب فاللخر نفطن على فيڨورتك واش جايي دير هناا مازال ماتعلمتش تدخل كي النااس عالباب قود عليا فسدتلي رقادي وديجا علاه تلعب فاللعب السامط بالاك تزيد تلعبلي بخدودي هاذاك واش عندي
رامي:هههههه
قدم ليها وحكمها من خدودها وفرفشلها شعرها
هو:شحال عندك مامشطتيش شعرك؟!
هي:راني داخلة ف شهرين نغسلو ومانمشطوش
هو:راحت على المخلوق لي يديك
هي:لي يحبني يحبني بيا بخنونتي ونتا واش من مرقة حرقتلك شواربك
هو:لسانك او يطوال برك
هي:ننننننن (تعكي عليه)
هو:ههههه فرخة واش رايك نلعبو پارتيا ضامة
هي:هه بغييت تخسر؟!
هو:ههههه والله لي يسمعك يقول ديما تربحي
هبطو للصالون سلم رامي على سمية (مامات ماريا)
هو:واش حوالك يا الغالية
سمية:بخير ولدي ونتا
هو:الحمد لله جيت نفوت الوقت مع هاذ الفرخة اكي تعرفي الفيد لاخدمة لا زدمة
سمية:اييه صح وليدي ربي ينوب عليك بخديمة نشالله
هو:نشالله ادعيلنا برك سمسومة
سمية:ندعي لوليدي ندعيلو
هو:صحيتي
رامي:حقا ويني جدة
سمية:راقدة
ماريا:يالله نلعبو
قعدو يلعبو من لي قعدو وهي تعيط عليه وتقولو راك تغش وكيف العادة ربحها وهي تهمتو بلي غش
رامي:فلوسة أنا نروح
ماريا:طير عليا ورد بالك تعاود تدخل على الطاقة
رامي:نشالله بربي 😂
هاذو هوما ابطال القصة تاعنا :
(◍•ᴗ•◍)❤(◍•ᴗ•◍)❤(◍•ᴗ•◍)❤(◍•ᴗ•◍)
ماريا ماقصيرة ماطويلة سمرة عينيها كحولة وشعرها نوار كيرلي وطويل ماتمشطوش بالشهر😂 المهم جايها شباب وصايي عندها الخدود وفوساث على خدها اليمين ماسمينة مارقيقة لاطاي تاعها شابة عمرها 20 سنة عايشة مع العائلة الكريمة لي متكونة من باباها محمد وماماها سمية وخوها انيس كبر منها بعامين يقرا ففرانسا وجداها فاطمة مين تكون تهدر غير اهرب القدر يهز ڨراوزو ويهرب ماريا حلوة وتافهة😂ركزولي على تافهة عنييدة وفيها طبيعة مين تزعف تروح تاكل تدير رياضة رفع الأثقال تسكن فحومة صغيرة وتقرا فلافاك
(◍•ᴗ•◍)❤(◍•ᴗ•◍)❤(◍•ᴗ•◍)❤(◍•ᴗ•◍)
رامي طويل وسمر عينيه نوازات شعرو كحل عندو لحية خفيفة وعندو لي فوساث بالمختصر المفيد زل بمعنى الكلمة عمرو22 سنة عاود عام فقرايتو مبعد نعرفو علاه.يقراو هو وماريا كيف كيف جيران من الصغر من لي كان فعمرو 5 سنين عايش مع يماه وباباه وختو مايا ماحضاش بالحنان الكافي لي يحضى بيه الطفل من مو وبوه باباه جايبها وراه على الخدمة ويماه كيف كيف كل ساع يلوحولو كلمة تقيسو ضحايكي ونرفوزي لأقصى حد ابسط حاجة تخليه يشعل ويلاكان شعل غير اهرب يولي يضرب لي يلقا فطريقو سبورتيف يديرو السبور هو وماريا فنفس لاصال
(◍•ᴗ•◍)❤(◍•ᴗ•◍)❤(◍•ᴗ•◍)❤(◍•ᴗ•◍)
أنت تقرأ
💞He Is My Boy💞باللهجة الجزائرية
Humorتحكي على صداقة بين طفلة وطفل تحولت لحب مع مرور الوقت♥️✨
