💞He Is My Boy💞باللهجة الجزائرية

⁦(✿ ♡‿♡)⁩10⁦(✿ ♡‿♡)⁩

انيس:ههههههههه يالبقرة بالعقل عليا مازال ماكبرتيش؟!
(انيس خو ماريا لي يقرا ففرانسا نوصفهلكم خمري شعرو شاثان وعينيه عسليين وعندو لحية خفيفة وسبورتيف لي تحب توصلو نهدر مع ماريا تشوفهولها😜)
انيس:توحشتك يالفلوسة
حكمتو من وجهو وتبوس فيه وتجبد فيه من خدودو قريب نحاتهم تبعد عليه وتزيد تسوطي عليه تحضنو خنقتو
ماريا:حتى انا توحشتك يالفرخ
هو:ههههه كيفاش جايبتيها مع لافاك
هي:راني نطبع ونتا؟!
هو:علبالك بلي القراية تماك ماش كيما هنا
هي:لمزية قلتلي كون ماعرفتش
هو:ههههه سمنتي لالا
هي: وشنووو 😲 اوووف نتا خدمتك تهبط المورال ياخي معجون بني💩 ماسمنت ماوالو
هو:شدي فهاذاك الخيط الراشي
هي:راني شادة إيه كاش مادبرت من تم
سمية:خلي الطفل ينوض ياكل هاذا وين وصل وولي انفشيه
ماريا:اا ماما خليني نهدر معاه إيه قولي يا الفرخ كاش مادبرت😉
هو:أنا ندي بنت بلادي مانجيبش وحدة كافرة
هي:هههههههه ماتضحكنيش يرحم الشوابين علاه صحتلك بعدا؟!
هو:😑😑كون تشوفيهم يدورو عليا كي الناموس فالليل
هي:مممممم أنا آمنت شوف مع عقلي
هو:اااه يالفرخة قعدتي معايي دقيقة نارفيتيني شحال تقلقي الواحد
هي:خدمتي
هو:وين راه رامي مش من عادتو يطول مايجيش
سكتت وهبطت راسها
سمية: راح
هو:كيفاش؟!
سمية:سافر
دورو لماريا لقاوها طلعت لبيتها
سمية:اقعد ولدي اقعد ماعلابالناش وين راح راح بلا مايودعنا يكون صرالو مشكل فالدار راك تعرف مايتفاهمش مع والديه بزاف راح وخلاها الطفلة قريب هبلت ماقدرتش تصبر
انيس:استنا يرجع ونوريه كيفاه يزعفلي ختي راني طالع نهدر معاها
هي:تعمل مزية
قرقب وفتح الباب بالشوية لقاها قاعدة وضامة رجليها غير دخل مسحت دموعها قعد جنبها
انيس:ختيتو ماتبكيش علابالك تولي مزعوقة كتر
هي:😒😒😒😡
هو:لي راح برضايتو خلاصت حكايتو 😉
شافت فيه
ماريا:علاه راح في ميزك
هو:باينة عندو سبة مقنعة خلاتو يروح
عملتلو إيه براسها فتحلها يديه دخلت فحضنو

هبطو كلاو كيف كيف ولعبو بارتيا ضامة كل حاجة تفكرها فيه
انيس: هههه بلوطة ربحتك
شافت فيه باش فاق لروحو علابالو كان يعيطلها هاكاك من الصغر
ضحكت معاه وضربتو بكوثبي
هو:ابداي تجري
ماكملش هدرتو لقاها نصفت الطريق حكمها عطاها طريحة مازالو كي القط والفار ديما هاكا من الصغر هبطها الكوزينة حاكمها من وذنها
انيس:ماما اعطيها كاش شغل ديرو
سمية:😈😈اتني الحوايج وغسلي المواعن ولاكويزينيار ومسحي الغبرة
ماريا:اااا تحاميتو عليا ماما هكااا اشفايها ديما ديريلي هاكا مين يجي صحا زليتيني أصبري يروح وتقعدي وحدك
سمية&انيس:ههههههه
ماريا:ياخي قالولك بلي الفرق بينك وبين الخرا هو الإسم برك
هو:ونتي قالولك بلي الخرا يعرف غير خوه
سمية:خماج😑

كان فخدمتو كاره حياتو يخدم سارفور فريسطورون
عيطلو واحد راح عندو
واحد😂:(مالقيتش كيش نسميه بيان سور بلغة الكرواصون)جيبلي كاس قهوة
قالو إيه وراح جابلو
قعد شوية وعيطلو
واحد:بدلهالي بردت
ضحك ضحكة ولز على سنانو يسيي يتحكم فروحو
هزها وداها بدلها غير راح يحطهالو
واحد:دارت في راسي جيبلي جو
ضحك ونحا الكاس تاع القهوة من الپلاطو وحطو على الطابلة وخبطو بالپلاطو لوجهو رعفو 😂دمو حامي وهو يخلط فيه😂
ناض الراجل يعيط وراح يضربو زاد دخل فيه بالضرب
مول المطعم:خلاصت خدمتك هنا
ضحك معاه ونحا الطابلية وخبطها على الكونطوار وخرج رايح للدار ويخمم وين يلقى خدمة خلاف لقا اعلان معلق تاع عامل فالأوثيل نحاه وراح للعنوان
دخل للوثيل وراح يسقسي فالريسيبسيون
رامي:جيت على الخدمة لقيت هاذا معلق
العامل:اام خدمة
شاف هاذاك العامل لي فالإستقبال ورا رامي كانت طفلة
العامل:تفضلي
مدتلو نفس الإعلان لي لقا رامي على جال الخدمة
العامل:كنا محتاجين لعامل جيتي فوقتك استناي لهيك بعد شوية يعيطلك المدير يهدر معاك وقتاه تبداي الخدمة
رامي:وانا
العامل:هي داتها نتمنالك حظ اوفر
ماكملش كلامو نقز رامي على الكونطوار وحكمو من الثريكو وخبطلو راسو للحيط وعطاه بدبزة فسدلو خليقتو جاو لي اجون دسيكوريثي يسلكو زاد كمل بيهم ليسونسيال دار ديڨا باتم معنى الكلمة خلطها يوريه كيفاه تجي بعدو تدي الخدمة
خرج منتم نفض حوايجو وراح للدار حط باصمون على جبينو منين تقاس وتكا على الفراش صونا الباب نسف وناض يحل وكما هو متوقع لقا لي كان يستنى فيه لابوليس حكموه وداوه للمخفر وقالولو راح تقعد الليلة هنا بات تماك وفالصباح راح ماقراش اليوم باسكو توخر وفلافاك لي يقرى فيها يحسبو الغيابات ويلافاتو حد معين بلا مبرر يطردوه راح دوش وزاد خرج يحوس على خدمة مالازمتوش يقعد بلا خدمة ولايضيع بالسيف باش لقا خدمة فبار مالقاش بخلافها مع انو وعد روحو مايعاودش يقدمم للحرام بالصح ماعندوش حل راح يخدم خدمتو ويروح ماراح يدير حتى شئ منا ولا منا